Ki briew jong ka India kiba trei ha ki kam bapher bapher ki la ai jingiaroh ia ka jingai jingkren u Myntri Rangbah Duh na Red Fort ha ka lyngkhuh sngi ioh jinglaitluid mynta ka sngi. Ki nongjop khusnam Padma, ki nonghikai, kito kiba trei ha ki kam teknoloji, ki nongialam ha ki kam khaii pateng, ki longkmie kiba trei ha ki kam bapher bapher, ki actor bad ki nongialehkai ki la ai jingkren ha kane ka sngi ha kaba ki la iaroh ia ka jingthmu kaba don hadien jong kane ka jingai jingkren.

U Anil Bharadwaj, Secretary General, FISME u la sngew iahap ia ki jingkren u Myntri Rangbah Duh ha kaba iadei bad ki jinglong jong ki briew ha ka ri, ka Synshar Paidbah bad ka jingiar ka ri ha kaba iadei bad ki kam MSME ha India

CII, DG Chandrajit Banerjee u la iaroh ia ka jingthmu Viksit Bharat.

Ka Indranil Sen Gupta, Head of India Research CLSA ka la ong ba ka don ka jingthrang ba ka India shen kan long ka ri kaba don ka ioh ka kot kaba don ha ka kyrdan kaba lai. U Myntri Rangbah Duh mynta ka sngi u la kyntu ban don ka jingkylla, ka jingtrei bad ka jingpher

U Anil Sahasrabudhe, Chairman, National Education Technology Forum u la batai kumno ka Demography, Democracy bad Diversity lane ki lai tylli ki D ki iarap ia ka India ha ka roi ka par.

U Harshad Patel, Vice Chancellor, IITE Gandhi Nagar, u la batai kumno ka khubor jong u Myntri Rangbah Duh ka la iarap ia ngi ha kine ki khyndai snem ba la dep bad kumno ka India ka lah ban long ka Visha Mitra ha ki 25 snem ban wan.

U Vice Chancellor, Jamia Millia Islamia, Najma Akhtar u la sngewiahap bad ka jingkyntu u Myntri Rangbah Duh na ka bynta ka jingiatreilang.

U Abhishek Verma, World Champion, nongjop khusnam Arjuna uba dei u nongsiat khnam ka India u la ai khublei ia ki briew jong ka ri ha ka lyngkhuh sngi ioh jinglaitluid kaba 77 bad u la kyntu ia baroh ba kin kyrshan ia ka jingkyntu u Myntri Rangbah Duh pyrshah ka kam bam sap.

U Gaurav Rana, uba la jop shibun ki khusnam ha ki kam ialehkai u la kren shaphang ka khubor u Myntri Rangbah Duh halor ka Rashtra Pratham, Always Pratham

U Nihal Singh uba la jop shibun ki khusnam ha ki kam ialehkai ruh u la kren katto katne shaphang ka Rashtra Pratham

Ka nongtalain wait ka Jasmine Kaur kaba la jop shibun ki khusnam ruh ka la kren shaphang ka Rashtra Pratham.

Ka Kiran kaba la jop shibun ki khusnam ka la ong kumne ha ka tweet.

Ka Priya Singh kaba la jop shibun ki khusnam ka la kyntu ia baroh ba kin pdiang ia ka khubor jong u Myntri Rangbah Duh kaba u la ai na Red Fort mynta ka sngi.

U Padma Shri Bharat Bhushan Tyagi u la ai jingsngewnguh ia ka jingiaroh ba u Myntri Rangbah Duh u la ai ia ki nongrep bad ka bynta jong ki ha ka jingtei ia ka ri.

Kumjuh ruh, u Vedvrata Arya u la kren shaphang ki lai tylli ki sienjam ba dang shen kiba la iarap bha ia ki nongrep.

Ka barikor ba pawnam, ka Sarita Joshi ka la batai kumno ka khubor u Myntri Rangbah Duh na ka Red Fort ka la pyni ia ka bynta jong ki longkmie ha ka jingtei ia ka ri bad kumno kane ka la ai ka bor ba thymmai ia ki longkmie.

Ka Nalini Asthana kaba dei ka nongshad Kathak kaba pawnam ka la batai kumno u Myntri Rangbah Duh, lyngba ka jingai jingkren jong u sha ka ri u la ialam lynti ia ki samla ba kin pynkylla, kin trei bad kin wanrah ia ka jingpher.

Ka Dr. Alka Kriplani, nongjop Padma Shri bad ka Gynaecologist kaba pawnam ka la ai jingsngewnguh ia u Myntri Rangbah Duh na ka liang jong baroh ki longkmie namar ka jingphaikhmat kyrpang sha ka jingpynkupbor ia ki longkmie.

Ka Vani Kola, MD Kalaari Capital ka la iaroh ia u Myntri Rangbah Duh uba la kren shaphang ka jingkyntiew ia ki longkmie bad ruh ka jingpynrem ia ki kam beain pyrshah ia ki longkmie

Ka nongjop Padma Bhushan bad nongrwai ba pawnam, ka KS Chithra ka la sngew ktah bha da ka jingsngewkhia u Myntri Rangbah Duh na ka bynta ka jingpynkupbor ia ki longkmie bad ruh ki jingpynbna ia ki sienjam ba thymmai na ka bynta ki longkmie.

Ka Capt. Zoya Agrawal, nongpynher liengsuin (Capt jong ka kynhun ki longkmie kiba la pynher jngai tam ia ka liengsuin na San Francisco sha Bengaluru) ka la sngew kmen namar ka jingiathuh u Myntri Rangbah Duh ba ka India ka don shibun tam ki longkmie kiba pynher ia ki liengsuin paidbah ha ka pyrthei, kaba la kyntiew ia ka roi ka par kaba ialam lynti da ki longkmie ha ki kam pynher liengsuin bad ha kiwei kiwei ki kam.

Ka Lt. Gen. (Retd) Madhuri Kanitkar, Vice Chancellor, Maharashtra University of Health Sciences ka la kren shaphang ka jingban jur u Myntri Rangbah Duh halor ka bynta jong ki longkmie ha ka roi ka par jong ka ri jong ngi.

****