ബഹുമാനപ്പെട്ട പ്രധാനമന്ത്രി മിത്സോതാകിസ്,
ഇരു രാജ്യങ്ങളിലെയും പ്രതിനിധികളേ ,
മാധ്യമ സുഹൃത്തുക്കളെ,
നമസ്കാരം!

ഒന്നാമതായി, ഗ്രീസിലെ കാട്ടുതീയുടെ ദാരുണമായ സംഭവങ്ങളിൽ ജീവൻ നഷ്ടപ്പെട്ടതിൽ ഇന്ത്യയിലെ എല്ലാ ജനങ്ങളുടെയും പേരിൽ ഞാൻ അനുശോചനം രേഖപ്പെടുത്തുന്നു.

കൂടാതെ, പരിക്കേറ്റവർ വേഗത്തിൽ സുഖം പ്രാപിക്കട്ടെ എന്ന് ഞങ്ങൾ ആശംസിക്കുന്നു.

സുഹൃത്തുക്കളേ ,

ഗ്രീസും ഇന്ത്യയും - ഇതൊരു സ്വാഭാവിക കൂടിച്ചേരലാണ്

- ലോകത്തിലെ രണ്ട് പുരാതന നാഗരികതകൾക്കിടയിൽ,

- ലോകത്തിലെ രണ്ട് പുരാതന ജനാധിപത്യ പ്രത്യയശാസ്ത്രങ്ങൾക്കിടയിൽ, ഒപ്പം

- ലോകത്തിലെ രണ്ട് പുരാതന വ്യാപാര സാംസ്കാരിക ബന്ധങ്ങൾക്കിടയിൽ.

സുഹൃത്തുക്കളേ ,

ഞങ്ങളുടെ ബന്ധത്തിന്റെ അടിസ്ഥാനം അത് പോലെ തന്നെ പുരാതനമാണ്.

ശാസ്ത്രം, കല, സംസ്കാരം - എല്ലാ മേഖലകളിലും ഞങ്ങൾ പരസ്പരം പഠിച്ചു.

ഇന്ന് നമുക്ക് ഭൂരാഷ്‌ട്രതന്ത്രം, ആഗോള , മേഖലാ  വിഷയങ്ങളിൽ മികച്ച ഏകോപനമുണ്ട്- ഇന്തോ-പസഫിക്കിലോ മെഡിറ്ററേനിയനിലോ ആകട്ടെ.

രണ്ട് പഴയ സുഹൃത്തുക്കളെപ്പോലെ, ഞങ്ങൾ പരസ്പരം വികാരങ്ങൾ മനസ്സിലാക്കുകയും അവരെ ബഹുമാനിക്കുകയും ചെയ്യുന്നു.

40 വർഷത്തെ ഇടവേളയ്ക്ക് ശേഷം ഇതാദ്യമായാണ് ഒരു ഇന്ത്യൻ പ്രധാനമന്ത്രി ഗ്രീസ് സന്ദർശിക്കുന്നത്.

അപ്പോഴും നമ്മുടെ ബന്ധങ്ങളുടെ ആഴം കുറഞ്ഞിട്ടില്ല, ബന്ധങ്ങളുടെ ഊഷ്മളതയിൽ ഒരു കുറവും വന്നിട്ടില്ല.

അതിനാൽ, ഇന്ത്യ-ഗ്രീസ് പങ്കാളിത്തം ഒരു "തന്ത്രപരമായ" തലത്തിലേക്ക് കൊണ്ടുപോകാൻ ഞാനും പ്രധാനമന്ത്രിയും ഇന്ന് തീരുമാനിച്ചു.

പ്രതിരോധം, സുരക്ഷ, അടിസ്ഥാന സൗകര്യങ്ങൾ, കൃഷി, വിദ്യാഭ്യാസം, പുതിയതും ഉയർന്നുവരുന്നതുമായ സാങ്കേതികവിദ്യ, നൈപുണ്യ വികസനം എന്നീ മേഖലകളിൽ ഞങ്ങളുടെ സഹകരണം വിപുലീകരിച്ചുകൊണ്ട് ഞങ്ങളുടെ തന്ത്രപരമായ പങ്കാളിത്തം ശക്തിപ്പെടുത്താൻ ഞങ്ങൾ തീരുമാനിച്ചു.

സുഹൃത്തുക്കളേ ,

പ്രതിരോധ, സുരക്ഷ മേഖലകളിൽ, സൈനിക ബന്ധങ്ങൾക്കൊപ്പം പ്രതിരോധ വ്യവസായങ്ങൾക്ക് ഉത്തേജനം നൽകാൻ ഞങ്ങൾ സമ്മതിച്ചു.

ഇന്ന് ഞങ്ങൾ ഭീകര വാദം, സൈബർ സുരക്ഷ എന്നീ വിഷയങ്ങളും ചർച്ച ചെയ്തു.

ഞങ്ങളുടെ ദേശീയ സുരക്ഷാ ഉപദേഷ്ടാക്കളുടെ തലത്തിൽ പോലും സംവാദത്തിന് ഒരു സ്ഥാപന വേദി ഉണ്ടായിരിക്കണമെന്ന് ഞങ്ങൾ തീരുമാനിച്ചു.

 പ്രധാനമന്ത്രിയും ഞാനും, നമ്മുടെ ഉഭയകക്ഷി വ്യാപാരം അതിവേഗം വളരുകയാണെന്നും കൂടുതൽ വളർച്ചയ്ക്ക് വലിയ സാധ്യതയുണ്ടെന്നും സമ്മതിക്കുന്നു.

അതിനാൽ, 2030-ഓടെ നമ്മുടെ ഉഭയകക്ഷി വ്യാപാരം ഇരട്ടിയാക്കാൻ ഞങ്ങൾ ലക്ഷ്യമിടുന്നു.

ഇന്ന്, ഏതാനും നിമിഷങ്ങൾക്കുള്ളിൽ,  പ്രധാനമന്ത്രി ഒരു ബിസിനസ് മീറ്റിംഗ് നടത്തും.

ഇതിൽ, രണ്ട് രാജ്യങ്ങളിലെയും ബിസിനസ് പ്രതിനിധികളുമായി ഞങ്ങൾ ചില പ്രത്യേക മേഖലകൾ ചർച്ച ചെയ്യും.

നമ്മുടെ രാജ്യങ്ങൾ തമ്മിലുള്ള വ്യാപാരവും നിക്ഷേപവും പ്രോത്സാഹിപ്പിക്കുന്നതിലൂടെ നമ്മുടെ വ്യാവസായിക, സാമ്പത്തിക സഹകരണം ഒരു പുതിയ തലത്തിലേക്ക് കൊണ്ടുപോകാൻ കഴിയുമെന്ന് ഞങ്ങൾ വിശ്വസിക്കുന്നു.

കാർഷിക മേഖലയിലെ സഹകരണത്തിനുള്ള കരാർ ഇന്ന് ഒപ്പുവച്ചു.

ഈ കരാറിലൂടെ നമുക്ക് കൃഷിയിലും വിത്തുൽപ്പാദനത്തിലും മാത്രമല്ല, ഗവേഷണം, മൃഗസംരക്ഷണം, കന്നുകാലി ഉത്പാദനം തുടങ്ങിയ മേഖലകളിലും സഹകരിക്കാനാകും.

സുഹൃത്തുക്കളേ ,

ഇരു രാജ്യങ്ങൾക്കുമിടയിൽ നൈപുണ്യമുള്ള കുടിയേറ്റം സുഗമമാക്കുന്നതിന്, താമസിയാതെ മൈഗ്രേഷൻ ആൻഡ് മൊബിലിറ്റി പങ്കാളിത്ത കരാറിൽ ഏർപ്പെടാൻ ഞങ്ങൾ തീരുമാനിച്ചു.

നമ്മുടെ പൗരാണിക-ജനങ്ങൾ തമ്മിലുള്ള ബന്ധത്തിന് ഒരു പുതിയ രൂപം നൽകുന്നതിന്, സഹകരണം വർദ്ധിപ്പിക്കണമെന്ന് ഞങ്ങൾ വിശ്വസിക്കുന്നു.

ഞങ്ങളുടെ വിദ്യാഭ്യാസ സ്ഥാപനങ്ങൾക്കിടയിൽ സാംസ്കാരികവും അക്കാദമികവുമായ കൈമാറ്റങ്ങൾ ഞങ്ങൾ പ്രോത്സാഹിപ്പിക്കും.

സുഹൃത്തുക്കൾ,

ദേശീയ അന്തർദേശീയ വിഷയങ്ങളിലും ഞങ്ങൾ ചർച്ചകൾ നടത്തി.

ഇന്ത്യ-ഇയു വ്യാപാര നിക്ഷേപ കരാറിന് ഗ്രീസ് പിന്തുണ അറിയിച്ചു.

ഉക്രെയ്‌നിന്റെ കാര്യത്തിൽ നയതന്ത്രത്തെയും സംഭാഷണത്തെയും ഇരു രാജ്യങ്ങളും പിന്തുണയ്ക്കുന്നു.

ഐക്യരാഷ്ട്രസഭയിലും മറ്റ് അന്താരാഷ്ട്ര ഫോറങ്ങളിലും ഗ്രീസിന്റെ സഹകരണത്തിന് ഞാൻ നന്ദി പറഞ്ഞു.

ഇന്ത്യയുടെ ജി20 പ്രസിഡൻസിയുമായി ബന്ധപ്പെട്ട് പ്രധാനമന്ത്രി നൽകിയ ആശംസകൾക്കും പ്രോത്സാഹനത്തിനും ഞാൻ അദ്ദേഹത്തോട് നന്ദിയുള്ളവനാണ്.

സുഹൃത്തുക്കളേ ,

ഇന്ന് എനിക്ക് ഗ്രാൻഡ് ക്രോസ് ഓഫ് ദി ഓർഡർ ഓഫ് ഓണർ സമ്മാനിച്ചതിന്, ഹെല്ലനിക് റിപ്പബ്ലിക്കിലെ ജനങ്ങൾക്കും പ്രസിഡന്റിനും ഞാൻ ആത്മാർത്ഥമായി നന്ദി പറയുന്നു.

140 കോടി ഇന്ത്യക്കാർക്ക് വേണ്ടി ഞാൻ അവാർഡ് സ്വീകരിക്കുകയും എന്റെ നന്ദി അറിയിക്കുകയും ചെയ്തു.

ഇന്ത്യയുടെയും ഗ്രീസിന്റെയും പങ്കിട്ട മൂല്യങ്ങളാണ് ഞങ്ങളുടെ ദീർഘവും വിശ്വസനീയവുമായ പങ്കാളിത്തത്തിന്റെ അടിത്തറ.

ജനാധിപത്യത്തിന്റെ മൂല്യങ്ങളും ആദർശങ്ങളും സ്ഥാപിക്കുന്നതിനും വിജയകരമായി നടപ്പിലാക്കുന്നതിനും ഇരു രാജ്യങ്ങൾക്കും ചരിത്രപരമായ സംഭാവനയുണ്ട്.

ഇന്ത്യൻ, ഗ്രീക്കോ-റോമൻ കലകളുടെ മനോഹരമായ സംയോജനമായ ഗാന്ധാര കലാലയം പോലെ, ഇന്ത്യയും ഗ്രീസും തമ്മിലുള്ള സൗഹൃദവും കാലത്തിന്റെ കല്ലിൽ മായാത്ത മുദ്ര പതിപ്പിക്കുമെന്ന് ഞാൻ ഉറച്ചു വിശ്വസിക്കുന്നു.

ഗ്രീസിലെ ഈ മനോഹരവും ചരിത്രപരവുമായ നഗരത്തിൽ ഇന്ന് എനിക്കും എന്റെ പ്രതിനിധികൾക്കും നൽകിയ ആതിഥ്യത്തിന്  പ്രധാനമന്ത്രിയോടും ഗ്രീസിലെ ജനങ്ങളോടും ഒരിക്കൽ കൂടി ഞാൻ ഹൃദയംഗമമായ നന്ദി രേഖപ്പെടുത്തുന്നു.

വളരെ നന്ദി.

--ND--