এক্সিলেন্সী, প্রধান মন্ত্রী মিৎসোতাকিস,

লৈবাক অনিমক্কী দেলিগেতশিং,

মীদিয়াগী মরুপ-মপাংশিং,

নমস্কার!

অহানবমক্তদা, গ্রীসতা থোকখিবা উমং মৈ চাকপগী তমথিরবা থৌদোক্তা মীওই কয়াগী পুন্সি লৈখিদবদা ভারতকী মীয়ামগী মহুৎ শিন্দুনা ঐহাক্না অৱাবা অমসুং নুংঙাইতবা ফোংদোকচরি।

মসিগী মথক্তা, ঐখোয়না অশোকপশিংবুসু খোঙলৈ য়াঙনা ফগৎপা ঙম্বা ওইরসনু হায়দুনা থৌনিজরি।

মরুপশিং,

গ্রীস অমসুং ভারত – হায়বসি মহৌশানা শেম্বীরকপা অপুনবা অমনি,

-মালেমগী অরিবা সভ্যাতা অনিগী মরক্তা,

-মালেমগী অরিবা গনতন্ত্রগী ৱাখল্লোন চেনবা লৈবাক অনিগী মরক্তা, অমসুং

-মালেমগী অরিবা লল্লোন ইতীক অমসুং নাৎকী মরী লৈনবা লৈবাক অনিগী মরক্তা।

মরুপশিং,

ঐখোয়গী মরীগী য়ুম্ফম অসি য়াম্না লিরে অমসুং মপাঙ্গল কল্লি।

সাইন্স, আর্ত, অমসুং কলচরদা ঐখোয়না হীরম খুদিংমক্তগী তম্বা য়াবা কয়া তম্মিনরি।

ঙসিদি ঐখোয়দা জিওপোলিতিকেল, অন্তর্জাতি, অমসুং রিজনেলগী ওইবা হীরমশিং – ইন্দো-পেসিফিক নৎত্রগা মেদিতরেনিয়নবু ওইরো অমহেক্তদা য়াম্না শিংথানিংঙাই ওইবা মতেং পাংনরি।

অরিবা মরুপ অনিগুম্না ঐখোয়না অমগা অমগগী ইথিল খঙনরি অমসুং ইকাইখুম্নবা উৎনরি।

মসিনা চহি ৪০গী মতুংদা ভারতকী প্রধান মন্ত্রী অমনা গ্রীসতা চৎপা অহানবা ওইরি।

হৌজিকসু, ঐখোয়গী মরক্তা লৈরিবা মরীগী লুবগী চাংদি কৈদৌনুংদা থেনগৎলকপা লৈতে নৎত্রগা ঐখোয়গী মরীদা হন্থবা করিসু লৈরক্ত্রি।

মরম অসিনা, ঙসিদি প্রধান মন্ত্রী অমসুং ঐহাক্না ভারত-গ্রীসকী মরী অসি "স্ত্রেতেজিক ওইবা" থাক্তা পুখৎনবা ৱারেপ্নরে।

ঐখোয়না ঐখোয়গী স্ত্রেতেজিক ওইবা মরী অসি ঐখোয়গী ঙাকশেল অমসুং সেক্যুরিতী, ইনফ্রাস্ত্রকচর, লৌউশিংউ, এজুকেসন, ন্যু অমসুং এমর্জিং তেক্নোলোজী অমসুং স্কিল দিবেলপমেন্ততা মতেং পীনদুনা হেন্না চেৎশিলহন্নবা হোৎনরগনি।

মরুপশিং,

ঙাকশেল অমসুং সেক্যুরিতীগী হীরমদা, ঐখোয়না ঙাকশেলগী ইন্দস্ত্রী অসিবু মিলিতরীগী ওইবা মরীগা লোইননা ফগৎহন্নবা য়ানরে।

ঙসিদি ঐখোয়না তেরোরিজম অমসুং সাইবর সেক্যুরিতীগী মতাংদসু খন্নরে।

ঐখোয়না ৱারেপ লৌরে মদুদি ঐখোয়গী নেসনেল সেক্যুরিতী এদভাইজরশিংগী থাক অসিসু ৱারী শানবগী ইন্সতিত্যুসনেল প্লেৎফোর্ম অমা ওইহন্নবা ৱারেপ লৌরে।

প্রধান মন্ত্রী অমসুং ঐহাক্না ঐখোয়গী লৈবাক অনিগী লল্লোন ইতীক্কী মরী সসিসু খোঞ্জেল য়াঙনা চাউখৎহন্নবা অমসুং তুংদা হেন্না চাউখৎনবা হোৎনবদা য়ানরে।

মরম অসিনা, ঐখোয়না ঐখোয়গী লৈবাক অনিগী লল্লোন ইতীক্কী পান্দম অসিসু ২০৩০ ফাওবদা শরুক অনি ওইহন্নবা পান্দম অমা থম্লে।

ঙসিদি, মীকুপ খরদা, প্রধান মন্ত্রীনা লল্লোন ইতীক্কী মীফম অমা পাঙথোক্কদৌরি।

মসিদা, ঐখোয়না লৈবাক অনিগী লল্লোন ইতীক্কী মীহুৎশিংগা লোইননা অখন্নবা হীরম খরদা খন্ন-নৈনগনি।

ঐখোয়না থাজৈ মদুদি, ঐখোয়গী লৈবাকশিংগী মরক্তা লল্লোন ইতীক অমসুং ইনভেস্তমেন্ত চাউখৎহনবনা ঐখোয়না ইন্দস্ত্রিএল অমসুং শেন্মিৎলোনগী মতেং অসি অনৌবা থাক অমদা পুরকপা ঙমগনি হায়না থাজৈ।

ঙসি লৌউশিংউগী সেক্তরদা মতেং পীননবা য়ানচেরোল অমসু খুৎয়েক পীনরে।

মসিগী য়ানচেরোল অসিগা লোইননা, ঐখোয়না লৌউশিংউ অমসুং মরু পুথোকপগী হীরমদা মতেং পীনবদা নত্তনা, রিসর্চ, শা শন লোইবা অমসুং পুথোকপদসু হেন্না মতেং পীনবা ঙম্লগনি।

মরুপশিং,

ঐখোয়না মাইগ্রেসন অমসুং মোবিলিতী পার্তনরশিপ এগ্রীমেন্ততসু অথুবদা চঙশিল্লগনি, মসিনা লৈবাক অনিগী মরক্তা স্কিল্দ মাইগ্রেসন য়াহনলগনি।

ঐখোয়গী অরিবা মীয়াম্নগী মরক্তা লৈনরিবা মরী অসিবু অনৌবা মওং অমদা শেম্নবগীদমক, ঐখোয়না মরী পীনবগী চাং হেনগৎহনগদবনি হায়না থাজৈ।

ঐখোয়গী এজুকেসনেল ইন্সতিত্যুৎশিংগী মরক্তা নাৎ অমসুং মহৈগী ওইবা লান্নবগী থবক হেনগৎহনগদবনি হায়না থাজৈ।

মরুপশিং,

ঐখোয়না জাতি অমসুং অন্তরজাতিগী ওইবা হীরমশিংসু খন্নখি।

গ্রীসনা ইন্দিয়া-ই.য়ু. লল্লোন ইতীক অমসুং ইনভেস্তমেন্তকী এগ্রীমেন্ততা শৌগৎলি হায়না ফোংদোকখ্রে।

লৈবাক অনিনা য়ুক্রেনগী মতাংদা দিপ্লোমেসি অমসুং দাইলোগ তৌনবদা শৌগৎলি।

ঐহাক্না গ্রীসপু য়ুনাইতেদ নেসন্স অমসুং অতোপ্পা অন্তরজাতিগী ফোরমশিংদা মতেং পীবীবগীদমক থাগৎপা ফোংদোকচরি।

ঐহাক্না প্রধান মন্ত্রীবু ভারতকী জি২০ প্রেজিদেন্সীদা পুক্নিং থৌগৎপীবগীদমক অমসুং য়াইফ থৌনি পীবীবগীদমক তৌবীমল খঙবা উৎচরি।

মরুপশিং,

 ঙসি ঐহাকপু গ্রান্দ ক্রোস ওব দি ওর্দর ওব ওনর পীবীবগীদমক, ঐহাক্না থমোই শেংনা হেলেনিক রিপব্লিক অমসুং রাস্ত্রপতিগী মফমদা থাগৎপা ফোংদোকচরি।

ঐহাক্না মনা অসিবু ভারত মচা করোর ১৪০ গী মহুৎ শিন্দুনা লৌজরি অমসুং ঐহাক্কী তৌবীমল খঙবা উৎচরি।

ভারত অমসুং গ্রীসকী মরক্তা লৈরিবা মান্নবা ভেল্যুশিং অসিনা ঐখোয়গী মতম শাংনা লৈরক্লবা অমসুং থাজবগী মরী অসিগী য়ুম্ফম ওইরি।

লৈবাক অনিনা পুৱারী ওইরবা গনতন্ত্রগী ভেল্যু অমসুং অৱাংবা থাকপু মায় পাক্না লিংখৎতুনা চৎনহল্লি।

ঐহাক্না চেৎনা থাজৈ মদুদি গন্ধর স্কুল ওব আর্ত হায়বা ফজরবা ভারত অমসুং গ্রেকো-রোমান আর্তকী অপুনবা, ভারত অমসুং গ্রীসকী মরুপ মপাং অসিনা মতম কয়া নীংথিনা হক্তুনা লৈহৌরগনি।

অমুক্কা হন্না, ঐহাক্না প্রধান মন্ত্রী অমসুং গ্রীস মীয়ামগী মফমদা ঐহাক অমসুং ঐহাক্কী দেলিগেতশিংবু অসিগুম্লবা ফজবা অমসুং গ্রীসকী পুৱারীদা লৈহৌরবা শহর অসিদা ঙসি তরাম্না ওকপীবগীদমক পুক্নিং শেংনা তৌবীমল খঙবা উৎচরি।

থাগৎচরি।

খঙহঞ্জবা – মসি প্রধান মন্ত্রীনা পীখিবা প্রেসকী ৱারোল অদুগী চাউরাক্না হন্দোকপা ৱারোলনি। অশেংবা প্রেসকী ৱারোলদি হিন্দিদা পীখি।

***************