পর্ধান মন্ত্রী, শ্রী নরেন্দ্র মোদীনা ঙসি মধ্য প্রদেশকী শাহদোলদা নেস্নেল সিক্কল সেল অনেমিয়া এলিমিনেশন মিসন লোঞ্চ তৌখ্রে অমসুং বেনিফিসরীশিংদা সিক্কল সেল জেনেতিক স্তেতস কার্দ য়েন্থোকখ্রে। প্রধান মন্ত্রীনা মধ্য প্রদেশতা আয়ুস্মান ভারত প্রধান মন্ত্রী জন আরোগ্য য়োজনা (এ.বি.-পি.এম.জে.এ.ৱাই.) কার্দ চাউরাক্না করোর ৩.৫৭ রোম য়েন্থোকপা হৌখ্রে। থৌরম অদুদা, প্রধান মন্ত্রীনা ১৬শুবা চহি চাগী ময়াই চল্লকপদা গোন্দৱানাগী মহারানি ওইনা পাল্লম্বা রানি দুর্গাৱতিবু ইকাইখুম্নখ্রে।

মীতিন অদুদা ৱা ঙাংলদুনা, প্রধান মন্ত্রীনা রানি দুর্গাৱতিদা হৈকৎ-লৈকৎ তমখি অমসুং হায়খি মদুদি মহাক্না পুক্নিং থৌগত্তুনা নেস্নেল সিক্কল সেল অনেমিয়া এলিমিনেশন মিসন অসি ঙসি হৌদোকখ্রে। মহাক্নশু পনখি মদুদি মধ্য প্রদেশকী মিশিংদা আয়ুশ্মান কার্দ করোর ১ ইশু তৌখ্রে। প্রধান মন্ত্রীনা মরু ওইনা পনখি মদুদি য়াম্না চাউবা মরু ওইবা থবক অনিগী খ্বাইদগী চাউবা বেনিফিসরীশিং অদুদি গোন্দ, ভিল অমসুং অতোপ্পা আদিৱাসি সোসাইতীশিংগী মীশিংনি। মহাক্না থৌরম অসিদা মধ্য প্রদেশকী মীয়াম অমসুং দবল ইঞ্জিন সরকারবু থাগৎপা ফোংদোকখি।

প্রধান মন্ত্রীনা হায়খি মদুদি ঙসি শাহদোলগী লমদমদগী, লৈবাক অসিনা ত্রাইবল কম্যুনিতীশিংদগী মীশিংগী পুন্সিবু অশোই-অঙাম য়াওহন্দনা থম্না য়াম্না চা্বা ৱাশক অমা লৌরি, সিক্কল সেল অনেমিয়াদগী নিংখা তমহন্নবা অমসুং মসিগী লাইনা অসিনা শোকহল্লবা অঙাং অমসুং ইমুং লাখ ২.৫গী পুন্সি কন্নবা অচেৎপা ফিরেপ অমা লৌরি। ত্রাইবল কম্যুনিতীশিংদগী মহাক মশামক্না থেংনরকপশিং অদুবু নৌহৌননা নিংশিংলদুনা, প্রধান মন্ত্রীনা সিক্ল সেল অনেমিয়াগী য়াম্না নাবা সীমতমশিং অমসুংজেনেতিক ওরিজিন অদুবু য়াম্না মরু ওইনা পনখি।

প্রধান মন্ত্রীনা মালেম অসিগী সিক্কল সেল অনেমিয়া কেসশিংগী চাদা ৫০ হেন্না ভারত মশামক্তগী হৌরক্লবশু হৌখিবা চহি ৭০ অসিদা সিক্কল সেল অনেমিয়াগী ৱাফম অসিগী মতাংদা করিগুম্বা অমত্তা তৌখিদবা অসিবু য়াম্না নুংঙাইতবা ফাওখি। মহাক্না মমাংগী সরকারশিংনা আদিৱাসি ফুরুপকী মাইকৈদা করিগুম্বা অমত্তা তৌখিদবা অদুবু য়াম্না মরু ওইনা পনখি অমসুং হায়খি মদুদি হৌজিক লৈরিবা সরকার অসিনা মসিগীদমক্তা সোল্যুশন পুরক্নবা হৌৎনরি। হৌজিক পাল্লিবা সরকারগী ওইনদি, আদিৱাসি ফুরুপ অসি  ইলেক্তোরেলগী মশিং খক্তা নত্তে, মখোয় অসি য়াম্না সেন্সিতিবআ ওইবা অমসুং ইমোশনগী ওইবা ৱাফম্নি হায়না প্রধান মন্ত্রীনা হায়খি। প্রধা  মন্ত্রীনা খঙহল্লকখি মদুদি মহাক্না ইহান-হানবা ওইনা গুজরাতকী মুখ্য মন্ত্রী ওইদ্রিঙৈগী মমাংদগী মসিগী মাইকৈদা থবক তৌবা হৌখি অমসুং মসিদা মহাক্কা হৌজিক ওইরিবা মধ্য প্রদেশকী গোবর্নর, শ্রী মঙ্গুভাই সি. পতেলনা আদিৱাসি ফুরপ্তা চৎখি অমসুং সিক্কল সেল অনেমিয়াগী মতাংদা এৱেয়রনেস পীখি। মহাক্না গুজরাতকী মুখ্য মন্ত্রী ওইনা রাজ্য অদুদা কেমপেন কয়া অঞা হৌখিবা অদুবুশু নিংশিংখি। মহাক্না ভারতকী প্রধান মন্ত্রী ওইনা জপানদা চৎপা মতমদা নোবেল-প্রাইজ ফংলবা সাইন্তিস্ত অমদগী মতেং নিবগী মতাংদশু মখাতানা খঙহল্লকখি।

প্রধান মন্ত্রীনা হায়খি মদুদি সিক্কল সেল অনেমিয়া মুত্থৎপগী কেমপেন অসিনা অমৃত কালগী য়াম্না মরু ওইবা মিসন অমা ওইরগনি। মহাক্না ২০৪৭ ফাওবদা ত্রাইবল কম্যুনিতীশিং অমসুং ভারত অসিবু সিক্কল সেল অনেমিয়াগী অৱাবদগী নিংখা তমহন্নবা মহাক্কী অচেৎপা ফিরেপ অদু ফোংদোকখি। মহাক্না সরকার, হেল্থ পার্সোনেলশিং অমসুং ত্রাইবলশিংনা খুৎশম্নদুনা থবক তৌমিন্নবগী তঙাইফদবা অদুগী মতাংদা মরু ওইনা পনখি। মআক্না খঙহল্লকখি মদুদি পেসেন্তশিংগীদমক্তা ব্লদ বেঙ্কশিং লিংখৎখ্রে, বোন মেরো ত্রান্সপ্লান্ত তৌনবগী এরঞ্জেমন্তশিং ফগৎ্নখ্রে, অমসুং সিক্ল সেল অনেমিয়াগী স্ক্রীনিং হেনগৎহনখ্রে। মহাক্না মীশিংবু স্ক্রীনিং তৌনবগীদমক্তা থোরক্নবা হায়খি।

প্রধান মন্ত্রীনা হায়খি মদুদি লাইনা অসিনা ইমুং-মনুংশিংবু লাইর-অনং তালহনবনা ইমুং পুম্বা মসিগী লাইনা অসিনা শোকহল্লি। মহাক্কী লাইরবা হৌরকফম অদুবু পল্লদুনা, প্রধান মন্ত্রীনা হায়খি মদুদি সরকার অসিনা অনাবা অমত্তা খঙদে অমসুং পেসেন্তশিং মতেং পাংবগী মতাংদা য়াম্না খল্লি। হৌৎনরিবশিং অসিনা তি.বি,গী কেসশিং হন্থহনখ্রে অমসুং লৈবাক অসিনা ২০২৫ ফাওবদা তি.বি.বু মপুং  ফানা মুত্থৎনবা লৈবাক অসিনা হোৎনরি। লাইনা কয়া অমগী থৌদোকশিংগী মতাংদা অশেংবা থৌদোকশিং পল্লদুনা, প্রধান মন্ত্রীনা হায়খি ২০১৩দা কালা আজারগী কেস ১১,০০০ ।ঐরম্মি অদুবু হৌজিক্তি মদু লিশিং অমগী মখাদা হন্থহনখ্রে। ২০১৩দা মেলরিয়াগী কেস লাখ ১০ হেন্না লৈরম্মি অদুবু ২০২২দদি মদু লাখ ২গী মখাদা হন্থরকখ্রে। অসুম্না লেপ্রোসীগী কেসশিংশু লাখ ১.২৫দগী লিশিং ৭০-৭৫দা হন্থরকখ্রে।

“হৌজিক পাল্লিবা সরকার অসিনা লাইয়োংশিং অদুবু হন্থহনবদা নত্তনা লাইওংশংই অদুদা চংবা শেলদুশু হন্থহন্নবা হোৎনরি”, প্রধান মন্ত্রীনা পনখি মদুদি আয়ুশ্মান ভারত স্কীম অসিনা মেদিকেল এক্সপেন্সশিংনা মরম ওইরগা মীশিংদা লৈরিবা শেল-থুমগী অৱাবা পোতলুম অদু বাম্না হন্থহনখ্রে। মহাক্না খঙহল্লকখি মদুদিঙসি বেনিফিসরী করোর ১দা আয়ুশ্মান কার্দশিং য়েন্থোকখ্রে, মসিনা হোসপিতাল চৎপগী তঙাইফদবা লৈবা লাইরবশিংগীদমক্তা লুপা লাখ ৫গী এ.তি.এম. অমা ওইনা ওইরগনি। “ভারতকী মফম অমহেক্তদা ওইসনু, নহাক্না মখোয়দা মসিগী কার্দ উৎপা য়াগনি অমসুং লুপা লাখ ৫ ফাওবগী লেম্না লাইয়েংবা য়াগনি”, হায়ানা শ্রী মোদীনা হায়খি।

প্রধান মন্ত্রীনা খঙহল্লকখি মদুদি লৈবাক অসিগী মফম খুদংইমক্তা, চাউরাক্না পসেন্ত করোর ৫না আয়ুশ্মান স্কীম অসিগী মখাদা লেম্না লাইয়েংখ্রে, মসিনা পেসেন্তশিংগী লুপা করোর লাখ অমা হেন্না শেব তৌখি। মসিগী আয়ুশ্মান কার্দ অসিনা লাইরবশিংগী খ্বাইদগী চাউবা অৱাবা অদুবু কোকহন্নবা গরেন্তীনি। কনাগুম্বা অমত্তনা হৌখিবা মতমশিংদা লুপা লাখ ৫গী গেরেন্তী অসি পীখিদে, সরকার অসিনা, মোদীনা মসিগীগেরেন্তী অসি পীরি”, হায়না প্রধান মন্ত্রীনা হায়খি।

প্রধান মন্ত্রীনা নমথাক্কী গেরেন্তী পীরিবশিং অদুগী মতাংদা চেকশিন্নবা হায়খি অমসুং মীয়ামদা মখোয়গী অশোইবশিং অদুব মশক খঙদোক্নবা হায়খি। ইলেক্ত্রিসিতী লেম্না পীবগী গেরেন্তী অদুগী মতাংদা পল্লদুনা, প্রধান মন্ত্রীনা হায়খি মদুদি মসিনা তাক্লিবসি ইলেক্ত্রিসিতীগী মমল হেনগৎলগনি হায়বনি। অসুম্না, সরকারনা লেম্না তোংহল্লগনি হায়বা মতমদা, মসিনা তাক্লিবসি রাজ্য অদুগী ত্রান্সপোর্ত সীস্তেম অদু মাংহল্লগনি হায়নদি, পেন্সন হেন্না ফংহল্লগনি হায়না থাজবা পীবা মতমদা, এমপ্লোয়ীশিং অদুগী থাগী তোলোপ অদু থেংথরগনি হায়না ময়েক শেংনা তাক্লি। মহাক্না অহোংবা পেত্রোল মমলগী ওফর অদুগী মতাংদা পল্লদুনা হায়খি মদুদি মসিনা তাক্লিবসি মীয়ামগী তেক্স হেনগৎলগনি হায়বনি। থবক্কী গেরেন্তীগী মতাংদা, প্রধান মন্ত্রীনা হায়খি মদুদি নৌনা হৌদোরকপা পোলিসীশিং অদুনা রাজ্য অদুদা ইন্দস্ত্রীশিং মাংহল্লগনি হায়বনি। ওপোজিশনদা য়াম্না কন্না য়ৈরদুনা প্রধান মন্ত্রীনা হায়খি, “পোলিতিকলে পার্তী খরগী ৱাহন্থোক অসি ‘নিয়ত মে খোত ওর গরীব পর চোত’(ফত্ত-লৌশিং লৈবশিং অমসুং লাইরবশিংদা শোকহন্নবগী ৱাখল্লোন লৈবা) হায়বনি। হৌখিবা চহি ৭০ অসিদা, হান্নগী সরকারশিংনা লাইরবশিংগী তেবলদা চাক নিংথিজনা থম্বা ঙম্লমদে, অদুবু হৌজিক পাল্লিবা সরকার অসিনা গরিব কল্যান য়োজনাগী খুত্থাংদা ইমুং করোর ৮০দা চাননবা চেং-হৱাইশিং লেম্না ফংহন্দুনা মখোয়গী ওন্না তৈনবদা থবক তৌখি”। মহাক্না আয়ুশ্মান য়োজনাগী খুত্থাংদা বেনিফিসরী করোর ৫০দা হেল্থ সেক্যুরিতী পীরি, উজ্বালা য়োজনাগী নুপী বেনিফিসরী করোর ১০দা গ্যাস কেনেক্সন লেম্না পীখি, অমসুং মুদ্র য়োজনাগী খুত্থাংদা বেনিফিসরী করোর ৮.৫তা লোনশিং পীখিবা অদুগী মতাংদশু পনখি।

প্রধান মন্ত্রীনা মমাংদা লৈরম্বা এন্তি-ত্রাইবল পোলিসীশিং অদুগী মতাংদ আপনখি। প্রধান মন্ত্রীনা হায়খি মদুদি  অনৌবা নেস্নেল এজুকেশন পোলিসীনা ত্রাইবল মহৈরোইশিংনা মায়োক্নরিবা লোলগী শিংনবশিং অদুবু য়েংশিনখি। নমথাক্কী গেরেন্তীশিং পীবা মীশিংনা এন.ই.পি.গী মায়োক্তা লৈখিবা অদুবু মহাক্না য়াম্না নুংঙাইখিদে। মহাক্না ত্রাইবলগী অঙাংশিংদা রেসিদেন্সিয়েল স্কুলিং পীরিবা ৪০০দগীশু হেনবা অনৌবা একলৱ্য স্কুল অদুগী খঙহল্লকখি। মধ্য প্রদেশ খক্তদা অসিগুম্বা মহৈরোই ২৪,০০০ হেনবনা মহৈ-মশিং তম্লি।

মমাংদা থৌওইরমদবা অদুগী মায়োক্তা, প্রধান মন্ত্রীনা হায়খি মদুদি হৌজিক্কী সরকার অসিনা ত্রাইবল ৱেলফিয়রগীদমক্তআ তোঙানবা মন্ত্রালয় শেমদুনা  অমসুং মন্ত্রালয় অদুগী বজেত অদু শরুক অহুম থোক্না হেনগত্তুনা ত্রাইবল ফুরুপশিংদা অখন্নবা মিৎয়েং থমখি। ফোরেস্ত রাইতস এক্তকী মখাদা তাইতল লাখ ২০ হেন্না য়েন্থোকখ্রে। মমাংদা লুত তৌরম্বা অদুগী ওন্ন-তৈনবদা, ত্রাইবল কম্যুনিতীশিংবু মখোয়গী হক পীখি অমসুং মখোয়গী চৎনবীশিং অদুবু আদি মাহোতসবগুম্বা থৌরমশিং অসিনা মখোয়বু ইকাইখুম্নরি হায়না শ্রী মোদীনা মখা তাখি।

ত্রাইবল হেরিতেজবু ইকাইখুম্নবীবা অসিবু মখা চত্থরদুনা, প্রধান মন্ত্রীনা হৌখিবা চহি ৯ অসিদা পাইখৎখিবা খোংথাংশিং অদুগী মতাংদা ঙাংখি। মহাক্না পাইখৎখিবা খোংথাংশিং খুদম ওইনা নবেম্বর ১৫, ভগ্বান বির্স মুন্দাগী মপোক কুমওনবু জনজাতিয়া গৌরব দিৱস হায়না লাওথোকপা অমসুং ত্রাইবলগী নিংতম লান্মীশিংদা কত্থোক্লবা ম্যুজিয়ম, হায়রিবশিং অসি পনখি। মহাক্না ত্রাইবলগী নুপী অমবু ভারতকী রাস্ত্রপতিগী ফমদা খনবগীদমক্তা পোলিতিকেল পার্তী ময়াম অমনা উৎলকপা মতৌ অদুবুশু পনখি। লমদম অসিগি খুদমশিং পীরদুনা প্রধান মন্ত্রীনা ত্রাইবলগি মফমশিংদা ফাওবা ইনস্তিত্যুতশিংবু ইমুং অমখক্কী মমিংদা থোনবগী মমাংদা লৈরম্বা চৎনবী অদুবু পনখি অমসুং মহাক্না খুদম ওইনা শিৱরাজ সরকারনা গোন্দগী অফাওবা রিভোল্যুশনরি, রাজা শঙ্কর শাহগী মমিং লৌরগা ছিন্দৱারা য়ুনিভর্সিতীগী মমিং থোনবা অমসুং তন্ত্যা মামাগী মমিং লৌরগা পাতালপানি স্তেশনগী মমিং থোনবা অদুগী মতাংআ পনখি। মহাক্না হৌজিক্কী সরকার অসিনা শ্রী দলৱীর সিংগুম্বা গোন্দ লুচিংবশিং অসিবু থৌওইদবা অমসুং ইকাইখুম্নবীদবা অদুবু শেমদোকখ্রে হায়নশু পনখি।

প্রধান মন্ত্রীনা লাওথোকখি মদুদি রানি দুর্গাৱতিগী ৫০০শুবা মপোক কুমওন থৌরম নেস্নেল লেভেলদা পাংথোক্লগনি। মহাক্কী পুন্সিদা য়ুমফম ওইরগা ফিলম অমা নম্লগনি অমসুং মহাক্কী নিংশিং শেলয়েক অমসুং পোস্তেল স্তাম্প অমা থাদোক্লগনি।  

মহাক্কী ৱারো অদু লোইশিল্লদুনা, প্রধান মন্ত্রীনা ওৎনরিবশিং অসিবু মখাতানা অমুক্কশু হেন্না ফজনা তৌবা ঙম্নবা মীয়াম্না মসিদা কোওপরেশন অমসুং থৌজাল পীনবীনবা হায়খি। রানি দুর্গাৱতিগী থৌজাল অমসুং মহাক্না পুক্নিং থৌগৎলদুনা মধ্য প্রদেশপু চাউখৎ-থৌরাংগী অনৌবা অৱাংবা থাক অমদা পুখৎপা অমসুং চাউখৎপা ভারত অমগী মঙলান অদুবু ময়াম পুন্না মঙফাওনহনবা ঙম্লগনি হায়না মহাক্কী থাজবা অদু ফোংদোরকখি।  

মধ্য প্রদেশকী গোবর্নর, শ্রী মঙ্গুভাই সি. পতেল, মধ্য প্রদেশকী মুখ্য মন্ত্রী, শ্রী শিৱরাজ সিং চৌহন, কেন্দ্রগী হকশেল অমসুং য়াইফ-য়ুম্বাল মন্ত্রী, দা. মন্সুখ মান্দৱিয়া, কেন্দ্রগী রাজ্য মন্ত্রীশিং, পার্লিয়ামেন্তকী মেম্বরশিং, মধ্য প্রদেশ সরকারগী মন্ত্রীশিং অমসুং লেজিস্লেতিব এসেম্বলীগী মেম্বরশিংনা ধৌরম অদুদা শরুক য়াখি।

বেকগ্রাউন্দ

মিসন অসিনা মরু ওইনা ত্রাইবল পোপুলেশনদা সিক্ল সেল লাইনানা লেপ্তনা মায়োক্নহল্লিবা হকশেলগআ মরি লৈনবা শিংনবশিং অদুবু য়েংশিংন্নবা পান্দম থম্লি। হৌদোকখিবা অসিনা ২০৪৭ ফাওবদা পব্লিক হেল্থ প্রোব্লেম অমা ওইনা সিক্ল সেল লাইনা অসিবু মুত্থৎনবা সরকার অসিনা হৌজিক-হৌজিক পাইখৎলিবা থবকশিং অদুদা য়াম্না মরু ওইবা মাইলস্তোন অমা ওইরগনি। নেস্নেল সিক্ল সেল অনেমিয়া এলিমিনেশন মিসন অসি য়ুনিয়ন বজেত ২০২৩দা লাওথোকখি। মসি লৈবাক অসিগী খ্বাইদগী হেন্না মিৎয়েং চংলিবা রাজ্য ১৭কী জিলা ২৭৮তা থবক ওইনা পাইখৎলগনি, মিং ওইনা পল্লবদা গুজরাত, মহারাস্ত্র, রাজস্থান, মধ্য প্রদেশ, ঝারখন্দ, ছত্তিসগর, ৱেস্ত বেঙ্গল, ওরিশা, তামিল নাদু, তেলঙ্গনা, অন্ধ্র প্রদেশ, কর্নাতকা, অসাম, উত্তর প্রদেশ, কেরলা, বিহার, অমসুং উত্তরাখন্দনি।

প্রধান মন্ত্রীনা মধ্য প্রদেশতা আয়ুস্মান ভারত প্রধান মন্ত্রী জন আরোগ্য য়োজনা (এ.বি.-পি.এম.জে.এ.ৱাই.) কার্দ চাউরাক্না করোর ৩.৫৭ রোম য়েন্থোকপা হৌখ্রে। আয়ুশ্মান কার্দশিং য়েন্থোকপগী থৌরম অদু রাজ্য অদুগী মফম শিনবা থুংনা অর্বান বোদীশিং, গ্রাম পঞ্চায়তশিং অমসুং দেবেলপমেন্ত ব্লোকশিংদা শিনখি। আয়ুশ্মান চার্দ য়ান্থোকপগী কেমপেন অসি ৱেলফিবর স্কীমশিংবু চাদা ১০০ মপুং ফানা বেনিফিসরী খুদিংমক্তা য়ৌহন্নবগী প্রধান মন্ত্রীগী ভিজন অদুবু মঙফাওনহনবগী মাইকৈদা থাংবা খোংথাং অমনি।

থৌরম অদুদা, প্রধান মন্ত্রীনা ১৬শুবা চহি চাগী ময়াই চল্লকপদা গোন্দৱানাগী মহারানি ওইনা পাল্লম্বা রানি দুর্গাৱতিবু ইকাইখুম্নখ্রে। মহাকপু মুঘলশিংগী মায়োক্তা নিংখা তম্নবগীদমক্তা লান্থেংনখিবা মথৌনা-মরিংজেল লৈবা, অকিবা খঙদবা, থৌনা ফবা লানমী অমা ওইনা নিংশিংনরি।

हमारी सरकार आदिवासी बहनों-भाइयों के कल्याण के लिए प्रतिबद्ध है। मध्य प्रदेश के शहडोल में 'सिकल सेल एनीमिया मुक्ति मिशन' के शुभारंभ से उनके जीवन में महत्वपूर्ण बदलाव आएगा। https://t.co/0hi6fNCDv4

— Narendra Modi (@narendramodi) July 1, 2023

आज शहडोल की धरती पर देश बहुत बड़ा संकल्प ले रहा है।

ये संकल्प है- सिकल सेल एनीमिया की बीमारी से मुक्ति का। pic.twitter.com/Fh5ARoAMov

— PMO India (@PMOIndia) July 1, 2023

हमारे लिए आदिवासी समाज सिर्फ एक सरकारी आंकड़ा नहीं है।

ये हमारे लिए संवेदनशीलता का विषय है, भावनात्मक विषय है: PM @narendramodi pic.twitter.com/kiTGCyVRdK

— PMO India (@PMOIndia) July 1, 2023

हमारी सरकार का प्रयास है कि बीमारी कम हो, साथ ही बीमारी पर होने वाला खर्च भी कम हो। pic.twitter.com/Td70HDq8LI

— PMO India (@PMOIndia) July 1, 2023

पहले की सरकारों ने जनजातीय समाज की लगातार उपेक्षा की।

हमने अलग आदिवासी मंत्रालय बनाकर इसे अपनी प्राथमिकता बनाया: PM @narendramodi pic.twitter.com/iQRLltp6su

— PMO India (@PMOIndia) July 1, 2023

बीते 9 वर्षों में आदिवासी गौरव को सहेजने और समृद्ध करने के लिए भी निरंतर काम हुआ है। pic.twitter.com/qrON1W6XkO

— PMO India (@PMOIndia) July 1, 2023

*****