প্রধানমন্ত্রীগী লোইশঙ
প্রধান মন্ত্রীনা য়ু.এস.এ.গী ফর্স্ত লেদীগা লোয়ননা “ইন্দিয়া এন্দ য়ু.এস.এ.: স্কিলিং ফোর ফ্যুচর” থৌরমদা শরুক য়াখ্রে
Posted On:
22 JUN 2023 10:57AM by PIB Imphal
প্রধান মন্ত্রী শ্রী নরেন্দ্র মোদী অমদি য়ু.এস.এ.গী ফর্স্ত লেদী দোক্তর জিল বাইদেন্না ৱাসিংতন দি.সি.গী নেস্নেল সাইন্স সেন্তরদা পাঙথোকপা “ইন্দিয়া এন্স য়ু.এস.এ.: স্কিলিং ফোর ফ্যুচর” হায়বসিদা মীৎয়েঙ থম্বা থৌরম অমদা শরুক য়াখ্রে।
থৌরম অদুনা খুন্নাই পুম্বদা ক্বালিতী এজুকেসন ফংহনবগী ফীভম ফগৎহন্নবা অমদি পাকথোক চাউথোকহন্নবগীদমক হাইয়র এজুকেসন ইন্সতিত্যুসনশিংদা ৱর্কফোর্স রিদিভেলপমেন্তকী লমদা মীৎয়েঙ থমখি।
প্রধান মন্ত্রীনা এজুকেসন, স্কিলিং অমদি ইনোভেসন য়োকখৎনবগীদমক ভারতনা লৌখৎলিবা য়াম্লবা খোঙথাঙশিংগী মতাঙদা ৱাফম কয়া থমখি। মহাক্না ভারত অমদি য়ু.এস.কী একাদমিক অমদি রীছর্চ ইকোসিস্তেমগী মরক্তা নাকল অনিগী ওইবা একাদমিক এক্সচেঞ্জ অমদি খুৎশম্ননা চৎমিন্নরিবা অসিবু থাগৎখি। প্রধান মন্ত্রীনা মখাদা পীরিবা অসুম্না এজুকেসন অমদি রীছর্চ সেক্তরগী লমদা ভারত-য়ু.এস.এ.গী মরক্তা খুৎশম্ননা চৎমিন্নবগী ফীভম হেন্না মতিং লৈহন্নবা পোইন্ত ৫গী ৱাফম অমা পুথোকখি:
লৈঙাক, ইন্দস্ত্রী অমদি একাদমিয়া পুনশিনমিন্ননবা পুন্না চঙশিমিন্নবা
ওজা অমদি মহৈরোয়শিংগী এক্সচেঞ্জ পুক্নিং থৌগৎপা
লৈবাক অনিগী মরক্তা তোঙান তোঙানবা হীরমশিংদা হেকাথোনশিং পাঙথোকপা
অমনা অমগী ভোকেস্নেল স্কিল ক্বালিফিকেসনশিং শকখঙমিন্নবা
মহৈ মশিং অমদি থিজিন হুমজিনবগী লমদা লৈরিবা মীওইশিং চত্থোক চৎশিন তৌবদা পুক্নিং থৌগৎপা
থৌরম অদুদা নোর্দর্ন ভর্জিনিয়া কম্ম্যুনিতী কলেজকী প্রেসিদেন্ত, এসোসিএসন ওফ অমেরিকান য়ুনিভর্সিতীগী প্রেসিদেন্ত, মাইক্রোন তেক্নোলোজিগী প্রেসিদেন্ত অমদি সি.ই.ও., অমদি মহৈরোয়শিংনা শরুক য়াখি।
***
(Release ID: 1934453)
Visitor Counter : 117
Read this release in:
Kannada
,
Malayalam
,
Telugu
,
Khasi
,
English
,
Urdu
,
Marathi
,
Hindi
,
Nepali
,
Bengali
,
Punjabi
,
Gujarati
,
Odia
,
Tamil