Ka Ophis jong u Myntri Rangbah duh ka ri
azadi ka amrit mahotsav

Ka roi ka par kaba ialam lynti da ki longkmie ka dei kaba kongsan ban jam shakhmat ka ri: U Myntri Rangbah Duh ha ka jingai jingkren ha ka lyngkhuh sngi ioh jinglaitluid

Posted On: 15 AUG 2023 2:02PM by PIB Shillong

U Myntri Rangbah Duh, u Narendra Modi u la ai jingkren na Red Fort ha ka lyngkhuh sngi ioh jinglaitluid kaba 77 mynta ka sngi ha kaba u la ban jur halor ka jingkongsan jong ka roi ka par ba ialam lynti da ki longkmie khnang ba ka ri kan jam shakhmat. U Myntri Rangbah Duh u la ong ba ka India ka lah ban ong da ka jingsngew sarong ba ka don shibun tam ki longkmie bad ki samla kynthei kiba pynher liengsuin. Ki stad science kiba long ki samla kynthei bad ki longkmie ki ialam lynti ruh ia ka Chandrayaan Mission, la ong u Myntri Rangbah Duh

 

U Myntri Rangbah Duh u la ong ba u la kren shaphang ka roi ka par ba ialam lynti da ki longkmie ha ka G20 bad ba ki ri G20 ki la pdiang ia kane bad sngewthuh ia ka jingkongsan jong ka.

 

Ha ka jingkren shaphang ka 'Nari Samman', u Myntri Rangbah Duh u la batai shaphang ka jingshem jong u haba u la leit shabar ri ha kaba uwei na ki Myntri jong kawei ka ri u la kylli lada ki samla kynthei ha India ki pule ia ka science bad ka engineering. U Myntri Rangbah Duh u la ong ba ka jubab mynta ha ka ri ka long ba ki kham bun ki khynnah kynthei ia ki khynnah shynrang kiba pule ia ka STEM (Science, Technology, Engineering, Mathematics) bad ba ka pyrthei baroh kawei mynta ka peit ia kane ka bor jong ngi.

*****


(Release ID: 1949025) Visitor Counter : 113


Read this release in: English , Urdu , Marathi , Hindi , Bengali , Manipuri , Assamese , Punjabi , Gujarati , Odia , Tamil , Telugu , Kannada , Malayalam