ইন্দিয়ন রেলৱে (আই.আর.)না ২০৩০ ফাওবদা নেত জেরো কার্বোন ইমিসন ফংনবগীদমক মায়কৈদা মপুং ফানা থবক তৌরি। মসিগীদমক আই.আর.না লালোং কয়া য়াৎলি।

কার্বোন ফুতপ্রিন্ত হন্থনবা মসিগী কমিতমেন্তগী শরুক ওইনা ইন্দিয়ন রেলৱেনা খোংথাং কয়া অমা লৌখৎলি। মসিগী পরিংদা ভারত সরকারগী ইন্দিয়ন রেলৱে অমসুং য়ুনাইতেদ স্তেতস এজেন্সী ফোর ইন্তরনেস্নেল দিবলপমেন্ত/ইন্দিয়া (য়ু.এস.এ.আই.দি./ইন্দিয়া)গী মরক্তা রিন্যুএবল ইনর্জী অমসুং ইনর্জী ইফিসেন্সীদা তেংবাং পীননবগীদমক ২০২৩গী জুন ১৪দা য়ানা ৱারোল অমা খুৎয়েক পীনখ্রে। য়ানা ৱারোল অসি শ্রী নবীন গুলাতি, মেম্বর (ত্রেক্সন অমসুং রোল্লিং স্তোক), রেলৱে বোর্দ, ইন্দিয়ন রেলৱে অমসুং শ্রীমতী ইসাবেল কোলমেন, দিপুতী এদমিনিস্ত্রেতর, য়ু.এস.এ.আই.দি.না রেলৱে বোর্দকী চিয়ারমেন অমসুং সি.ই.ও. শ্রী অনিল কুমার লাহোতিগী মমাংদা খুৎয়েক পীনখি।

য়ু.এস.এ.আই.দি. অসি ইন্তরনেস্নেল দিবলপমেন্ত সপোর্ত তৌবা অমসুং ইকোনোমিক গ্রোথ, এগ্রিকলচর অমসুং ত্রেদ, ক্লিন ইনর্জী, ক্লাইমেত চেঞ্জ মিতিগেসন অমসুং এদাপতেসন, গ্লোবেল হেল্থ, দেমোক্রেসী অমসুং কনফ্লিক্ত মিতিগেসন অমসুং মেনেজমেন্ত অমসুং হ্যুমেনিতরিয়ান এসিসতেন্স সপোর্ত তৌদুনা মসিগী মিসন ওবজেক্তিবশিং খুমাং চাউশিলহল্লিবা য়ু.এস. সরকারগী এজেন্সী অমনি।

য়ানা ৱারোলগী খুত্থাংদা ইন্দিয়ন রেলৱেদা তেক্নিকেল এসিসতেন্স অমসুং সপোর্ত ফংহনগনি। য়ানা ৱারোলদা মখাগী লমশিং অসি মনুং চল্লি অদুবু মসিদা লোইবদি নত্তে:-

1. ইন্দিয়ন রেলৱেজগীদমক ক্লিন ইনর্জী য়াওনা লোং-তর্ম ইনর্জী প্লানিং।
2. ইন্দিয়ন রেলৱে বিলদিংশিংগীদমক ইনর্জী ইফিসেন্সী পোলিসী অমসুং এক্সন প্লান অমা দিবেলপ তৌবা।
3. ইন্দিয়ন রেলৱেগী নেত-জিরো ভিজন ফংনবা ক্লিন ইনর্জী লৈনবগীদমক থৌরাং।
4. রেগুলেতরী অমসুং ইমপ্লিমেন্তেসন বেরিয়রশিং লৈহন্দনবগীদমক তেক্নিকেল সপোর্ত।
5. সিস্তেম- ফ্রেন্দলী, লার্জ-স্কেল রিন্যুএবল লৈনবগীদমক বিদ দিজাইন অমসুং বিদ মেনেজমেন্ত সপোর্ত।
6. ই-মোবিলিতী প্রমোসন তৌবদা ইন্দিয়ন রেলৱেবু তেংবাংবা।
7. ফিল্দ ভিজিতশিং অমসুং স্তদী তুরশিং (দোমেস্তিক/ইন্তরনেস্নেল) য়াওনা মশক খংদোক্লবা এরিয়াশিংদা পুন্না ইভেন্তশিং, কনফরেন্সশিং অমসুং কেপাসিতী-বিলদিং প্রোগ্রামশিং পাংথোকপা।

য়ু.এস.এ.আই.দি. ইন্দিয়াগা লোয়ননা ইন্দিয়ন রেলৱেগী পুন্না চৎমিন্নবা অসি ইন্দিয়ন রেলৱেগী ২০৩০ ফাওবদা নেত জেরো কার্বোন ইমিসন ফংবদা মতেং য়াম্না ওইরগনি।

*****