জুলাই ১৩,২০২৩ দা হরিয়ানাগী গুরুগ্রামদা য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা ‘এন.এফ.তি, এ.আই অমসুং মেতভর্সগী মতম অসিদা ক্রাইম অমসুং সেকুরিতিগী জি-২০ মীফম’ হৌদোকপা থৌরমদা ৱা ঙাংগনি। ভারতকী মমিং লৈরিবা মহৈলোয়শঙ ৭গী সাইবর ভোলুন্তিয়ার স্কাদশিং হোম মিনিস্তরনা লমথাগনি। শ্রী অমিত সাহনা একজিবিসন অমা হাংদোক্কনি অমসুং কনফরেন্স মেদালিয়ন ফোঙগনি। জুলাই ১৩-১৪গী নুমিৎ নিনীগী মীফম অসিদা জি-২০ লৈবাকশিং, অখন্নবা চেবাউ পীদুনা শরুক য়াবা লৈবাক ৯, মালেমগী লুপশিং অমসুং তেক্নোলোজিগী লুচিংবশিং অমসুং ভারত অমসুং মালেমগী হিরম কয়াগী অখঙ-অহৈ চাউরাক্না ৯০০ হেন্না পুনগনি।

প্রধান মন্ত্রী শ্রী নরেন্দ্র মোদীগী লুচিং মখাদা অমসুং য়ুনিয়ন হোম মিনিস্তর শ্রী অমিত সাহাগী লমজিং মখাদা, হোম মিনিস্ত্রিগী মরুওইবা থবকশিংগী মনুংদা সাইবরগী অশোই-অঙাম থোক্তবা ভারত অমা শেমগৎপা অসি পান্দম অমনি। অশোই-অঙাম থোক্তবা সাইবরস্পেস অমা শেমগৎনবা অমসুং সাইবরসেকুরিতিগা মরী লৈনবশিং মরুওইনা লৌনবা মালেমগী ওইনা পুন্না থবক তৌমিন্নবগী খুদোংচাবা অমা পীনবা মীফম অসিনা পান্দম থম্লি। অনৌবা তেক্নোলোজিশিং হায়বদি নন ফঞ্জিবল তোকন্স(এন এফ তি), আর্তিফিসিএল ইন্তিলিজেন্ত(এ আই) অমসুং মেতাভর্সদা সাইবরক্রাইম থেংননবা পাম্বৈশিং অমসুং সাইবর সেকুরিতিগী লমদা মীফম অদুদা মীৎয়েং থমগনি।

সাইবরসেকুরিতি অসি মালেমগী ওইনা সেকুরিতিগা মরী লৈনবা তঙাইফদবা থবক অমা ওইরে, মসিনা শেন-থুম অমসুং মালেমগী রাজনিতিগী ওইবা থবকশিংদা চৈথেং পীবা মরম্না মতিক চানা মীৎয়েং চঙবা দরকার ওই। জি-২০ ফোরমদা সাইবরসেকুরিতিদা মীৎয়েং চঙবা হেনগৎপা অসিনা মরুওইবা ই-পাউগী ইনফ্রাস্ত্রকচর অমসুং দিজিতেল পব্লিক প্লেতফোর্মশিংদা সেকুরিতি হেনগৎহনবা ঙমগনি। জি-২০ ফোরমদা সাইবরসেকুরিতি অমসুং সাইবর ক্রাইম ঙাকথোক্নবা খন্ন-নৈনবা অসিনা ই-পাউ পীথোক-পীশিন তৌনবগী থবক চাউখৎহনবদা মতেং পাংগনি।

 ‘এন.এফ.তি, এ.আই অমসুং মেতভর্সগী মতম অসিদা ক্রাইম অমসুং সেকুরিতিগী জি-২০ মীফম’ অসিনা মালেম শীনবা থুংনা অনৌবা ৱাখল্লোনশিং, লৌশিং পীথোক-পীশিন তৌনবা অমসুং নেতৱার্কিং শেম্নবা মফম অমা পীরগনি।

মীফম অদুদা মালেমগী মমিং লৈরিবা সাইবর এক্সপার্তশিং অমসুং আইনগী লমদা থবক তৌরিবা মীওইশিং, অখঙ-অহৈশিং, ত্রেনিং ইন্সতিতুৎশিং, ফিনতেক, সোসিএল মেদিয়াগী লমদা থবক তৌরিবশিং, ইনফোর্মেসন অমসুং কম্মুনিকেসন তেক্নোলোজি, সাইবর ফোরেন্সিকশিং, রিগুলেতরশিং, স্তার্দঅপশিং,  ও.তি.তি সর্বিস প্রোভাইদরশিং, ই-কম্মর্স কম্পেনিশিং অমসুং অতোপ্পশিং শরুক য়াগনি। কেন্দ্রগী মিনিস্ত্রিশিং, লুপশিং অমসুং এজেন্সিশিংগী মীহুৎশিং অমসুং চীফ সেক্রেতরিশিং, রাজ্যশিং/য়ু.তিশিংগী দি.জি.পিশিং মীফম অদুদা শরুক য়াগনি।

জুলাই ১৩,২০২৩দা প্লেনারি সেসন অমগা লোয়ননা মীফম অদু হৌদোক্কনি অমসুং তুংদা মীফম হৌদোকপগী থৌরম পাংথোক্কনি। নুমিৎ নিনীগী মীফম মনুংদা মখাগী হিরমশিং অসিদা তেক্নিকেল সেসন ৬ পাংথোক্কনি :

1. ইন্তরনেত গভর্নান্স-লৈবাক্কী থৌদাং অমসুং মালেমগী ওইবা থবকশিং
2. পাক-চাউরবা দিজিতেলগী থবকশিং মরক্তা দি.পি.আই অশোই-অঙাম থোকহন্দবা; দিজাইন, আর্কিতেক, থৌশিলশিং অমসুং থৌরাং তৌবা
3. রিয়েলিতি, মেতাভর্স অমসুং দিজিতেলগী মপুগী মতাংদা আইন অমসুং কাংলোনশিংগী ঙাক্লৌ
4. এ.আই: শিংনবশিং, খুদোংচাবশিং অমসুং শীজিন্নবগী দাইত্ব
5. দোতশিং শম্নবা: ক্রিপ্তো করেন্সি অমসুং দার্কনেতকী শিংনবশিং
6. অরানবা থবকশিংদা আই.সি.তি শীজিন্নবা: মালেমগী ওইনা মতেং পীননবা ঙাক্লৌ অমা শেমগৎপা

একজিবিসনশিংদা লৈবাক অসিগী অমসুং মালেমগী পোৎথোকশিং উৎকনি অমসুং আই.সি.তিগী লমদা লুপশিং/ইন্দস্ত্রিশিংনা পীরিবা থবকশিং উৎকনি। জুলাই ১৪দা পাংথোক্কদবা মীফম লোইশিনবা থৌরমদা ইলেকত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিস্তর শ্রী অশ্বিনি বৈষ্ণবনা ৱা ঙাংগনি।

মীফম অসি হোম এফেয়ার্স মিনিস্ত্রিনা ইলেকত্রোনিক্স অমসুং ইনফোর্মেসন তেক্নোলোজি মিনিস্ত্রি, এক্সতর্নেল এফেয়ার্স মিনিস্ত্রি, নেসনেল সেকুরিতি কাউন্সিল সেক্রেতরিয়েত, তেলিকোম দিপার্তমেন্ত, সি.বি.আই, ইন্তরপোল, য়ুনাইতেদ নেসন্স ওফিস ওন দ্রগস এন্দ ক্রাইম(য়ু এন ও দি সি)গা খুৎশম্নদুনা শীনবনি। মীফম অসি শীনবদা শরুক য়ারিবা অতোপ্পশিংদি রাস্ত্রিয়া রক্ষ য়ুনিভর্সিতি, নেসনেল ফোরেন্সিক সাইন্স য়ুনিভর্সিতি, দেতা সেকুরিতি কাউন্সিল ওফ ইন্দিয়া, নেসনেল লো স্কুল ওফ ইন্দিয়া, বেঙ্গালুরু অমসুং অমৃত বিশ্বা ভিদ্যপীথনি।

*****