ঙসি ওগস্ত ৩০,২০২৩ দা প্রধান মন্ত্রীগী প্রিন্সিপাল সেক্রেতরিনা লুচিংদুনা ভারতনা জি-২০গী প্রসিদেন্ত ওইবগী কোওর্দিনেসন কম্মিতিগী ৯শুবা মীফম পাংথোকখ্রে। লোজিস্তিক্স, প্রোতোগোল, ঙাক-শেন অমসুং মেদিয়াগী থৌরাংশিং য়াওনা নিউ দিল্লদা পাংথোক্কদৌরিবা জি-২০গী লুচিংবশিংগী মীফমগী শেম-শারিবশিং প্রিন্সিপাল সেক্রেতরিনা হন্না য়েংশিনখ্রে। মীফম অদুদা জি-২০ সেক্রেতরিয়েত, অমসুং এক্সতরনেল এফেয়ার্স, হোম, কলচর, ইনফোর্মেসন অমসুং ব্রোদকাস্তিং মিনিস্ত্রিশিং অমসুং তেলিকোম দিপার্তমেন্তগী সেনিয়র ওফিসারশিং শরুক য়াখি।

মীফম পাংথোকফম ভারত মান্দাপমদা পায়খৎলিবা থবকশিং অপেনবা ফোঙদোকখি। অখনবা অমা ওইনা, ভারত মান্দাপমদা কলচর অমসুং ‘গনতন্ত্রগী মমাগী’ একজিবসিনশিং হাংদোক্কনি। থৌরম পাংথোকফমদা নাতারাজগী মীফম খিন্নবা পায়খৎলিবা থবকশিং অমসুং লুচিংবশিংগী লোয়নবীশিংগী পাংথোক্কদবা অখন্নবা থৌরমশিংগী শেম-শারিবশিং প্রিন্সিপাল সেক্রেতরিনা য়েংশিনখি।

অহানবা ওইনা ‘জি-২০ ইন্দিয়া’ মোবাইল এপ্প পুথোক্লে অমসুং মসি এন্দ্রোইদ অমসুং আই.ও.এস অনিমক্তা ফংলে। ভারত মান্দাপমদা লিংখৎলিবা ‘ইন্নোবেসন হব’ অমসুং ‘দিজিতেল ইন্দিয়া এক্সপেরিয়েন্সিএল হব’কী খুৎথাংদা জি-২০ দেলিকেদশিং অমসুং মেম্বরশিংনা দিজিতেল ইন্দিয়াগী থবকশিং উবা ফংগনি।

লাক্লিবা নুমিৎ খরনি অসিদা দ্রিলশিং অমসুং দ্রেস রিহার্সেলশিং পাংথোক্লগনি। ঙাক-শেনগী মতাংদা পায়খৎলিবা থবকশিংগী মতাংদা মরী লৈনবা ওফিসারশিংনা প্রিন্সিপাল সেক্রেরিদা পাউদমখি। মীয়ামগী লম্বী চৎথোক-চৎশিনগী চেকশিনৱাশিং পীখ্রে। সেকুরিতি অমসুং প্রোতোগোলগী মরমশিংনা অথিংবশিং লৈরবশু, মীয়ামদা খুদোংচাদবা থোক্তনবা থবকশিং পায়খৎকনি। সহরদা তঙাইদবা থবকশিং অপনবা পীদনবা মহাক্না পাউতাক পীখি। লম্বীগী অথিংবশিংগী মতাংদা মীয়ামদা নিংথিনা পাউ পীনবা খঙহনখি।

মেদিয়াগী থৌরাং তৌরিবশিং য়েংশিনখি। মপান লৈবাকশিংগী মেদিয়া য়াওনা হৌজিক ফাওবদা মেদিয়াগী অয়াবা পীনবা এপ্লিকেসন ৩৬০০ হেন্না ফংলে অমসুং এক্রিদিতেসন লেত্তরশিং পীখ্রে। চয়োল অসিগী অরোইবদা ভারত মান্দাপমদা লৈবা মেদিয়া সেন্তর মপুংফানা শেম-শাবা লোইরগনি।

মীফম অসি মাইপাক্নবা থবক খুদিংমক পায়খৎনবা মরী লৈনবা ওফিসারশিংদা প্রিন্সিপাল সেক্রেতরিনা পাউতাক পীখ্রে। তোঙান-তোঙানবা এজেন্সিশিংগী মরক্তা নিংথিনা থবক তৌবা ঙম্নবা ভারত মন্দাপমদা মল্তি-এজেন্সি কন্ত্রোল রুম হাংদোক্লে। পায়খৎলিবা থবকশিংগী মীফম হকথেংননা য়েংশিন্নবা মথংগী নুমিৎ খরনিদা প্রিন্সিপাল সেক্রেতরি মীফম পাংথোকফমদা চৎকনি।

****