પ્રધાનમંત્રીનું કાર્યાલય
પ્રધાનમંત્રીએ પરંપરાગત કારીગરીમાં કુશળ વ્યક્તિઓને લાભ આપવા માટે 'વિશ્વકર્મા યોજના'ની જાહેરાત કરી
₹ 13000 - 15000 કરોડની પ્રારંભિક ફાળવણી સાથે યોજના શરૂ થશે
13.5 કરોડ ગરીબ દેશવાસીઓ અને મહિલાઓ ગરીબીની સાંકળો તોડીને નવા મધ્યમ વર્ગમાં પ્રવેશ્યા છેઃ શ્રી નરેન્દ્ર મોદી
Posted On:
15 AUG 2023 1:42PM by PIB Ahmedabad
77મા સ્વતંત્રતા દિવસ પર લાલ કિલ્લાની પ્રાચીર પરથી બોલતા પ્રધાનમંત્રી શ્રી નરેન્દ્ર મોદીએ આગામી દિવસોમાં ‘વિશ્વકર્મા યોજના’ શરૂ કરવાની જાહેરાત કરી હતી. આ યોજના પરંપરાગત કારીગરીમાં કુશળ વ્યક્તિઓને લાભ આપવાનું આયોજન છે.
"આગામી દિવસોમાં, અમે વિશ્વકર્મા જયંતી નિમિત્તે એક યોજના શરૂ કરીશું, જે પરંપરાગત કારીગરીમાં કુશળ વ્યક્તિઓ, ખાસ કરીને OBC સમુદાયના લોકોને લાભ આપશે. વણકર, સુવર્ણકાર, લુહાર, લોન્ડ્રી કામદારો, નાઈઓ અને આવા પરિવારોને 'વિશ્વકર્મા યોજના' દ્વારા સશક્ત કરવામાં આવશે, જે લગભગ 13-15 હજાર કરોડ રૂપિયાની ફાળવણી સાથે શરૂ થશે," પ્રધાનમંત્રીએ જણાવ્યું હતું.
અગાઉ તેમના ભાષણમાં શ્રી મોદીએ સરકારના ગરીબી નાબૂદીના પ્રયાસો વિશે વાત કરી હતી. તેમણે કહ્યું કે, પ્રથમ પાંચ વર્ષના કાર્યકાળમાં આ પ્રયાસોના પરિણામે 13.5 કરોડ ગરીબ દેશવાસીઓ અને મહિલાઓ ગરીબીની સાંકળોથી મુક્ત થઈને નવા મધ્યમ વર્ગમાં પ્રવેશ્યા છે.
પ્રધાનમંત્રીએ વિવિધ યોજનાઓ વિશે વાત કરી જેણે આ 13.5 કરોડ લોકોને ગરીબીની મુશ્કેલીઓથી ઉપર આવવામાં મદદ કરી છે. તેમાંના અગ્રણીઓમાં PM SVANidhi યોજના દ્વારા શેરી વિક્રેતાઓને ₹50,000 કરોડ પૂરા પાડવા અને PM કિસાન સન્માન નિધિ દ્વારા ખેડૂતોના ખાતામાં સીધા જ ₹2.5 લાખ કરોડ જમા કરાવવાનો સમાવેશ થાય છે.
CB/GP/JD
(Release ID: 1949098)
Visitor Counter : 212
Read this release in:
English
,
Khasi
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Odia
,
Tamil
,
Telugu
,
Kannada
,
Malayalam