এগ্রিকলচর অমসুং ফারমর্স ৱেলফিয়ারগী এগ্রিকলচর রিসার্স এন্দ ইজুকেসন্না শীন্দুনা হায়দ্রবাত্তা সেপ্তেম্বর ৪- ৬,২০২৩ দা ক্লাইমেত রেসিলিয়েন্ত এগ্রিকলচরগী জি-২০ তেক্নিকেল ৱার্কশোপ পাংথোক্লি। অইং-অশাগী খল হোঙলকপগী খুদোংচাদবশিং খন্ননবা মালেম শীনবা থুংবগী অখঙ-অহৈশিং পুন্নবা ৱার্কশোপ অসিনা পান্দম থম্লি অমসুং অইং-অশাগী খল হোংলকপনা পীরিবা চৈথেংশিং থেংননবা লৈবাকশিংগী মরক্তা মতেং পাংনবা অমসুং ই-পাউ পীথোক-পীশিন তৌন্নবা ৱার্কশোপ অসিদা খন্নগনি।

ঙসি হৌদোকখিবা নুমিৎ হুম্নিগী ৱার্কশোপ হৌদোকপা অদুদা এগ্রিকলচর অমসুং ফার্মরস ৱেলফিয়ারগী রাজ্য মন্ত্রী সোভা করান্দলাজে শরুক য়াখি। ঙসি অহানবা নুমিত্তা অইং-অশাগী খল হোংলকপা থেংনবা ঙম্বা লৌউ-শিংগী লমদা থিজিনবগী দরকার ওইবা অমসুং অনৌবা থবকশিংগী মতাংদা লৈবাক কয়াগী শক্নাইরবশিংনা ৱা ঙাংখি। লৌউ-শিংউগী পোৎথোকশিং পুথোরকপা হন্থরকপগী থেংনরিবা খুদোংচাদবশিং  কোকহন্নবা সাইন্তিফিক ওইবা অমসুং অনৌবা পাম্বৈশিং মখোয়না পুথোকখি। থৌরম অদুদা জি-২০ মেম্বর লৈবাকশিংগী দেলিকেদশিং, চেবাউ পীদুনা শরুক য়ারিবা লৈবাকশিং অমসুং মালেমগী লুপশিং শরুক য়াখি। তোঙান-তোঙানবা হিরম কয়াদা খন্নখিবা তেক্নিকেল সেসনশিংদা এগ্রিকলচর মিনিস্ত্রি অমসুং অতোপ্পা মিনিস্ত্রিশিংগী সেনিয়র ওফিসিএলশিং শরুক য়াখি।  

এগ্রিকলচর অমসুং ফার্মরস ৱেলফিয়ারগী রাজ্য মন্ত্রী সোভা করান্দলাজেনা হায়খি লৌউ-শিংউ অসি য়াম্না মরুওইবা হিরম অমনি অমসুং মসি অইং-অশাগী খল হোংলকপনা মসিদা পীরিবা চৈথেং অসি জি-২০ লৈবাকশিংদা হান্না থেংনখ্রবনি। অইং-অশাগী খল হোংলকপগী চৈথেং ঐখোয় পুম্নমক্না হান্না থেংনখ্রে অমসুং ৱার্কশোপ অসিদগী ফংলকপা ৱারেপশিংনা নোংজু-নুংশাগী খল হোংলকপা মায়োক্নবা ঙম্বা লৌউ-শিংউগী থবকশিংগী মাইকৈ তাক্কনি হায়বগী থাজবা থম্লি।

সেক্রেতরি দি.এ.আর.ই অমসুং আই.সি.এ.আরগী দি.জি দোক্তর হিমান্সু পাথক্না হায়খি নোংজু-নুংশাগী খল হোংলকপদগী ভারত্তা লৌউ-শিংউ অসি য়াম্না খুদোংথিনিঙাই ওইরে। হৌখিবা চহি খর অসিদা নোংজু-নুংশাগী ফিবমশিংদা কাহেনবা কয়া হেনগৎলকপদগী লৌউ-শিংউগী পোৎথোক পুথোকপদা খুদোংথিবা হেনগৎলক্লে অমসুং ভারত য়াওনা মালেমগী ওইনা চীঞ্জাক ফংহনবদা অচৌবা শিংনবা অমা ওইরে অমসুং নোংজু-নুংশাগী খল হোংলকপা থেংননবা আই.সি.এ.আরনা পায়খৎলিবা থবকশিং অসি শিংথানিঙাই ওই। এদিসনেল সেক্রেতরি অমসুং এফ.এ, দি.এ.আর.ই, অলকা নঙ্গিয়া অরোরানা হায়খি নোংজু-নুংশাগী খল হোংলকপা অসি ইকং, ঈশিং ইচাউ অমসুং নোংজুদা চাং য়াম্না মান্নদবা অসিনা উৎথোক্লে। মরম অদুনা নোংজু-নুংশাগী খুদোংথিবশিং অমসুং অতোপ্পা মওংগী খুদোংথিবশিং অসিনা থিজিল্লিবা মীওইশিং অমসুং থৌশিল শেম্লিবশিংদা অচৌবা শিংনবা অমা ওইরে।

তেক্নিকেল ৱার্কশোপ অসিগী চিয়ারমেন দোক্তর এস.কে চৌধুরিনা হায়খি চীঞ্জাক ৱাৎতনা ফংহন্নবা তুংকোইনা চৎনবা য়াবা লৌউ-শিংউগী থবকশিং পায়খৎনবা জি-২০ লৈবাকশিংনা অচৌবা থৌদাং অমা লৌগনি। লৌমীশিংগী লৌশিং হেনগৎহন্নবা ভারত্তা অকক্নবা মফমদা থেংনরিবা নোংজু-নুংশাগী ফিবমশিং মায়োক্নবা ঙম্বা তেক্নোলোজিশিং লৌমীশিংদা খঙহনবা হৌরে। ৱার্কশোপ অসিদা খন্ন-নৈনবশিংনা অইং-অশাগী খল হোংলকপদগী লৌউ-শিংউদা পীরিবা চৈথেং ঙাকথোক্নবা লম্বী অমা তাক্কনি। তেক্নিকেল ৱার্কশোপ অদুদা শরুক য়াখিবা লৈবাক কয়াগী শক্নাইরবশিং অমসুং দেলিগেদশিংদা আই.সি.এ.আর-ক্রিদাগী দিরেক্তর দোক্তর ভি.কে সিংহনা থাগৎপা ৱাহৈ ফোঙদোকখি।

ভারতনা জি-২০গী প্রসিদেন্ত ওইবগী থিমদি ‘মালেম অমা, ইমুং অমা, তুংলমচৎ অমা’ হায়বনি। নুমিৎ হুম্নিগী ৱার্কশোপ অসিগী তেক্নিকেল সেসনশিংদা নোংজু-নুংশাগী খল হোংলকপা মায়োক্নবা ঙম্বা লৌউ-শিংউগী থবকশিংগী পাংথোক্নবা কেস স্তদি অমসুং থবকশিং, থৌশিল, শেন থাদবা অমসুং ইন্সতিতুৎশিংগী দরকার ওইবশিংগী মতাংদা খন্নগনি।

থৌরম অসিগী শরুক অমা ওইনা,  মালেমগী মিল্লেতশিংগী চহি ২০২৩গী শরুক অমা ওইনা, মিল্লেতশিংগী লমদা থিজিনবগী সাইন্তিফিক ওইবা মাইপাকপশিং উৎনবা সেপ্তেম্বর ৫,২০২৩দা দেলিগেদশিং আই.সি.এ.আর-ইন্দিয়ান ইন্সতিতুৎ ওফ মিল্লেত রিছার্স(আই আই এম আর) হায়দ্রবাত্তা চৎকনি। হায়রিবা মহৈ-মরোশিং অসি মখোয়গী লৈবাকশিংদা থাবদা মখোয়গী মতেং পাংনবা ভারতনা মালেমগী লৈবাকশিংদা থাজবা পীরি।

দেলিগেদশিংনা সেপ্তেম্বর ৫,২০২৩দা সিলপারমাম হায়দ্রবাত্তা ভারতকী অরিবা জগোয় অমসুং ঈশৈগী থৌরমশিং য়েংগনি। দেলিগেদশিংনা ভারতকী মমাংঙৈগী পোৎথোকশিং য়েংগনি অমসুং হায়দ্রবাতকী সিলপারামম কমপ্লেক্সতা পোৎথোকশিং লৈনবা খুদোংচাবা পীগনি। সেপ্তেম্বর ৬,২০২৩দা দেলিগেদশিং আই.সি.এ.আর-ক্রিদা হায়াথনাগর রিছার্স ফার্ম য়েংগনি। দেলিগেদশিং অশোই-অঙাম থোক্তনবা দিপার্তমেন্তনা চেকশিন-থৌরাং লৌখৎলে। দেলিগেদশিং মখোয় মখোয়গী লৈবাকশিংগীদমক সেপ্তেম্বর ৬-৭,২০২৩ দা ভারত থাদোক্কনি।

*********