কেমিকেল্স অমসুং ফর্তিলাইজর মন্ত্রালয়
কেমিকেল অমদি ফর্তিলাইজর অমদুং হকশেল অমদি য়াইফ-য়ুম্বালগী কেন্দ্র মন্ত্রী দোক্তর মনসুখ মন্দাবিয়ানা লৌমীশিংগী অখন্নবা পেকেজ লাউথোকপগী মতাঙদা স্তেত অমদি য়ুনিয়ন তেরিতরীশিংগী লৌউ-শিংউ মন্ত্রীশিংগা ভর্চুএল ওইনা উনখ্রে
"তিলহাৎ হিদাক্কী ফত্তবা মহৈ থেংননবগীদমক ঐখোয় ওর্গানিক লৌউ-পথাক শীজিন্নবা হেনগৎহনসি, অমদি ইচঙ থৌনা কেমিকেল হার শীজিন্নবা হন্থহনসি"
মথৌ তাবা হারগী চাং মতম চানা ফংহনবগীদমক স্তেতশিংনা কেন্দ্র লৈঙাক্কী মফমদা থাগৎপা ফোঙদোকখি
Posted On:
30 JUN 2023 6:30PM by PIB Imphal
“প্রধান মন্ত্রী শ্রী নরেন্দ্র মোদীনা চেয়র লৌবা কেবিনেত কম্মিতী ওন ইকনমিক এফ্যার্স (সি.সি.ই.এ.)না লুপা করোর ৩,৬৮,৬৭৬.৭গী অপুনবা শেনফমগা লোয়ননা লৌমীশিংগী ইনোভেতিব ওইবা স্কীমশিংগী অখন্নবা পেকেজ অমা অয়াবা পীখ্রে। পেকেজ অসিনা তুং কোইগদবা লৌউ-পথাপ য়োকখত্তুনা লৌমীশিংগী মপুং ওইবা য়াইপনবা অমদি নুংঙাই য়াফনবগী লমদা মীৎয়েঙ থম্লি। থৌরাংশিং অসিনা লৌমীশিংগী শেন্থোক হেনগৎহনগনি, মহৌশাগী অমদি ওর্গানিক লৌউ-পথাপ মপাঙ্গল কনখৎহনগনি, লৈপাক লৈহাউ অমুক হন্না ফহনগনি অমদি ফুদ সিক্যুরিতীসু লৈহনগনি:, হায়না য়ুনিয়ন তেরিতরীশিংগী মন্ত্রীশিংগী মফমদা ভর্চুএল ওইনা ৱা ঙাঙবদা, কেমিকেল অমদি ফর্তিলাইজর অমসুং হকশেল অমদি য়াইফ-য়ুম্বালগী কেন্দ্র মন্ত্রী দোক্তর মনসুখ মন্দাবিয়ানা হায়খি।
লৌউ-শিংউগী কেন্দ্র মন্ত্রী শ্রী নরেন্দ্র সিংহ তোমার অমদি স্তেত অমদি য়ুনিয়ন তেরিতরী ২০ হেনবগী লৌউ-শিংউ মন্ত্রীশিংনা ভর্চুএল মীফম অদুদা শরুক য়াখি।
সি.সি.ই.এ.না খাজনা অমদি নীম কোতিং তৌবগী চার্জশিং য়াওদনা কেজি ৪৫গী বেগ অমদা লুপা ২৬৬.৭০গী চাংদা লৌমীশিংগা য়ুরিয়া ফংহন্নবগীদমক য়ূরিয়া সবসিদী স্কীম মখা চত্থনবা অয়াবা পীরে হায়না দোক্তর মন্দাবিয়ানা হায়খি। পেকেজ অসিদা, চহি অয়ুমগী ওইনা (২০২২-২৩ দগী ২০২৪-২৫ ফাওবা) য়ুরিয়া সবসিদীগী লুপা করোর ৩,৬৮,৬৭৬.৭গী শেনফম কাইথোক্নবা ফিরেপ লৌরি। পেকেজ অসি ২০২৩-২৪গী খারিফ লৌরোক্কী লুপা করোর ৩৮,০০০গী ন্যুত্রিএন্ত বেজ সবসিদী (এন.বি.এস.) পীনবা হন্দক্তা অয়াবা পীখিবদুগী মথক্তনি। লৌমীশিংনা য়ুরিয়া লৌনবগীদমক অহেনবা শেনফম চৎনবগী মথৌ তাররোই অমদি মসিনা মখোয়গী ইনপুৎ কোস্ত হন্থহনবদা মতেং ওইরগনি।
হৌজিক্কী ওইনা, য়ুরিয়াগী মমল অসি কেজি ৪৫গী বেগ অমদা লুপা ২৬৬.৭০নি (নীম কোতিং তৌবগী মমল অমদি চৎনগদবা খাজনা পাদন) অদুগা বেগ অসিগী তশেংবা মমলদি লুপা ২২০০গী চাংদনি। স্কীম অসি ভারত লৈঙাক্না বজেতরী সপ্পোর্তকী খুত্থাঙদা মপুং ফানা শেল থাদদুনা পায়খৎপনি। য়ুরিয়া সবসিদী স্কীম মখা চত্থবগা লোয়ননা লমদমসিদা য়ুরিয়া পুথোকপগী চাংসু খ্বায়দগী ৱাংবা থাক্তা লৈরগনি।
ফর্তিলাইজর অমদি কেমিকেলগী মন্ত্রী দোক্তর মনসুখ মন্দাবিয়ানা মালেম ইমানা মীওইবা খুন্নাইনা হিংনবগীদমক মতিক চানা মচাক মথুম মতম পুম্বদা পীদুনা লাক্লি হায়খি। “মহৌশাগী ওইবা লৌউ পথাপ হেন্না য়োকখৎপা অমদি কেমিকেল হার চাং চানা/তুং কোইগদবা মওংদা শীজিন্নবগী থৌওং য়োকখৎপা মতম ওইরে,” হায়না মহাক্না ফোঙদোকখি। মহৌশাগী/ওর্গানিক লৌউ-পথাপ, অল্তর্নেতিব হার, নেনো হার অমদি বাইও-হার শীজিন্নবগী থৌওং য়োকখৎপনা ঐখোয়গী মালেম ইমাগী লৈপাক লৈহাউ হান্নগী ফীভমদা হঞ্জিনহল্লকপদা মতেং ওইগনি, হায়না মহাক্না মখা তাখি।
প্রাইম মিনিস্তর্স প্রোগ্রাম ফোর রেস্তোরেসন, এৱ্যারনেস, নরচরিং এন্দ ইমপ্রুবমেন্ত ওফ ফর্তিলিতী ওফ মাদর আর্থ (পি.এম.-প্রনাম) স্তেতশিংদা অল্তরনেতিব হার অমদি কেমিকেল হার খল চানা শীজিন্নবগী থৌওং পুক্নিং থৌগৎনবা হৌদোকখিবনি হায়না কেন্দ্র মন্ত্রীনা মখা তানা ফোঙদোকখি। মহাক্না স্তেত পুম্নমক্কী মফমদা লৈপাক লৈহাউ মশা মউ ফনা থম্নবগীদমক ওর্গানিক লৌউ পথাপ য়োকখৎনবা পুন্না হোৎনমিন্ননবা ৱাফমসু থমখি।
গোবর্ধন প্লান্তশিংদগী ওর্গানিক হার শীজিন্নবা য়োকখৎনবা মার্কেৎ দিভেলপমেন্ত এসিস্তেন্স (এম.দি.এ.)গী ওইনা লুপা করোর ১৪৫১.৮৪ কাইথোক্লে হায়না মহাক্না পাউদমখি। গোবর্ধন থৌরাংগী মখাদা লিংখৎপা বাইওগ্যাস প্লান্তশিং/ কম্প্রেস বাই গ্যাস (সি.বি.জি.) প্লান্তশিংগী বাই-প্রদক্ত ওইনা পুথোরকপা ফর্মেন্তেদ ওর্গানিক মেন্যুর (এফ.ও.এম.)/ লিকুইদ এফ.ও.এম./ ফোস্ফেৎ রিচ ওর্গানিক মেন্যুর (পি.আর.ও.এম.)নচিংবা ওর্গানিক হারশিং য়োনবগী থৌওং য়োকখৎনবগীদমক এম.দি.এ. স্কীমদা মেত্রিক তন অমদা ১৫০০ ফাওবগী শেনফম য়াওরি।
অসিগুম্বা ওর্গানিক হারশিং এফ.ও.এম.ও এল.এফ.ও.এম. অমদি পি.আর.ও.এম.গী ভারতকী ব্রান্দ মমিংশিংগী মখাদা ব্রান্দেদ তৌগনি। নাকল অমরোমদা, মসিনা লৌরোক মতুংগী লেমখাকশিং লোইশিনবগী থৌওংদা মতেং ওইগনি অমদি চরুখোক মৈ থাবাগী প্রোব্লেম লোইশিনগনি অমদি অকোয়বগী ফীভম লুনা নান্না অমদি শাফনা থম্বদসু মতেং ওইগনি। অদুগা নাকল অমরোমদনা, মসিনা লৌমীশিংদা অহেনবা শেন্থোক লম্বী অমসু পীগনি। ওর্গানিক হারশিং লৌমীশিংগী মফমদা অতাবা মমলদা ফংহনগনি।
সল্ফর কোতেদ য়ুরিয়া (য়ুরিয়া গোল্দ) লৈহাওদা সল্ফর ৱাৎপগী ফীভম কোকহন্নবা অমদি লৌমীশিংদা শেঞ্জং হন্থহন্নবা পুথোকখিবনি। সল্ফর কোতেদ য়ুরিয়া (য়ুরিয়া গোল্দ) লৈবাকসিদা অহানবা ওইনা পুথোকপনি। মসিনা হৌজিক শীজিন্নরিবা নীম কোত তৌরবা য়ুরিয়াদগী হেন্না শেল চঙদে অমদি হেন্না ফৈ। মসিনা লৈবাকসিগী লৈহাওদা সল্ফর ৱাৎপগী ফীভম কোকহল্লগনি। মসিনা লৌমীশিংগী শেঞ্জংসু হন্থহনগনি অমদি লৌমীশিংগী শেন্থোক হেনগৎহনবগা লোয়ননা পোত্থোক পুথোকপগী চাংসু হেনগৎহনগনি।
দোক্তর মন্দাবিয়ানা স্তেতশিংদা লৌসউ-শিংউ অমদি লৌমীশিংগীদমক পীরিবা য়ুরিয়াবু অতোপ্পা সেক্তরদা হাইদোক্তুনা শীজিন্নবগী থৌওং থিংননবা মতিক চাবা থবক লৌখৎনবা ৱাফমসু থমখি। “লৌমীশিংগীদমক পীরিবা য়ুরিয়া ইন্দস্ত্রীশিংদা থৈদোক্লোইদবনি,” হায়বা ৱাফম মহাক্না কন্না ফোঙদোকখি।
*****
(Release ID: 1936863)
Visitor Counter : 101