ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ରାଷ୍ଟ୍ରପତି ବାଇଡେନଙ୍କୁ ସାକ୍ଷାତ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
ଦ୍ବିପାକ୍ଷିକ ସମ୍ପର୍କ ପ୍ରତି ବାଇଡେନଙ୍କ ଅଙ୍ଗୀକାରବଦ୍ଧତା ଓ ଦୂରଦୃଷ୍ଟିର ପ୍ରଶଂସା କଲେ ମୋଦୀ
ପ୍ରଧାନମନ୍ତ୍ରୀଙ୍କ ଯୁକ୍ତରାଷ୍ଟ୍ର ଆମେରିକା ଗସ୍ତ କାଳରେ ହୋଇଥିବା ଆଲୋଚନାର ବିଷୟବସ୍ତୁକୁ ତ୍ବରାନ୍ବିତ କରିବା ଉପରେ ପ୍ରଗତିକୁ ଉଭୟଙ୍କ ପ୍ରଶଂସା
iCET, ପ୍ରତିରକ୍ଷା, ମହାକାଶ ଓ ଅନ୍ୟାନ୍ୟ କ୍ଷେତ୍ର ନେଇ ହୋଇଥିବା ପ୍ରଗତିକୁ ଉଭୟ କଲେ ପ୍ରଶଂସା
ଭାରତର ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ର ଐତିହାସିକ ଅବତରଣ ପାଇଁ ଅଭିନନ୍ଦନ ଜଣାଇଲେ ବାଇଡେନ
ସେମାନେ ଆଞ୍ଚଳିକ ଓ ବୈଶ୍ବିକ ସମସ୍ୟା ନେଇ କଲେ ମତ ବିନିମୟ
ଭାରତର ଜି-୨୦ ସଭାପତିତ୍ବ ନିମନ୍ତେ ନିରବଚ୍ଛିନ୍ନ ସମର୍ଥନ ନେଇ ପ୍ରଧାନମନ୍ତ୍ରୀ ରାଷ୍ଟ୍ରପତି ବାଇଡେନଙ୍କୁ ଧନ୍ୟବାଦ ଜଣାଇଲେ
Posted On:
08 SEP 2023 11:31PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ମହାମହିମ ଶ୍ରୀ ଜୋଶେଫ୍ ଆର. ବାଇଡେନଙ୍କୁ ନୂଆଦିଲ୍ଲୀ ଠାରେ (ସେପ୍ଟେମ୍ବର ୦୯ ଓ ୧୦, ୨୦୨୩) ଦିନ ସାକ୍ଷାତ କରିଛନ୍ତି। ରାଷ୍ଟ୍ରପତି ପଦରେ ଆସୀନ ହେବା ପରେ ଶ୍ରୀ ବାଇଡେନ ପ୍ରଥମ ଥର ନିମନ୍ତେ ଭାରତ ପରିଦର୍ଶନରେ ଆସିଛନ୍ତି। ସେ ନୂଆଦିଲ୍ଲୀ ଠାରେ ୦୯-୦୯-୨୦୨୩ ଦିନ ହେବାକୁ ଥିବା ଜି-୨୦ ଶିଖର ବୈଠକରେ ଯୋଗ ଦେବା ପାଇଁ ନୂଆଦିଲ୍ଲୀ ଆସିଛନ୍ତି।
ପାରସ୍ପରିକ ଗଣତାନ୍ତ୍ରିକ ମୂଲ୍ୟବୋଧ ରଣନୀତିକ ଏକାଭିମୁଖତା ଓ ଦୁଇ ଦେଶ ମଧ୍ୟରେ ମଜଭୁତ ଜନସମ୍ପର୍କ ଉପରେ ପର୍ଯ୍ୟବସିତ ଭାରତ-ଆମେରିକା ବ୍ୟାପକ ବୈଶ୍ବିକ ରଣନୀତିକ ସହଭାଗିତା ନେଇ ରାଷ୍ଟ୍ରପତି ବାଇଡେନଙ୍କ ଦୂରଦୃଷ୍ଟି ଓ ପ୍ରତିବଦ୍ଧତା ପାଇଁ ପ୍ରଧାନମନ୍ତ୍ରୀ ତାଙ୍କୁ ପ୍ରଶଂସା କରିଥିଲେ।
ଦୁଇ ନେତା ପ୍ରଧାନମନ୍ତ୍ରୀ ମୋଦୀଙ୍କ ଜୁନ୍ ୨୦୨୩ରେ ଆମେରିକା ଗସ୍ତ କାଳରେ ହୋଇଥିବା ଭବିଷ୍ୟତ ନିମନ୍ତେ ଆଲୋଚନା ବିଶେଷ କରି ଭାରତ-ୟୁଏସ୍ ମଧ୍ୟରେ ଆଗୁଆ ଓ ଆସୁଥିବା ପ୍ରଯୁକ୍ତିବିଦ୍ୟା (iCET) ପାଇଁ ନିଆଯାଇଥିବା ପଦକ୍ଷେପର ଅବଗତି ନେଇ ପ୍ରଶଂସା କରିଥିଲେ।
ଦୁଇ ନେତା ପ୍ରତିରକ୍ଷା, ବାଣିଜ୍ୟ, ପୁଞ୍ଜିନିବେଶ, ଶିକ୍ଷା, ସ୍ବାସ୍ଥ୍ୟ, ଗବେଷଣା, ନବୋନ୍ମେଷ, ସଂସ୍କୃତି ଓ ଲୋକ ସମ୍ପର୍କକୁ ନେଇ ଦ୍ବିପାକ୍ଷିକ ସମ୍ପର୍କର ନିରବଚ୍ଛିନ୍ନ ଅଗ୍ରଗତିକୁ ସ୍ବାଗତ କରିଥିଲେ।
ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ର ଐତିହାସିକ ଅବତରଣ ପାଇଁ ରାଷ୍ଟ୍ରପତି ବାଇଡେନ ପ୍ରଧାନମନ୍ତ୍ରୀ ଓ ଭାରତର ଜନସାଧାରଣଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇବା ସହ ଦୁଇ ଦେଶ ମଧ୍ୟରେ ଥିବା ମହାକାଶ କ୍ଷେତ୍ରରେ ନିବିଡ଼ ସହଯୋଗ ଉପରେ ଆଲୋକପାତ କରିଥିଲେ।
ଦୁଇ ନେତା ଆଞ୍ଚଳିକ ଓ ବୈଶ୍ବିକ ସମସ୍ୟା ଉପରେ ମଧ୍ୟ ମତ ବିନିମୟ କରିଥିଲେ। ଭାରତ-ଆମେରିକା ସହଭାଗିତା କେବଳ ଦୁଇ ଦେଶ ନୁହେଁ, ବରଂ ସମଗ୍ର ବିଶ୍ବ ପାଇଁ ଉପକାରୀ ବୋଲି ଉଭୟ ସହମତି ପ୍ରକାଶ କରିଥିଲେ।
ଜି-୨୦ ଅଧ୍ୟକ୍ଷତା କରୁଥିବା ଭାରତର ସଫଳତା ନିମନ୍ତେ ଆମେରିକାରୁ ମିଳୁଥିବା ନିରନ୍ତର ସହଯୋଗ ନିମନ୍ତେ ପ୍ରଧାନମନ୍ତ୍ରୀ ମୋଦୀ, ରାଷ୍ଟ୍ରପତି ବାଇଡେନଙ୍କୁ ଧନ୍ୟବାଦ ଜଣାଇଥିଲେ।
*************
SM/MB
(Release ID: 1955734)
Visitor Counter : 141
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam