প্রধানমন্ত্রীগী লোইশঙ
পি.এম.না নই দিল্লীগী প্রগতি মৈদান্দা ইন্তরনেস্নেল একজিবিসন-কম-কনভেন্সন সেন্তর (IECC) কম্প্লেক্স শঙ্গাখ্রে
ইন্তরনেস্নেল একজিবিসন-কম-কনভেন্সন সেন্তর (IECC) কম্প্লেক্স অসি ‘ভারত মন্দপম’
G-20 শেনবেক অমসুং G-20 স্তাম্প পুথোকখ্রে
“ভারত মন্দপম অসি ভারতকী তৌবা ঙম্বা অমসুং লৈবাক অসিগী অনৌবা ইনর্জী অমগী খোল্লাউ অমনি, মসি ভারতকী শীংথানীংঙাই ওইবা অমসুং খাংবা কনবগী ফিলোসোফী অমনি”
“ভগৱান বসাবেশ্বরগী ‘অনুভাব মন্দপম’ অসি ‘ভারত মন্দপম’ থোনখিবগী ৱাখল্লোনগী হৌরকফমনি”
“মসিগী ভারত মন্দপম অসি ঐখোয়গী দিমোক্রেসী অমসুং নীংখাতম্বগী চহি 75 শুবা থোরমগী ঐখোয়না ভারত্তা পীবা খুদোল অমনি”
“21 শুবা চহিচাদা 21 শুবা চহিচাগী মতিকচাবা কন্সত্রক্সন অমা শেম্বা মথৌ তাই”
“থিঙ্ক বিগ, দ্রীম বিগ, এক্ত বিগ হায়বা প্রিন্সিপল অসিগা লোয়ননা ভারতনা মাংলোমদা চংশিল্লি”
ভারতকী চাউখৎ থৌরাংগী খোঙজেল অসি থিংবা ঙম্লরোই। সরকার অসিগী অহুমশুবা তর্মদা ভারত অসি মালেমগী মকোকথোংবা ইককনোমী অহুমগী মরক্তা চল্লগনি। মসিগী মোদীগী গরেন্তিনি”
“ঐখোয়না G-20 মীফম অসি ভারতকী তোঙান তোঙানবা চৎন-লোনচৎশিং উৎলদুনা লৈবাক অসিগী সহর 50 এনবদা পুদুনা চৎখি”
Posted On:
26 JUL 2023 8:44PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীগী প্রগতি মৈদান্দা ইন্তরনেস্নেল একজিবিসন-কম-কনভেন্সন সেন্তর (IECC) কম্প্লেক্স শঙ্গাখ্রে। মহাক্না G-20 শেনয়েক অমসুং G-20 স্তাম্পসু পুথোকখ্রে। প্রধান মন্ত্রীনা কনভেন্সন সেন্তর অসিবু দ্রোন অমসুং নাৎকী ওইবা থৌরমশিংগা লোয়ননা 'ভারত মন্দপম’ হায়না মিংথোনবগী থৌরমদা শরুক য়াখ্রে। প্রধান মন্ত্রী শাগৎচখিবা মংলান অমসুং লুপা করোর 2700 চংনা নেস্নেল প্রোজেক্ত অমা ওইনা শেমগৎতুনা প্রগতি মৈদান্দা লৈরিবা অনৌবা IECC কমপ্লেক্স অসিনা ভারতপু মালেমগী বিজিনেস দেস্তিনেসন অমা ওইনা শেমগৎপদা মতেং পাংলগনি।
তিল্লিবা মীয়ামদা ৱা ঙালদুনা প্রধান মন্ত্রীনা লৈবাক অসিগী অনৌবা ইনোৎ অমসুং ৱাখল্লোন অদুবু ফোঙদোক্লদুনা শৈরেং অমা পাথোকখি। “ভারত মন্দপম অসি ভারতকী তৌবা ঙম্বা অমসুং লৈবাক অসিগী অনৌবা ইনর্জী অমগী খোল্লাউ অমনি, মসি ভারতকী শীংথানীংঙাই ওইবা অমসুং খাংবা কনবগী ফিলোসোফী অমনি”।
প্রধান মন্ত্রীনা ঙসি অয়ুক শ্রমিকশিংবু ইকাই খুম্নবা উৎখিবগী থৌরম অদুবু নীংশিংখি অমসুং লৈবাক পুম্বনা মখোয়গী হোৎনবা কনবা অমসুং কত্থোকপগী ৱাখল্লোন অদুবু উবদা অপেনবা পোকখি হায়না ফোঙদোকখি। মহাক্না ভারত মন্দপম অসিগীদমক দিল্লীগী মীয়াম অমসুং ভারতমচা পুম্ববু থাগৎপা ফোঙদোকখি। কার্গি বিজয় দিবসকী পুৱারী ওইরবা থৌরম অদুগী মতাংদা ফোঙদোক্লদুনা কার্গিল লালগী মতমদা লৈবাক পুম্বগী মহুৎ শিন্দুনা ভারতকীদমক থৱাই কৎখিবা অথৌবশিংগী মফমদা ইকাই খুম্নবা উৎখি।
ভগৱান বসাবেশ্বরগী ‘অনুভাব মন্দপম’ অসি ‘ভারত মন্দপম’ থোনখিবগী ৱাখল্লোনগী হৌরকফমগী মতাংদা প্রধান মন্ত্রীনা শন্দোক্না তাকখি। মহাক্না হায় অনুভাব মন্দপম অসিনা খন্ন-নৈনবা অমসুং ৱাখল্লোন ফোঙদোকপগী মহুৎ শিল্লি। ভারত অসি দিমোক্রেসীগী মমানি হায়না মীয়ামদা ফোঙদোকখি। “মসিগী ভারত মন্দপম অসি ঐখোয়গী দিমোক্রেসী অমসুং নীংখাতম্বগী চহি 75 শুবা থোরমগী ঐখোয়না ভারত্তা পীবা খুদোল অমনি” হায়না মহাক্না ফোঙদোকখি। মফম অসিদা চয়োল খরগী মনুংদা G20 সম্মিৎ পাংথোকপা মতমদা মালেম পুম্বনা ভারতকী তৌবা ঙম্বা অমসুং চাউখৎলক্লিবা ফিভম অদু উবা ফংগনি হায়না মহাক্না ফোঙদোকখি।
দিল্লীদা ৱর্ল্দ ক্লাস কনভেন্সন সেন্তর অমগী মথৌ তাবগী মতাংদা শন্দোক্না তাক্লদুনা প্রধান মন্ত্রীনা হায় “21 শুবা চহিচাদা 21 শুবা চহিচাগী মতিকচাবা কন্সত্রক্সন অমা শেম্বা মথৌ তাই”। ভারত মন্দপম অসিনা মালেম পুম্বগী একজিবিতরশিংদা চাউনা কান্নবা ফংহল্লগনি অমসুং ভারত্তা কনফরেন্স তুরিজমগী মেদিয়ম অমা ওইরগনি হায়না প্রধান মন্ত্রীনা ফোঙদোকখি। মহাক্না মখা তারদুনা ভারত মন্দপম অসিনা লৈবাক অসিগী স্তার্তঅপশিংগী তৌবা ঙম্বশিং উনবগী প্লেৎফোর্ম অমা ওইনা মথৌ তৌরগনি, আর্তিস্তশিং অমসুং এক্তরশিংগী পর্ফোর্মেন্সশিং উবা ফংহল্লগনি অমসুং হেন্দিক্রাফ আর্তিসানশিং হৈথোই শিংথোইবা উনবা প্লেৎফোর্ম অমা পীবা ঙম্লগনি হায়না ফোঙদোকখি। কনভেন্সন সেন্তর অসিনা ইকনোমীদগী হৌরগা ইকোলোজী ফাওবা অমসুং ললোল ইতিক্তগী হোরগা তেক্নোলোজী ফাওবদা সেক্তর খুদিংমক্কী স্তেজ অমা ওইরগনি হায়না ফোঙদোক্লদুনা “ভারত মন্দপম অসি আত্মনির্ভর ভারত অমসুং ভোকেল ফোর লোকেল কেম্পেনগী মমি অমা ওইরগনি হায়না প্রধান মন্ত্রীনা ফোঙদোকখি”।
প্রধান মন্ত্রীনা হায় ভারত মন্দপমগুম্বা ইনফ্রাস্ত্রকচর অসি চহি দিকেদ কয়াগী মমাংদা শেমগৎলমগদবনি। মহাক্না মশাগী কান্নবশিং খক্তা খনবগী মহুত্তা ইনফ্রাস্ত্রকচরশিং শেমগৎপদা পুক্নিং চংগদবনি হায়না ফোঙদোকখি। মশাগীখক্তা খল্লগা থবক পাইখৎপা মতমদা সমাজ অমত্তনা চাউখৎপা ঙম্লোই হায়না মহাক্না ফোঙদোকখি। মহাক্না হায় ভারত মন্দপম অসি মীৎয়েং শাল্লবা হোলিস্তিক ৱর্কিং স্তাইলগী খুদম অমনি। মহাক্না লৈবাক 160 হেনবগী ই-কনফরেন্স ভিজা ফেসিলিতীগী খোঙথাংশিংগী মতাংদা পল্লদুনা মসিগী মতাংদা ফোঙদোকখি। দিল্লী এয়রপোর্তকী কেপাসিতী অসি 2014দা করোর 5 ওইরম্বদগী হৌজিক করোর 7.5তা হেনগৎখ্রে। জেৱার এয়রপোর্ত অসিনা মথৌ তৌবা হৌবা মতমদা মসি অমুক্কা হেন্না হেনগৎলকখিগনি। দিল্লী NCRদা লৈরিবা হোস্পিতেলিতী ইন্দস্ত্রী অসিসু অঙকপা ফংনা চাওথোরক্লি। মসিনা কনফরেন্স তুরিজমগী অপুনবা ইকোসিস্তেম অমা শেম্বগী প্লান তৌরবা এপ্রোচ অমা উৎলি হয়না মহাক্না ফোঙদোকখি।
হৌখিবা চহি খরা অসিদা নই দিল্লী কেপিতেল সিতী অসিদা পাইখৎলিবা ইনফ্রাস্ত্রকচর দিভেলপমেন্তশিংগী মতাংদা পল্লদুনা নৌনা শঙ্গাখিবা পার্লিয়ামেন্ত বিল্দিং অসিগী মতাংদা প্রধান মন্ত্রীনা ফোঙদোকখি অমসুং মসিনা ভারতমচা খুদিংমক্কী চাওথোকচবা অদু উৎলি হায়না থমখি। সরকার অসিনা ৱর্ক কলচরগা লোয়ননা ৱর্ক ইনভাইরনমেন্তকী অহোংবদা শাফু পীরদুনা কর্তভ্য পাথকী অকোইবদা লৈরিবা ওফিস বিল্দিংশিং অসিগী দিভেলপমেন্ত ৱর্কশিংগী মতাংদা প্রধান মন্ত্রীনা ফোঙদোকখি। ভারত্তা লৈখিবা প্রধান মন্ত্রী খুদিংমক্কী পুন্সি ৱারী তাক্লিবা প্রধান মন্ত্রী সংগ্রাহলয়গী মতাংদা ফোঙদোকখি। মহাক্না নইং দিল্লীদা মালেমগী খ্বাইদগী চাউবা ম্যুজিয়ম ‘য়ুগে য়ুগীন ভারত’ শেমগৎলিবা অসিগী মতাংদসু ফোঙদোকখি।
প্রধান মন্ত্রীনা হায়খি মদুদি ঐখোয়না চাউখৎনবগীদমক অচৌবা ৱাখল অমসুং অচৌবা তার্গেৎশিং তৌগদবনি। মহাক্না হায়খি মরম অসিনা “ভারতনা ‘থিং বিগ, দ্রীম বিগ, এক্ত বিগ” হায়বা ৱাখল্লোনগা লোয়ননা মাংদা চংশিল্লি”। মহাক্না মখা তারদুনা হায়খি “ঐখোয়না হেন্না চাউবা, হেন্না ফবা অমসুং হেন্না খোঙজেল য়াংবা ওইহল্লি”। মহাক্না মালেমগী খ্বাইদগী চাউবা সোলর-ৱিন্দ পার্ক, খ্বাইদগী ৱাংবা রেল ব্রিজ, খ্বাইদগী শাংবা তন্নেল, খ্বাইদগী ৱাংবা মোতোরেবল রোদ, খ্বাইদগী চাউবা ক্রিকেৎ স্তেদিয়ম, মালেমগী খ্বাইদগী ৱাংবা মীতম অমসুং এসিয়াগী অনিশুবা খ্বাইদগী শাংবা রেলরোদ ব্রিজ ভারত্তা লৈ হায়না ফোঙদোকখি। মহাক্না গ্রীন হাইদ্রোজেন্দা পাইখৎলিবা খোঙথাংশিংগী মতাংদসু ফোঙদোকখি।
ভারতকী চাউখৎ খোঙচৎ অসি হৌজিক লেপ্পা নাইররোই হায়না থাজবা ফোঙদোক্লদুনা প্রধান মন্ত্রী হায়, “লৈবাক পুম্বনা হৌজিক পাল্লিবা সরকারগী তর্ম অসিদা অমসুং মমাংগী তর্মগী চাউখৎ-থৌরাংগী য়ুম্বীশিংগী শাখিনি”। শ্রী মোদীনা হায়খি 2014দা হৌজিক পাল্লিবা সরকারনা শক্তি পাইবা মতমদা মালেমগী 10শুবা খ্বাইদগী চাউবা ইকনোমী ওইরমখি অদুবু ঙসিদি ভারত অসি মালেমগী 5শুবা খ্বাইদগী চাউবা ইকনোমী ওইবা ঙম্লে। ত্রেক রেকোর্দকী মতুং ইন্না ভারতকী মমিং অসি অহুমশুবা তর্মদা মালেমগী মকোক থংবা ইকনোমী 3গী মনুংদা চল্লগনি হায়না প্রধান মন্ত্রীনা থাজবা ফোঙদোকখি। মহাক্না হায়, “মসি মোদীগী গরেন্তীনি”। প্রধান মন্ত্রীনা প্রজাশিংদা থাজবা পীখি মদুদি অহুমশুবা তর্মদা ভারতকী চাউখৎ খোঙচৎ অসি শরুক কয়া হেনগৎলক্কনি অমসুং প্রজাশিংনা মখোয়গী মঙলানশিং মঙফাওনবা উবা ফংগনি।
প্রধান মন্ত্রীনা হায়খি মদুদি ঙসি ভারতনা হৌখিবা চহি 9 অসিদা নৌনা শেমগৎ শাগৎপগী অওনবা অমা উবা ফংলি, ইনফ্রাস্ত্রকচর শেমগৎপদা লুপা করোর লাখ 34 চাদিংং তৌখি। চহি অসিদসু কেপিতেল এক্সপেন্দিচর অসি লুপা করোর লাখ 34 থমখি। ভারতনা অমুক্তা ওইখিদ্রিবা খোঙজেলদা অমসুং পাকচাউনা থবক পাইখৎলি। মহাক্না হায়খি হৌখিবা চহি 9দা মসিগী মমাংগী দিকেদ তরেৎতা শুপ্নগী লিশিং 20 ইলেক্ত্রিফিকেসন তৌখিবা অদুগা চাংদম্নবদা রেলৱে লাইনশিংগী কিমি লিশিং 40 ইলেক্ত্রিফিকেসন তৌবা ঙমখি। 2014গী মমাংদা, থা অমদা মেত্রো লাইন মিতর 600 শেমখি, ঙসি থা খুদিংগী মেত্রো লাইন কিমি 6 শেম্বা ঙম্লে। ঙসি লৈবাক অসিদা 2014দা কিমি লাখ 4 খক্তা ওইরমখিবা অদুগা চাংদম্নবদা অসিদা খুঙ্গংগী লম্বীকিমি 7.25 শাংনা শেম্লে। এয়রপোর্তশিংগী মশিং অসি 70দগী 150দা হেনগৎলে। সিতি গ্যাস দিস্ত্রিব্যুসন অসিসু 2014দা শুপ্নগী 60 য়ৌরমখিবা অদুগা চাংদম্নবদা সহর 600 য়ৌবা ঙম্লে।
সরকারনা সমস্যাশিংগী মতম চুপ্পগী ওইবা ৱারোইশিনশিং পুথোক্নবা মীৎয়েং চংলি হায়না ফোঙদোক্লদুনা প্রধান মন্ত্রীনা হায়খি, “অনৌবা ভারতনা মাংদা চংশিল্লি অমসুং লম্বীদা থেংনবা খুদোংচাদবা পুম্নমক মায়োক্নরি”।সোসিএল ইনফ্রাস্ত্রকচরগী গেম-চেঞ্জর অমা ওইরক্লিবা PM গতিশক্তি মাস্তরপ্লান খুদম ওইনা পীরদুনা প্রধান মন্ত্রীনা হায়খি মদুদি মসিদা দেগী লেয়র 1600 হেন্না য়াওই অমসুং লৈবাক্কী মতম অমদি শেল কনবা ঙম্নবা পান্দম থমখি।
প্রধান মন্ত্রীনা 1930গীচহিচাগী মতমদা পুক্নিং চিংশিল্লদুনা হায়খি মদুদি হৌখিচবা চহিচাগী অহুমশুবা দিকেদ অসি ভারতকী নীংতম লানগীদমক মরু ওইখি, মতম অদুগী পান্দম অসি স্বারাজনা ওইরমখি। মতৌ অসুম্না চহিচা অসিগী অহুমশুবা দিকেদ অসি ভারতকীদমক য়াম্না মরু ওই মরমদি ঐখোয়গী পান্দম অসি চাউখৎপা ভারত ‘বিক্ষিৎ ভারত’ অমনি। প্রধান মন্ত্রীনা নৌহৌনা ফোঙদোকখি মদুদি স্বারাজ ইহৌগী ফলনা ভারতনা নীংখা তম্বা ফংবা ঙমখিবনি। নীংতম লান্মী খুদিংমক্কী মঙলানশিং থুংহন্নবা প্রজাশিংদা ফোঙদোক্লদুনা প্রধান মন্ত্রীনা হায়খি “হৌজিক অহুমশুবা দিকেদ অসিদা ঐখোয়না মথংগী চহি 25গী ‘বিক্ষিৎ ভারত’কী পান্দম থম্মি”। এক্সপরিয়েন্স অদুগী মতাংদা ফোঙদোক্লদুনা প্রধান মন্ত্রীনা হায়খি মহাক্না মহাক্কী মমাংদা মাইপাকপা কয়া উবা ফংখি অমসুং লৈবাক্কী শক্তিগী মতাংদসু মহাক্না খঙই। প্রধান মন্ত্রীনা হায়খি, “ভারতনা চাউখৎপা লৈবাক অমা ওইবা ঙমগনি!ভারতনা লায়রবা মুত্থৎপা ঙমগনি”। নিতি আয়োগকী রিপোর্ত অমগী মতাংদা পল্লদুনা প্রধান মন্ত্রীনা হায়খি মদুদ মীওই করোর 13.5বু শুপ্নগী চহি 5গী মনুংদা লায়রবা কোকহনবা ঙম্লে। মহাক্না নৌহৌনা ফোঙদোকখি মদুদি ইন্তর্নেস্নেল এজেন্সীশিংনা পনখিবগী মতুং ইন্না ভারত্তা লায়রবা কোকহনবা ঙম্লে অমসুং হৌখিবা চহি 9দা সরকার অসিনা শেমখিবা পোলিসীশিং অমসুং লৌখিবা ৱারেপশিংদা মসিগী মনা পীখি।
পুকচেল শেংবা ৱাখল্লোন অমসুং অচুম্বা থৌশিলশিংগী মতাংদা পল্লদুনা প্রধান মন্ত্রীনা G-20গী খুদম পীখি। মহাক্না হায় “ ঐখোয়না G-20 অসি সহর নত্রগা মফম অমখক্তদা পাংথোক্তে। ঐখোয়না G-20 মীফমশিং অসি লৈবাক অসিগী সহর 50 হেনবদা পাংথোকখি। ঐখোয়না ভারতকী তোঙান তোঙানবা চৎন-লোনচৎশিং অদু মসিগী খুত্থাংদা উৎখি। ঐখোয়না মালেমদা ভারতকী কলচরেল পাৱর করিনো, ভারতকী হেরিতেজ করিনো হায়বা উৎখি”। মখাতানা G-20 প্রসিদেন্সীগী মওং মতৌগী মতাংদা উৎলদুনা “G-20 মীফমশিংগী সহর কয়ামরুমদা অনৌবা ফেসিলিতী কয়ামরুম শারে অমসুং অরিবা ফেসিলিতীশিং অসি নৌনা শেমগৎলে। মসিনা লৈবাক অসিবু অমসুং লৈবাক অসিবু মীয়ামদা কান্নবা ফংহল্লে। মসি অফবা লৈঙাক শাসন অমনি। ঐখোয়না নেসন ফর্স্ত, সিতিজন ফর্স্ত হায়বগী ৱাখল্লোন্দা ভারত অসি চাউখৎলবা লৈবাক অমা ওইহল্লগনি” হায়না ফোঙদোক্লদুনা প্রধান মন্ত্রীনা মহাক্কী ৱারোল অদু তেনশিনখি।
ত্রেদ অমসুং কম্মর্সকী কেন্দ্রগী মন্ত্রী শ্রী পিয়ুশ গোয়ল, কেন্দ্র মন্ত্রী অমসুং সরকারগী মন্ত্রী অমসুং মমিং লৈরবা ইন্দস্ত্রীশিংগী এক্সপর্ত কয়ামরুম্না থৌরম অসিদা শরুক য়াখি।
বেকগ্রাউন্দ:
লৈবাক অসিদা মীফম, কনফরেন্স অমসুং একজিবিসন পাংথোক্নবা মালেমগী থাক্কী ইনফ্রাস্ত্রকচর লৈবা হায়বা প্রধান মন্ত্রীগী মঙলান অসিনা মরম ওইরগা প্রগতী মৈদান্দা ইন্তর্নেস্নেল একজিবিসন-কম-কনভেন্সন সেন্তর (IECC) কমপ্লেক্স অমা লৈহল্লে। প্রগতী মৈদানগী অরিবা অমসুং মতমগা চুনদ্রবা ফেসিলিতীশিংবু অনৌবা শক্লোন পীরিবা প্রোজেক্ত অসি লৈবাক্কী প্রোজেক্ত অমা ওইনা লুপা করোর 2700 চঙনা শাবনি। চাউরাকপা একর 123গী পাক চাউবা কেম্পস ওইরিবা IECC কমপ্লেক্স অসি ভারতকী খ্বাইদগী চাউবা MICE (মীফম, ইন্সেন্তিব, কনফরেন্স অমসুং একজিবিসন)গী পন্থুংফম ওইগনি অমসুং মালেমগী খ্বাইদগী মকোক থোংবা একজিবিসন অমসুং কনভেন্সন কমপ্লেকশিংগী মনুং চল্লি।
প্রগতী মৈদান্দা লৈরিবা নৌনা শাবা IECC কমপ্লেক্স অসিদা কনভেন্সন সেন্তর, একজিবিসন হোল, এম্ফিথিএতর য়াওনা স্তেত-ওফ-দি-আর্ত ফেসিলিতী কয়া য়াওরি।
কনভেন্সন সেন্তর অসি প্রগতী মৈদান কমপ্লেক্সকী সেন্তর্পিস ওইনা শেমগৎপনি। মসিদি অচৌবা ইন্তর্নেস্নেল একজিবিসন, ত্রেদ ফেয়র, কনভেন্সন, কনফরেন্স অমসুং অতোপ্পা ইকায় খুম্ননীংঙাই ওইবা থৌরম কয়া য়ুম্বউ ওইনবা শেম শারবা আর্কিতেকচরগী নীংথিরবা খুৎশা অমনি। মসিদা মীফম ফম্বা য়াবা কা কয়া অমা, পোত্থাফম, ওদিতোরিয়ম, এম্ফিথীএতর অমসুং ব্যুজিনেস সেন্তর লৈগনি, অমসুং থৌরম মখল কয়া য়ুম্বু ওইবা য়াগনি। মসিগী নীংথিরবা মলতি-পর্পজ হোল অমসুং প্লেনরী হোল অসিদা পুন্না মীওই লিশিং তরেৎ চনবা ঙম্বগী মতিক লৈগনি অমসুং মসিনা ওস্ত্রলিয়াগী সিদনী ওপেরাদগী হেন্না মী চনগনি। মসিগী নীংথিরবা এম্ফিথীএতর অসিদা মীওই 3000 ফম্বা চনগনি।
কনভেন্সন সেন্তর বিলদিং অসিগী অর্কিতেকচরগী মওং-মতৌ অসিদি ভারতকী চৎনবীদগী ইথিল লৌবনি অমসুং মসিনা ভারতকী মশাদা থাজবা অমসুং থাইনগী মতম্বু ইকায় খুম্নবগা লোয়ননা হৌজিক মতমগী পুন্সি মহিংবুসু য়াজবগী মতৌ উৎলি। বিলদিং অসিগী মওং-মতৌ অসি শংখ (মোইবুং)গী মওং-মতৌদগী লৌবনি, কনভেন্সন সেন্তর অসিগী তোঙান-তোঙানবা ফক্লাং অমসুং মমায়শিংনা ভারতনা সোলর ইনর্জীগী কান্নবা লৌনবা হোৎনবগী থৌওং তাক্লিবা ‘সুর্য় শক্তি’; স্পেসকী লমদা ঐখোয়গী মায় পাকপগী মতৌ উৎলিবা ‘জিরো তু ISRO’; য়ুনিভর্সেল ফাউন্দেসনগী বিলদিং ব্লোক মঙা - আকাশ (অতিয়া), বায়ু (নুংশিৎ), অগনি (মৈ), জল (ঈশিং), পৃথবী (মালেম)গী মহুৎ শিল্লিবা পঞ্চা মহাভুতা য়াওনা ভারতকী নাৎকী ওইবা চৎনবী অমসুং নাৎকী ইলিমেন্ত কয়া উৎলি। মসিদা নত্তনা, লৈবাক্কী তোঙান-তোঙানবা মফমশিংগী লাইয়েক অমসুং ত্রাইবেল আর্ত ফোর্মশিংনা কনভেন্সন সেন্তর অসিবু লৈতেংলি।
কনভেন্সন সেন্তর অসিদা লৈরিবা অতোপ্পা খুদোংচাবশিংগী মনুংদা 5Gনা শাফু পীবা Wi-Fiনা কোনবা কেম্পস, 10G ইন্ত্রানেত কন্নেক্তিবিতী, লোল 16 ফাওবগী ৱাহন্থোক পীবা ঙম্নবা খ্বাইদগী অফবা তেক্নোলোজী শিজিন্নবা ইন্তর্প্রিতরগী কা, অচৌবা ভিদিও ৱালগা লোয়ননা থাক ৱাংলবা AV সীস্তেম, মথৌ নীংথিনা পাংথোকপা ঙমহন্নবা অমসুং ইনর্জী ইফিসিএন্ত ওইহনবা বিলদিং মেনেজমেন্ত সীস্তেম, মৈ মমথহনবা ঙালহনবা ঙম্বগা লোয়ননা ওক্যুপেন্সী সেন্সরগা লোয়ননবা লাইত মেনেজমেন্ত সীস্তেম, স্তেত-ওফ-দি-আর্ত DCN (দেতা কম্ম্যুনিকেসন নেতৱর্ক) সীস্তেম, ইন্তিগ্রেতেদ সর্ভেলিএন্স সীস্তেম অমসুং ইনর্জী য়াম্না শিজিন্নদবা সেন্ত্রেলাইজ এয়র কন্দিস্নিং সীস্তেম য়াওরি।
মখা তারকপা ওইনা, IECC কমপ্লেক্স অসিদা পুন্না একজিবিসন হোল তরেৎ লৈ, অমসুং অমমম্না একজিবিসন, ত্রেদ ফেয়র অমসুং ব্যুজিনেস ইভেন্ত য়ুম্বু ওইবগী মতিক চাবা স্পেস লৈরি। একজিবিসন হোলশিং অসি ইন্দস্ত্রী মখল কয়াগী তঙাই ফদবা পীবা ঙম্নবা অমসুং মালেম শিনবা থুংবগী পোত্থোক উৎপা ঙম্নবা মওংদা দিজাইন তৌবনি। মসিগুম্বা মতমগা চুনরবা স্ত্রকচর অসিনা মোদর্ন ইঞ্জনিয়রিং অমসুং আর্কিতেকচরগী মতিকশিংগী ময়েক লারবা খুদম অমা ওইরি।
IECCগী মপান্দা লৈরিবা লমহাং অসিবুসু মপুং ওইবা কমপ্লেক্স অসিগী ফজবা হেনগৎহন্নবা য়াম্না কুপ্না থৌরাং য়াত্তুনা শেমগৎপনি, অমসুং থৌওং অসিমক্না কমপ্লেক্স অসি শেমগৎপদা তৌখিবা অকুপ্পা থৌরাংগী খুদম ওইরি। মীতম, খিল্লিবা স্ত্রকচর, অমসুং ম্যুরেলশিংনা ভারতকী ইনাক খুল্লবা হেরিতেজকী শক্তম উৎলি; ম্যুজিকেল ফাউন্তেননা মীয়ামগী পুক্নিং শুমহৎপগী মচাক অমা ওইরি; পুখ্রি, পাৎ মচা অমসুং খুৎশেমগী ঈশিং ইচেলনা মফমসিগী ফজববু অমুক্কা হেন্না ফজহল্লি।
IECCদা লাকপা মীয়ামদা নুংঙাইহনবা হায়বসিনা খ্বাইদগী মরু ওইবা প্রাইওরিতীনি, মসিমক গারী 5500 হেন্না খাম্বা য়াবগী খুদোংচাবা পীরিবা থৌওং অসিনা উৎলি। সিগ্নেল ফ্রী রোদকী খুত্থাংদা চত্থোক-চৎশিন তৌবদা নুংঙাইহল্লিবা অসিনা মসিদা লাকপা মীওইশিংনা মখোয়না চৎনিংবা মফমদা য়াম্না লায়না য়ৌবা ঙমহনগনি। মসিদা নত্তনা, কমপ্লেক্স অসিগী মপুং ওইবা দিজাইন অসিনা মফমসিদা লাক্লিবা মীওইশিংগী নুংঙাইবদা খ্বাইদগী হেনবা মিৎয়েং চঙলি অমসুং মসিনা মরম ওইরগা IECC মনুংদা য়াম্না নুংঙাইনা চৎপা য়াগনি।
প্রগতী মৈদান্দা অনৌবা IECC কমপ্লেক্স অমা শেমগৎপা অসিনা ভারতপু মালেমগী ব্যুজিনেসকী পন্থুংফম ওইনা খুমাং চাউশিলহনবদা অচৌবা থৌদাং লৌগনি। মসিনা ত্রেদ অমসুং কম্মর্স হেন্না চাউখৎহনবদা অচৌবা থৌদাং য়াগনি অমসুং শেন্মিৎলোনগী শাহৌ লৈহনবগা লোয়ননা থবকসু য়াম্না হেনগৎহনগনি। মসিনা অপীকপা অমসুং ময়াই ওইরপ্না চাউবা ইন্তর্প্রাইসশিংগী মফমদা মখোয়গী পোত্থোকশিংবু লৈবাক অমসুং মালেমগী মফমদা উৎপগী ফম্বাক পীদুনা মখোয়না শাহৌ লৌবদা মতেং পাংগনি। মসিনা লৌশিং লান্নবগী খুদোংচাবা হেনগৎহনগনি অমসুং খ্বাইদগী ফবা থৌওং, তেক্নোলোজীদা চাউখৎপা লাকপা, অমসুং ইন্দস্ত্রীগী চৎনবীশিং অমগা অমগা লান্নবগী খুদোংচাবা পীগনি। প্রগতী মৈদানগী IECCনা ভারতনা আত্মানির্ভর ভারতকী ইথিলগা লোয়ননা শেন্মিৎলোন অমসুং তেক্নোলোজীগী লমদা লুচিং থৌদাং লৌনবা হোৎনরিবা অসিবু উৎলি অমসুং মসিনা অনৌবা ভারত অমা শেমগৎপগী মাইকৈদা থাংজিনবা খোঙথাং অমা ওইরি।
********
(Release ID: 1943248)
Visitor Counter : 88
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam