पोस्ट गरियो:
22 JUN 2023 10:57AM by PIB Gangtok
प्रधानमन्त्री नरेन्द्र मोदी अनि युएसएकी प्रथम महिला डा. जिल बाइडेनले वाशिङटन डीसीस्थित राष्ट्रिय विज्ञान केन्द्रमा “भारत अनि युएसए – भविष्यका लागि कौशल विकास” विषयमा केन्द्रिय एउटा कार्यक्रममा भाग लिए।
यो आयोजन सम्पूर्ण समाजमा गुणस्तरीय शिक्षासम्म पहुँच बढाउन र यसको विस्तार गर्नका लागि उच्च शिक्षा संस्थानमा कार्यबलको पुनर्विकासमाथि केन्द्रित थियो।
प्रधानमन्त्रीले शिक्षा, कौशल र नवाचारलाई बढावा दिनका लागि भारतद्वारा उठाइएका विभिन्न कदममाथि प्रकाश पारे। भारतीय अनि अमेरिकी शैक्षणिक तथा अनुसन्धान परितन्त्रबीच वर्तमानमा चलिरहेको द्विपक्षीय शैक्षणिक आदान-प्रदान तथा आपसी सहयोगको उनले सराहना गरे। प्रधानमन्त्रीले शिक्षा अनि अनुसन्धान क्षेत्रमा भारत-अमेरिका सहयोगलाई गति प्रदान गर्न पाँच सूत्रीय प्रस्ताव प्रस्तुत गरे, जुन यस प्रकार छन् :
• सरकार, उद्योग अनि शिक्षा जगतलाई एक साथ ल्याउने एकिकृत दृष्टिकोण
• शिक्षक अनि विद्यार्थीहरूबीच आदान-प्रदानलाई प्रोत्साहित गर्नु,
• दुवै देशबीच विभिन्न विषयमाथि ह्याकाथन आयोजन गर्नु,
• व्यावसायिक कौशल योग्यतालाई परस्पर मान्यता दिनु
• शिक्षा एवं अनुसन्धानसँग जोडिएका मानिसहरूको यात्रा प्रोत्साहित गर्नु।
यस कार्यक्रममा नर्दर्न भर्जिनिया कम्युनिटी कलेजका अध्यक्ष, अमेरिकी विश्वविद्यालय सङ्घका अध्यक्ष, माइक्रोन टेक्नोलजीका अध्यक्ष अनि सीईओ लगायत विद्यार्थीहरू उपस्थित थिए।
****