শুন্দ্রংগী বিভাগ

তেল্লবা মতমগী মনুংদা স্পেস স্তার্তঅপ ১৪০ লিংখত্তুনা, ভারতনা মফম অমা কনবা হৌরক্লি অমদি মালেম পুম্বনা মসিবু শকখঙবসু হৌরক্লি, হায়না দোক্তর জিতেন্দ্র সিংহনা হায়রি


আউতর স্পেস থিজিন্নবগীদমক মালেমগী ওইবা তেংবাংনবা অমদি মীচঙ শেম্বা মথৌ তাই, হায়না দোক্তর জিতেন্দ্র সিংহনা হায়রি

“মীওইবা খুন্নাইগী তুংলমচৎ এস.দি.জি.শিং ফংননবা অমদি মীচম মীয়ামগী পুন্সি মহিং ফগৎহন্নবগীদমক স্পেস তেক্নোলোজীবু শীজিন্নবদা পুন্না হোৎনমিন্নবদা লৈ”

স্পেস শেন্মিৎলোন্দা লনাই সেক্তরনা শরুক য়াশিল্লকপা য়াম্না মরুওই: দোক্তর জিতেন্দ্র সিংহ

দোক্তর জিতেন্দ্র সিংহনা বেঙ্গলুরুদা জি২০গী ৪শুবা স্পেস ইকনমী লীদর্স মীতিং (এন.ই.এল.এম.) হৌদোকখ্রে

Posted On: 06 JUL 2023 12:58PM by PIB Imphal

সাইন্স অমদি তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., দিপার্তমেন্ত ওফ এতোমিক ইনর্জী অমদি দিপার্তমেন্ত ওফ স্পেস অমদি এম.ও.এস. পর্সোনেল, পব্লিক গ্রিভান্সেস অমদি পেন্সন্স, দোক্তর জিতেন্দ্র সিংহনা ঙসি, তেল্লবা মতমগী মনুংদা স্পেস স্তার্তঅপ ১৪০ হেন্না লিংখত্তুনা, ভারতনা মফম অমা কনবা ঙম্লক্লি অমদি মালেম পুম্বনা ভারতকী তৌবা ঙম্বা অমদি স্পেস তেক্নোলোজীগী মতিংবু শকখঙবা হৌরক্লি হায়খ্রে‍।

ঙসি মফমসিদা পাঙথোকপা জি২০ স্পেস ইকনমী লীদর্স মীতিং (এস.ই.এল.এম.)গী ৪শুবা ইদিসন হৌদোকপগী থৌরমদা ৱা ঙাঙলদুনা, দোক্তর জিতেন্দ্র সিংহনা, মসি পুম্নমকসি প্রধান মন্ত্রী নরেন্দ্র মোদীনা ভারতকী স্পেস সেক্তরবু লনাই প্লেয়রশিংগীদমক হাংদোক্তুনা হৌখৎবা চহি খরসিদা খুমাঙ চাওশিলহনবা ঙমহনখিবসিননি হায়খি‍। ভারতনা ভাগী স্পেসকী খোঙচৎ মালেমগী অতৈ লৈবাক খরগা চাংদম্নবদা হৌরকপদা ঙায়রিবা ওইরবসু, মালেমগী মাঙজিল থাবা স্পেস এজেন্সীশিংগী কান্ননবগীদমক মরুওইবা ক্লু অমদি ইনপুৎশিং পীরিবসি ভারতনি হায়না মহাক্না হায়খি‍।

 

https://static.pib.gov.in/WriteReadData/userfiles/image/js-1L3VQ.jpg

প্রধান মন্ত্রী নরেন্দ্র মোদীনা হন্দক্তা য়ু.এস.এ.দা স্পেসকা মরী লৈনবা য়ানচেশিংনা এজেন্দাগী অয়াম্বা শরুক ওইখিবদুনা ঙসি স্পেস তেক্নোলোজীদা লময়ানবনি হায়না ক্লেম তৌনরিবা লৈবাকশিংনা ফশওবা মখোয়গী স্পেসকা মরী লৈনবা থবক থৌরমশিংদা ভেল্যু হাপচিন্নবগীদমক ভারতকী মায়কৈদা মীৎয়েঙ থম্লিবা অসি উৎলি হায়বা ৱাফমসু মন্ত্রীনা পুথোক্তুনা ফোঙদোকখি‍।

লনাই সেক্তরবু থাগৎলদুনা, দোক্তর জিতেন্দ্র সিংহনা মখোয়না মাঙজিল থানা লৌরক্লিবা থৌদাংবু স্পেস ইকনমীদা “মরুওইবা” অমনি হায়খি‍।

দোক্তর জিতেন্দ্র সিংহনা, মীওইবা খুন্নাইনা আউতর স্পেসতা থিজিন হুমজিন্নবগী লৈরিবা অনিংবা অপাম্বা হেনগৎলক্লিবা অসিদা মালেমগী ওইনা তেংবাংনবা অমদি মীচঙ শেম্বা মরুওই হায়খি‍। মালেমগী শেন্মিৎলোন্দা স্পেস ইকনমীগী চাকথুং হেনগৎহন্নবগীদমক স্পেসতা চৎলিবা লৈবাকশিংগী ওইবা দাইত্য লৈবা মীচঙ অমা শেম্বসি হৌজিক য়াম্না মথৌ তাবা অমনি হায়না মহাক্না হায়খি‍।

“মীওইবা খুন্নাইগী তুংলমচৎ চাওখৎনবগী থৌদাং, সস্তেনেবল দিভেলপমেন্ত গোলশিং ফংনবগী লমদা অমদি মীচম মীয়ামগী পুন্সি ফগৎহন্নবগীদমক স্পেস তেক্নোলোজী লোকশিন্দুনা মচাক মথুম খোমজিন তাশিন্নবা অমদি শীজিন্ননবা পুন্না হোৎনমিন্নদুনা মতিং হেনগৎহনবদা লৈ,” হায়না দোক্তর জিতেন্দ্র সিংহনা হায়খি‍।

 

https://static.pib.gov.in/WriteReadData/userfiles/image/js-2OC09.jpg

 

“থৌরম অসিগী থীম্না হায়রিবসুগুম, মালেমগী শেন্মিৎলোন্দা স্পেস ইকনমীগী চাকথুং হেনগৎহন্নবগীদমক স্পেসতা চৎলিবা লৈবাকশিংগী ওইবা দাইত্য লৈবা মীচঙ অমা শেম্বসি হৌজিক য়াম্না মথৌ তাবা অমনি‍। মসিনা ভারতকী জি২০গী থীম “মালেম অমা, স্পেস অমা, অমদি তুংলমচৎ অমা” অদুগা ঐখোয়না সংস্কৃৎ লোন্দা ‘বসুদৈব কুতুম্বকম’ হায়রিবা অসিবুসু চপ চানা ৱাহন্থোক পীরি,” হায়না মহাক্না মখা তাখি‍।

“স্পেস তেক্নোলোজীনা শেন্মিৎলোনগী তোঙান তোঙানবা য়ুম্বীশিংবু অমত্তা ওইনা পুনশিন্দুনা, হীরমসিদা থাদরিবা শেলনা লৈবাকশিংগী মপুং ওইনা চাওখৎপদা অমদি শেন্মিৎলোন্দা শরুক কয়া থোক্না ফীভম ফগৎহনগনি‍। স্পেস ইকনমীনা লাক্কদৌরিবা দেকেদশিংদা মথঙগী ত্রিলিয়ন-দোলর সেক্তর ওইরক্কনি হায়না স্তদীশিংনা মাঙজৌননা হায়রি‍। শেন্মিৎলোন্দা স্পেসকী মরুওইবশিং য়েংলগা, ভারতনা ঐখোয়গী স্পেস ইকনমীবু হাংদোক্তুনা পুনশিন্নবা অমদি অতোপ্পা লৈবাকশিংদা খোঙবু শেম্নবা থৌরাং কয়া লৌখৎলি,” হায়না মহাক্না হায়খি‍।

মালেম পুম্বদগী প্রাইভেৎ পার্ত্নর অমদি থিঙ্ক তেঙ্কশিংবু তরাম্না ওক্লদুনা, ভারতগী এস. অমদি তি. মন্ত্রীনা জি-২০ লৈবাকশিংগী স্পেস ইকনমী লীদর্স মীতিং অসিনা মালেমসিদা তশেংবা অমদি অফবা শাফু অমা পীবদা স্পেস তেক্নোলোজী শীজিন্নবগী খোঙহৌফম অমা পুরক্কনি হায়বগী থাজবা ফোঙদোকখি‍।

“জি২০ লৈবাকশিংগা লোয়ননা খোঙবু ওইরিবা লৈবাকশিংনা মালেমগী জি.দি.পি.গী চাউরাক্না ৮৫%, মালেমগী ললোন ইতিক্কী ৭৫% অমদি মালেমগী মীশিংগী ২/৩ ওইরিবসিদা মীৎয়েঙ থম্লগা, ঐখোয়না লৌবা ফিরেপ্না স্পেস ইকনমীগী তুংলমচত্তা চাউনা শাফু পীগনি,” হায়না মহাক্না হায়খি‍।

দোক্তর জিতেন্দ্র সিংহনা ভারতকী স্পেস প্রোগ্রামগী দেকেদ ৬সিদা ওইরক্লিবা স্পেস তেক্নোলোজীগী এপ্লিকেসন পোতেন্সিএলবুসু উৎখি হায়খি‍।

“ঙসি, স্পেসনা, সাইন্স অমদি তেক্নোলোজী, তেলিকম্ম্যুনিকেসন, লৌউ-শিংউ, মহৈ মশিং, হকশেল, খুঙ্গং চাওখৎহনবা, দিজাস্তর ৱার্নিং অমদি মিতিগেসন, অইং অশাগী খল হোংলকপা থিজিনবা, নেভিগেসন, দিফেন্স অমদি লৈঙাক্লোন্নচিংবা য়াওনা, মীওইবগী পুন্সিগী হীরম খুদিংদা শরুক ওইরক্লি,” হায়না মহাক্না হায়খি‍।

নেস্নেল স্পেস এজেন্সীশিংগী মকোকশিং, জি২০গী স্পেস ইন্দস্ত্রীশিংগী লুচিংবশিং, জি২০ লৈবাকশিংগী মকোক থোংবা দিপ্লোমেৎশিং অমদি ইনভাইত তৌখিবা লৈবাকশিং অমসুং অতৈ মীথুংশিংনা নুমিৎ নিনি চুপ্না পাঙথোক্কদৌরিবা মীফম অদুদা শরুক য়ারি‍।

<><><><><>



(Release ID: 1937726) Visitor Counter : 85