য়ুথ এফিয়ার্স অমসুং স্পোর্তস অমসুং ইনফোর্মেসন অমসুং ব্রোদকাস্তিংগী মন্ত্রী শ্রী অনুরাগ থাকুরনা ঙসি নই দিল্লীগী মেজর ধ্যানচন্দ স্তেদিয়মদা হীরো এসিয়ন চেম্পীয়নস ত্রোফী, চেন্নাই ২০২৩গী খৌরাংনা ঙায়রিবা ত্রোফী মায়খুম হাংদোকখ্রে। কেন্দ্রগী মন্ত্রীনা থৌরম অদুদা ‘পাস দি বোল ত্রোফী তুর’ কেম্পেনসু হৌদোকখি।

হীরো এসিয়ন চেম্পীয়নস ত্রোফী, চেন্নাই ২০২৩ অসি ২০২৩গী ওগস্ত ৩দগী হৌরগনি মদুদা ইন্দিয়া, কোরিয়া, মালেসিয়া, জপান, পাকিস্থান অমসুং চাইনানা তাইতলগীদমক লম্বা তৌনগনি।

থৌরম অদুদা শ্রী অনুরাগ সিংহ থাকুরনা হায়খি মদুদি ত্রোফীগী তুর অসি মরুওই মরমদি মসিনা এক্সাইতমেন্ত পোকহল্লি, এৱার্নেস হেনগৎহল্লি, নহা ওইরিবা শানরোইশিংবু ত্রোফা য়েংজনবা অমসুং নুমিৎ অমা তিম ইন্দিয়াগী শরুক অমা ওইনবা মংলান মংনবা বার্তন তৌই। ভারতনা মরিরক শুবা ওইনা এসিয়ান চেম্পিয়নস ত্রোফী লৌদুনা পুৱারী শেম্লগনি হায়নসু মহাক্না ফোংদোকখি।

মহাক্না মখা তাখি মদুদি চেন্নাইনা অফবা হোস্ত অমনি হায়বদু উৎকনি অমসুং ঐখোয়গী সরকারনা কো-ওপরেতিব ফেদরেলিজম অমসুং কম্পিতিতিব ফেদরেলিজমদা থাজবা থম্লি, মদু স্পোর্তসতসু এপ্লিকেবল ওইরি। অমগা অমগা তেংবাংনবনা থৌরম অসি চাউনা মায় পাকপা অমা ওইগনি অমসুং লৈবাক পুম্নমক্তগী শানরোইশিংনা ভারত্তগী অফবা মেমোরীশিংগা লোয়ননা হনখিনি। মহাক্না হায়খি মদুদি খ্বাইদগী ফবা তিমনা থোইগনি অমদি চেম্পিয়নশিপ অসিদা খ্বাইদগী ফবা পর্ফোমেন্স পুরক্কনি। মহাক্না হোক্কী ইন্দিয়া অমসুং এসিয়ন চেম্পীয়নস ত্রোফী ২০২৩ শিন লাংবদা শরুক য়ারিবা স্তেকহোল্দর পুম্নমকপু থাগৎপা ফোংদোকখি।

থৌরম অসিদা হেক্কী ইন্দিয়া প্রসিদেন্ত, পদ্ম শ্রী  দা. দিলিপ কুমার তির্কে, হোক্কী ইন্দিয়া সেক্রেতরী জেনরেল শ্রী ভোলা নাথ সিংহ, হোক্কী ইন্দিয়া ত্রেজরর অমসুং প্রসিদেন্ত হোক্কী য়ুনিত অমসুং তামিল নাদু (হোস্ত স্তেত)দগী ওফিসিয়েলশিংনা শরুক য়াখি।

হর্বিন্দর সিংহ, অশোক দিৱান, জাফর ইকবাল, রোমিও জেম্স, এম.পি. সিংহ, ঐচ.পি.এস. চিমনি অমসুং ভিনিত কুমার য়াওনা ইন্দিয়ন হোক্কী ওলেম্পিয়নশিং অমসুং প্লেয়রশিংসু থৌরমদা শরুক য়াখি।

থৌরমগী তুংদা ত্রোফী অসি তামিল নাদু রাজ্যগী জিলা খুদিংমক ফাওদুনা চৎত্রিঙৈ মাংওইননা দিল্লী, চান্দিগর, গুৱাহাতি, পতনা, ভুবনেশ্বর, রাঞ্চি, বেঙ্গলোর, ত্রিভান্দ্রম অমসুং হোস্ত সিতী চেন্নাই য়াওনা ভারতকী তোঙান তোঙানবা শহরশিং ফাওদুনা চৎকনি। ‘পাস দি বোল ত্রোফী তুর’ কেম্পেনগী পান্দমদি হোক্কীবু পামজবশিংগী মরক্তা এন্তিসিপেসন শাগৎনবা এতমোসফিয়র অমা শেমগৎপা অমসুং ইন্দিয়ন মেন্স হোক্কী তীমগীদমক সপোর্ত হেনগৎহন্নবনি।

এসিয়ান চেম্পীয়নস ত্রোফী অসি শক্নাইরবা ত্রোফী দিজাইনর সঞ্জয় শর্মনা ব্রাস, এলুমিনিয়ম অমসুং কোপ্পর য়ানশিন্নদুনা শাদুনা মদুদা নিক্কেল অমসুং শনানা য়োমশিন্দুনা পুথোকপনি।

তুর্নামেন্ত অসি ২০২৩গী ওগস্ত ৩দগী ওগস্ত ১২ ফাওবা তামিল নাদুগী চেন্নাইদা পাংথোক্কনি, মদুদা ইন্দিয়া, কোরিয়া, মালেসিয়া, জপান, পাকিস্থান অমসুং চাইনানা তাইতলগীদমক লম্বা তৌনগনি। মসি স্তার স্পোর্তস, দিজনী +হোতস্তারদা লাইব তেলিকাস্ত তৌগনি। মীদিয়ানা এক্রিদিতেসনগীদমক মসিদা এপ্লাই তৌবা য়াগনি https://accred.media.dnanetworks.in/Asian-Champions-Trophy/act/app.

*****