Ka nongbah New Delhi ka la pynkhreh ban pynlong ia ka G20 Heads of State bad Government Summit kaba 18 ka ban long kum ka jingpynkut ia baroh ki kam jong ka G20 bad ki jingialang kiba la pynlong baroh shi snem hapdeng ki Myntri, ki heh ophisar, bad ki kynhun jong ka imlang sahlang. Yn pdiang ia ka G20 Leaders’ Declaration ha ka jingpynkut ia ka New Delhi Summit, da kaba kdew ia ka jingkut jingmut jong ki Nongialam na ka bynta ki jingdonkam ba kyrpang ba la iamir jingmut bad ba la ai jingmynjur ha ki jingialang jong ki Myntri bad ki working group. Ka G20 Summit kan long hapdeng 9-10 tarik Nailur, 2023 ha Pragati Maidan, New Delhi.

La pynlong ia ki jingialang jong ka G20 Digital Economy Working Group (DEWG) da ka Tnat Electronics and Information Technology (MeitY), Sorkar India ha Lucknow, Hyderabad, Pune bad Bengaluru. La pynkut da ka jingialang jong ka G20 Digital Economy Minister ha Bengaluru. Ki jingmih na kine ki jingialang kilong kumne harum:

• Ka G20 ka mynjur halor ki jingmih ba la wanrah da ka Presidency jong ka India, ba kynthup ki bynta ba kongsan kum ka Digital Public Infrastructure, One Future Alliance for financing DPIs in LMICs, Global DPI Repository, High-Level Principles for Supporting Businesses, Roadmap for Facilitating Cross Country Comparison of Digital Skills, Toolkit for Designing and Introducing Digital Up-skilling and Re-skilling Programs, bad ka Virtual Centre of Excellence Fostering Digitally-Skilled Talent, bad kiwei kiwei.

• Ka jingpyllait ia ki artylli ki jingshem ba kynthup ka ‘Accelerating the SDGs through DPI’ bad ka ‘The DPI Playbook’ da ka G20 Indian Presidency ha ka jingiatreilang bad ka UNDP bad ka jingdon ka jingthmu ban iarap ia ki ri ha ka jingiaid lynti jong ki ban wanrah jingkylla ha ki kam digital.

• Ki Memorandum of Understanding (MoU) bad hynriew tylli ki ri halor ka jingiatreilang bad ka jingiasam ia ka INDIA STACK, ka portfolio jong ki jingpynbeit digital ba la pyntreikam ha ka jingbun briew

La plie ia ka Digital India Experience Zone kum kaba khring bha ha ka G20 Summit ba 18 ha New Delhi bad ka thmu ban ai ka jingshemphang markhmat ki delegate G20 halor ka Digital Public Infrastructure bad ka jingjop jong ka jingkylla ki kam Digital ba la pyntreikam ha India ha ka jingbun briew.

Ka Digital India Experience Zone bad International Media Centre

Ban pynsuk ia ka jingiasam ia ki jingshem bad ki rukom treikam ba biang tam halor ka jingpyntreikam ia ki DPI ha ka ri, ban ai jingtip ia kito kiba don bynta ha ka kam na kylleng ki ri shaphang ki projek kiba lah ban pynheh bad pynbud, bad ban ai ia ki briew ka lad ban iohi hi ia ka bor jong ka teknoloji, ka MeitY ka la plie artylli ki Digital India Experience Zone kiba la biang katkum ka juk mynta ha Hall 4 bad Hall 14 ha Pragati Maidan.

Ki jingthmu ha lyndet jong ka expo kalong ban pyni ia ki sienjam kiba iarap:

● Ban pynsuk ia ka rukom im

● Ban pynsuk ban leh ia ki kam khaii pateng

● Ban pynsuk ia ka jingai jingsynshar

Ka Digital India Experience Zone kadei ka tyllong jong ka teknoloji kaba katkum ka juk mynta, kaba dap da ki jingtip bad ki jingiohi jngai ia ki sienjam ba kongsan jong ka Digital India. La jied hynniew tylli ki sienjam ban pyni ia ki rukom treikam ba biang tam ban pyntreikam ia ki DPI kilong Aadhaar, DigiLocker, UPI, eSanjeevani, DIKSHA, Bhashini bad ONDC. Ha kane ka exhibition yn don lad ban iohi hi da lade kaba plié lad ia ki briew ba kin iohi ia ki tyllong DPI ha India bad ioh jingmut na ka bynta ka bha ka miat jong ka pyrthei baroh kawei.

Lyngba ki jingpyni LIVE ia ka Aadhaar Face Authentication Software, ki nongiashim bynta ki ioh ka lad ban iohi markhmat bad pyndonkam ia ki teknoloji, kaba ka jingpyni ia ka UPI kan plié lad ia ki briew ba kin iohi ia ki jingtreikam bapher bapher jong ka UPI ha kylleng ka pyrthei. Shuh shuh, ki briew kin lah ban scan ia ki QR code ban thied tiar bad ai jingsiew khlem kano kano ka jingeh da kaba ai ka jingsiew kaba malu mala.

Ki nongiashim bynta kin ioh jinghikai ruh shaphang ka jingpyndonkam ia ka DigiLocker jong ka India, da kaba pyni ia ka bynta jong ka ban pyniaid ryntih ia ki kam bad pyniar ia ka jinglah treikam ha ki kam bapher bapher kum ka pule puthi, ki kam pisa bad kam bank, ka leit ka wan, ki kam jaka puta, ki kam ba iadei bad ka ain bad ki iing shari.

Ka bynta jong ka jingpyni ia ka eSanjeevani kalong ba ki doctor na ki bynta bapher bapher - Cardiology, Mental Health, Ophthalmologist, bad General Medicine kin iadon bynta ban iakren lyngba ka bor internet ban ai jingtip bad ai jingmut ia ki nongiashim bynta ha kaba iadei bad ka koit ka khiah lyngba ka e-prescription.

Ka bynta jong ka jingpyni shaphang ka DIKSHA kan plié lad ia ki briew ba kin iohi ia ki kam kiba iadei bad ka pule puthi ha ka DIKSHA. Ha ka jingpyni Bhashini, ki briew ki lah ban iohi ia ka jingpynkylla mardor ia ka ktien sha ki ktien bapher bapher jong ka India bad ruh ki hynriew tylli ki ktien ka UN. Ban pynsuk shuh shuh ia ka jingiakren, ka ‘JugalBandi’ Telegram Bot kan ailad ia ki nongiashim bynta ban kylli jingkylli bad iakren ha kano kano ka ktien kaba ki kwah.

Katba ka jingpyni ia ka jingiaid lynti ka Digital India kan ialam ia ki nongiashim bynta sha ki mawmer ba kongsan jong ka Digital India naduh u snem 2014, kaba pyni ia ki jingjop ha ki kam digital lyngba ka virtual reality, ki briew ki lah ban iohi ia ka jingngeit tynrai ka DPI bad ka jingkylla ki sienjam digital jong ka India ha ka jingpyni ia ka Digital Tree.

Ki nongpyndonkam ki lah ruh ban iakren ban peit kumno ka Open Network for Digital Commerce (ONDC) ka iatreilang bad ki nongdie, ki nongthied, bad ki nongai network katba ka jaka kaba pyni ia ka G.I.T.A application kan ai ka rynsan ha kaba ki briew ki lah ban ioh ia ki jubab na ka bynta ki jingkylli ba iadei bad ka jingim ba iadei bad ka kot kyntang ka Shrimad Bhagwad Gita.

Ka Digital India Experience Zone ka pyndonkam ia ki teknoloji katkum ka juk mynta, lyngba ki interactive display, Virtual Reality bad kiwei kiwei. Man ka jaka ka dei kaba la saindur ban iahap bad ki briew kiba wan kaba pynthikna ia ka jingshem kaba sngewtynnad bad ki prokram kiba iahap katkum ka rta ki nongwan.

********