কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা উত্তর প্রদেশকী গ্রেতর নোইদাদা লৈবা CRPF গ্রুপ সেন্তরদা গৃহ মন্ত্রালয়গী মখাদা চত্থবা ভারত পুম্বগী উ থাবগী কেম্পেনগী শরুক অমা ওইনা করোর 4শুবা উ-চারা থাখ্রে।

সেন্ত্রেল রিজর্ব পুলিস ফোর্স (CRPF)কী কেম্পস 8 পুম্বদা লুপা করোর 165 চঙনা নৌনা শাখিবা বিলদিং কয়াসু শ্রী অমিত শাহনা শঙ্গাখি। মসিগী মনুংদা, লুপা করোর 57 চঙখিবা রেপিদ তাস্ক ফোর্স 102গী ফেমিলী একোমোদেসন 220, রাইপুরগী গ্রুপ সেন্তরদা লুপা করোর 17 চঙনা শাখিবা ফমুং 50গী হোস্পিতাল, রিক্রুইত ত্রেনিং সেন্তর জোধপুরদা লুপা করোর 16 চঙনা শাখিবা এদমিনিস্ত্রেতিব বিলদিং, ক্বার্তর গার্দ অমসুং পেরেদ গ্রাউন্দ, রাইপুরগী গ্রুপ সেন্তরদা লুপা করোর 11 চঙনা শাখিবা মীওই 240গী বেরেক অমসুং লৈবাক্কী তোঙান-তোঙানবা মফমশিংদা শাখিবা হোস্পিতাল, জীম, মেস, সিৱেজ ত্রিতমেন্ত প্লান্ত, কেন্তীন্নচিংবশিং য়াওরি। কেন্দ্রগী হোম সেক্রেতরী অমসুং CRPF, CISF, NSG, NDRF, ITBP, SSB, BSF, অমদি অসাম রাইফল্সকী দাইরেক্তর জেনেরেল য়াওনা শক্নাইরবা মীথুংলেন কয়ানা থৌরমসিদা শরুক য়াখি।

শ্রী অমিত শাহনা মহাক্কী ৱারোলদা ঙসি অসি সেন্ত্রেল আর্ম্দ পুলিস ফোর্স (CAPF)কী মশক নাইবা নুমিত অমনি হায়খি। ঐখোয়না দিসেম্বর 2023 ফাওবদা উ-চারা করোর 5 থাগনি, মদুগী গেপ ফিল্লিং তৌরবা মতুংদা, মখোয়না হেক মপুং-মরৈ ফাবগা, উ-চারাশিং অসিবু ঐখোয়না মালেমদা খুৎশিন্নগনি হায়না চহি অহুমগী মমাংদা ৱারেপখ্রবনি হায়না মহাক্না পনখি। দিসেম্বর 2023 ফাওবদা পান্দম অসি ফংগনি থাজবা লৈ হায়না শ্রী শাহনা হায়খি। ওইথোকপদা ৱানা থোক্কদবা মসিগুম্বা থবক অসি মায় পাকহন্নবগীদমক্তা, ঐখোয়গী CAPF পর্সোন্নেল অমসুং মখোয়গী ইমুংশিংনা মসিবু শিংনবা ওইনা লৌখি, উশিংবু মখোয়গী মরুপ্নি খনখি অমসুং মসিগীদমক্তা মতম কাইথোকখি হায়না মহাক্না হায়খি। মিলিয়ন 40শুবা উ-চারা অমা ঙসি থাখিবা, মদুসু পীপাল, অসিগা লোয়ননা CAPFনা পৃথীবিবু হেন্না গ্রীন ওইহন্নবা তম্বা শরুক অসি মতম পুম্বগী নীংশিংনহৌরগনি হায়না মহাক্না হায়খি। কেম্পেন অসিনা CAPFনা পৃথীবিবু ঙাক শেনবা অমসুং ক্লাইমেত চেঞ্জকা মরী লৈনবা থৌওংশিংদা থৌনা ফবগী মতৌগা লোয়ননা পুক্নিং চঙবগী অনৌবা ৱারী অমা ইরগনি। হন্দক্কী চহিদা উ-চারা করোর 1গা লাক্ষ 50 থাবগী থবক মখা চত্থরি অমসুং ঙসি ফাওবগী মনুংদা উ-চারা করোর 4 থাখ্রে অমসুং উ-চারা করোর 5 থাবগী পান্দম অসিসু অথুবা মতমদা ফংলগনি হায়না মহাক্না ফোংদোকখি।

কেন্দ্রগী গৃহ মন্ত্রীনা ঙসি অসি লৈবাক্কী তেক্ত-কায়দনবগীদমক্তা থৱাই কত্থোকখিবতা নত্তনা থৌনা লৈনা লান্দা মাঙজিল থাদুনা মীয়াম পুম্নমক্কী মবুক্নিং থৌগত্তুনা মশক নাইবা খুদম অমা থম্লম্বা পরম বীর চক্র ফংখ্রবা লেফতেনেন্ত কর্নেল এ.বি. তারাপোরগী মপোক কুমওন্নি হায়না পাউদমখি। মীয়ামগী থম্মোই অমসুং থৱাইদা মহাক্না মতম পুম্বদা হিংদুনা লৈহন্নবগীদমক্তা অন্দমান নিকোবারগী ইথৎ অমা মহাক্কী মিংদা মিংথোন্দুনা মহাকপু প্রধান মন্ত্রী শ্রী নরেন্দ্র মোদীনা অমর ওইহনখ্রবনি হায়না শ্রী শাহনা হায়খি।

উ-চারা করোর 5 থাগদবা ‘ভারত পুম্বগী উ থাবগী কেম্পেন’ অসিসি অকোয়বগী ফিভম ঙাক-শেনবগী মহাকুম্ভগুম্বনি হায়না শ্রী অমিত শাহনা হায়খি। ঐখোয়গী CAPFকী পর্সোন্নেলশিংনা মখোয়গী থৌনা, খোঙফম চেৎপা অমসুং হোৎনবা কনবগী মতৌনা লৈবাক্কী ইন্তর্নেল সেক্যুরিতী অমসুং ঙমখৈ ঙাক শেন্নবা মতম পুম্বদা লেপ্লি হায়না মহাক্না মখা তাখি। লৈবাক্কী ইন্তর্নেল সেক্যুরিতী, দিজাজতর মেনেজমেন্ত, বোর্দর সেক্যুরিতী লৈহনবগী মথক্তা ঙমখৈদা লৈবা অহানবা খুঙ্গংশিংগী পব্লিক ফেসিলিতী লৈহল্লিবা অসিগা লোয়ননা, CAPFনা উ-চারা থাবগী খোঙথাংগী খুত্থাংদা অকোয়বগী ফিভম ঙাক শেনবগী হান্না পাংথোকখিদ্রিবা থবক কয়া পায়খৎলি। মহৌশাগী অমাঙ-অতা নত্ত্রগা কোবিদ-19 ওইরো, ঐখোয়গী CAPFনা মশাগী পুন্সিগী খন্দনা মীয়াম্বু ইরাং খুদিংদা তেংবাংনবা খোঙফম চেৎনা লেপ্লি, মহাক্না হায়খি। ঐখোয়গী CAPFনা ভাইব্রেন্ত ভিলেজ প্রোগ্রামগী খুত্থাংদা লৈবাক্কী ঙমখৈদা লৈরিবা ঐখোয়গী অহানবা খুঙ্গংশিংদা পব্লিক সর্ভিস অমসুং ফেসিলিতী খুদিংমক ফংহল্লি হায়না মহাক্না মখা তাখি। হৌজিক্তি অনৌবা দাইমেন্সন অমসু হাপ্লে, মসিদা ঐখোয়গী CAPFনা উ-চারা করোর 4 থাদুনা অকোয়বগী ফিভম ঙাক শেন্নবা লেপ্তনা হোৎনরি অমসুং হন্দক্কী চহিগী দিসেম্বর ফাওবদা উ-চারা করোর 5 থাবগী পান্দমসু ফংলগনি হায়না মহাক্না ফোংদোকখি। মসিদি সেক্যুরিতীগা মরী লৈনবা এজেন্সী অমনা অকোয়বগী ফিভম ঙাক শেনবগী মাইকৈদা মালেমগী ওইনা খ্বাইদগী চাউবা থৌওংনি হায়না শ্রী শাহনা হায়খি। CAPFশিংনা পুন্দুনা উ-চারা করোর 4 থাখি অমসুং হোম এফিয়র্সকী ওফিসিএলশিংনা প্রোগ্রাম অসিবু থাক খুদিংদা য়েংশিনখি হায়না মহাক্না হায়খি। CAPF খুদিংগী DGশিংনা প্রোগ্রাম অসিদা পুক্নিং নীংথিনা চঙখি, মসিবু প্লেতুন অমসুং সেক্তরগী থাক্তগী মতেং পাংনরকখি। উ-চারাশিং অসিবু ঙাক শেন্নবা অকোয়বদা শম্বল খাখি অমসুং মখোয় হিংহন্নবগীদমক্তা খোংবালসু তৌখি। মসিগুম্বা হোৎনজমন কয়া অসিনা মরম ওইরগা, উ করোর 4না পৃথীবিবু হেন্না শংহল্লগনি হায়না মহাক্না হায়খি।

কেন্দ্রগী গৃহ অমসুং কোওপরেসন মন্ত্রীনা অকোয়বগী ফিভম ঙাক শেনবা হায়বসি উ-চারা থারবা মতুংদখক ওইথোক্কনি, ঙসি থাখিবা উ-চারা অমনা তুংগী চারোন-শুরোন কয়াদা ওক্সীজেন পীগদৌরিবনি হায়না ফোংদোকখি। পোল্ল্যুসন থোকপা হেনগৎলকপদগী, ওজোন কুয়োম অসি পাথরক্লে, মসিনা মরম ওইরগা সোলর রেশিংনা পৃথীবিদা হকথেংননা য়ৈরক্লে, মসিনা পৃথীবিবু মীওই লৈবদা তেক্ত-কায়দবা ওইহল্লক্লোই হায়না মহাক্না মখা তাখি। মসিগুম্বা ফিভম অসি থোকহল্লোইগে হায়বগী অমত্তা ঙাইবা পাম্বৈদি য়ারিবমখৈ উ মশিং য়াম্না থাবা অমসুং কার্বন থাদোকপা হন্থহনবনি হায়না শ্রী শাহনা হায়খি। উ-চারা থাখিবা মতমদা হীরম অনি খন্নখি হায়না মহাক্না মখা তাখি। অহানবা, থারিবা উশিং অসি পুন্সি শাংবা ওইবা; অনিশুবা, মখোয়না ওক্সীজেন খ্বাইদগী য়াম্না পুথোকপা উ ওইগদবনি, খুদম ওইনা হায়রবদা, পীপল, বনয়ান, নীম, জামুন অমসুং অতোপ্পশিং। উশিং অসিনা 60-100%গী চাংদা ওক্সীজেন পুথোকই অমসুং পৃথীবিবু চহি কয়া-কয়া ঙাক শেনবদা তেংবাংবা ঙমগনি হায়না মহাক্না হায়খি।

প্রধান মন্ত্রী, শ্রী নরেন্দ্র মোদীনা ভারতপু সেক্তর কয়াদা আত্মানির্ভর ওইহন্নবা থবক পায়খৎলি, মসিনা মালেমদা ভারতকী মফমগী মপাঙ্গল হেনগৎহনল্লি হায়না শ্রী অমিত শাহনা হায়খি। ঐখোয়গী চৎনবী অমসুং হেরিতেজনা অকোয়বগী ফিভম ঙাক শেনববু মতম পুম্বদা পুক্নিং থৌগত্তুনা লাক্লি, অমসুং ঐখোয়গী ৱাখল্লোন অমসুং থবকশিংনা মরম ওইরগা অকোয়বগী ফিভম্বু ঙাক শেন্দুনা লাক্লি হায়না মহাক্না মখা তাখি। প্রধান মন্ত্রী, শ্রী নরেন্দ্র মোদীনা গ্রীন ইনিসিএতিবকী খুত্থাংদা ভারতপু ক্লাইমেত চেঞ্জ অমসুং গ্লোবেল ৱার্মিংগী মাইয়োক্তা লান্থেংনবদা মাঙজিল থাবা লৈবাক অমা ওইহল্লি হায়না মহাক্না মীয়ামগী পুক্নিং চীংশিনখি। মসিগী মরম অসিগীদমক্তা, “বাসুদৈবা কুতুম্বাকম” – ৱান আর্থ, ৱান ফেমিলী, ৱান ফ্যুচর অসিবু G-20গী মিসন স্তেতমেন্ত ওইহনখিবনি হায়না শ্রী শাহনা হায়খি। ভারতনা ফ্রান্সকা লোয়ননা ইন্তর্নেস্নেল সোলর এল্লাইএন্স হৌদোকখি হায়না মহাক্না মখা তাখি। প্রোজেক্ত অসিদি ৱান সন, ৱান ৱর্ল্দ, ৱান গ্রিদ শেম্বগী পান্দম থম্বনি। এল্লাইএন্স অসিদা হৌজিক্তি লৈবাক কয়া অমনা শরুক য়াদুনা মশাগী থৌদাং য়ারি, মসিদি মোদী সরকারগী মশক থোকপা মায় পাকপা অমনি। প্রধান মন্ত্রী মোদীনা লাইফস্তাইল ফোর ইনভাইরনমেন্ত (LiFE) মিসন খোঙথাং অসিগী খুত্থাংদা ঐখোয়গী নাৎকী ওইবা পুন্সি মহিংবু পৃথীবি কন্নবা পাম্বৈ অমনি হায়না পুথোকখি হায়না গৃহ মন্ত্রীনা হায়খি। মালেম্না লাইফ স্তাইল ফোর ইনভাইরনমেন্ত (LiFE)কী তুং ইল্লি, অমসুং মসিগুম্বা খোঙথাংনা মরম ওইরগা, য়ুনাইতেদ নেসন্সনা প্রধান মন্ত্রী শ্রী নরেন্দ্র মোদীবু ‘চেম্পিয়ন্স ওফ আর্থ’ এৱার্দ পীদুনা ইকায় খুম্নখ্রিবনি হায়না মহাক্না মখা তাখি।

ভারতনা সিঙ্গল য়ুজ প্লাস্তিক শিজিন্নবা হন্থহন্নবা ভারতনা অনৌবা পাম্বৈ কয়া পুথোক্লে হায়না কেন্দ্রগী গৃহ মন্ত্রীনা পাউদমখি। প্রধান মন্ত্রী, শ্রী নরেন্দ্র মোদীনা স্বচ্ছ ভারত অভিয়ানগী খুত্থাংদা অকোয়বগী ফিভম্বু ঙাক শেনবগী মশক থোকপা খোঙথাং কয়া পায়খৎখি হায়না মহাক্না মখা তাখি। অহৌবগী ওইনা, লৈবাক্কী ইমুং 39% খক্তদা অমাংশঙ লৈরম্মি, অদুবু হৌজিক্তি মশিং অসি 99.9% ওইরে, মসিমক ঐখোয়না অকোয়বগী ফিভম ঙাক শেন্নবা হোৎনরিবা অসিদা য়াম্না মশক থোকপা মায় পাকপা অমা ওইরি হায়না মহাক্না হায়খি। নেত-জিরো কার্বন ইমিসন, ইন্তর্নেস্নেল সোলর এল্লাইএন্স, 20% ইথানোল ব্লেন্দিং, বাইও-গ্যাসপু বাইওফুএলদা ওন্থোক্নবা মোদর্ন রিফাইনরী 12 শাবা, অমসুং গ্রীন হাইদ্রোজেন মিসনগুম্বা খোঙথাংশিং অসি হৌজিক মালেম্না থৱাই তানা য়েংলি অমসুং মতৌসু তম্নরি হায়না মহাক্না হায়খি। প্রধান মন্ত্রীনা মরু ওইবা মিসন নিপান পায়খত্তুনা ভারৎনা অকোয়বগী ফিভম ঙাক শেনবদা খোঙফম চেৎলিবা অসিবু পুম্নমক্কী মাঙদা উৎলি। মখোয়শিং অদুদিঃ নেস্নেল সোলর মিসন, নেস্নেল মিসন ফোর ইনহেন্স ইনর্জী ইফিসিএন্সী, নেস্নেল মিসন ওন সস্তেনেবল হেবিতেত, নেস্নেল ৱাতর মিসন, নেস্নেল মিসন ফোর এ গ্রীন ইন্দিয়া, নেস্নেল মিসন ফোর সস্তেনিং দি হিমালয়ান ইকোসীস্তেম, নেস্নেল মিসন ফোর সস্তেনেবল এগ্রিকলচর, অমসুং নেস্নেল মিসন ওন স্ত্রেতজিক নোলেজ ফোর ক্লাইমেত চেঞ্জ হায়বসিনি। মসিগী খোঙথাংশিং অসিনা অকোয়বগী ফিভম্বু ঙাক শেনবগী চহি কয়াদগী তুং ইন্দুনা লাক্লবা চৎনবীবু অমুক্কা হন্না চৎনহন্নবা থবক তৌরি।

ঐখোয়গী CAPFনা মসিগী উ-চারা থাবগী কেম্পেনগী শরুক অমা ওইনা উ-চারা করোর মরি থাখ্রে হায়না শ্রী অমিত শাহনা হায়খি। ঐখোয়না উ-চারা করোর মঙা থাবগী পান্দম হেক ফংবগা, CAPFনা মীয়ামগী পুন্সি ঙাক শেনবগী থৌদাং লৌবতা নত্তনা অকোয়বগী ফিভম ঙাক শেনবগী থবক কয়াসু থৱাই য়াওনা পাংথোকপগা লোয়ননা লৈবাক্কীদমক্তা খল্লিবা অসিবু চাউথোকচবগা লোয়ননা উৎকনি। ওইথোক্লোই হায়না খল্লম্বা অমা ঙসি ঐখোয়গী CAPFনা পাংথোক্লে হায়না মহাক্না মখা তাখি। গৃহ মন্ত্রীনা লৈবাক্কী সেক্যুরিতী অমসুং লৈবাক্কীদমক্তা থৌনা ফবা হায়বসিনা CAPFকী ইথিল ওইরিবা অসিগুম্না, উ-চারা থাবা হায়বসিসু মখোয়গী ইথিলনি হায়না লৌগনি হায়বগী থাজবা ফোংদোকখি।

*****