গুজরাতকী শহর অনি অহমদবাদ অমসুং গান্ধীনগরদা ২০২৩গী জুলাই ৭-৮দা মালেম পুম্বদগী শহর ৫৭ অমসুং ভারতকী শহর ৩৫গী দেলিগেতশিং অমসুং পার্তিসিপেন্তশিং পুনগনি। থৌরাং অসি জি২০গী মখাদা এঙ্গেজমেন্ত গ্রুপ অমা ওইরিবা অর্বান ২০গী তরুকশুবা সাইকলগী মেয়র থাক্কী মীফমগীদমক শিন লাংবনি। য়ু২০না জি২০ লৈবাকশিংগী শহরশিংগী মরক্তা খন্ন-নৈনবগী খুদোংচাবা পীদুনা অর্বান প্রায়োরিতীগী মরমদা জি২০ নেগোসিয়েসনশিং পুন্না খংহন্নবগীদমক শহরশিংগী ওইবা প্লেতফোর্ম অমা শেমগৎলি। হৌজিক ফাওবগী খ্বাইদগী চাউবা অমা ওইরিবা য়ু২০ মীফমদা মেয়রশিং, দিপুতী মেয়রশিং অমসুং সিতী ওফিসিএলশিং অমসুং নোলেজ পার্তনরশিং য়াওনা পার্তিসিপেন্ত ৫০০ হেনবনা শরুক য়াগনি। শহর অনিমক য়ু ২০ চিয়র অহমদাবাদ শহরগী প্রায়োরিতীশিং হায়লাইত তৌবা বেনরশিং অমসুং পোস্তরশিংগা লোয়ননা লৈতেংলে।

অহমদবাদনা দেলিগেতশিং তরাম্না ওক্নবা মপুং ফানা থৌরাং তৌরে অমদি মীফম অসি মায় পাকহন্নবগীদমক শেম শাবগী থবক চত্থরি। নুমিৎ নিনিগী থৌরম অসিদা হৌদোকপগী সেসনগী মথক্তা জি২০ লুচিংবশিংদা মেয়রশিংনা য়ু২০ কম্যুনিক খুৎশিন্নবা, থেমেতিক সেসনশিং অমসুং স্পোতলাইত থৌরমশিং য়াওরি।

মেয়র থাক্কী মীফম অসি ওফিসিয়েএ ওইনা জুলাই ৭দা গুজরাতকী মুখ্য মন্ত্রী শ্রী ভুপেন্দ্রভাই পতেল অমসুং হাউজিং অমসুং অর্বান এফিয়ার্সকী রাজ্য মন্ত্রী শ্রী কৌশল কিশোরনা হৌদোক্কনি। অহমদবাদকী মেয়র শ্রী কিরিতকুমার জে. পারমরনা অহমদবাদ শহরগী মহুৎ শিন্দুনা দিলেগেৎশিংবু তরাম্না ওক্কনি অমসুং জি২০গী শ্রী অভয় থাকুর, সৌস শের্পা অমসুং শ্রী মনোজ জোশি, সেক্রেতরী, এম.ও.ঐচ.সু.এ.না ভারতকী শহরশিংগী দিবলপমেন্তকী খোংচৎতা মখোয়গী পর্সপেক্তিবশিং শেয়র তৌগনি।

মীফম মনুংদা য়ু২০ প্রায়োরিতী এরিয়া তরুক্তা থেমেতিক সেসনশিং ওর্গনাইজ তৌগনি। য়ু২০গী মখাদা প্রায়োরিতী তরুক অদুদি, ‘এনভাইরনমেন্তেল্লী রেস্পোন্সিবল বিহেবিয়রশিং থৌগৎপা’, ‘ক্লাইমেত ফাইনান্স খোংজেল য়াংশিনবা’, ‘ৱাতর সেক্যুরিতী ফংহনবা’, ‘লোকেল কলচর অমসুং ইকোনোমী প্রমোত তৌবা’, ‘অর্বান গবর্নান্স অমসুং প্লানিংগীদমক ফ্রামৱার্কশিং নৌনা পুথোকপা’, অমসুং ‘দিজিতেল অর্বান ফ্যুচরশিং কেতালাইজ তৌবা’। থেমেতিক সেসনশিংদা তোকিও, রিয়াদ, সুরত, শ্রীনগর, অম্মান, লোস এঞ্জেলস, ন্যু য়োর্ক সিতী, কাতোৱাইস, রিও দি জেনেরো, দুবাই, ইন্দোর, কিতচেনের, লন্দন, মোন্তেভিদিও, জোহান্সবর্গ, কোচি অমসুং দর্বান শহরশিংদগী মেয়রশিং অমসুং মানবা সিতী লীদরশিংনা ৱা ঙাংবা অমসুং প্রজেন্তেসন লান্থোকপা য়াওগনি।

মখাগী স্পোতলাইত সেসনশিং অসিসু মীফমগী শরুক ওইগনি:

• দেকার্বোনাইজিং শেমগৎপা এনভাইরনমেন্ত
• ৱুমেন, নহারোল অমসুং অঙাংশিংবু অর্বান দিবলপমেন্তকী মেনস্ত্রীমদা পুরকপা
• রিদিফাইনিং সিতী ইনভেস্তমেন্তস: ফ্যুচর তেক্নোলোজীশিং য়ুতিলাইজ তৌরিবা গ্লোবেল অর্বান ফ্রেমৱার্ক অমা
• ক্লোজিং দি লূপ: সর্কুলর ইকোনোমী ইন ৱাতর, ৱেস্তৱাতর অমসুং সোলিদ ৱেস্ত
• বিলদিং ক্লাইমেত-রেস্পোন্সিব এন্দ রেসিলেন্ত সিতিজ
• মীয়ামগীদমক দেতা ৱার্ক শেম্বা

সেসনশিং অসি ওর্গনাইজ তৌনবগীদমক নোলেজ পার্তনর কয়া অমা এন.আই.য়ু.এ.গা কোলাবোরেত তৌরি। মসিদা ৱার্ল্দ ইকোনোমিক ফোরম (দবল্যু.ই.এফ.), সি৪০ সিতিজ, ওল ইন্দিয়া ইন্সতিত্যুত ওফ লোকেল সেল্ফ গবর্নমেন্ত (এ.আই.আই.এল.এস.জি.), য়ুনেসকো, য়ুনিসেফ, গিজ অমসুং আই.সি.এল.ই.আই. য়াওরি।

মালেমগী তোঙান তোঙানবা মফমশিংদগী শরুক য়ারিবা মেয়রশিংনা নুমিৎ নিনি য়ু২০ প্রায়োরিতীশিং অমসুং শহরশিংগীদমক সস্তেনেবল এজেন্দাদা ৱারী শান্ননবগীদমক ক্লোজ দোর সেসনগী মনুংদসু শরুক য়াগনি। মীফমগী অনিশুবা নুমিৎকী ক্লোজ দোর সেসনবু ‘ক্‌লাইমেত ফাইনান্স’কী ইসুদা শহরশিংগী রাউন্দতেবল অমগুম দিজাইন তৌরি।

মেয়র থাক্কী মীফম মনুংদা দিলেগেতশিংনা গান্ধিনগরদা অনৌবা থাক্কী বিজিনেস দিস্ত্রিক্ত অমা ওইরিবা গিফত সিতী (গুজরাত ইন্তরনেস্নেল ফাইনান্স তেক-সিতী)দা চৎকনি। দিলেগেতশিংনা হেরিতেজ ৱাল্ক অমগী খুত্থাংদা অহমদবাদকী অরিবা শহরগী আর্কিতেকচরেল মার্বলসু এক্সপ্লোর তৌগনি অমসুং ভারতকী নিংতম্বগী ইহৌদা মহাত্ম গান্ধীগী মরুওইবা থৌদাং অমসুং মালেমগীদমক মহাক্কী শান্তী অমসুং অহিংশাগী পাউজেল অদু খংনবগীদমক সাবরমতী আশ্রম চৎকনি। মখোয়না সাবরমতী রিভরফ্রন্ত য়াওনা অহমদবাদ শহরদা পায়খৎলিবা তোঙান তোঙানবা অর্বান দিবলপমেন্ত ইনিসিয়েতিবশিংসু চৎকনি। দিলেগেতশিংনা গুজরাত অমসুং ভারতকী কলচরগী তোঙান তোঙানবা শক্লোনশিং উৎপা থৌরমশিংসু শরুক য়াগনি অমদি গুজরাতকী ওইবা মথোল লুকোইশিং মহাও তংগনি।

কম্ম্যুনিক অসি সাইকল খুদিংদা য়ু২০ খন্ন-নৈনবগী আউতকম দোকুমেন্ত অমনি, মদু জি২০ লৈবাকশিংদা লৈরিবা শহরশিংনা অয়াবা পী। শরুকয়ারিবা মেয়রশিংনা জি২০ শেরেপা শ্রী অমিতাব কান্ত অমসুং হাউজিং অমসুং অর্বান এফিয়ার্স অমসুং পেত্রোলিয়ম অমসুং নেচরেল গ্যাসকী কেন্দ্র মন্ত্রী শ্রী হর্দীপ সিংহ পুরীদা কম্ম্যুনিক খুৎশিন্নবগা লোয়ননা মেয়র থাক্কী মীফম অসি লোইশিনগনি।

*****