U Principal Secretary sha u Myntri Rangbah Duh, u Dr P. K. Mishra u la pyniaid ia ka jingialang ba khyndai jong ka G20 Coordination Committee ha ka 30 tarik u Nailar 2023. U Principal Secretary u la peit ia ki jingpynkhreh na ka bynta ka G20 New Delhi Leaders’ Summit, kaba kynthup ia ki kam logistic, protocol, ka jingshngain bad ki kam kiba iadei bad ki lad pathai khubor. Ha kane ka jingialang la wan iashim bynta lang da ki ophisar na ka G20 Secretariat bad ki tnat External Affairs, Home, Culture, Information and Broadcasting bad ka tnat Telecom.

50. ong ba ka kam ha ka jaka ha Bharat Mandapam ka dang iaid shakhmat. Na ka bynta ka jinglong jingman kaba iadei bad ka India, yn don ki exhibition halor ka deiriti bad ka ‘Kmie jong ka Synshar Paidbah’ ha Bharat Mandapam. U Principal Secretary u la peit ruh ia ka kam ban buh ia u mot Nataraj ha kane ka jaka bad ka prokram na ka bynta ki kurim jong ki heh ki hain ka ban pynlong.

Ha ka sien kaba nyngkong, la shna ia ka App na ka bynta ka G20 kaba tip kum ka ‘G20 India’ kaba lah ban download mynta na ka bynta ka Android bad iOS. Ki G20 delegate bad ki lad pathai khubor kin ioh ruh ban iohi ia ka digital India lyngba ka ‘Innovation Hub’ bad ‘Digital India Experiential Hub’ ki ban long ha ka Bharat Mandapam.

Ha kaba iadei bad ka logistic, yn pynlong ia ki drill bad ki jingpyrshang ia ki riam ha kine ki sngi ban wan. La ai jingtip ruh ia u Principal Secretary shaphang ki kam kiba iadei bad ka jingshngain. La ai jingtip shaphang ka rukom pyniaid kali na ka bynta ki paidbah. U Principal Secretary u la ong ba watla ym lah ban kiar na ki jingtehlakam na ka bynta ka jingshngain, dei ban pyrshang katba lah ban pynduna jingthut ia ki paidbah. U la ong ruh ba ki jingshakri ba kongsan ha ka nongbah kim dei ban shah ktah. U la ong ruh ba ki jingpynbeit ia ka rukom pyniaid kali ka dei ban long kaba kham iaid ryntih.

La peit ruh ia ki jingpynbeit na ka bynta ki lad pathai khubor ha ka Summit. Haduh mynta la ioh pdiang 3600 tylli ki jingkyntu kiba kynthup ruh na ki lad pathai khubor nabar ri bad dang phah ia ki shithi accreditation. Ka Media Centre ha Bharat Mandapam kan long kaba la khreh shuwa ban kut une u taiew.

U Principal Secretary u la bthah ia baroh ki ophisar bad ki khliehduh jong ki kynhun bapher bapher ba kin leh ia kaba donkam na ka bynta ka jingpynlong ia ka Summit kaba iaid beit iaid ryntih. Na ka bynta ki jingai jingtip hapdeng ki kynhun bapher bapher, la rai ban sdang ia ka Multi-Agency Control Room ha Bharat Mandapam. U Principal Secretary un leit peit ia ki jaka treikam ha kine ki sngi ban wan ban sngewthuh ia ka jingpynkhreh kam.

***