প্রধানমন্ত্রীগী লোইশঙ
মমাঙঙৈগী খুৎ-শা হৈবগী লৌশিং লৈবা লনাই মীওইশিং ‘বিশ্বকর্মা য়োজনা’গী কান্নবা ফংগনি হায়না প্রধান মন্ত্রীনা লাউথোকখ্রে
অহানবগী লুপা করোর ১৩০০০-১৫০০০ কাইথোক্তুনা স্কিম অসি হৌরগনি
লৈবাক অসিগী লায়রবা নুপা অমসুং নুপী করোর ১৩.৫ লায়রবগী য়োৎহিংদগী নান্থোক্লে অমসুং অনৌবা মিদল ক্লাস ওইরে: শ্রী নরেন্দ্র মোদী
Posted On:
15 AUG 2023 1:42PM by PIB Imphal
লাক্লিবা নুমিৎ খরনিদা ‘বিশ্বকর্মা য়োজনা’ হৌদোক্লগনি হায়না ৭৭শুবা নিংতম্বা নুমিৎ থৌরমগী লাল কিলাদগী ৱা ঙাংবদা প্রধান মন্ত্রী শ্রী নরেন্দ্র মোদীনা লাউথোকখ্রে। স্কিম অসিনা মমাঙঙৈগী খুৎ-শা হৈবগী লৌশিং লৈবা লনাই মীওইশিং কান্নবা পীনবা থৌরাং তৌরে।
প্রধান মন্ত্রীনা হায়খি লাক্লিবা নুমিৎ খরনিগী মনুংদা, বিশ্বকর্মা জয়েন্তি থৌরমদা ঐখোয়না স্কিম অমা হৌদোক্লগনি, মসিনা ও.বি.সি কাংলুপকী মমাঙঙৈগী খুৎ-শা হৈবগী লৌশিং লৈবা লনাই মীওইশিং কান্নবা পীগনি। বিশ্বকর্মা য়োজনাগী খুৎথাংদা ফিশাবশিং, সনা শাবশিং, য়োৎ শুবশিং, ফি শুবশিং, শম ককপা মীওইশিং অমসুং মখোয়গী ইমুং-মনুংগী মীওইশিং কান্নবা পীগনি অমসুং মসি অহানবগী লুপা করোর ১৩০০০-১৫০০০ কাইথোক্তুনা থবক হৌরগনি।
মহাক্কী ৱারোলদা প্রধান মন্ত্রীনা হায়খি লায়রবা কোকহন্নবা সরকারনা থবকশিং পায়খৎলে। মসিগী ফল ওইনা অহানবগী চহি ৫গী তার্মদা, লৈবাক অসিগী লায়রবা নুপা অমসুং নুপী করোর ১৩.৫ লায়রবগী য়োৎহিংদগী নান্থোক্লে অমসুং অনৌবা মিদল ক্লাস ওইরে।
মীওই করোর ১৩.৫ লায়রবা কোকহন্নবা তোঙান-তোঙানবা স্কিমশিংনা মতেং পাংলে। হায়রিবা স্কিমশিং অদুগী মনুংদা পি.এম শ্বানিধি স্কিমগী খুৎথাংদা লম্বী নাকলদা পোৎ য়োল্লিবশিংদা লুপা করোর ৫০,০০০ পীখিবা অমসুং পি.এম কিষান সম্মান নিধিগী মখাদা লৌমীশিংগী একাউন্তশিংদা লুপা করোর লাখ ২.৫ হাপচিনখিবা য়াওরি।
****
(Release ID: 1949546)
Visitor Counter : 80
Read this release in:
English
,
Khasi
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam