য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা লুচিংদুনা নিংথৌকাবা নুমিত্তা নিউ দিল্লিদা ‘নারোন্দা দ্রগশিং পুবা অমসুং লৈবাক্কী ঙাক-শেন’ হায়বা হিরমদা রিজনেল কনফরেন্স পাংথোক্কনি। মীফম মনুংদা, য়ুনিয়ন হোম মিনিস্তরগী লমজিং মখাদা, রাজ্যশিংগী এ.এন.তি.এফশিংগা খুৎশম্নদুনা এন.সি.বিনা লৈবাক্কী তোঙান-তোঙানবা মফমশিংদা দ্রগ কিলোগ্রাম ১,৪৪,০০ হেন্না মাঙহনগনি। মাঙহনগদৌরিবা দ্রগশিং অদুগী মনুংদা এন.সি.বি হায়দ্রবাদ য়ুনিতকী কিলো ৬৫৯০, ইন্দোরগী কিলো ৮২২ অমসুং জম্মুগী কিলো ৩৫৬ য়াওরি। মসিগা লোয়ননা তোঙান-তোঙানবা রাজ্যশিংদা অপুনবা দ্রগ কিলো ১,৪৪,১২২ মাঙহনগনি, মসিগী মনুংদা অসামগী কিলো ১,৪৮৬, চান্দিগরগী কিলো ২৯৯, গৱাগী কিলো ২৫, গুজরাতকী কিলো ৪,২৭৭, হরিয়ানাগী কিলো ২,৪৫৮, জে অমসুং কেগী কিলো ৪,০৬৯, মধ্য প্রদেসকী কিলো ১,০৩,৮৮৪, মহারাস্ত্রাগী কিলো ১৫৯, ত্রিপুরাগী কিলো ১,৮০৩ অমসুং উত্তর প্রদেসকী কিলো ৪,০৪৯ য়াওরি।

প্রধান মন্ত্রী শ্রী নরেন্দ্র মোদীগী লমজিং মখাদা, দ্রগ লৈতবা ভারত অমা ওইহন্নবা নার্কোতিক্সশিংগী ময়োক্তা তুমিন্না খাংদুনা লৈতবা থৌশিল সরকারনা চৎনরে। জুন ১,২০২২দগী জুলাই ১৫,২০২৩ ফাওবদাআ, এন.সি.বিগী রিজনেল য়ুনিতশিং অমসুং রাজ্যশিংগী এ.এন.তি.এফশিংনা লুপা করোর ৯,৫৮০ রোমগী দ্রগ কিলোগ্রাম ৮,৭৬,৫৫৪ ফাগৎলে, মসি পান্দমদগী শরুক ১১ হেল্লে। নিংথৌকাবা নুমিত্তা মাঙহনগদৌরিবা দ্রগশিং অসিগা লোয়ননা, চহি অমদা মাঙহনবা অপুনবা দ্রগ কিলোগ্রাম লাখ ১০ রোম য়ৌরগনি,মসি চাউরাক্না লুপা করোর ১২,০০০গী মমল ওইগনি। দ্রগ লৈতবা ভারত অমগী প্রধান মন্ত্রী শ্রী নরেন্দ্র মোদীগী মঙলান মঙফাওন্নবা, দ্রগশিং মাঙহনবগী থবকশিং মখা তানা থৱায় য়াওনা চৎথগনি।

*****