প্রধানমন্ত্রীগী লোইশঙ

প্রধান মন্ত্রীনা বন্দে ভারত ত্রেন ৫ লমথাখ্রে

Posted On: 27 JUN 2023 10:01PM by PIB Imphal

ঙসি প্রধান মন্ত্রী শ্রী নরেন্দ্র মোদীনা ভোপালগী রানি কমলাপতি স্তেসন্দা অনৌবা বন্দে ভারত এক্সপ্রেস ত্রেন ৫ লমথাখ্রে। বন্দে ভারত ত্রেন অদুদি রানি কমলাপতি- জবলপুর বন্দে ভারত এক্সপ্রেস, রানি কমলাপতি-ইন্দোর বন্দে ভারত এক্সপ্রেস, গৱা(মদগাউন)-মুম্বাই বন্দে ভারত এক্সপ্রেস, রাঞ্চি-পাতনা বন্দে ভারত এক্সপ্রেস  অমসুং ধরৱার-বেঙ্গালুরু বন্দে ভারত এক্সপ্রেসনি।

প্রধান মন্ত্রীনা রানি কমলাপতি-ইন্দোর বন্দে ভারত এক্সপ্রেসকী অহানবা কোচ য়েংশিনখি। মহাক্না ত্রেন অদুদা তোংখিবা অঙাংশিং অমসুং ক্রিয়ুশিংগা ৱারি শানখি।

প্রধান মন্ত্রীনা ত্বিৎ তৌখি;

“ ঙসি ভোপালদা বন্দে ভারত ত্রেন ৫ পুন্না চেনবা হৌবা অসি লাইবক ফবনি। লৈবাক শীনবা থুংনা ইনফ্রাস্ত্রকচর অমসুং লম্বী-থোং য়াংনা চাউখৎনবা ঐখোয়গী সরকারনা পায়খৎলিবা থবকশিং অদু মসিনা উৎলে”।

ভোপাল-ইন্দোর বন্দে ভারত এক্সপ্রেস তোংখিবা ইন্দোরগী এম.পি শ্রী সঙ্কর লালৱানিগী ত্বিৎ অমগী পাউখুম পীরদুনা, প্রধান মন্ত্রীনা মধ্য প্রদেসকী মীয়াম থাগৎপা ফোঙদোকখি অমসুং হায়খি মসিনা উজ্জেন ফাওবা লাই খুরুম্বগী চৎপা নুংঙাইহল্লগনি।

মহাক্না ত্বিৎ তৌখি;

“ইন্দোর-ভোপালগী মরক্তা বন্দে ভারত ত্রেন চেনবা হৌখিবগীদমক মধ্য প্রদেসকী মীয়াম থাগৎচরি। মসিনা অশোই-অঙাম থোক্তনা অমসুং নুংঙাইনা চৎনবা মীয়ামগা কান্নবা পীবগা লোয়ননা, মসিনা ভক্তশিং শেংলবা সহর উজ্জেন ফাওবা চৎনবদা হেন্না লাইহল্লগনি”।

জবলপুরদা ভোপাল(রানি কমলাপতি)- জবলপুর বন্দে ভারত এক্সপ্রেস তরাম্না ওকখিবা জবলপুরগী এম.পি শ্রী রাকেস সিংহগী ত্বিৎ অমগী পাউখুম পীরদুনা, প্রধান মন্ত্রীনা ত্বিৎ তৌখি, ত্রেন অসিনা কোনুং ভোপাল অমসুং কলচরগী কোনুং জবলপুরগী মরক্তা চৎথোক-চৎশিন হেন্না নুংঙাইহল্লগনি অমসুং তুরিজম চাউখৎহল্লগনি অমসুং লাইখুরুম্বা লাকপা মীওইশিং চৎথোক-চৎশিন নুংঙাইহল্লগনি”।

“ লৈবাক্কী চাউথোকচনিঙাই ওইরিবা বন্দে ভারত এক্সপ্রেসন মধ্য প্রদেসকী কলচরগী কোনুং ওইরিবা জবলপুর অমসুং রাজ্যগী কোনুং ভোপালগী মরক্ত চৎথোক-চৎশিনগী খুদোংচাবা হেনগৎহল্লগনি, অমরোমদা, লাইনিং মফমশিং অমসুং লমকোয়ফমশিংশু য়াংনা চাউখৎলগনি”।

রাঞ্চিগী এম.পি শ্রী সঞ্জয় সেথকী ত্বিৎ অমগী পাউখুম পীরদুনা, শ্রী নরেন্দ্র মোদীনা হায়খি মিনরেল মরাং কাইনা ফংলিবা ঝরখন্দ অমসুং বিহার নুংঙাই-য়াইফবদা রাঞ্চি-পাতনা বন্দে ভারত এক্সপ্রেসনা মতেং পাংলগনি”।

“ রাঞ্চি-পাতনা মরক্কী অনৌবা বন্দে ভারত ত্রেন অসিনা মীয়াম চৎথোক-চৎশিন হেন্না খুদোংচাহনবা খক নত্তনা, মসিনা মিনরেল মরাং কাইনা ফংলিবা ঝরখন্দ অমসুং বিহারগী শেন-থুম চাউখৎহনবদসু মতেং পাংলগনি”।

গৱা(মদগাউন)-মুম্বাই বন্দে ভারত এক্সপ্রেসকী মতাংদা গৱাগী চীফ মিনিস্তর দোক্তর প্রমোদ সাৱান্তগী ত্বিৎ অমগী পাউখুম পীরদুনা, প্রধান মন্ত্রীনা ত্বিৎ তৌখি;

“ বন্দে ভারত ত্রেন অসিনা লমকোয়বা মীওই হেন্না গৱাগী মহৌশাগী ফজবশিং য়েংবা ঙমহল্লগনি। মসিনা কোনকান সমুদ্র খোঙবাল শীনবা থুংনা চৎথোক হেন্না ফগৎহল্লগনি”।

য়ুনিয়ন মিনিস্তর শ্রী প্রালহাদ জোসি অমসুং কর্নাতকাগী রাজ্যপাল শ্রী থাৱারচান্দ গেহলোত ধারৱার-বেঙ্গালুরু বন্দে ভারত এক্সপ্রেস তোংখি। শ্রী জোসিগী ত্বিৎ অমগী পাউখুম পীরদুনা, প্রধান মন্ত্রীনা ত্বিৎ তৌখি;

“ ধারৱার-বেঙ্গালুরু বন্দে ভারত এক্সপ্রেসনা কর্নাতকা শীনবা থুংনা চৎথোক-চৎশিন ফগৎহল্লগনি। মসিনা রাজ্য অসিদা ললোন-ইতিক অমসুং তুরিজমশু চাউখৎহল্লগনি”।

*****



(Release ID: 1935872) Visitor Counter : 81


Read this release in: Odia , English , Urdu , Marathi , Hindi , Assamese , Bengali , Punjabi , Gujarati , Tamil , Telugu , Kannada , Malayalam