ಕಲ್ಲಿದ್ದಲು ಅನಿಲೀಕರಣದ ಶಕ್ತಿಯನ್ನು ಬಳಸಿಕೊಳ್ಳುವ ಸರ್ಕಾರದ ಬದ್ಧತೆಯನ್ನು ಪ್ರತಿಬಿಂಬಿಸುವ 2030 ರ ಹಣಕಾಸು ವರ್ಷದ ವೇಳೆಗೆ 100 ದಶಲಕ್ಷ ಟನ್ (ಎಂಟಿ) ಕಲ್ಲಿದ್ದಲಿನ ಅನಿಲೀಕರಣವನ್ನು ಸಾಧಿಸುವ ಗುರಿಯನ್ನು ಕಲ್ಲಿದ್ದಲು ಸಚಿವಾಲಯ ನಿಗದಿಪಡಿಸಿದೆ. ಈ ಮಹತ್ವಾಕಾಂಕ್ಷೆಯ ಪ್ರಸ್ತಾಪವನ್ನು ಪರಿಚಯಿಸುವುದರೊಂದಿಗೆ, ಕಲ್ಲಿದ್ದಲು ಸಚಿವಾಲಯವು ರಾಷ್ಟ್ರದ ಪ್ರಗತಿಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಈ ಪ್ರಸ್ತಾಪವು ನೈಸರ್ಗಿಕ ಸಂಪನ್ಮೂಲಗಳನ್ನು ಬಳಸಿಕೊಳ್ಳುವ ಮತ್ತು ಕಲ್ಲಿದ್ದಲು ಅನಿಲೀಕರಣದ ಆರ್ಥಿಕ ಮತ್ತು ತಾಂತ್ರಿಕ ಕಾರ್ಯಸಾಧ್ಯತೆಯನ್ನು ಪ್ರದರ್ಶಿಸುವ ಸಮಗ್ರ ಕ್ರಮಗಳನ್ನು ಒಳಗೊಂಡಿದೆ. ಈ ಉಪಕ್ರಮವು ಇತರ ಕ್ಷೇತ್ರಗಳನ್ನು ಉತ್ತೇಜಿಸುವಾಗ ದೇಶದ ಭವಿಷ್ಯದ ಇಂಧನ ಅಗತ್ಯಗಳನ್ನು ಪೂರೈಸಲು ಸಜ್ಜಾಗಿದೆ.

ಭಾರತದಲ್ಲಿ ಅನಿಲೀಕರಣ ತಂತ್ರಜ್ಞಾನದ ಅಳವಡಿಕೆಯು ಕಲ್ಲಿದ್ದಲು ಕ್ಷೇತ್ರದಲ್ಲಿ ಕ್ರಾಂತಿಯನ್ನುಂಟು ಮಾಡುತ್ತದೆ, ನೈಸರ್ಗಿಕ ಅನಿಲ, ಮೆಥನಾಲ್, ಅಮೋನಿಯಾ ಮತ್ತು ಇತರ ಅಗತ್ಯ ಉತ್ಪನ್ನಗಳ ಆಮದಿನ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ. ಪ್ರಸ್ತುತ, ಭಾರತವು ತನ್ನ ನೈಸರ್ಗಿಕ ಅನಿಲದ ಸರಿಸುಮಾರು ಶೇ. 50 ರಷ್ಟು, ಅದರ ಒಟ್ಟು ಮೆಥನಾಲ್ ಬಳಕೆಯ ಶೇ. 90 ರಷ್ಟು ಮತ್ತು ಅದರ ಒಟ್ಟು ಅಮೋನಿಯಾ ಬಳಕೆಯ ಸುಮಾರು ಶೇ. 13-15 ರಷ್ಟನ್ನು ದೇಶೀಯ ಬೇಡಿಕೆಯನ್ನು ಪೂರೈಸಲು ಆಮದು ಮಾಡಿಕೊಳ್ಳುತ್ತದೆ. ಇದು ಆತ್ಮನಿರ್ಭರವಾಗುವ ಭಾರತದ ದೃಷ್ಟಿಕೋನಕ್ಕೆ ಕೊಡುಗೆ ನೀಡುತ್ತದೆ ಮತ್ತು ಉದ್ಯೋಗಾವಕಾಶಗಳ ಉಲ್ಬಣವನ್ನು ಸೃಷ್ಟಿಸುತ್ತದೆ. ಕಲ್ಲಿದ್ದಲು ಅನಿಲೀಕರಣದ ಅನುಷ್ಠಾನವು 2030 ರ ವೇಳೆಗೆ ಆಮದನ್ನು ಕಡಿಮೆ ಮಾಡುವ ಮೂಲಕ ರಾಷ್ಟ್ರದ ಅಭಿವೃದ್ಧಿಗೆ ಗಮನಾರ್ಹ ಕೊಡುಗೆಗಳನ್ನು ನೀಡುವ ನಿರೀಕ್ಷೆಯಿದೆ.ಈ ಉಪಕ್ರಮವು ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವ ಮೂಲಕ ಮತ್ತು ಸುಸ್ಥಿರ ಅಭ್ಯಾಸಗಳನ್ನು ಬೆಳೆಸುವ ಮೂಲಕ ಪರಿಸರದ ಹೊರೆಯನ್ನು ನಿವಾರಿಸುವ ಸಾಮರ್ಥ್ಯವನ್ನು ಹೊಂದಿದೆ, ಹಸಿರು ಭವಿಷ್ಯದ ಕಡೆಗೆ ನಮ್ಮ ಜಾಗತಿಕ ಬದ್ಧತೆಗಳಿಗೆ ಕೊಡುಗೆ ನೀಡುತ್ತದೆ.

ಕಲ್ಲಿದ್ದಲು ಅನಿಲೀಕರಣ ಯೋಜನೆಗಳ ಅಭಿವೃದ್ಧಿಯನ್ನು ವೇಗಗೊಳಿಸಲು ಸಚಿವಾಲಯವು ನವೀನ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ. ಈ ಉದ್ದೇಶಕ್ಕೆ ಅನುಗುಣವಾಗಿ, ಸರ್ಕಾರಿ ಸಾರ್ವಜನಿಕ ವಲಯದ ಉದ್ಯಮಗಳು (ಪಿಎಸ್ ಯುಗಳು) ಮತ್ತು ಖಾಸಗಿ ವಲಯಕ್ಕೆ ಕಲ್ಲಿದ್ದಲು / ಲಿಗ್ನೈಟ್ ಅನಿಲೀಕರಣ ಯೋಜನೆಗಳನ್ನು ಉತ್ತೇಜಿಸಲು 6,000 ಕೋಟಿ ರೂ.ಗಳ ವೆಚ್ಚದೊಂದಿಗೆ ಸಮಗ್ರ ಯೋಜನೆಯನ್ನು ಸಚಿವಾಲಯ ಪರಿಗಣಿಸುತ್ತಿದೆ.

ಕಲ್ಲಿದ್ದಲು / ಲಿಗ್ನೈಟ್ ಅನಿಲೀಕರಣ ಯೋಜನೆಗೆ ಘಟಕಗಳ ಆಯ್ಕೆಯನ್ನು ಸ್ಪರ್ಧಾತ್ಮಕ ಮತ್ತು ಪಾರದರ್ಶಕ ಬಿಡ್ಡಿಂಗ್ ಪ್ರಕ್ರಿಯೆಯ ಮೂಲಕ ಕೈಗೊಳ್ಳಲಾಗುವುದು. ಇದಲ್ಲದೆ, ಅರ್ಹ ಸರ್ಕಾರಿ ಪಿಎಸ್ ಯಪಗಳು ಮತ್ತು ಖಾಸಗಿ ವಲಯಕ್ಕೆ ಕಲ್ಲಿದ್ದಲು ಅನಿಲೀಕರಣ ಯೋಜನೆಗಳನ್ನು ಕೈಗೊಳ್ಳಲು ಅನುವು ಮಾಡಿಕೊಡುವ ಬಜೆಟ್ ಬೆಂಬಲವನ್ನು ಒದಗಿಸಲು ಸರ್ಕಾರ ಪರಿಗಣಿಸುತ್ತಿದೆ. ಮೊದಲ ವಿಭಾಗದಲ್ಲಿ, ಸರ್ಕಾರವು ಸರ್ಕಾರಿ ಪಿಎಸ್ ಯುಗಳಿಗೆ ಬೆಂಬಲವನ್ನು ಒದಗಿಸುತ್ತದೆ. ಎರಡನೇ ವಿಭಾಗವು ಖಾಸಗಿ ವಲಯ ಮತ್ತು ಸರ್ಕಾರಿ ಪಿಎಸ್ ಯುಗಳನ್ನು ಒಳಗೊಂಡಿದೆ, ಪ್ರತಿ ಯೋಜನೆಗೆ ಬಜೆಟ್ ಹಂಚಿಕೆಯನ್ನು ನೀಡಲಾಗುತ್ತದೆ. ನೀತಿ ಆಯೋಗದೊಂದಿಗೆ ಸಮಾಲೋಚಿಸಿ ರೂಪಿಸಲಾದ ಮಾನದಂಡಗಳೊಂದಿಗೆ, ಈ ವಿಭಾಗದ ಅಡಿಯಲ್ಲಿ ಕನಿಷ್ಠ ಒಂದು ಯೋಜನೆಯ ಆಯ್ಕೆಯನ್ನು ಸುಂಕ ಆಧಾರಿತ ಬಿಡ್ಡಿಂಗ್ ಪ್ರಕ್ರಿಯೆಯ ಮೂಲಕ ನಿರ್ಧರಿಸಲಾಗುತ್ತದೆ. ಕೊನೆಯದಾಗಿ, ಮೂರನೇ ವಿಭಾಗವು ಸ್ಥಳೀಯ ತಂತ್ರಜ್ಞಾನ ಮತ್ತು / ಅಥವಾ ಸಣ್ಣ ಪ್ರಮಾಣದ ಉತ್ಪನ್ನ ಆಧಾರಿತ ಅನಿಲೀಕರಣ ಸ್ಥಾವರಗಳನ್ನು ಬಳಸಿಕೊಂಡು ಪ್ರಾತ್ಯಕ್ಷಿಕೆ ಯೋಜನೆಗಳಿಗೆ ಬಜೆಟ್ ಬೆಂಬಲವನ್ನು ಒದಗಿಸುವುದನ್ನು ಒಳಗೊಂಡಿದೆ.

ಮೇಲೆ ತಿಳಿಸಿದ ಯೋಜನೆಯ ಜೊತೆಗೆ, ವಾಣಿಜ್ಯ ಕಾರ್ಯಾಚರಣೆ ದಿನಾಂಕದ (ಸಿಒಡಿ) ನಂತರದ 10 ವರ್ಷಗಳ ಅವಧಿಗೆ ಅನಿಲೀಕರಣ ಯೋಜನೆಗಳಲ್ಲಿ ಬಳಸಿದ ಕಲ್ಲಿದ್ದಲಿನ ಮೇಲಿನ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ ಟಿ ) ಪರಿಹಾರ ಸೆಸ್ ಅನ್ನು ಮರುಪಾವತಿಸಲು ಸಚಿವಾಲಯವು ಪ್ರೋತ್ಸಾಹಕವನ್ನು ಪರಿಗಣಿಸುತ್ತಿದೆ. ಈ ಪ್ರೋತ್ಸಾಹವು ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಪಡೆಯಲು ಘಟಕಗಳ ಅಸಮರ್ಥತೆಯನ್ನು ಸರಿದೂಗಿಸುವ ಗುರಿಯನ್ನು ಹೊಂದಿದೆ.

ಇದಲ್ಲದೆ, ಕೋಲ್ ಇಂಡಿಯಾ ಲಿಮಿಟೆಡ್ (ಸಿಐಎಲ್) ಕಲ್ಲಿದ್ದಲು ಕ್ಷೇತ್ರಗಳಾದ್ಯಂತ ಮೇಲ್ಮೈ ಕಲ್ಲಿದ್ದಲು ಅನಿಲೀಕರಣ (ಎಸ್ ಸಿಜಿ) ಯೋಜನೆಗಳನ್ನು ಮುನ್ನಡೆಸುವಲ್ಲಿ ಸಹಯೋಗದ ಪ್ರಯತ್ನಗಳನ್ನು ಸಚಿವಾಲಯ ಬಿಂಬಿಸುತ್ತದೆ. ಅಕ್ಟೋಬರ್ 2022 ರಲ್ಲಿ, ಬಿಎಚ್ಇಎಲ್ ಮತ್ತು ಸಿಐಎಲ್ ನಡುವಿನ ತಿಳುವಳಿಕಾ ಒಡಂಬಡಿಕೆ (ಎಂಒಯು) ಮತ್ತು ಐಒಸಿಎಲ್, ಗೇಲ್ ಮತ್ತು ಸಿಐಎಲ್ ನಡುವಿನ ತಿಳುವಳಿಕಾ ಒಡಂಬಡಿಕೆ ಸೇರಿದಂತೆ ಕಾರ್ಯತಂತ್ರದ ದ್ವಿಪಕ್ಷೀಯ ಒಪ್ಪಂದಗಳನ್ನು ಕಾರ್ಯಗತಗೊಳಿಸಲಾಯಿತು. ಈ ಸಹಯೋಗಗಳು ಎಸ್ ಸಿಜಿ ಯೋಜನೆಗಳ ಅನುಷ್ಠಾನಕ್ಕೆ ಚಾಲನೆ ನೀಡುವಲ್ಲಿ ಸಹಕಾರ ಮತ್ತು ಪರಿಣತಿಯನ್ನು ಬೆಳೆಸುವ ಗುರಿಯನ್ನು ಹೊಂದಿವೆ.

ಸಿಐಎಲ್ ಮಂಡಳಿಯು ಇಸಿಎಲ್, ಎಂಸಿಎಲ್ ಮತ್ತು ಡಬ್ಲ್ಯುಸಿಎಲ್ ಸೇರಿದಂತೆ ಮೂರು ಯೋಜನೆಗಳ ಪೂರ್ವ ಕಾರ್ಯಸಾಧ್ಯತಾ ವರದಿಗಳನ್ನು ಸ್ವೀಕರಿಸಿದೆ ಮತ್ತು ಸ್ಥಳಾಕೃತಿ ಸಮೀಕ್ಷೆ, ಮಣ್ಣಿನ ತನಿಖೆ ಮತ್ತು ನೀರಿನ ಲಭ್ಯತೆಯ ಅಧ್ಯಯನಗಳಂತಹ ಯೋಜನಾ ಪೂರ್ವ ಚಟುವಟಿಕೆಗಳನ್ನು ಪ್ರಾರಂಭಿಸಲು ಅನುಮೋದನೆ ನೀಡಿದೆ. ಆಯಾ ಯೋಜನೆಗಳಿಗೆ ವಿವರವಾದ ಕಾರ್ಯಸಾಧ್ಯತಾ ವರದಿ (ಡಿಎಫ್ಆರ್) ತಯಾರಿಸಲು ಅಗತ್ಯವಾದ ದೃಢವಾದ ಬೆಲೆಗಳನ್ನು ತಲುಪಲು ಟೆಂಡರ್ ಚಟುವಟಿಕೆಗಳನ್ನು ಸಹ ಕೈಗೊಳ್ಳಲಾಗುತ್ತಿದೆ. ಸಿಐಎಲ್ ಮಂಡಳಿಯು ಮೇಲೆ ತಿಳಿಸಿದಂತೆ ಜಂಟಿ ಉದ್ಯಮಗಳ ರಚನೆಗೆ 'ತಾತ್ವಿಕ' ಅನುಮೋದನೆ ನೀಡಿದೆ. ಪ್ರಸ್ತುತ, ಜಂಟಿ ಉದ್ಯಮ ಒಪ್ಪಂದದ ಮಾತುಕತೆ ಮತ್ತು ಅಂತಿಮಗೊಳಿಸುವಿಕೆ ಪ್ರಗತಿಯಲ್ಲಿದೆ.

ಕಲ್ಲಿದ್ದಲು ಸಚಿವಾಲಯವು ಕಲ್ಲಿದ್ದಲು ಅನಿಲೀಕರಣ ಯೋಜನೆಗಳನ್ನು ಉತ್ತೇಜಿಸಲು ಬದ್ಧವಾಗಿದೆ, ಇದು ಕಲ್ಲಿದ್ದಲನ್ನು ವಿವಿಧ ಮೌಲ್ಯಯುತ ಉತ್ಪನ್ನಗಳಾಗಿ ಪರಿವರ್ತಿಸುವ ಅಪಾರ ಸಾಮರ್ಥ್ಯವನ್ನು ಹೊಂದಿದೆ. ಉದ್ದೇಶಿತ ಯೋಜನೆ ಮತ್ತು ಪ್ರೋತ್ಸಾಹಕಗಳನ್ನು ಸರ್ಕಾರಿ ಪಿಎಸ್ ಯುಗಳು ಮತ್ತು ಖಾಸಗಿ ವಲಯವನ್ನು ಆಕರ್ಷಿಸಲು ವಿನ್ಯಾಸಗೊಳಿಸಲಾಗಿದೆ, ಕಲ್ಲಿದ್ದಲು ಅನಿಲೀಕರಣ ವಲಯದಲ್ಲಿ ನಾವೀನ್ಯತೆ, ಹೂಡಿಕೆ ಮತ್ತು ಸುಸ್ಥಿರ ಅಭಿವೃದ್ಧಿಯನ್ನು ಉತ್ತೇಜಿಸುತ್ತದೆ.

****