প্রধানমন্ত্রীগী লোইশঙ
৯শুবা চহিগী ওইবা মালেমগী য়োগগী নুমিৎ প্রধান মন্ত্রীনা লমজিংখ্রে
प्रविष्टि तिथि:
21 JUN 2023 7:58PM by PIB Imphal
প্রধান মন্ত্রী শ্রী নরেন্দ্র মোদীনা লমজিংদুনা ৯শুবা চহিগী ওইবা মালেমগী য়োগগীনুমিৎ জুন ২১, ২০২৩দা নিউ য়োর্ক ময়োল্লমগী য়ু.এন. হেদক্বার্তরগী মমিং লৈরবা নোর্থ লোনদা পাঙথোকখ্রে।
চহি অসিগী থীমদি ‘য়োগ ফোর বসুদৈব কুতুম্বকম’নি। “বসুদৈব কুতুম্বকম” নৎত্রগা “মালেম অমা, ইমুং অমা, তুংলমচৎ অমা”।
থৌরম অদুদা লৈবাক ১৩৫ হেনবদগী য়োগবু পামজবা মীওই লিশিং কয়ানা শরুক য়াদুনা য়োগ সেসন অমদা মশিং খ্বায়দগী য়াম্না শরুক য়াবগী জিনেস ৱর্ল্দ রেকোর্দ চল্লে। য়ু.এন. সেক্রেতরী-জেনেরেল মিস্তর এন্তোনিও গুতেরেসতগী ভিদিও পাউজেল অমসু থাদোকখি।
থৌরম অদুদা ৭৭শুবা য়ুনাইতেদ নেসন্স জেনেরেল এসেমব্লীগী প্রেসিদেন্ত ঐচ.ই. মিস্তর সাবা কোরোসি; নিউ য়োর্ক ময়োল্লমগী মেয়র মিস্তর ইরিক অদাম্স; য়ুনাইতেদ নেসন্সকী দিপুতী সেক্রেতরী জেনেরেল অমদি য়ুনাইতেদ নেসন্স সস্তেনেবল দিভেলপমেন্ত গ্রুপকী চেয়র ঐচ.ই. মিস অমিনা জে. মোহম্মদ য়াওনা দিপ্লোমেৎ, ওফিসিএল, একাদমিক্সিয়ন, হকশেলগী লমদা লৈবা মীওইশিং, তেক্নোক্রেৎ, ইন্দস্ত্রী লুচিংবশং, মেদিয়ায় পর্সনেলিতীশিং, আর্তিস্তশিং, লাইনিংগী লুচিংবশিং অমদি য়োগ শান্নবা মীওইনচিংবা পুন্সিগী তোঙান তোঙানবা শিনফমশিংদা লৈবা মশক নাইরবা মীওইশিং অমদি মমিং লৈরবা মীথুংশিংনা শরুক য়াখি।
য়োগ সেসনগী মাঙওইননা, প্রধান মন্ত্রীনা ভারতনা য়ু.এন.এস.সি. প্রেসিদেন্সী পায়রিঙৈ, দিসেম্বর ২০২২দা শঙ্গাখিবা মহাত্মা গান্ধীগী মীতমদা শ্রদ্ধাঞ্জলি কৎখি। মদুগী তুংদা প্রধান মন্ত্রীনা নোর্থ লোনদা লৈবা পীসকীপিং মেমোরিএলদসু ইকায়খুম্নবা উৎখি।
***
(रिलीज़ आईडी: 1934452)
आगंतुक पटल : 108
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam