Ka Ophis jong u Myntri Rangbah duh ka ri
Pynbna u Myntri Rangbah duh ia ka ‘Vishwakarma Yojana’ ban ai jingmyntoi ia ki nongshna jingshna tynrai kiba la tbit
Yn sdang ia ka skhim da ka jingmang pisa kaba ₹ 13000 – 15000 klur
13.5 klur ki briew ba duk ba suk jong ka ri bad ki longkmie ki la lait na ka jingduk: Narendra Modi
Posted On:
15 AUG 2023 1:42PM by PIB Shillong
Ha ka jingai jingkren na Red Fort ha ka lyngkhuh dap 77 snem ka jingioh Jinglaitluid ka ri, u Myntri Rangbah duh u Narendra Modi u la pynbna ka jingplie ia ka ‘Vishwakarma Yojana’, ha ki sngi ban wan. La saindur ia ka skhim ban ai jingmyntoi ia ki nongshna jingshna tynrai kiba tbit.
“Ha ki sngi ban wan, ngin sa pyllait ia ka skhim ha ka jingialang jong ka Vishwakarma Jayanti, ban ai jingmyntoi ia ki nongshna jingshna tynrai kiba tbit, khamtam ki jaitbynriew OBC. Ki nongthain jain, ki nongshna ksiar, ki nongshoh nar, ki nongsait jain, kiba khap shniuh, bad bun kum kine ki longiing kin shah pynkupbor lyngba ka ‘Vishwakarma Yojana’, ka ban sdang da ka jingmang pisa kaba 13-15 hajar klur tyngka,” la ong u Myntri Rangbah duh.
Ha ka jingkren jong u, u Modi u la kren shaphang ki sienjam jong ka sorkar ban weng ia ka jingduk. U la ong, namar kine ki sienjam ha ka samoi san snem ba nyngkong, 13.5 klur ki briew ba duk ba suk jong ka ri bad ki longkmie ki la lait na ka jingduk bad sdang ka jingim ba thymmai.
U Myntri Rangbah duh u la kren shaphang ki skhim bapher bapher kiba la ai jingmyntoi ia kine ki 13.5 klur ngut ki briew ban kiew shaphrang hapdeng ki jingeh jong ka jingban ka jingduk. Kiba paw hapdeng kine kilong ka jingai ₹ 50,000 klur sha ki nongdie jingdie harud surok lyngba ka skhim PM SVANidhi, bad ka jingthep beit beit ₹ 2.5 lak klur sha ki account jong ki nongrep lyngba ka PM Kisan Samman Nidhi.
*****
(Release ID: 1949035)
Visitor Counter : 127
Read this release in:
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam