গৃহ অমসুং কোওপরেসনগী কেন্দ্র মন্ত্রী, শ্রী অমিত শাহনা নোংমা চত্থগদবা মেগা কনক্লেব, “FPOশিংগী খুত্থাংদা PACSকী মপাঙ্গল কনখৎহনবা” অমা জুলাই 14দা নই দিল্লীদা হৌদোক্কনি। কনক্লেব অসিনা ফার্মর প্রদ্যুসর ওর্গনাইজেসন (FPO)গী খুত্থাংদা প্রাইমারী এগ্রিকলচরেল ক্রেদিত সোসাইতী (PACS)গী মপাঙ্গল হেনগৎহন্নবা লম্বী খন্ননবা পান্দম থম্লি।

কনক্লেব অসিদা সেক্তর অসিগী এক্সপর্তশিংগা লোয়ননা লৈবাক শিনবা থুংবগী FPO মেম্ব্রশিংনা শরুক য়াগনি। মেগা কনক্লেব অসি কোওপরেসনগী কেন্দ্র মন্ত্রালয়গা তেংবাংনদুনা নেস্নেল কোওপরেতিব দিভেলপমেন্ত কোর্পোরেসন (NCDC)না শিনবনি।

লৌমীশিংনা পুন্দুনা শেম্বা অপুনবা এন্তিতী অমা ওইবা, মখোয়গী রিসোর্সশিং পুনশিনবা ঙমহনবা অমসুং মখোয়গী মন্তিক্নবগী মতিক হেনগৎহল্লিবা FPOশিং অসিনা লৌউ-শিংউদা অহোংবা পুরকপগী মরু ওইবা পাম্বৈ অমা ওইরি। প্রধান মন্ত্রী শ্রী নরেন্দ্র মোদীগী ‘সাহকার সে সামৃধী’গী পান্দম ফংহন্নবা অমসুং কোওপরেসন মন্ত্রী শ্রী অমিত শাহগী হোৎনজমন্না মরম ওইরগা, কোওপরেতিব সেক্তরদা অনৌবা FPO 100 শেম্নবা ৱারেপ অমা হন্দক্তা লৌখ্রে।

কোওপরেসন মন্ত্রালয়গী মরু ওইবা খোঙথাং অমগা লোয়ননা, লৌউ-শিংউ অমসুং লৌমীশিংগী য়াইফ থৌরাং মন্ত্রালয়না NCDCদা অহেনবা ব্লোক খরা হন্দক্তা পীদুনা কোওপরেতিব সেক্তরদা FPO 1100বু চাউখৎহন্নবা খোঙথাং অমা পায়খৎখ্রে। থৌওং অসি, কোওপরেতিব সেক্তরবু হেন্না চাউখৎহন্নবা অমসুং অপীকপা অমসুং মার্জিনেল লৌমীশিংদা মপুং ফানা শৌগত্তুনা স্কিম অসিগী মখাদা PACSশিংবু মপাঙ্গল কনখৎহন্দুনা পাংথোক্কনি।

FPO স্কিমগী মখাদা, FPOশিংবু খুমাং চাউশিলহন্নবা অমসুং লমজিং লমতাকপীনবগীদমক্তা FPO খুদিংদা লুপা লাক্ষ 33গী শেলগী তেংবাং পীখি, ক্লস্তর বেজ ব্যুজিনেস ওর্গনাইজেসন (CBBO) অমমমদসু লুপা লাক্ষ 25কী শেলগী তেংবাং পীখি।

লৌউববু সস্তেনেবল ওইহন্নবা অমসুং লৌউ-শিংউদা মখা পোঞ্জবশিংগী পুন্সি মহিং হেন্না ফগৎহন্নবা হোৎনবদা FPOশিংনা মরু ওইবা থৌদাং লৌরি। FPOশিংনা অপীকপা অমসুং মার্জিনেল লৌমীশিংদা অফবা মমল ফংহন্নবা, পুথোক পুশিনগী মমল হন্থহন্নবা অমসুং পোত্থোক পুথোকপা হেনগৎহন্নবা তেংবাংলি।

কলতিবেতর, তিল্লর, হার্ভেস্তরগুম্বা লৌউবগী খুৎলায়গুম্বা প্রদক্সন ইনপুত সপ্লাই তৌবা; অমসুং ক্লিনিং, এসেয়িং, সোর্তিং, গ্রেদিং, পেক্কিং, স্তোরেজ, ত্রান্সপোর্তেসন য়াওনা প্রোসেসিং অমদি ভেল্যু এদিসন তৌবনচিংবা কারবারগী থৌওং হেনগৎহন্নবা লৌমীশিংদা তেংবাংনবা FPO স্কিমশিংদা PACS য়াওহন্নবা সরকারনা হায়দুনা লাক্লি।

PACSতা চাউরাকপা লৌমী করোর 13গী য়াম্লবা মেম্বর বেজ লৈ অমসুং লৌমীশিং অসিনা শোর্ত তর্ম ক্রেদিত, মরু অমসুং হার য়েন্থোকপগী থৌওংশিং পাংথোক্লি। হৌজিক্কী ওইনদি, লৈবাক্কী লৌমী 86% হেনবা অসি অপীকপা অমসুং মার্জিনেল লৌমী ঙাক্তনি।

লৌমীশিং অসিদা অফবা তেক্নোলোজী, ক্রেদিত, অফবা ইনপুত অমসুং অহেনবা মার্কেত ইন্সেন্তিব পীদুনা অফবা পোত্থোক পুথোকহনবগী তঙাই ফদবা লৈবনা, PACSকা মরী লৈনবা লৌমীশিংনা FPO শেমহন্নবা পুক্নিং থৌগৎনবা সরকারনা খোঙথাং কয়া পায়খৎখ্রে। হীরম অসিগী মরী লৈননা, সেন্ত্রেল সেক্তর স্কিম ওইরিবা “ফার্মর প্রদ্যুসর ওর্গনাইজেসন (FPO) 1100 শেম্বা অমসুং চাউখৎহনবা” অসি লৌউ-শিংউ অমসুং লৌমীশিংগী য়াইফ থোরাং মন্ত্রালয়গী মিৎয়েং মখাদা শেমখিবনি।

NCDC হায়বসি কোওপরেসন মন্ত্রালয়গী মখাদা লৈবা পোত্থোক পুথোকপা হেনগৎহনবা অমসুং পোস্ত হার্ভেস্ত ফেসিলিতী পীনবগীদমক্তা থৌরাং য়াৎপা অমসুং কোওপরেতিবশিংদা শেল থাবগী মেন্দেতকা লোয়ননা শেমখিবা স্তেত্যুতরী ওর্গনাইজেসন অমনি। FY 2022-23গী মনুংদা, NCDCনা এগ্রিকলচর প্রোসেসিং, ৱিকর সেক্সন, কোওপরেতিবশিংবু কম্প্যুতরাইজ তৌবা, সর্ভিস, ক্রেদিত অমসুং য়ুথ কোওপরেতিব অমসুং অতোপ্পশিং য়াওনা তোঙান-তোঙানবা সেক্তরশিংগীদমক্তা লুপা করোর 41,031.39 কাইথখ্রে।

*****