પ્રધાનમંત્રીનું કાર્યાલય
પ્રધાનમંત્રીની ફ્રાન્સ અને UAEની મુલાકાત
પ્રસ્થાન નિવેદન
Posted On:
13 JUL 2023 5:53AM by PIB Ahmedabad
હું મારા મિત્ર ફ્રાન્સના રાષ્ટ્રપતિ H.E. શ્રી ઈમેન્યુઅલ મેક્રોનના આમંત્રણ પર 13-14 જુલાઈ દરમિયાન સત્તાવાર મુલાકાતે ફ્રાંસની યાત્રા કરી રહ્યો છું.
આ મુલાકાત ખાસ કરીને વિશેષ છે કારણ કે હું ફ્રેંચ નેશનલ ડે અથવા પેરિસમાં બેસ્ટિલ ડેની ઉજવણી માટે રાષ્ટ્રપતિ મેક્રોન સાથે ગેસ્ટ ઓફ ઓનર તરીકે જોડાઈશ. ભારતીય ત્રિ-સેવાઓની ટુકડી બેસ્ટિલ ડે પરેડનો ભાગ હશે, જ્યારે ભારતીય વાયુસેનાનું વિમાન આ પ્રસંગે ફ્લાય-પાસ્ટ કરશે.
આ વર્ષે અમારી વ્યૂહાત્મક ભાગીદારીની 25મી વર્ષગાંઠ છે. ઊંડો વિશ્વાસ અને પ્રતિબદ્ધતાના મૂળમાં રહેલા અમારા બંને દેશો સંરક્ષણ, અવકાશ, નાગરિક પરમાણુ, બ્લૂ ઈકોનોમી, વેપાર, રોકાણ, શિક્ષણ, સંસ્કૃતિ અને લોકો વચ્ચેના સંબંધો સહિતના વિવિધ ક્ષેત્રોમાં નજીકથી સહયોગ કરે છે. અમે પ્રાદેશિક અને વૈશ્વિક મુદ્દાઓ પર પણ સાથે મળીને કામ કરીએ છીએ.
હું રાષ્ટ્રપતિ મેક્રોનને મળવાની અને આગામી 25 વર્ષોમાં આ લાંબા સમયથી ચાલતી અને વખતો વખત ચકાસાયેલી ભાગીદારીને આગળ વધારવા માટે વ્યાપક ચર્ચા કરવા આતુર છું. 2022માં ફ્રાન્સની મારી છેલ્લી સત્તાવાર મુલાકાત પછી, મે 2023 માં G-7 સમિટ દરમિયાન જાપાનના હિરોશિમામાં,એ રીતે મને રાષ્ટ્રપતિ મેક્રોનને ઘણી વખત મળવાની તક મળી છે.
હું H.E શ્રીમતી એલિઝાબેથ બોર્ન, ફ્રાન્સના પ્રધાનમંત્રી, H.E. શ્રી ગેરાર્ડ લાર્ચર, સેનેટના પ્રમુખો અને H.E. સુશ્રી યેલ બ્રૌન-પિવેટ, નેશનલ એસેમ્બલીના પ્રમુખ . સહિત ફ્રેન્ચ નેતૃત્વ સાથેની મારી ક્રિયાપ્રતિક્રિયાની પણ રાહ જોઉં છું.
મારી મુલાકાત દરમિયાન, મને વાઇબ્રન્ટ ભારતીય સમુદાય, બંને દેશોના અગ્રણી સીઇઓ તેમજ અગ્રણી ફ્રેન્ચ વ્યક્તિઓને મળવાની તક મળશે. મને વિશ્વાસ છે કે મારી મુલાકાત અમારી વ્યૂહાત્મક ભાગીદારીને નવી ગતિ આપશે.
પેરિસથી, હું 15 જુલાઈના રોજ સત્તાવાર મુલાકાત માટે અબુ ધાબી, સંયુક્ત આરબ અમીરાત જઈશ. હું મારા મિત્ર, યુએઈના પ્રમુખ અને અબુ ધાબીના શાસક H.E. શેખ મોહમ્મદ બિન ઝાયેદ અલ નાહયાનને મળવા આતુર છું.
અમારા બંને દેશો વેપાર, રોકાણ, ઊર્જા, ખાદ્ય સુરક્ષા, વિજ્ઞાન અને ટેકનોલોજી, શિક્ષણ, ફિનટેક, સંરક્ષણ, સુરક્ષા અને મજબૂત લોકો-થી-લોકો સંબંધો જેવા ક્ષેત્રોની વિશાળ શ્રેણીમાં જોડાયેલા છે. ગયા વર્ષે, પ્રમુખ શેખ મોહમ્મદ બિન ઝાયેદ અને હું અમારી ભાગીદારીના ભાવિ પરના રોડમેપ પર સંમત થયા હતા અને હું તેમની સાથે અમારા સંબંધોને વધુ ગાઢ બનાવવા અંગે ચર્ચા કરવા આતુર છું.
UAE આ વર્ષના અંતમાં UNFCCC (COP-28)ની 28મી કોન્ફરન્સ ઑફ પાર્ટીઝનું આયોજન કરશે. હું પેરિસ કરારના ઊર્જા સંક્રમણ અને અમલીકરણને સરળ બનાવવા માટે આબોહવા ક્રિયાને વેગ આપવા તરફ વૈશ્વિક સહકારને મજબૂત કરવા અંગેના વિચારોની આપલે કરવા માટે પણ આતુર છું.
મને વિશ્વાસ છે કે UAEની મારી મુલાકાત અમારી વ્યાપક વ્યૂહાત્મક ભાગીદારીમાં એક નવા અધ્યાયની શરૂઆત કરશે.
YP/GP/NP
સોશિયલ મીડિયા પર અમને ફોલો કરો :
@PIBAhmedabad
/pibahmedabad1964
/pibahmedabad
pibahmedabad1964[at]gmail[dot]com
(Release ID: 1939103)
Visitor Counter : 185
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam