কেন্দ্রগী য়ুমলৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি ভীদিও কনফরেন্সিংগী খুত্থাংদা এহ্মদবাদ মুনিসিপাল কোর্পোরেশন অমসুং সাবর্মতি রিভর ফ্রন্ত দেবেলপমেন্ত কোর্পোরেশন লিমিতেদনা শেমগৎপা সাবর্মতি রিভরফ্রন্ততা – মেদ ইন ইন্দিয়া ‘অক্শর রিভর ক্রুজ’ হৌদোকখ্রে।

মহাক্কী ৱারোলদা, শ্রী অমিত শাহনা হায়খি মদুদি মসিগী অকশর ক্রুজ অসিগী খুত্থাংদা, গুজরাতকী সরকার অমসুং মুনিসিপাল কোরপোরেশন অসিনা ঙসি এহ্মদবাদকী নাগ্রিকশিংদা অনৌবা খুদোল অমা তমখ্রে। মহাক্না হায়খি মদুদি পি.এম. মোদীনা গুজরাতকী মুখ্য মন্ত্রী ওইরিঙৈ মতমদা, মহাক খক্তনা অহানবা ওইনা ভারত্তা রিভরফ্রন্তকী মঙলান অসি মঙখি অমসুং ভারত্তা রিভরফ্রন্তকী প্লান তৌখি অমসুং মসিবু মহাক্না মুখ্য মন্ত্রী ওইরিঙৈ মতমদা দেবেলপ তৌখি অমসুং মসিবু শাবা লোইশিনখি। শ্রী শাহনা হায়খি মদুদি রিভরফ্রন্ত অসি এহ্মদবাদতদা নত্তনা ভারত অমসুং মালেম শিনবা থুংনা মমিং চৎখি অমসুং তুরিজমগী পুক্নিং চিংশিন্নিংঙাই ওইবা সেন্তর অমা ওইনা থোরক্লি।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি রিভরফ্রন্ত অসিনা মরম ওইরগা ঈশিংগী থাক ৱাখৎলকপদা নত্তনা সেনিয়র সিতিজনশিং, অঙাংশিং অমসুং নহাশিং য়াওনা মীপুম খুদিংমক্কীদমক্তা সোসিবেল অমসুং কলচরেল এক্তিবিতী কয়া অমগী সেন্তর অমা ওইনশু খঙনরক্লি। মহাক্না হায়খি মদুদি মসিগী লকজরি রিভর-ক্রুজ অসিনা এহ্মদবাদকী নাগ্রিকশিংগীদমক্তা পুক্নিংচিশিন্নিংঙাই ওইবা অনৌবা মফম অমা ওইরগনি। মহাক্না মখা তারকখি মদুদি মসিগী ক্রুজ অসি এহ্মদবাদ মুনিসিপাল কোর্পোরেশন অমসুং সাবর্মতি রিভর ফ্রন্ত দেবেলপমেন্ত কোর্পোরেশন লিমিতেদনা পব্লিক প্রাইভেত পার্তনরশিপকী মখাদা দেবেলপ তৌখি। মসিগী ক্রুজ অসি লুপা করোর অনি চংনা ইঞ্জিন অনি য়াওনা মেক ইন ইন্দিয়াগী মখাদা শাখিবা খ্বাইদগী অহানবা পেসেঞ্জর কেতমরান্নি অমসুং মসিনা অশোই-অঙাম য়াওদনা পুং অমগা মখাই চ৭পা ঙম্মি। মআক্না হায়খি মদুদি মসিগী মিতর ৩০ সাংবা ক্রুজ অসিনা সহর অসিদা লাক্লিবা এহ্মদবাদ অমসুং লৈবাক অসিগী নাগ্রিকশিংগি সেন্তর ওফ এত্রেক্সন অমা ওইরগনি। শ্রী শাহনা হায়খি মদুদি ক্রুজ অসিদা পেসেঞ্জর ১৬৫গী কেপাসিতি লৈ অমসুং মীয়ামগী পুক্নিং শোইদনা চিংশিনগদবা রেস্তোরেন্ত অমশু য়াওরি।  

শ্রী অমিত শাহনা হায়খি মদুদি ক্রুজ অসি নাগ্রিকশিংগী খুদোংচাগদবা মওংদা ফিজাইন তৌখি অমসুং মসিদা লাইফ সেফ্তী জেকেত ১৮০, ফাবর সেফতী জেকেত অমসুং ইমর্জেন্সী রেস্কভু বোত য়াওরি। মহাক্না হায়খি মদুদি শ্রী নরেন্দ্র মোদীনা গুজরাতকী মুখ্য মন্ত্রী ওইরিঙৈ মতমদা মহাক্না এহ্মদবাদ অমসুং গুজরাতকী তুরিজমবু ক্বাইদগী হেন্না মরু ওইবা থমখি। মহাক্না মখা তাখি মদুদি শ্রী নরেন্দ্র মোদীনা পাইখৎলকখিবা অনৌবা থৌরাংশিং অদুনা মরম ওইরগা গুজরাত অমসুং মফম অসিগী মরু ওইবা তুরিস্ত সেন্তর অনিনা লৈবাক অসিগী তুরিজম মেপতা য়াম্না মমিং লৈবা মফম অমা ওইরক্লি। মহাক্না হাবকি মদুদি লুপা করোর কয়া অমা ইনভেস্ত তৌদুনা , গুজরাত্তা লাক্লিবা তুরিস্ত লাখ কবা অমগীদমক্তা ইকোসীস্তেম অমা দেবলেপ তৌখি,লাই খুরুম্বা লাক্লিবশিং অমসুং বোর্দরশিংবু কনেক্ত তৌনবা  অফবা লম্বিশিং অসখি, অমসুং তুরিস্তশিংগী খুদোংচানবগীদমক্তা তুরিস্তশিংগী মফমগা এয়রপোর্তশিংগা শম্নহনবা লম্বিশিং শেমখি।

কেন্দ্রগী য়ুমলৈ-কৈরৈ মন্ত্রীনা হায়খি মদুদি অম্বাজিদা লাইত অমসুং সাউন্দ শো অমা হৌখ্রে, চহি ৫০০গী মতুংদা পৱাগর লাইশংদা ফিরাল চিংখৎখি, মাদৱপুর মেলা অসিনা লৈবাক অসিগী ওইবা মেলা অমা ওইনা ওইরক্লি, অঙৌবা রনদা লৈনবগীদমক্তা মালেমগী মফম কয়াদগী লাকপা তুরিস্তশীংগীদমক্তা কচতা তেন্ত সিতী অমা শাখ্রে। মসিগা লোইননা কংকারিয়া পুখ্রি শেমখিবগা লোইননা অমসুং হৌজিক্না, এহ্মদবাদকী রিভরফ্রন্ত শেমখিবগা লোইননা য়াম্না চাউরবা তুরিজমগী ইকোসীস্তেম অমা শেমখ্রে। শ্রী শাহনা হায়খি মদুদি সরহদ সর্শন প্রোগ্রাম (বোর্দরদা চৎপগী প্রোগ্রাম)গী মখাদা, গুজরাতকী নহাশিংদা য়াম্না অরুবা ফিভমদা ফাওবা সেক্যুরিতী ফোর্সশিং মখোয়গী মথৌদাংশিং নীংথিনা তৌরিবা নাদাবেতকী এক্সপরিয়েন্স অমা পীনবা এরেঞ্জেম্তশিংশু তৌখ্রে। মহাক্না হায়খি মদুদি শ্রী মোদীনা তুরিজমগী চাউখৎ-থৌরাংবু খুমাং চাউশিনখি, মসিনা মরম ওইরগা লৈবাক অসিদগী অমসুং মালেমগী অকোইবদগী তুরিস্তশিংলাকপগী চাং অসি শরুক কয়া থোক্না হেনগৎলকখ্রে। শ্রী শাহনা মখাতানা হায়রকখি মদুদি মালেম অসিগী খ্বাইদগী চাউবা ক্রিকেত স্তেদিয়ম অসি এহ্মদবাদতা লৈ, মসিদা ক্রিকেত মেচশিং য়াম্না তোইনা পাংথোকই অমসুং তুরিজমশু য়াম্না হেনগৎলকখ্রে। মসিগী মথক্তা, হৌজিক্তি য়াম্নআ চাউবা স্পোর্তস সিতী অমশু মফম অসিদা শাওং-শক্তম লৌরক্লি। মহাক্না হায়কি মদুদি প্রধান মন্ত্রীনা অনৌবা থৌরাং কয়া অমা পাইখত্তুনা গুজরাতকী তুরিজমদা অনৌবা মাইওন অমা পুরক্লি

শ্রী শাহনা হায়খি মদুদি প্রধান মন্ত্রী শ্রী নরেন্দ্র মোদীনা মালেম অসিগী হিরম খুদিংমক্তা ভারতপু খ্বাইদগী মকোক থোংবা অমা ওইহন্নবা হৌখিবা চহি ৯ অসিদা হোৎনখিবশিং অদুনা হৌজিক্তি মহৈ য়ানবা হৌরে। মহাক্না হায়খি মদুদি প্রধান মন্ত্রী মোদীনা হৌখিবা চহি ৯ অসিদা গরিব কল্যান, ভারত গৌরব, ভারত উৎকর্শ স্কীম অমসুং ইনফ্রাস্ত্রকচর চাউখৎহন্দুনা ভারত পুম্বগী চাউখৎ-থৌরাংদা অনৌবা শক্তম অমা পুরক্লি।

*****