पंतप्रधान कार्यालय
पंतप्रधान नरेद्र मोदी यांच्या नेतृत्वाखाली न्यूयॉर्क मध्ये संयुक्त राष्ट्रांच्या मुख्यालयात 9 वा आंतरराष्ट्रीय योग दिन साजरा
Posted On:
21 JUN 2023 9:30PM by PIB Mumbai
नवी दिल्‍ली, 21 जून 2023
पंतप्रधान नरेंद्र मोदी यांनी 21 जून 2023 रोजी न्यूयॉर्क शहरातील संयुक्त राष्ट्र (UN) मुख्यालयाच्या नॉर्थ लॉन मध्ये 9 व्या वार्षिक आंतरराष्ट्रीय योग दिन कार्यक्रमाचे नेतृत्व केले.
‘वसुधैव कुटुंबकमसाठी योग ’, ही यंदाच्या आंतरराष्ट्रीय योग दिनाची संकल्पना आहे. ‘वसुधैव कुटुंबकम’, म्हणजेच ‘एक पृथ्वी, एक कुटुंब, एक भविष्य’.
या कार्यक्रमाला 135 पेक्षा जास्त देशांमधील हजारो योग प्रेमींचा उत्स्फूर्त प्रतिसाद लाभला, एका योग सत्रात इतक्या देशांच्या नागरिकांच्या सहभागाचा गिनीज वर्ल्ड रेकॉर्ड प्रस्थापित झाला. संयुक्त राष्ट्रांचे सरचिटणीस अँटोनियो गुटेरेस यांचा एक व्हिडिओ संदेश देखील यावेळी प्रसारित करण्यात.
या कार्यक्रमाला, राजनैतिक क्षेत्रातले मान्यवर,अधिकारी, शिक्षणतज्ज्ञ, आरोग्य व्यावसायिक, तंत्रज्ञ, उद्योग क्षेत्रातील धुरीण, माध्यम क्षेत्रातले मान्यवर , कलाकार, आध्यात्मिक नेते आणि योग अभ्यासक यासारख्या समाजाच्या सर्व स्तरांमधील प्रमुख व्यक्ती उपस्थित होत्या. यामध्ये 77 व्या संयुक्त राष्ट्र महासभेचे अध्यक्ष साबा कोरोसी, न्यूयॉर्क शहराचे महापौर एरिक अॅडम्स, संयुक्त राष्ट्रांच्या उप महासचिव आणि संयुक्त राष्ट्रांच्या शाश्वत विकास गटाच्या अध्यक्ष अमिना जे. मोहम्मद यांचा समावेश होता.
योग सत्रापूर्वी, पंतप्रधानांनी महात्मा गांधी यांच्या पुतळ्याला पुष्पहार अर्पण करून आदरांजली वाहिली. भारताच्या संयुक्त राष्ट्र सुरक्षा परिषदेच्या (UNSC) अध्यक्षपदाच्या काळात डिसेंबर 2022 मध्ये याचे उद्घाटन करण्यात आले होते. त्यानंतर पंतप्रधानांनी नॉर्थ लॉनवरील पीसकीपिंग मेमोरियल येथे आदरांजली वाहिली.
* * *
N.Chitale/R.Agashe/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 1934288)
Read this release in:
English
,
Manipuri
,
Urdu
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam