ঙসি নিংতম্বা নুমিৎ থৌরমদা প্রধান মন্ত্রী শ্রী নরেন্দ্র মোদীনা লাল কিলাদগী পীখিবা ৱারোল তোঙান তোঙানবা শীনফমশিংদা লৈরিবা ভারতমচাশিংনা থাগৎখ্রে। পদ্ম ফংলবশিং, অখঙ-অহৈশিং, তেক্নোলোজি, ললোন-ইতিক্কী লুচিংবশিং, শক্নাইরবা নুপীশিং, এক্তরশিং অমসুং শান্নরোয়শিংনা থৌরম অদুগী ৱারোল অদু থাগৎখি।

ভারতকী এম.এস.এম.ইগী কাংলুপ্তা দেমোগ্রাফি, দেমোক্রেসি অমসুং দাইভর্সিতি হায়বদি থ্রি-দিগী মতাংদা প্রধান মন্ত্রীনা ফোঙদোকখিবা ৱাফম অদু অনিল ভারতদ্বাজ, সেক্রেতরি জেনেরেল, এফ.আই.এস.এম.ইনা থাগৎখি।

সি.আই.আইগী দি.জি চন্দ্রজিত বেনর্জিনা চাউখৎলবা ভারত ওইনবা মঙলান থাগৎখি।

ইন্দিয়া রিছার্স সি.এল.এস.এগী হেদ, ইন্দ্রনিল সেন গুপ্তনা হায়খি ভারত অথুবা মতমদা অহুমশুবা খ্বাইদগী চাউবা ইকোনোমি ওইরগনি। রিফোর্ম, পরফোর্ম অমসুং ত্রান্সফোর্মগী ঙসি প্রধান মন্ত্রীনা থাজবা পীরে।

নেসনেল ইজুকেসন তেক্নোলোজি ফোরমগী চিয়ারমেন, প্রোফেসার অনিল সাহাসরাবুধেনা হায়খি লৈবাক অসিগী চাউখৎপগী খোঙচৎতা প্রধান মন্ত্রীগী থ্রি-দিনা মতেং পাংগনি।

হৌখিবা চহি ৯দা কমদৌনা প্রধান মন্ত্রীগী রিফোর্ম, পরফোর্ম অমসুং ত্রান্সফোর্মগী পাউজেলনা ঐখোয়দা মতেং পাংখিবগে অমসুং কমদৌনা মথং চহি ২৫দা ভারত মালেমগী মরুপ অমা ওইগনি হায়বগী মতাংদা ফোঙদোকখিবা অদু আই.আই.তি.ই, গান্ধীনগরগী ভি.সি হর্সাদ পতেলনা পনখি।

অপুনবা ওইনা থবকশিং পায়খৎনবা প্রধান মন্ত্রীনা অপীল তৌখিবা অদু জামিয়া ইস্লামিয়াগী ভি.সি নাজমা অখক্তারনা থাগৎখি।

ভারতকী তেন কাপ্পা শান্নরোয়, অর্জুন এৱার্দ ফংলবা অমসুং ৱার্ল্দ চেম্পিয়ন অভিষেক ভর্মানা ৭৭শুবা নিংতম্বা নুমিৎ থৌরমদা মীয়াম তরাম্না ওকখি অমসুং শেঞ্জা-থুমজা মুৎথৎনবা প্রধান মন্ত্রীগী পান্দম শৌগৎনবা মীওই খুদিংমক্তা অপীল তৌখি।

রাস্ত্রিয়া প্রথাম, ওলৱেজ প্রথামগী প্রধান মন্ত্রীগী পাউজেলগী মতাংদা ইন্তরনেসনেল মেদালিস্ত গৌরব রানানা পনখি।

মালেমগী মমিং লৈরিবা শান্নরোয় নিহাল সিংহনা রাস্ত্রিয়া প্রথামগী ৱাখল্লোন শন্দোক্না তাকখি।

ইন্তরনেসনেল মেদালিস্ত, ফেন্সর জেসমিন কৌরনা রাস্ত্রিয়া প্রথামগী মতাংদা ফোঙদোকখি।

নেসনেল স্পোর্তস এৱার্দি কিরনগী ত্বিৎ মফম অসিদা লৈরে।

ঙসি লাল কিলাদগী প্রধান মন্ত্রীনা পীখিবা পাউজেল অদু ইন্নবা ইন্তরনেসনেল মেদালিস্ত প্রিয়া সিংহনা মীওই খুদিংমক্তা খঙহনখ্রে।

লৌমীশিং অমসুং লৈবাক শেমগৎনবা মখোয়না লৌরিবা থৌদাং প্রধান মন্ত্রীনা শকখঙবা উৎপদা পদ্ম শ্রী ভারত ভুসন ত্যগীনা থাগৎপা ফোঙদোকখ্রে।

লৌমীশিংগী য়াইফনবা হন্দক পায়খৎখিবা থবকশিংগী মতাংদা শ্রী ভেদব্রাতা অর্য়ানা ফোঙদোকখি।

লৈবাক শেমগৎনবা নুপীশিংনা লৌরিবা থৌদাং অসিনা নুপীশিংদা অনৌবা থৌনা অমা পীরে হায়না লাল কিলাদগী প্রধান মন্ত্রীনা ফোঙদোকখিবা ৱাফম অদু শক্নাইরবী এক্ত্রেস সরিতা জোসিনা পনখি।

রিফোর্ম, পরফোর্ম অমসুং ত্রান্সফোর্মগী নহারোলশিংদা অফবা মাইকৈ অমা তাকখিবগী মতাংদা প্রধান মন্ত্রীনা মহাক্কী ৱারোলদা পনখিবা অদু শক্নাইরবী কথক জগোয় শাবী নলিনি অস্থানানা পনখি।

নুপীশিংদা শক্তি পীনবা মরুওইনা লৌবগীদমক নুপীশিংগী মহুৎশীন্দুনা পদ্ম শ্রী ফংলবী অমসুং মমিং লৈরবা গাইনেকোলোজিস্ত দোক্তর অলকা কৃপ্লানিনা প্রধান মন্ত্রী থাগৎখি।

নুপীশিং য়াইফনবা অমসুং নুপীশিংগী মথক্তা চৎথবা মীওৎ-মীনৈ থিংনবগী মতাংদা প্রধান মন্ত্রীনা ফোঙদোকখিবা ৱাফম অদু কালরি কেপিতেলগী এম.দি বানি কোলানা প্রধান মন্ত্রী থাগৎখি।

নুপীশিং শক্তি পীনবা অমসুং নুপীশিংগী অনৌবা থৌরাং কয়া প্রধান মন্ত্রীনা লাউথোকপগীদমক পদ্ম ভুসন ফংলবী অমসুং শক্নাইরবী শৈশকপী কে.এস চিত্রানা হরাওবা ফোঙদোকখি।

মালেমদা ভারতনা নুপী কম্মর্সিএল পাইলোত মশিং খ্বাইদগী য়াম্না লৈবা অমসুং মসিনা এভিএসন সেক্তর খক নত্তনা অতোপ্পা সেক্তরশু নুপীনা মাঙজিল থাদুনা চাউখৎপা পুরকপগী ৱাফম প্রধান মন্ত্রীনা পনখিবা অদুদা কেপ্তেন জোয়া অগ্রাৱাল, পাইলোত(সান ফ্রান্সিসকোদগী বেঙ্গালুরু ফাওবা খ্বাইদগী শাংবা ফ্লাইতকী নুপী ঙাক্তগী ক্রিয়ুগী কেপ্তেন)না হরাওবা ফোঙদোকখি।

ঐখোয়গী লৈবাক চাউখৎনবা নুপীশিংনা লৌখিবা থৌদাংগী মতাংদা প্রধান মন্ত্রীনা ৱাফমশিং ফোঙদোকখিবা অদু মহারাস্ত্রা য়ুনিভর্সিতি ওফ হেল্থ সাইন্সেসকী ভি.সি লেপ্তনেন্ত জেনেরেল(পোথারবা) মধুরি কানিতকারনা পনখি।

*****