সরকারগী খোঙচৎ অমদা কাইরোদা থুংলবা মতুংদা, জুন ২৪, ২০২৩দা প্রধান মন্ত্রী শ্রী নরেন্দ্র মোদীনা ইজিপ কেবিনেৎকী “ইন্দিয়ান য়ুনিত”কা উনখ্রে। গনতন্ত্র দিবস ২০২৩দা চীফ গেস্ত ওইনা শরুক য়ানবা ইজিপকী রাস্ত্রপতি অবদেল ফাতাহ ইল-সিসিনা ভরত্তা লাক্লম্লবা মতুংদা চহি অসিগী অঙনবা শরুক্তা ইন্দিয়ান য়ুনিত লিংখৎখিবনি। ইন্দিয়ান য়ুনিত অসি ইজিপকী প্রধান মন্ত্রীনা মুস্তাফা মেদবাউলিনা লুচিংলি অমসুং মসিদা মিনিস্তরশিং অমসুং ওফিসিএলশিং য়াওরি।
ইন্দিয়ান য়ুনিতনা পায়খৎলিবা থবকশিং অমসুং মতেং পীনগদবা অনৌবা হিরমশিংগী মতাংদা প্রধান মন্ত্রী মেদবাউলি অমসুং মহাক্কী মন্ত্রীমন্দলনা খন্নখি। ভারতকী মাইকৈদগী থাজবা পীরকপদগী মখোয়না থাগৎখি অমসুং হিরম কয়াদা ভারত-ইজিপ লৈবাক অনিগী মরীশিং হেন্না ফগৎহন্নবা খন্নখি।
ইন্দিয়ান য়ুনিত লিংখৎপগীদমক প্রধান মন্ত্রীনা থাগৎপা ফোঙদোকখি অমসুং ভারতকা লোয়ন্না লৈবাক অনিগী মরী খুমাঙচাউশিন্নবা সরকারগী থৌরাং থাগৎপা ফোঙদোকখি অমসুং লৈবাক অনিনা পাম্বা হিরম কয়াদা ইজিপকা লোয়ন্না নক্না থবক তৌমিন্ননবা ভারতনা থৌরাং তৌরিবা অদু খঙহনখি।

ললোন-ইতিক, শেন থাদবা, রিনিউএবল ইনর্জি, গ্রিন হায়দ্রোজেন, আই.তি, দিজিতেল পেমেন্ত প্লেতফোর্ম, ফার্মা অমসুং মীগা মীগা লৈনবা মরীশিংদা মতেং পীনবা হেনগৎহন্নবা লম্বীশিং থিদোক্নবা ৱা খন্নখি।
 

প্রধান মন্ত্রী মেদবাউলিগী মথক্তা,  ইজিপকী কেবিনেৎ মিনিস্তর ৭ অমসুং সেনিয়র ওফিসিএলশিং মীফম অদুদা শরুক য়াখি, মখোয় অদুদি:
দোক্তর মোহমদ সাকর ইল-মার্কাবী, ইলেক্ত্রিসিতি অমসুং রিনিউএবল ইনর্জি মিনিস্তর

সামেস সৌক্রি, ফোরেন এফেয়ার্স মিনিস্তর
দোক্তর হালা অল-সেদ, প্লান্নিং অমসুং ইকোনোমিক দিবলপমেন্ত মিনিস্তর
দোক্তর রানিয়া অল-মাসাত, ইন্তরনেসনেল কোওপরেসন মিনিস্তর
দোক্তর মহমদ মাইত, ফাইনান্স মিনিস্তর

দোক্তর অমর তালাত, কম্মুনিকেসন্স অমসুং ইনফোর্মেসন তেক্নোলোজি মিনিস্তর
অহমদ সামির, ইন্দস্ত্রি অমসুং ত্রেদ মিনিস্তর

*****