Ka Ophis jong u Myntri Rangbah duh ka ri
Iashim bynta u Myntri Rangbah duh ha ka prokram "India and USA: Skilling for Future" bad ka First Lady jong ka USA
Posted On:
22 JUN 2023 10:57AM by PIB Shillong
U Myntri Rangbah duh ka ri, u Narendra Modi bad ka First Lady jong ka USA, ka Dr. Jill Biden ki la iashim bynta ha kawei ka prokram kaba phaikhmat halor ka “India and USA: Skilling for Future” ha National Science Centre ha Washington DC.
Kane ka prokram ka phaikhmat sha ka jingkyntiew ia ki nongtrei ha ki jaka pule higher education ban pyniar bad ban ioh ia ka jingpule kaba bha ha kylleng ka imlang sahlang.
U Myntri Rangbah duh u la kdew sha ki sienjam kiba bun kiba la shim da ka India ban kyntiew ia ka pule puthi, ia ki sap treikam bad ka jingsaindur thymmai. U la iaroh ia ki jingiadei ba don mynta ha ka jingiakylliang hapdeng ki ar tylli ki ri ha ki kam pule puthi, bad ki jingiatreilang hapdeng ka India bad US ha ka jinglong ka pule puthi bad ki jingwad bniah. U Myntri Rangbah duh u la wanrah 5 tylli ki mat jingtyrwa na ka bynta ka jingpynkhlain ia ka jingiadei hapdeng ka India bad USA ha ka liang ka pule puthi bad ki kam wad bniah, bad kilong kumne harum:
- Ka rukom treikam kaba kynthup lang ia baroh ka sorkar, ki kam karkhana bad ki jaka pule
- Ka jingpynshlur ia ka jingiakylliang ia ki nonghikai bad ki shah hikai
- Ka jingpynlong ia ki Hackathon halor ki phang bapher bapher hapdeng ki artylli ki ri
- Ka jingithuh lang ia ki kyrdan pule ba iadei bad ki sap treikam bapher bapher
- Ka jingpynshlur ka jingleit jingwan ki briew ba iadei bad ka pule puthi bad ki kam wad bniah
Ha kane ka jingialang la iadonlang u President jong ka Northern Virginia Community College, President jong ka Association of American Universities, President bad CEO jong ka Micron Technology, bad ki samla pule.
***
(Release ID: 1934622)
Visitor Counter : 94
Read this release in:
Kannada
,
Malayalam
,
Telugu
,
English
,
Urdu
,
Marathi
,
Hindi
,
Nepali
,
Manipuri
,
Bengali
,
Punjabi
,
Gujarati
,
Odia
,
Tamil