২০২৩গী জুন ১৫-১৭ ফাওবা পাংথোকখিবা জি.২০ লৌউ-শিংউ মন্ত্রীশিংগী মীফমদা “আউতকম দোক্যমেন্ত এন্দ চীয়র্স সম্মরী” হায়না মিংথোনবা ময়াম্না য়ানরবা আউকম দোক্যুমেন্ত এদোপ্ত তৌখ্রে। পুৱারি ওইরবা কন্সেন্সস অসি এগ্রিকলচর সেক্তরদা য়ুমফম ওইবা তোঙান-তোঙানবা ৱাফমশিংগী মতাংদা খন্ন-নৈনবা কয়া অমা পাংথোক্লবা মতুংদা পুরকখিবনি, মসিদা চাউখৎলক্লিবা জি.-২০ লৈবাকশিংনা লুচিংবগী মতাংদা মঙলান অমা শাগৎখি।

মন্ত্রীশিংগী ওইবা মীফম অদু ২০২৩গী জুন ১৬তা কেন্দ্রগী লৌউ-শিংউগী সেক্রেতরী, শ্রী মনোজ অহুজানা ৱেলকম এদ্রস পীরদুনা প্লেনরী সেসন অমগা লোইননা হৌদোকখি। মসিগী মতুং তারকপদা প্রধান মন্ত্রী, শ্রী নরেন্দ্র মোদীনা ভীদিও মেসেজ অমা পীখি, মসিদা মহাক্না এক্সেলেন্সীশিং অমসুং দেলিগেতশিংবু তরাম্না ওকখি। প্রধান মন্ত্রী, শ্রী নরেন্দ্র মোদীনা মীওইবগী সিভিলাইজেশনগী খ্বাইদগী মরু ওইবা অমা ওইরিবা এগ্রিকলচর সেক্তর অসিবু মরু ওইবা অদুবু পল্লদুনা জি.-২০ লৌউ-শিংউ মন্ত্রীশিংদা সেক্তর অসিনা মায়োক্নরিবা শিংনবশিং অদুবু কোকহন্দুনা মীওইবা কুনাইগী তুংগী পুন্সিবু ফগৎহন্নবা ময়াম পুন্না হোৎনমিন্ননবা হায়খি।

প্রধান মন্ত্রী, শ্রী নরেন্দ্র মোদীনা জি.২০ লৌউ-শিংউ মন্ত্রীশিংগী মীফমদা খন্ন-নৈনবগীদমক্তা মরু ওইবা হিরম মরিদা মরু ওইবা থমখি: (ক) এগ্রিকলচরেল দাইভর্সিতীগী প্রোমোশন তৌবা অমসুং ফুদ সেক্যুরিতী অমসুং ন্যুত্রিশন ফগৎহন্নবা সোসিয়েল সেক্যুরিতী ফগৎহনবা (খ) ক্লাইমেত ফ্রেনলী ওইবা তেক্নোলোজীশিংদা শেল থাদবা অমসুং সস্তেনেবল এগ্রিকলচরেল প্রোদক্সনগীদমক্তা এগ্রিচরেল সীস্তেম মোদেলশিংদা য়ুমফম ওইবা ক্লাইমেত-স্মার্ত এপ্রোচ এদোপ্ত তৌবা (গ) অপিকপা অমসুং থৌওইবীদ্রবা লৌমীশিং, নুপীশিং অমসুং নহাশিংগীদমক্তা ইনফ্রাস্ত্রকচর ফগৎহনবা অমসুং ইনক্লুসিব ওইবা এগ্রিকলচর ভেল্যু চেনশিং অমসুং চেনশিং অসিগী রেজিলিয়েন্স অমসুং এফিসিয়েন্সী হেনগৎহন্নবা ফুদ সীস্তেমশিং প্রোমোত তৌনবা চাউখৎলক্লিবা শেন্মিৎলোনগী খুদোংচাবশিং অসিগী খুদোংচাবা লৌবা (ঘ) এগ্রিকলচরদা অওনবা অমা পুরক্নবগীদমক্তা দিজিতাইজেশন ফগৎহন্নবা দিজিতেল তেক্নোলোজীঈশং শিজিন্নবা অমসুং দিজিতেল পব্লিক গুদসশিংগী অরুক অমা ওইরিবা এগ্রিকলচরেল দেতা প্লেতফোর্মগী স্তেন্দর্দাইজেশন তৌবদা মিৎয়েং থম্বা।   

প্রধান মন্ত্রী, শ্রী নরেন্দ্র মোদীনা হায়রকখি মদুদি ২০২৩ অসি মিল্লেতশিংগী ইন্তর্নেস্নেল য়িয়রশু ওইরি। মিল্লেতশিং/শ্রী অন্না/ সুপরফুদশিং অসি হকশেলগীদমক্তা কান্নবদা নত্তনা ইনকম দাইভর্সিফিকেশন প্রোমোত তৌদুনা অমসুং ক্লাইমেত রেজিলিয়েন্স লৈহন্দুনা সস্তেনেবল লাইবলিহুদশিং ফংহনবদা লৌমীশিংগী মতেংশু পাংলি। অরিবা হৱাই-চেংৱাইশিং অমসুং সিরিয়লশিংগী মতাংদা খ্বাইদগী হেন্না ফবা প্রক্তিশিংশিং, রিসর্চ অমসুং তেক্নোলোজীশিং মীয়ামদা শিয়র তৌনবা ভারতকী ফিরেপ অদুবু অমুক হন্না থাজবা পীখি।

লাইচৎ অমসুং জিয়োপোলিতিকেল তেন্সন্না মরম ওইরগা গ্লোবল সপ্লাই চেনদা হৌজিক-হৌজিক থোকহল্লিবা অকাইবশিং অমসুং ক্লাইমেত চেঞ্জকী শাফুনা হেন্না শোকহল্লিবা অসি য়েংলগা, প্রধান মন্ত্রী, শ্রী নরেন্দ্র মোদীনা জি.২০ মেম্বর লৈবাকশিংদা লৈহাওগী ফিভম ফগৎহন্নবা, মহৈ-মরোংশিংগী ফিভম ফগৎহন্নবা অমসুং মহৈ-মরোংশিং লোকপগী চাং হেনগৎহন্নবা এগ্রিকলচরেল প্রক্তিসশিংগী লম্বিশিং থিনবা অমসুং ইনোভেশন অমসুং দিজিতেল তেক্নোলোজীগআ লোইননা ঐখোয়গী লৌমীশিংবু এমপাৱর তৌনবা হায়খি।

কেন্দ্রগী লৌউ-শিংবু অমসুং লৌমীশিংগী য়াইফ-থৌরাংগী মন্ত্রী, শ্রী নরেন্দ্র সিং তোমারনা প্লেনেরী সেসনদা মন্ত্রীশিং অমসুং দেলিগেশনশিংগী মকোকশিং (ঐচ.ও.দি.শিং)বু তরাম্না ওকখি। নিতি আয়োগকী মেম্বর, দা. রামেশ চান্দনা হৌজিক মতম অসিদা থেংনরিবা শিংনবশিং অমসুং ওইথোকপা য়াবা সোল্যুশনশিং অদুবু পল্লদুনা “গওবল ফুদ সেক্যুরিতী এন্দ ন্যুত্রিশন”গী মতাংদা প্রেজেন্তেশন পীখি। কেন্দ্রগী লৌউ-শিংউগী রাজ্য মন্ত্রী, শ্রী কৈলাশ চৌধরী অমসুং আই.সি.এ.আর.গী দাইরেক্তর জেনরেল, সুকুমারি সোভা কারন্দলাজে অমসুং দি.এ.আর.ই.গী সেক্রেতরী, দা. হিমান্সু পাথক, দিপার্তমেন্ত ওফ ফিশরীজকী সেক্রেতরী, দা. জে.এন. স্বেন্না জি.-২০ লৈবাকশিংগী অতোপ্পা সেনিয়র ওফিসিয়েলশিং অমসুং অৱাংবা থাক্কী ওফিসিয়েলশিং অমসুং মসিদা শরুক য়ানবগীদমক্তা চেবাউ পীখিবা ওর্গনাইজেশনগী মকোকশিংগা লোইননা মসিদা শরুক য়াখি।

লৌউ-শিংউ মন্ত্রী অসিনশু মহাক্কী কলীগশিংদা ২০২৩গী জনুৱারী ১২-১৩ ফাওবা প্রধান মন্ত্রী, শ্রী নরেন্দ্র মোদীগী লুচিং মখাদা ভারতনা ভর্চুৱল ওইনা ভোইস ওফ গ্লোবল সোউথ সম্মিত ২০২৩ পাংথোকখিবা অদুবু শিয়র তৌখি। ভোইস ওফ গ্লোবল সাউথ সম্মিত ২০২৩ অসি “য়ুনিতী ওফ ভোইস, য়ুনিতী ওফ পর্পোস” হায়রিবা থীম অসিগী মখাদা পাংথোকখি। ভারতকী পান্দমদি জি.২০দা মীহুৎ য়াওদবআ চাউখৎলক্লিবা লৈবাকশিংদা মখোয়গী চাউখৎ-থৌরাংগী ওইবা মরু ওইবা ৱাফমশিং অমসুং ভারতনা প্রেসিদেন্সী ওইবা মতমদা মখোয়না করি ফংহনবা পাম্বগে হায়বসিগী মতাংদা তাথোক-তাশিন তৌননবনি। ৱাখল্লোন অদু চাউখৎলক্লিবা লৈবাকশিংদা জি.২০গী থবক-থৌওংশিংদা শরুক য়ারি হায়বসি ফাওহন্নবা অমসুং মসিনা মরম ওইরগা জি.২০না “হ্যুমেন-সেন্ত্রিক দেবেলপমেন্ত” প্রোমোত তৌবদা হেন্না ফবা ফলশিং পুরকপা ঙমগনি।

লৌউ-শিংউগী সেক্তরদা ভারতকী মাইপাকপশিং অদুবু পল্লদুনা, লৌউ-শিংউ মন্ত্রীনা পনখি মদুদি ফুদ সেক্যুরিতী অমসুং ন্যুত্রিশন মাইকৈদা থাংলিবা ভারতকী খোংথাং অসি জি.-২০ ইন্দিয়ন প্রেসিদেন্সীগী “ৱান অর্থ, ৱান ফেমিলী, ৱান ফ্যুচর”গী ৱাখল্লোন অসিনা লমজিং-লমতাক্লিবনি। এস.দি.জি. ২- অরাম-খৌরাংবা কোকহনবা, অমসুং ফুদ অমসুং ন্যুত্রিশন সেক্যুরিতী ফংবা ঙম্নবা ফিরেপ অদুবুশু অমুক হন্না পল্লকখি। লৌউ-শিংউ মন্ত্রী অসিনা প্রধান মন্ত্রী, শ্রী নরেন্দ্র মোদীনআ য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ (য়ু.এন.এফ.সি.সি.সি. সি.ও.পি.-২৬)কী থৌরমদা “লাইফ (লাইফস্তাইল ফোর এনভাইরনমেন্ত)”কী মতাংদা মিসন লোঞ্চ তৌখিবগী মরু ওইবা অদুবু শিয়র তৌখি, মরমদি মসিনা নেচরেল রিসোর্সশিং ফজনা শিজিন্নহল্লগনি অমসুং এমিসন হন্থহল্লগনি।  

লৌউ-শিংউ মন্ত্রীনা এগ্রিকলচর ৱার্কিং গ্রুপ প্রোসীদিংশিংবু মাইপাকহনবা অমসুং পুৱারি ওইহনবগীদমক্তা জি.২০ মেম্বরশিংবু মখোয়না লৌখিবা শিংথানিংঙাই ওইরবা থৌদাংশিং অদুগীদমক্তা থাগৎপা ফোংদোকখি, মসিনা মরম ওইরগা মন্ত্রীশিংগী ওইবা মীফম অদুদা “আউতকম দোক্যুমেন্ত এন্দ চিয়র্স সম্মরী”দা মরু ওইবআ আউতকম অনি ফংবা ঙমখি: (ক) দেকন হাই লেভেল প্রন্সিপলস অমসুং (খ) ইন্তর্নেস্নেল মিল্লেতস এন্দ অদর এন্সিয়েন্ত গ্রেন্স রিসর্চ ইনিসিয়েতিব।

লৌ্-শিংউগী ওইবা এজেন্দা অসিবু য়েংশিন্নবা অমসুং ফগৎহন্নবা ভারতনা হোৎনরিবশিং অদু জি.২০ মেম্বর খুদিংমক্না থাগৎখি অমসুং থমোই শেংনা তৌবীমল খঙবা উৎখি।

দেকন হাই লেভেল প্রিন্সিপলশিং অসিনা খুদোংথিনিংঙাই ওইরবা ফিভমশিংদা লৈবাকশিং অমসুং মীশিংদা তেংবাং পীদুনা; মচি লৈবা চিঞ্জাকশিং ফংবা হেনগৎহন্দুনা অমসুং ফংহন্দুনা অমসুং ফুদ সেফতী নেতশিং কনখৎহন্দুনা; ক্লাইমেত রেজিলিয়নে্ত ওইবা অমসুং সস্তেনেবল ওইবা এগ্রিকলচর অমসুং ফুদ সীস্তেমশিংগীদমক্তা পোলিসীসিং অমসুং খুৎশম্নদুনা থবক-থৌরমশিং পাইখৎহন্দুনা; এগ্রিকলচর অমসুং ফুদ ভেল্যু চেনশিং রেজিলিয়ন্স অমসুং ইনক্লুসিবিতী হেনগৎহন্দুনা; ৱান হেল্থ এপ্রোচ প্রোমোত তৌদুনা; ইনোভেশন অমসুং দিজিতেল তেক্নোলোজী শিজিন্নবা হেনগৎহন্দুনা অমসুং লৌউ-শিংউদা রেসপোন্সিবল পব্লিক অমসুং প্রাইভেত ইনভেস্তমেন্ত হেনগৎহন্দুনা মালেম অসিগী ফুদ সেক্যুরিতীগী অৱাবা মায়োক য়ারদুনা তোঙান-তোঙানবা মফমশিংদা পাইখৎলিবা থবকশিং অদুবু হেন্না মপাঙ্গল কনখৎহনবদা অমসুং মতেং পাংবদা জি.২০গী অপুনবগী ওইবা থৌদাং অদুবু উত্থোকখি।  

মসিগী মমাংদা, ইন্দোর, চান্দিগর অমসুং ৱারানসিদা অতোপ্পা মরু ওইবা মীফম অহুম পাংথোকখি। ৱারানসিদা পাংথোকখিবা জি.২০ এম.এ.সি.এস.কী মীফম অদুদা “ইন্তর্নেস্নেল মিল্লেতস এন্দ অদর এন্সিয়েন্ত গ্রেন্স রিসর্চ ইনিসিয়েতিব (এম.এ.ঐচ.এ.আর.আই.এস.ঐচ.আই.) অসি হৌদোকখি।”  

লৌউ-শিংউদা ভারতকী জি.-২০গী মরু ওইবা মিৎয়েং অসি ঐখোয়গী ‘ৱান অর্থ’ অসিবু ফগৎহনবদা, ঐখোয়গী ‘ৱান ফেমিলী’দা চান্ন-চিন্ননা লৈহনবা অমসুং হেন্না ফবা ‘ৱান ফ্যুচর’ অমগীদমক্তা আশা পীবা।

*****