প্রধান মন্ত্রী, শ্রী নরেন্দ্র মোদীনা ঙসি 77শুবা নীংতম নুমিৎকী থৌরমদা লাল কিলাগী লানবনদগী ৱাং ঙাংবদা ভারতনা 2014দা মালেমগী 10শুবা খ্বাইদগী চাউবা ইকনোমী ওইনা লৈরম্বদগী ঙসি 2023দা 5শুবা ওইবা ঙম্লে হায়না নীংশিংখি। পি.এম.না হায়খি মদুদি লেপ্পা লৈতনা শেঞ্জা-থুমজা থেংনবা, সরকারগী কান্নবশিং ত্রান্সফর তৌবদা লীকেজ থিংবা অমসুং মপাঙ্গল কনবা ইকনোমী অমা শেম্বা অমসুং লায়রবগী য়াইফনবা মীয়ামগী শেল চাদিং তৌবনা মরম ওইরগা মসি কাখৎহনবা ঙমখিবনি।

“ঙসি ঐহাক্না ইরেবাকচাশিংদা হায়জনীংই মদুদি লৈবাক অসি শেল-থুমদা খুমাং চাউশিল্লবা মতমদা মসিনা অহোবশিং মেনখৎপা খক্তা নত্তনা প্রজাশিং অমসুং জাতিগী তৌবা ঙম্বা হেনগৎহল্লি। করিগুম্বা প্রজাগী য়াইফনবগীদমক মসিবু থমোয় শেংনা চাদিং তৌগনি হায়না ৱাশকপা সরকার অমা লৈরবা মতমদা খক্তা অসিগুম্বা অতাংবা চাউখৎপগী ফলশিং ফংবা ঙমগনি।”

কেন্দ্রদগী রাজ্যশিংদা ফন্দশিং ত্রান্সফর তৌবা লুপা করোর লাখ 30 দগী লুপা করোর লাখ 100 দা হেনগৎহনখি

হৌখিবা চহি 10দা খুমাং চাউশিনখিবগী মতাংদা পাউদম্লদুনা পি.এম.না হায়খি মদুদি মশীংশিং অসিনা অহোংবা পুরকপগী থৌগৎনীংঙাই ওইবা ৱারী অমা তাক্লি। অওনবা লাক্লিবা অসি পাক চাউই অমসুং লৈবাক্কী অচৌবা মতিক ময়াইগী শাখিনি হায়না ফোঙদোক্লদুনা চহি 10গী মমাংদা ভারত সরকারদগী রাজ্যশিংদা লুপা করোর লাখ 30 চাদিং তৌরমখি হায়না পি.এম.না ফোঙদোকখি। হৌখিবা চহি 9দা মসিগী মশিং অসি করোর লাখ 100 য়ৌহনখি হায়না পি.এম.না ফোঙদোকখি। “মমাংদা লুপা করোর লিশিং 70 লোকেল বোদীশিংগী চাউখৎ-থৌরাংগীদমক ভারত সরকারগী ত্রেজরীদগী চাদিং তৌখি, ঙসি মসি লুপা করোর লাখ 3 হেন্না হেল্লে”।

লায়রবগী হাউসিংদা শরুক মরি হেনগৎলকখি, লৌমীশিংগী য়ুরিয়া সবসিদীগীদমক লুপা করোর লাখ 10

পি.এম.না জাতিদা হায়খি মদুদি মমাংদা লায়বগী য়ুমশিং শান্নবা লুপা করোর লিশিং 90 চাদিং তৌখি; ঙসি মসি শরুক 4 হেনগৎহনখ্রে অমসুং লায়রবগী য়ুমশিং শান্নবা লুপা করোর লাখ 4 হেন্না চাদিং তৌখি। পি.এম.না হায়খি মদুদি য়ুরিয়া বেগশিং অসি গ্লোবেল মার্কেৎশিংদা লুপা 3,000দা য়োল্লিবা অসি লৌমীশিংদা লুপা 300দগী হেন্দনা ফংহল্লি। “গ্লোবেল মার্কেৎশিংদা লুপা 3,000দা য়োল্লিবা য়ুরিয়া বেগ অসি ঐখোয়গী লৌমীশিংদা লুপা 300দা পীরি অমসুং মরম অসিনা সরকারনা ঐখোয়গী লৌমীশিংগীদমক য়ুরিয়াদা লুপা করোর লাখ 10গী সবসিদী পীরি।”

MUDRA য়োজনানা প্রজা করোর 10গী ময়াবু জোব ক্রিএতরশিং ওইহনখি

পি.এম.না হায়খি মদুদি MUDRA য়োজনানা প্রজা করোর কয়াবু ওন্তপ্রিনোর ওইহনবা ঙমখি অমসুং অতোপ্পগীদমক জোব ক্রিএতরশিং ওইহনখি। “লুপা করোর লাখ 20 হেনবগী বজেৎকা লোয়ননা মুদ্রা য়োজননা ঐখোয়গী লৈবাক্কী নহারোলগীদমক মশানা মশা থবক পীজনবা, বিজিনেসশিং অমসুং বেঞ্চরশিংগীদমক খুদোংচাবশিং পীখি। মীওই করোর নিপানরোমনা অনৌবা বিজিনেসশিং হৌদোকখি অমসুং মসিদা মীওই করোর নিপান্না মখোয়গী বিজিনেসশিং হৌখিবা খক্তা নত্তনা ওন্তপ্রিনোর অমমমনা মীওই অমা নত্ত্রগা অনিদা থবক পীখি। প্রজা করোর নিপান অসিদা মুদ্রা য়োজনা ফংহনবগী খুত্থাংদা অনৌবা মীওই করোর 8-10দা থবক পীবা ঙমখি”। পি.এম.না মখা তারদুনা হায়খি বিজিনেসশিং অসিনসু COVID-19 লাইচৎ মনুংদা মতেং পাংখি, MSMEশিংদা লুপা করোর লাখ 3.5 গী ময়া পীদুনা মতেং পাংখি, মখোয়বু চৈথেং নংগদবদগী কনখি অমসুং মখোয়দা শক্তি পীখি।

পি.এম.না ঐখোয়গী লান্মীশিংদা ইকাই খুম্নবা উৎপা ওইনা ভারতকী ত্রেজরীদগী মখোয়দা লুপা করোর 70,000গী কান্নবা ফংহন্নবা “ৱান রেঙ্ক ৱান পেন্সন” থৌশিল করম্না হৌদোকখিবগে নীংশিংখ্রে। ঐখোয়গী থবক্তগী পোত্থারবা ইমুং মনুংশিংনা শেনফম অসি ফংখি হায়না মহাক্না ফোঙদোকখি।

পি.এম.না হায়খি মদুদি মসিদি শুপ্নগী খুদম খরনি অমসুং লৈবক্কী চাউখৎ-থৌরাং, লৈবাক্কী কাচিন কোয়া কয়ামরুমদা থবক পীবনচিংবদা চাউনা শরুক তমখিবা থৌশিল কয়ামরুম লৈ। পি.এম.না জাতিদা মমাংগী চহিশিংগা চাংদম্নবা মতমদা লৈবাক্কী বজেৎ অসি কেতগোরী কয়াদা শরুক কয়া থোক্না হেনগৎহনখি।

“মীওই করোর 13.5বু লায়রবগী য়োৎলিং থদৎপা ঙমখি অমসুং অনৌবা মিদ্দল ক্লাস অমদা চংবা ঙমহনখ্রে”

পি.এম.না হায়খি মদুদি খোঙথাং পুম্নমক অসিনা মরম ওইরগা সরকারগী চহি মঙাগী তেনর অমগী মনুংদা লায়রবা মীওই করোর 13.5 বু লায়রবগী য়োৎলিংদগী মনীং মখা তম্বা ফংহনখি অমসুং অনৌবা মিদ্দল ক্লাস্তা চংবা ঙমহনখি। পি.এম.না হায়খি মদুদি পুন্সিদা মসিদগী হেন্না পেন্নীংঙাই ওইবা অমা লৈররোই। পি.এম.না মখা তারদুনা হায়খি মদুদি হাউসিং স্কিমশিংদগী হৌরগা, PM SVANidhi স্কিমগী খুত্থাংদা স্ত্রীৎ বেন্দরশিংদা লুপা করোর 50,000গী প্রোবিজন পীবা অমসুং অসিগুম্বা স্কিম কয়ামরুমনা মীওই করোর 13.5বু লায়রবগী অৱাবদগী কোকহনবা ঙমখ্রে।

***