কোয়লা মন্ত্রালয়না কোয়লা গেসিফিকেসন তৌবগী মতিক্কী কান্নবা লৌনবা সরকারনা খোঙফম চেৎলিবা অসিগী মমি তাবা থৌওং অমা ওইনা ইং 2030 ফাওবদা কোয়লা মিলিয়ন তন 100 গেসিফিকেসন তৌবগী পান্দম থম্লি। মিৎয়েং শানবা প্রোজেক্ত অসিগী ৱাহৌদোক থম্লদুনা, কোয়লা মন্ত্রালয়না লৈবাক্কী চাউখৎ থৌরাংগী খোঙজেল য়াঙখৎনবগী পান্দম থম্লি। ৱাহৌদোক অসিদা নেচরেল রিসোর্সকী কান্নবা লৌবা অমসুং কোয়লা গেসিফিকেসন তৌবগী শেল-থুম অমসুং তেক্নিকেলগী ফিসিবিলিতী উৎপা মপুং ওইবা খোঙথাং কয়া য়াওরি। খোঙথাং অসিনা অতোপ্পা সেক্তরশিংদা চাউখৎপগী শাফু পীবগা লোয়ননা লৈবাক্কী তুংগী ইনর্জীগী মথৌ তাবশিং থেংনবা ঙমহনগনি।

গেসিফিকেসন তৌবগী তেক্নোলোজী ভারত্তা শিজিন্নবা হৌবনা কোয়লা ইন্দস্ত্রীদা অচৌবা অহোংবা পুরক্কনি, নেচরেল গ্যাস, মীথানোল, এম্মোনিয়া অমসুং অতোপ্পা তঙাই ফদবা পোৎলম মীরমদগী লৈদুনা মখা পোল্লিবা অসিবুসু হন্থহনগনি। ভারতনা মশাগী নেচরেল গ্যাসকী চাউরাকপা 50%, মশাগী মীথানোল শিজিন্নবগী চাংগী 90% হেনবা অমসুং এম্মোনিয়া শিজিন্নবগী চাউরাকপা 13-15% অসি হৌজিক মীরমদগী চেল্লি। মসিনা ভারতনা আত্মানির্ভর ওইবগী পান্দম থম্লিবা অসিদা তেংবাংগনি অমসুং থবক্কী খুদোংচাবা অহেনবা কয়া লৈহনগনি। কোয়লা গেসিফিকেসন তৌবগী থবক হৌবনা লৈবাক্না ইং 2030 ফাওবদা ইম্পোর্ত হন্থহন্দুনা চাউখৎ থৌরাং পুরকপদা তেংবাংগনি। খোঙথাং অসিনা কার্বন থাদোকপা হন্থহহনবা অমসুং সস্তেনেবল ওইবা থবক পাংথোকহন্দুনা অকোয়বগী ফিভম ফগৎহনবগী অচৌবা মতিক লৈগনি অমসুং গ্রীন ওইবা ফ্যুচর অমগীদমক্তা মালেম্না খোঙফম চেৎলিবা অসিদসু তেংবাংগনি।

কোয়লা গেসিফিকেসন তৌবগী থবক হেন্না খুমাং চাউশিলহন্নবা মন্ত্রালয়না ইন্নোভেতিব ওইবা থবক কয়া পায়খৎলি। পান্দম অসিগা মরী লৈনহন্দুনা, মন্ত্রালয়না সরকারগী পব্লিক সেক্তর অন্দর্তেকিং (PSU) অমসুং প্রাইভেত সেক্তরগীদমক্তা লুপা করোর 6000গী শেনফম কাইথোকপা কোয়লা গেসিফিকেসন তৌবগী প্রোজেক্ত খুমাং চাউশিলহনবগী মপুং ওইবা স্কিম অমা খন্নরি।

কোয়লা/লিগ্নাইত গেসিফিকেসন স্কিমগী এন্তাইতী খনবগী থবকশিং অসি কম্পিতিতিব ওইবা অমসুং নুং পান ফাওনা উবা থবক অমগী মখাদা পাংথোক্কনি। মখা তাবা ওইনা, সরকারনা ইলিজিবল ওইবা সরকারগী PSU, অমসুং প্রাইভেত সেক্তরদা কোয়লা গেসিফিকেসন প্রোজেক্ত পায়খৎপা ঙমহন্নবা বজেৎকী তেংবাং পীনবা খন্নরি। অহানবা সেগমেন্ততা, সরকারনা সরকারগী PSUশিংদা তেংবাংগনি। অনিশুবা সেগমেন্তত অসিদনা প্রাইভেত সেক্তর অমসুং সরকারগী PSU অনিমক মনুং চলহনগনি, প্রোজেক্ত খুদিংদা বজেত কায়থগনি। সেগমেন্ত অসিগী মখাদা য়ামদ্রবদা প্রোজেক্ত অমা খনবগী থৌওং অসি তারিফতা য়ুম্ফম ওইদুনা বিদ তৌবগী থৌওংগী খুত্থাংদা পাংথোক্কনি, মসিগী তঙাই ফদবা হীরমশিং অসি নিতি আয়োগকা খন্নদুনা পাংথোক্কনি। অরোইবদা, অহুমশুবা সেগমেন্ত অসিদা ইন্দিজিনিয়স তেক্নোলোজী অমসুং স্মোল স্কেল প্রদক্ততা য়ুম্ফম ওইবা গেসিফিকেসন প্লান্ত শিজিন্নবা দিমোন্সত্রেসন প্রোজেক্ততা বজেৎকী তেংবাং পীবগী ৱাফম য়াওরি।

মথক্তা পনখ্রিবা স্কিমশিং অসিগী মথক্তা, মন্ত্রালয়না কম্মর্সিএল ওপরেস্নেল দেত (COD)গী মতুংগী চহি 10গী মতমদা গেসিফিকেসন প্রোজেক্ততা শিজিন্নবখিবা কোয়লাগী GST অমসুং কম্পেন্সেসন সেস রিএম্বর্স তৌনবা ইন্সেন্তিব পীবগী থৌওং অমসু খন্নরি। মসিগী অখন্নবা তঙাই ফদবা অমনা, GST কম্পেন্সেসন সেস অসি FY27 ৱাংমা লানগদবনি। মসিগী ইন্সেন্তিব অসিনা মান্নবা থবক্কীদমক্তা এন্তিতীশিংনা ইনপুত তেক্স ক্রেদিত ক্লেম তৌবা ঙমগদবগী ৱাফম হন্থহনগনি।

মখা তারকপদা, মন্ত্রালয়না কোল ইন্দিয়া লিমিতেদ (CIL)কী কোলফিল্দ পুম্নমক্কী সর্ফেস কোল গেসিফিকেসন (SCG) প্রোজেক্ত খুমাং চাউশিলহন্নবা পায়খৎলিবা কোলাবোরেতিব থৌওংশিংদা মিৎয়েং চঙলি। ওক্তোবর 2022দা, স্ত্রেতজিক বাইলেতরেল এগ্রীমেন্ত অমা পুরকখি, মসিদা BHEL & CILগা লোয়ননা IOCL, GAIL & CILগী মরক্তা লৈনখিবা MoUশিংসু য়াওরি। মসিগী কোলাবোরেসনশিং অসিনা SCG প্রোজেক্ত পায়খৎপদা তেংবাংনবা অমসুং অখঙ-অহৈ কয়া লান্নবগী থৌওং পাংথোকপগী পান্দম থম্লি।

কোয়লাবু মগুন অমসুং মমল লৈবা তোঙান-তোঙানবা পোত্থোকশিংদা ওন্থোকপা ঙম্বগী অচৌবা মতিক লৈবা কোয়লা গেসিফিকেসন তৌবগী প্রোজেক্ত চাউখৎহন্নবা কোয়লা মন্ত্রালয়না খোঙফম চেৎলি। ৱাহৌদোক থম্লবা স্কিম অসি সরকারগী PSU অমসুং প্রাইভেত সেক্তরগী পুক্নিং চীংশিন্দুনা কোল গেসিফিকেসন সেক্তরদা ইন্নোভেসন, ইনভেস্তমেন্ত অমসুং সস্তেনেবল দিভেলপমেন্ত লৈহন্নবা মওংদা শেম শাবনি।

***