মিস্তর প্রসিদেন্ত, শক্নাইরবশিং,

চন্দ্রয়ান মাইপাকপগীদমক ঐনা ময়াম পুম্নমক ঐগী থম্মোয়দগী নুংঙাইবা ফোঙদোকচরি। মসিগী মাইপাকপা অসি ভারত খক্তগী নত্তে মসি মীওইবা খুন্নাইগীনি। মসিনা ঐখোয়গী তুংগী নহারোলশিং সাইন্সতা খুমাঙচাউশিন্নবা ইথিল পীরগনি। মসিনা মীওইবগী নুংঙাই-য়াইফবা পুরক্কনি। অদোমগী মমল য়াম্লবা পাউতাকশিংগীদমক থাগৎচরি।

ঐখোয়গী মরুপ-মপাংগী মরী হেন্না ফগৎহন্নবা, মরুওইবা হিরম ৬ তা মতেং পীন্নবা ঐনা পাম্মী। অহানবা হিরম- ঐখোয়না ত্রাইলেতেরে হায়ৱেগী থবক অমসুং মসি শাংদোকহনবগী থবক হৌখ্রে। মেরিতাইম কোওপরেসনগী ঐখোয়গী অপুনবা ৱারোল ঐনা তরাম্না ওক্লি। ঐগী পান্দমদি খা-নোংপোক এসিয়া-ভারত-নোংচুপ এসিয়া-য়ুরোপ শম্নবা মখল কয়াগী লম্বী অমসুং শেন-থুমগী কোরিদোর শেমগৎপনি।

লোজিসতিক্স, সপ্লাই চেন, ইনফ্রাস্ত্রকচর, ক্লিন ইনর্জি অমসুং সোলার গ্রিদগুম্বা হিরমশিং মীৎয়েং চঙগদবনি। অনিশুবা হিরমদি- দিজিতেলগী অওনবা , দিজিতেল ইকোনোমি অসি তুংদা ঐখোয় চাউখৎনবা মরমশিংনি। ভারত্তা ঐখোয়না সাইবর সেকুরিতি অমসুং দিজিতেল পব্লিক ইনফ্রাস্ত্রকচরগী থবক পায়খৎলে। ভারতনা শেমগৎপা “দিজিতেল ইন্দিয়া স্তেক” অদোমদা পীবদা ঐখোয় হরাওগনি। হিরম অসিদা, ঐনা “অসিয়ান-ইন্দিয়া ফন্দ ফোর দিজিতেল ফিউজর” লিংখৎনবা লাউথোক্লে।

অহুমশুবা মরুওইবা হিরমদি ললোন-ইতিক অমসুং শেন-থুমগী থবকশিংনি। হৌখিবা চহিগী “অসিয়ান-ইন্দিয়া ত্রেদ ইন গুদস এগ্রিমেন্ত” তরাম্না ওক্লি। মসি হন্না য়েংশিনবগী থবক ঐখোয়না অকক্নবা মতমগী মনুংদা লোইশিনগদবনি। ‘অসিয়ান-ইন্দিয়া স্তার্দপঅ ফেস্তিবেল’ গা লোয়ননা ‘ইন্নোবেসন সম্মিৎ’সু পাংথোক্কদবনি। হিরম অসিদা, ঐখোয় থবক তৌমিন্নবা হেনগৎহন্নবা লৌশিংগী মরুপ অমা ওইনা থবক তৌনবা ইকোনোমিক এন্দ রিছার্স ইন্সতিতুৎ ওফ অসিয়ান অমসুং ইস্ত এসিয়া(ই আর আই এ) অমুক হন্না মতেং পাংনবা লাউথোক্লে।

শক্নাইরবশিং,

মরিশুবা হিরমদি-হৌজিক মায়োক্নরিবা অৱাবশিংনি। ঙসি গ্লোবেল সাউথনা তেরোরিজম, অইং-অশাগী খল কাইরকপা, চীঞ্জাক অমসুং হিদাক-লাংথকশিং য়াওনা তঙাইফদবা পোৎলমশিংগী ফংদবগী অৱাবশিং মায়োক্নরি। মালেমগী লৈবাকশিংগী লুপশিংদা গ্লোবেল সাউথনা মায়োক্নরিবা ৱাফমশিং থাংগৎনবা ঐখোয় অপুনবা ওইনা থবক তৌগদবনি। ৱার্ল্দ হেল্থ ওর্গনাইজেসন্না ভারত্তা গ্লোবেল সেন্তর ফোর ত্রেদিসনেল মেদিসিন লিংখৎলে। মসিদা অদোম শরুক য়ানবা ঐনা হায়জরি। মিসন লাইফ হায়বদি লাইফস্তাইল ফোর ইনভাইরোনমেন্তগুম্বা থবকশিংদা ঐখোয় পুন্না থবক তৌমিন্নগদবনি।

ঐখোয়না ভারত্তা জন-ঔসাধি কেন্দ্রশিংগী খুৎথাংদা মীয়ামদা মমল হোংবা অমসুং মগুন লৈবা হিদাক-লাংথকশিং ফংহল্লি। ভারতনা ফংলিবা লৌশিং অদোমদা পীবদা ঐখোয় হরাওগনি।
 

মঙাশুবা হিরমদি, মীগা মীগা শম্নবনি। হিরম অসিদা, ঐখোয়না লাইরিক-লাইশু, সাইন্স অমসুং তেক্নোলোজি, রিছার্স, তুরিজম অমসুং নহারোলদা মীৎয়েং চঙগনি। ঙসি প্রধান মন্ত্রী সেনানা গুসমাউ ঐখোয়গী ইরক্তা শরুক য়ারি। ভারতনা লৈবাক অসিগী এম্বেসি তিমোর লেস্ততা হাংদোক্লগনি হায়না লাউথোকপদা ঐ হরাওই। 

তরুকশুবা হিরমদি- ঐখোয়গী মরুওইবা থবকশিং মপাঙ্গল কনখৎহনবনি। শান্তি, সেকুরিত, নুংঙাই-য়াইফবা অমসুং ইন্দো-পেসিফিক লমদম চাউখৎহনবা হায়বসি ঐখোয় খুদিংমক্কী অপাম্বনি। চহি অসিগী ঐখোয় মেরিতাইম এক্সরসাইজশিং হৌখ্রে। সাউথ চাইনা সি য়াওনা মালেমগী সমুদ্রগী লম্বীশিংদা শান্তি, তুংদু-লৈতাবা লৈহনবা, ঈশিং অমসুং নোংথক্তা মনিংতম্না চৎথোক-চৎশিন য়াহনবা অমসুং আইন্না য়াবা ললোন-ইতিক্কী থবকশিং পাংথোকপা অসি মরুওই। সাউথ চাইনা সিগীদমক চৎন-কাংলোন খুদিংমক য়ু.এন.সি.এল.ও.এস য়াওনা মালেমগী আইন ঙাক্না চৎহনগদবনি। মসিগী মথক্তা, মীফম অসিদা হকথেংননা শরুক য়াদবা লৈবাকশিংগী য়াইফনবা মীফম অসিনা খন্নগদবনি।
 

শক্নাইরবশিং,

লৈবাক অমগী অমসুং মালেমগী শান্তিদা তেরোরিজম্না অচৌবা শিংনবা অমা ওইরে। তেরোরিজম, তেরর ফাইনান্স অমসুং সাইবর-দিসইনফোর্মেসনগী মায়োক্তা অকনবা থবকশিং পায়খৎনবা ঐখোয় পুন্না থবক তৌমিন্নগদবনি। মহৌশাদগী লৈরক্লবা শিংনবশিং অমসুং অনৌবা শিংনবশিং থেংন্নবা অমগা অমগা মতেং পাংনবা হেনগৎহন্নবা ৱাফম ঐনা পুখৎলি।  ঐখোয়না মেরিতাইম সেফতি, সেকুরিতি অমসুং দোমেন এৱারনেসকী লমদা মতেং পীনবা হেনগৎহনগদবনি। কোলিএসন ফোর দিজাস্তর রিসিলিয়েন্ত ইনফ্রাস্ত্রকচর শরুক য়ানবা ঐনা লৈবাকশিংদা হায়জরি।

অদোম থাগৎচরি।

*****