এম.এস. মমি মিজুতোরি, UN সেক্রেতরী জেনরেলগী অখন্নবা মীহুৎ; শ্রী অমিতাব কান্ত, ভারতকী G20 শর্পা; G20 মেম্বরশিংগা লোয়ননা গেস্ত ওইরিবা লৈবাকশিংগী কলিগশিং; ইন্তরনেস্নেল ওর্গনাইজেসনশিংগী ওফিসিএলশিং; শ্রী কমল কিশোর, চিয়র ওফ দি ৱর্কিং গ্রুপ; ভারতকী নেস্নেল দিজাস্তর মেনেজমেন্ত ওথোরিতী, নেস্নেল দিজাস্তর মেনেজমেন্ত ইন্সতিত্যুত অমসুং গৃহ মন্ত্রালয়গী  কলিগশিং, তিল্লিবা মীয়াম্বু খুরুমজরি,

দিজাস্তর রি্সক রিদক্সন ৱর্কিং গ্রুপকী অহুমশুবা মীফম অসিদা নখোয়গা পুনবা অসিদা ঐহাক অপেনবা পোকই। চহি অসিগী মার্চ থাদা গান্ধিনগরদা ঐখোয় থেংনখ্রে। মদুদগী হৌরদুনা মালেম অসিনা অমুক্তা থেংনদ্রিবা দিজাস্তর খরা থেংনখ্রে। অৱাংথংবা হেমিস্ফিয়র পুম্বদা লৈবা সহরশিংদা হীত ৱেবকী চৈথেং ফংলি। কেনাদা থোক্লিবা উমং মৈচাকপা অমসুং মদুগী উৎ অদুনা অৱাং অমেরিকাগী সহর কয়ামরুমদা চৈথেং পীরি। ভারত্তা নোংপোকথংবা অমসুং নোংচুপ থংবা সমুদ্র তোর্বানশিংদা অচৌবা সাইক্লোনগী থৌদোকশিং থোক্লি। চহি 45গী মতুংদা দিল্লীদা খ্বাইদগী শাথিবা ইচাও থোক্লি! অদুগা ঐখোয়না নোংজু পন্থাগী তংখাই ফাওবা থেংনদ্রি!

মরুপশিং,

অইং-অশা হোংলকপগী থোরকপা দিজাস্তরশিংগী শাফু অসি ইকুই কুইদনা থেংনরগনি। মখোয় হৌজিক হৌজিক থেংনবা হৌরবনি। মখোয় অসি য়াম্না চাউই। মখোয় অসি অমগা অমগা মরী লৈনৈ। অমসুং মখোয়না পৃথিবী অসিদা লৈরিবা মীপুম খুদিংমক্তা শাফু পীরি। মালেম অসিনা ঙসি থেংনরিবা শিংনবশিং অসিনা মসিগী ৱর্কিং গ্রুপ অসিগী মরুওইবা অদু উৎলি। থা মরিগী অতেনবা মতম অসিদা ৱর্কিং গ্রুপ অসিনা য়াম্না চাউনা খুমাং চাউশিল্লে অমসুং অফবা খোংজেল অমা শাগৎপা ঙম্লে। অদুম ওইনমক ঐখোয়না হেন্না থবক পাইখৎপা মথৌ তাই। মসিগী ৱার্কিং গ্রুপ অসিগী পান্দম অসি ঐখোয়না মায়োক্নরিবা চৈথেংশিং অসিগা চুনহনগদবনি। তপ্না তপ্না অহোংবা পুরকপগী মতম অদু লোইখ্রে। অনৌবা দিজাস্তর রিস্কশিং শেম্বা থিংনবা অমসুং হৌজিক লৈরিবা দিজাস্তর রিস্কশিং অসি ইফেক্তিব ওইনা শিল লাংনবা লোকেল, নেস্নেল অমসুং গ্লোবল সিস্তেমশিং অসিদা অওনবা পুরকপা মথৌ তাই। তোঙান-তোঙানবা জাতি অমসুং মালেমগী থাক্তা হোৎনরিবশিং পুনশিন্দুনা মখোয়গী অপুনবা শক্তি অদু হেন্না মপাঙ্গল কনখৎহন্নবা হোৎনরি। অখুবা ইন্সতিত্যুস্নেলগী ওইবা মীৎয়েংশিংনা লমজিংবা তোখাই-তোখাইবা খোঙথাংশিং পাইখৎপা য়ারোই। ঐখোয়না সমস্যা কোকহন্নবা লালোং অমনা লমজিংগদবনি।

য়ু.এন. সেক্রেতরী জেনরেলগী “আর্লী ৱার্নিং ফোর ওল” থৌশিল অসি লালোং অসিগী খুদম অমা ওইরি। খঙজিনবা য়াবদি জি২০না “আর্লী ৱার্নিং এন্দ আর্লী এক্সন” অসিবু মরু ওইবা হীরম মঙাগী মনুংদা অমা ওইনা শকখঙখি অমসুং মসিদা চাউনা মীৎয়েং চংখি। দিজাস্তর রিস্ক রিদক্সন্দা শেল থাদবগী লমদা ঐখোয়না দিজাস্তর রিস্ক রিদক্সনগী লম পুম্নমক্তা ফাইনান্স তৌনবগীদমক থাক পুম্নমক্তা স্ত্রকচর মেকানিজমশিং ঙাক্না চৎপা মরু ওই। হৌখিবা চহি খরা অসিদা ভারত্তা ঐখোয়না দিজাস্তর রিস্ক রিদক্সনদা ফাইনান্স তৌবগী মওং-মতৌদা মপুং ফানা অহোংবা পুরকপা ঙমখি। ঐখোয়দা হৌজিক শুপ্নগী দিজাস্তর রেস্পোন্স ফাইনান্স তৌবগী অকক্নবা মেকানিজম অমা লৈবতা নত্তনা দিজাস্তর মিতিগেসন, প্রিপিয়র্দনেস অমসুং রিকবরীগীদমক্তসু লৈরি। ঐখোয়না মালেমগী থাক্তসু মান্ননা শিল-লাংবা য়ারোইদ্রা? ঐখোয়না দিজাস্তর রিস্ক রিদক্সনগীদমক লৈরিবা ফাইনান্সিংগী তোঙান-তোঙানবা লমশিংগী মরক্তা চাউনা পুনশিন্নবা মথৌ তাই। ক্লাইমেৎ ফাইনান্স অসি দিজাস্তর রিস্ক রিদক্সনগী ফাইনান্সিং তৌবগী মরু ওইবা শরুক অমা ওইগদবনি। দিজাস্তর রিস্ক রিদক্সনগীদমক প্রাইবেৎ ফাইনান্স মোবিলাইজ তৌবা অসি শীংনবা অমনি অদুবু মসি য়াওদনা ঐখোয়না দিজাস্তর রিস্ক রিদক্সনগী মথৌ তাবা পুম্নমক কোকহনবা ঙমলোই। দিজাস্তর রিস্ক রিদক্সন্দা প্রাইবেৎ ফাইনান্স তৌনবা সরকারনা করম্নবা মখলগী ইনেব্লিং এনভাইর্নমেন্ত অমা শেম্বা তাই? করম্না লম অসিদা জি২০না শাহৌ পীবা য়াবগে অমসুং দিজাস্তর রিস্ক রিদক্সন্দা প্রাইবেৎ ইনভেস্তমেন্ত তৌবা অসিনা কোর্পোরেৎ সোসিএলগী থৌদাং লৌবা খক্তা নত্তনা ফর্মশিংগী মরু ওইবা বিজিনেসকী শরুক অমা ওইবগে?

দিজাস্তর রেজিলিয়েন্ত ইনফ্রাস্ত্রকচরগী লমদা জি২০ লৈবাকশিং, য়ু.এন. অমসুং অতোপ্পশিংগা লোয়ননা চহি খরগী মমাংদা পার্তনরশিপ তৌদুনা ঐখোয়না কোলিজন ফোর দিজাস্তর রেজিলিয়েন্ত ইনফ্রাস্ত্রকচর লিংখৎতুনা মসিগী কান্নবশিং উবা ফংখ্রে। কোলিজনগী থবক অসিনা লৈবাকশিংনা – স্মোল আইলেন্দ দিবেলপিং কন্ত্রীশিং য়াওনা – করম্না হেন্না ফবা রিস্ক এসেসমেন্তশিং অমসুং মেত্রিকশিং শীজিন্নদুনা মখোয়গী স্তেন্দর্দশিং অপগ্রেদ তৌগনি অমসুং ইনফ্রাস্ত্রকচর দিবেলপমেন্তশিংদা হেন্না রিস্ক-ইনফোর্ম ওইবা ইনভেস্তেমেন্তশিং তৌবগে তাক্লি। ৱাখল্লোনশিং অসি হেন্না চাউথোকহন্নবা মাইকৈদা ঐখোয়না থবক তৌবা মরু ওই! ঐখোয়না পাইলোতশিংগী ৱাংমদা খল্লি অমসুং ঐখোয়গী খোঙথাংশিং অসি পাক শন্না পাইখৎনবা থৌরাং তৌই। দিজাস্তর থোক্লবা মতুংদা “অমুক হন্না হেন্না ফবা মওংদা শেমগৎপা” হায়বা ৱাখল্লোন্দা হৌখিবা চহি খরা অসিদা থবক কয়ামরুম পাইখৎলে অদুবু ঐখোয়না অফবা থবক খরা চৎনহন্নবা লম্বেল অমা থিবা মথৌ তাই। “থেংননবা শেম শাবা” অসিগুম্না ঐখোয়না “ফগৎলক্নবা শেম শাবা” হায়বসিদা ফাইনান্সিএলগী শিল লাংবা, ইন্সতিত্যস্নেল মেকানিজম অমসুং কেপাসিতীশিং য়াওনা মীৎয়েং চংবা মথৌ তাই।

মরুপশিং,

ৱর্কিং গ্রুপ অসিনা পাইখৎলিবা মরুওইবা মঙা পুম্নমক্তা অঙকপা ফংনা খুমাং চাউশিনবা অসিদা ঐহাক্না নুংঙাইবা ফাওই। মথংগী নুমিৎ খরনি অসিদা নখোয়না খন্নগদৌরিবা কম্ম্যুনিক অদুগী জিরো দ্রাফ ঐহাক্না উরে। ঐহাক্না G20 লৈবাকশিংগী ওইবা দিজাস্তর রিস্ক রিদক্সনদা য়াম্না ময়েক শেংবা অমসুং স্ত্রাতেজিক ওইবা এজেন্দা অমা মাংলোমদা পুখৎচরি।

প্রিন্সিপাল সেক্রেতরীনা খোঙথাং অসিগী মনুংদা লৌশিংগী পার্ত্নরশিংদগী লেপ্তনা ফংখিবা তেংবাং, মরু ওইনা, গ্রুপ অসিগী থবক থৌরমশিংদা UN সেক্রেতরী জেনেরেলগী অখন্নবা মীহুৎ, শুকুমারী মামি মিজুতোরীনা মশামক য়াওনা হোৎনখিববু থাগৎপা ফোংদোকচরি। ৱর্কিং গ্রুপ অসিগী এজেন্দা শেম্বদা TROIKAগা তেংবাংমিন্নবা অসিদা নুংঙাইবসু ফোংদোকচরি। ইন্দোনেসিয়া, জপান অমসুং মেক্সিকো য়াওনা মমাংগী প্রসিদেন্সীশিংনা শেম্লম্বা ফম্বাক্তা য়ুম্ফম ওইদুনা ভারতনা এজেন্দা অসিবু খুমাং চাউশিলহনখিবা অসিদা মহাক্না মিৎয়েং চঙলদুনা ব্রাজিলনা মসিবু হেন্না খুমাং চাউশিলহনগনি হায়না ঐহাক্না থাজবা থম্লি। ঐহাক্না ব্রাজিলগী সেক্রেতরী ৱোলনৈবু মীফম অসিদা তরাম্না ওকখি অমসুং তুংলমচত্তা খোঙদাবদা ভারতনা অঙম্বা মতেং পাংগনি হায়বগী থাজবা পীজরি।

ভারতকী প্রসিদেন্সীগী অকোনবা থা নিপানগী মনুংদা লৈবাক পুম্বনা মরী লৈনবা থবক থৌরমশিংনা থৱাই য়াওনা শরুক য়াখি অমসুং হৌজিক ফাওবদা লৈবাক শিনবা থুংবগী মফম 56তা পুন্না মীফম 77 পাংথোকখি। খন্ন-নৈনবশিংদা দেলিগেতশিংনা থৱাই য়াওনা শরুক য়াখিবগা লোয়ননা মখোয়না ভারতকী খুন্নাই, চৎনবী অমসুং মহৌশাগী ওইবা মখল-মখা কয়াসু উবা ফংখিবগী ৱাফম্বু মহাক্না মীয়ামদা ফোংদোকচরি। “G20 এজেন্দাগী মরু ওইবা হীরম কয়াদা মশক থোক্না মায় পাকখি। থা অমা মখায়গী মনুংদা পাংথোক্কদৌরিবা সম্মিত মীফম অসিদি মশক থোকপা থৌরম অমা ওইগনি হায়বগী ঐহাক্না থাজৈ। পুম্নমক অসিগী মহৈ পুরকপদা অদোম পুম্নমক্না য়াগদৌরিবা থৌদাং অসি য়াম্না চাউগনি”।

G20 না দিজাস্তর রিস্ক রিদক্সন্দা মালেমগী ওইনা  অফবা ফল অমা পুরকপা ওইনবা লাক্কদৌরিবা মতমশিংদা নখোয়না মাই পাকপা পুরকপা ওইরসনু হায়না ঐহাক্না পাউজেল পীজরি।

***