রাস্ত্রপতিগী লোইশঙ

ভারতকী রাস্ত্রপতিনা ভুমী সম্মান 2023 য়েন্থোকখ্রে

Posted On: 18 JUL 2023 2:19PM by PIB Imphal

রুরেল দিভেলপমেন্ত মন্ত্রালয়না ঙসি (জুলাই 18, 2023) নই দিল্লীদা শিনবা থৌরম অমদা ভারতকী রাস্ত্রপতি শ্রীমতি দ্রৌপদি মুর্মুনা “ভুমী সম্মান” 2023 য়েন্থোকখ্রে। দিজিতেল ইন্দিয়া লেন্দ রেকোর্দ মোদর্নাইজেসন প্রোগ্রাম (DILRMP)গী কোর কম্পোনেন্ত সেচ্যুরেসন ফংনবা মশক থোকপা থৌওং পাংথোকখিবা রাজ্যশিংগী সেক্রেতরী অমসুং দিস্ত্রিক্ত কল্লেক্তরশিংনা মখোয়গী তীমশিংগা লোয়ননা মনাশিং অসি লৌনখি।

রাস্ত্রপতিনা ঙসিগী থৌরমদা ৱা ঙাঙবদা, খুঙ্গংগী চাউখৎ থৌরাংবু খোঙজেল য়াঙখৎহনবা হায়বসিনা লৈবাক্না মপুং ওইনা চাউখৎপদা য়াম্না তঙাই ফদে হায়না ফোংদোকখি। খুঙ্গংগী মফমশিং চাউখৎহন্নবা লেন্দ রেকোর্দ মোদর্নাইজ তৌবা হায়বসিনা খ্বাইদগী তঙাই ফদবা হীরম অমা ওইরি, মসিগী মরমদি খুঙ্গংগী মীশিং অয়াম্বনা লেন্দ রিসোর্সকী মখা পোল্লিবা অসিননি। মপুং ফানা ইন্তিগ্রেতেদ ওইরবা লেন্দ মেনেজমেন্ত সীস্তেম অমা লৈবসি খুঙ্গংগী মফমশিং চাউখৎহনবগী খ্বাইদগী তঙাই ফদবা থৌওং অমনি।

দিজিতাইজেসনগী থৌওংনা নুং পান ফাওনা উবা হেলহল্লি হায়না রাস্ত্রপতিনা হায়খি। লেন্দ রেকোর্দ মোদর্নাইজ অমসুং দিজিতাইজ তৌবনা লৈবাক চাউখৎপদা অচৌবা মতেং পাংগনি। লেন্দ রেকোর্দ দিজিতাইজ তৌবা অমসুং মসিগা সরকারগী বিভাগশিংগা লিঙ্কেজ লৈহনবনা ৱেলফিয়র স্কিমশিং নীংথিনা পাংথোকপদা তেংবাংগনি। ঈশিং ইচাও অমসুং মৈপোক লাংপোক্নচিংবা থৌওংশিংনা মরম ওইরগা চে-চাং মাঙখিবা মতমদসি মসিনা তেংবাংগনি।

দিজিতেল ইন্দিয়া লেন্দ ইনফোর্মেসন মেনেজমেন্ত সীস্তেমগী মখাদা আধার কার্দকুম্না কান্নবা পীবা ঙম্বা য়ুনিক লেন্দ পার্সেল আইদেন্তিফিকেসন নম্বর অমা পীবসিদা রাস্ত্রপতিনা নুংঙাইবা ফোংদোকখি। নম্বর অসিনা লম নীংথিনা শিজিন্নবগা লোয়ননা অনৌবা ৱেলফিয়র স্কিম শেম্বা অমসুং চলায়বদা তেংবাংগনি হায়না মহাক্না মখা তাখি। লেন্দ রেকোর্দ অমসুং রেজিস্ত্রেসন দেতাবেজকা ই-কোর্তকা লিঙ্ক তৌবা অসিগী কান্নবা য়াম্না লৈগনি। দিজিতাইজেসন তৌবগী লাকপা নুং-পান ফাওনা উবগী মতৌনা লমগা মরী লৈনবা কাঙলোন চুমদবা অমসুং আইনগী ৱাংমদা পাংথোকপা থৌওং কয়া থিংবা ঙমগনি।

লমগা মরী লৈনবা ই-পাউশিংবু য়াম্না লায়না অমসুং নুংঙাইবা মওংদা লৌবা য়াবনা কান্নবা কয়া পীগনি হায়না রাস্ত্রপতিনা হায়খি। খুদম ওইনা হায়রবদা, মসিনা লমগী মপু অমসুং লম শিজিন্নবগী চয়েৎনবা লৈবশিংগী ৱারোইশিন পুরকপদা লাইহনগনি। ঐখোয়গী লৈবাক্কী মীওই মশিং য়াম্বনা লমগী মতাংদা খৎন-চৈনবা কয়া তৌই অমসুং মসিগী হীরমশিংগী ৱারোইশিন পুরক্নবা শাংলবা মতম কয়া জুদিসিএরীদা মাঙনৈ হায়না মহাক্না মখা তাখি। দিজিতাইজেসন তৌবা অমসুং ই-পাউ লিঙ্কেজ তৌবনা, মীয়াম অমসুং ইন্সতিত্যুসনগী মতম মাঙবা হন্থহনগনি, মতম অসি চাউখৎ থৌরাংদা ওইনা শিজিন্নবা য়াগনি।

 

রাস্ত্রপতিগী অপুনবা ৱারোল মফমসিদগী পাবীয়ু

 

***



(Release ID: 1940881) Visitor Counter : 84