2023 ರ ಜೂನ್ 15-17 ರ ಅವಧಿಯಲ್ಲಿ ನಡೆದ ಜಿ 20 ಕೃಷಿ ಸಚಿವರ ಸಭೆ "ಫಲಿತಾಂಶ ದಾಖಲೆ ಮತ್ತು ಅಧ್ಯಕ್ಷರ ಸಾರಾಂಶ " ಎಂಬ ಶೀರ್ಷಿಕೆಯ ಒಪ್ಪಿತ ಫಲಿತಾಂಶ ದಾಖಲೆಯನ್ನು ಅಂಗೀಕರಿಸಿತು. ಜಿ -20 ಅಭಿವೃದ್ಧಿಶೀಲ ರಾಷ್ಟ್ರಗಳ ನಾಯಕತ್ವವನ್ನು ಕಲ್ಪಿಸಲಾದ ಕೃಷಿ ಕ್ಷೇತ್ರವನ್ನು ಕೇಂದ್ರೀಕರಿಸಿದ ವಿವಿಧ ವಿಷಯಗಳ ಬಗ್ಗೆ ಚರ್ಚೆಗಳ ನಂತರ ಈ ಐತಿಹಾಸಿಕ ಒಮ್ಮತಕ್ಕೆ ಬರಲಾಯಿತು.

ಕೇಂದ್ರ ಕೃಷಿ ಕಾರ್ಯದರ್ಶಿ ಶ್ರೀ ಮನೋಜ್ ಅಹುಜಾ ಅವರ ಸ್ವಾಗತ ಭಾಷಣದೊಂದಿಗೆ 2023 ರ ಜೂನ್ 16 ರಂದು ಸಚಿವರ ಸಭೆ ಪ್ರಾರಂಭವಾಯಿತು. ಇದಾದ ನಂತರ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ವಿಡಿಯೋ ಸಂದೇಶವನ್ನು ಕಳುಹಿಸಿದ್ದು, ಅವರು ಗೌರವಾನ್ವಿತರು ಮತ್ತು ಗೌರವಾನ್ವಿತ ಪ್ರತಿನಿಧಿಗಳನ್ನು ಸೌಜನ್ಯದಿಂದ ಸ್ವಾಗತಿಸಿದರು. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು, ಕೃಷಿ ಕ್ಷೇತ್ರವು ಮಾನವ ನಾಗರಿಕತೆಯ ಹೃದಯಭಾಗದಲ್ಲಿದೆ ಎಂಬುದನ್ನು ಒತ್ತಿ ಹೇಳಿದರು, ಈ ವಲಯ ಎದುರಿಸುತ್ತಿರುವ ಸವಾಲುಗಳನ್ನು ಎದುರಿಸುವ ಮೂಲಕ ಮಾನವೀಯತೆಯ ಭವಿಷ್ಯವನ್ನು ಮತ್ತಷ್ಟು ಹೆಚ್ಚಿಸಲು ಸಾಮೂಹಿಕವಾಗಿ ಕೆಲಸ ಮಾಡುವಂತೆ ಜಿ-20 ಕೃಷಿ ಸಚಿವರಿಗೆ ಕರೆ ನೀಡಿದರು.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಜಿ 20 ಕೃಷಿ ಸಚಿವರ ಸಭೆಯಲ್ಲಿ ಚರ್ಚೆಗೆ ನಾಲ್ಕು ಆದ್ಯತೆಯ ಕ್ಷೇತ್ರಗಳನ್ನು ಪ್ರತಿಪಾದಿಸಿದರು: (ಎ) ಕೃಷಿ ವೈವಿಧ್ಯತೆಯನ್ನು ಉತ್ತೇಜಿಸುವುದು ಮತ್ತು ಆಹಾರ ಭದ್ರತೆ ಮತ್ತು ಪೌಷ್ಠಿಕಾಂಶವನ್ನು ಹೆಚ್ಚಿಸಲು ಸಾಮಾಜಿಕ ಭದ್ರತಾ ವ್ಯವಸ್ಥೆಗಳ ಸುಧಾರಣೆ (ಬಿ) ಹವಾಮಾನ ಸ್ನೇಹಿ ತಂತ್ರಜ್ಞಾನಗಳಿಗೆ ಹಣಕಾಸು ಒದಗಿಸುವುದು ಮತ್ತು ಸುಸ್ಥಿರ ಕೃಷಿ ಉತ್ಪಾದನೆಗಾಗಿ ಕೃಷಿ ವ್ಯವಸ್ಥೆಯ ಮಾದರಿಗಳನ್ನು ಆಧರಿಸಿದ ಹವಾಮಾನ-ಸ್ಮಾರ್ಟ್ ವಿಧಾನವನ್ನು ಅಳವಡಿಸಿಕೊಳ್ಳುವುದು (ಸಿ) ಸಣ್ಣ ಮತ್ತು ಅತಿಸಣ್ಣ ರೈತರಿಗೆ ಮೂಲಸೌಕರ್ಯವನ್ನು ಬಲಪಡಿಸುವುದು. ಮಹಿಳೆಯರು ಮತ್ತು ಯುವಕರು ಮತ್ತು ಸರಪಳಿಗಳ ಸ್ಥಿತಿಸ್ಥಾಪಕತ್ವ ಮತ್ತು ದಕ್ಷತೆಯನ್ನು ಹೆಚ್ಚಿಸಲು ಅಂತರ್ಗತ ಕೃಷಿ ಮೌಲ್ಯ ಸರಪಳಿಗಳು ಮತ್ತು ಆಹಾರ ವ್ಯವಸ್ಥೆಗಳನ್ನು ಉತ್ತೇಜಿಸಲು ಬೆಳೆಯುತ್ತಿರುವ ಆರ್ಥಿಕ ಅವಕಾಶಗಳನ್ನು ಬಳಸಿಕೊಳ್ಳುವುದು (ಡಿ) ಕೃಷಿಯ ರೂಪಾಂತರಕ್ಕಾಗಿ ಡಿಜಿಟಲೀಕರಣವನ್ನು ಸುಧಾರಿಸಲು ಡಿಜಿಟಲ್ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳುವುದು ಮತ್ತು ಡಿಜಿಟಲ್ ಸಾರ್ವಜನಿಕ ಸರಕುಗಳ ಭಾಗವಾಗಿರುವ ಕೃಷಿ ದತ್ತಾಂಶ ವೇದಿಕೆಯ ಪ್ರಮಾಣೀಕರಣದ ಮೇಲೆ ಕೇಂದ್ರೀಕರಿಸುವುದು.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು, 2023 ಅಂತಾರಾಷ್ಟ್ರೀಯ ಸಿರಿಧಾನ್ಯಗಳ ವರ್ಷವೂ ಆಗಿದೆ ಎಂದು ಹೇಳಿದರು. ಸಿರಿಧಾನ್ಯಗಳು / ಶ್ರೀ ಅನ್ನ / ಸೂಪರ್ ಫುಡ್ ಗಳು  ಆರೋಗ್ಯಕ್ಕೆ ಒಳ್ಳೆಯದು ಮಾತ್ರವಲ್ಲದೆ ಆದಾಯ ವೈವಿಧ್ಯತೆಯನ್ನು ಉತ್ತೇಜಿಸುವ ಮೂಲಕ ಮತ್ತು ಹವಾಮಾನ ಸ್ಥಿತಿಸ್ಥಾಪಕತ್ವವನ್ನು ನಿರ್ಮಿಸುವ ಮೂಲಕ ರೈತರಿಗೆ ಸುಸ್ಥಿರ ಜೀವನೋಪಾಯವನ್ನು ಸಾಧಿಸಲು ಸಹಾಯ ಮಾಡುತ್ತದೆ. ಪ್ರಾಚೀನ ಧಾನ್ಯಗಳು ಮತ್ತು ಏಕದಳ ಧಾನ್ಯಗಳಲ್ಲಿ ಉತ್ತಮ ಪದ್ಧತಿಗಳು, ಸಂಶೋಧನೆ ಮತ್ತು ತಂತ್ರಜ್ಞಾನಗಳನ್ನು ಹಂಚಿಕೊಳ್ಳುವ ಭಾರತದ ಬದ್ಧತೆಯನ್ನು ಪುನರುಚ್ಚರಿಸಲಾಯಿತು.

ಸಾಂಕ್ರಾಮಿಕ ರೋಗದಿಂದಾಗಿ ಪ್ರಸ್ತುತ ಜಾಗತಿಕ ಪೂರೈಕೆ ಸರಪಳಿ ಅಡೆತಡೆಗಳು ಮತ್ತು ಭೌಗೋಳಿಕ ರಾಜಕೀಯ ಉದ್ವಿಗ್ನತೆ ಮತ್ತು ಹವಾಮಾನ ಬದಲಾವಣೆಯ ಪ್ರಭಾವದಿಂದ ಹದಗೆಟ್ಟಿರುವ ಹಿನ್ನೆಲೆಯಲ್ಲಿ, ಉತ್ತಮ ಮಣ್ಣಿನ ಆರೋಗ್ಯ, ಬೆಳೆ ಆರೋಗ್ಯ ಮತ್ತು ಇಳುವರಿಗಾಗಿ ಕೃಷಿ ಪದ್ಧತಿಗಳನ್ನು ಅಳವಡಿಸಿಕೊಳ್ಳುವ ಮಾರ್ಗಗಳನ್ನು ಅನ್ವೇಷಿಸುವಂತೆ ಮತ್ತು ನಾವೀನ್ಯತೆ ಮತ್ತು ಡಿಜಿಟಲ್ ತಂತ್ರಜ್ಞಾನದೊಂದಿಗೆ ನಮ್ಮ ರೈತರನ್ನು ಸಬಲೀಕರಣಗೊಳಿಸುವಂತೆ ಪ್ರಧಾನಿ ಶ್ರೀ ನರೇಂದ್ರ ಮೋದಿ ಅವರು ಜಿ 20 ಸದಸ್ಯ ರಾಷ್ಟ್ರಗಳನ್ನು ಒತ್ತಾಯಿಸಿದರು.

ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವ ಶ್ರೀ ನರೇಂದ್ರ ಸಿಂಗ್ ತೋಮರ್ ಅವರು, ಸಂಪೂರ್ಣ ಅಧಿವೇಶನಕ್ಕೆ ಸಚಿವರು ಮತ್ತು ನಿಯೋಗಗಳ ಮುಖ್ಯಸ್ಥರನ್ನು ಸ್ವಾಗತಿಸಿದರು. ನೀತಿ ಆಯೋಗದ ಸದಸ್ಯ ಡಾ.ರಮೇಶ್ ಚಂದ್ ಅವರು " ಜಾಗತಿಕ ಆಹಾರ ಭದ್ರತೆ ಮತ್ತು ಪೋಷಣೆ " ಕುರಿತು ಪ್ರಸ್ತುತ ಸವಾಲುಗಳು ಮತ್ತು ಸಂಭವನೀಯ ಪರಿಹಾರಗಳನ್ನು ಬಿಂಬಿಸಿದರು. ಕೇಂದ್ರ ಕೃಷಿ ಖಾತೆ ರಾಜ್ಯ ಸಚಿವರಾದ ಶ್ರೀ ಕೈಲಾಶ್ ಚೌಧರಿ ಮತ್ತು ಶ್ರೀಮತಿ ಶೋಭಾ ಕರಂದ್ಲಾಜೆ, ಐಸಿಎಆರ್ ಮಹಾನಿರ್ದೇಶಕರು ಮತ್ತು ಡಿಎಆರ್ ಇ ಕಾರ್ಯದರ್ಶಿ ಡಾ.ಹಿಮಾಂಶು ಪಾಠಕ್, ಮೀನುಗಾರಿಕೆ ಇಲಾಖೆಯ ಕಾರ್ಯದರ್ಶಿ ಶ್ರೀ ಜೆ.ಎನ್.ಸ್ವೈನ್, ಇತರ ಹಿರಿಯ ಅಧಿಕಾರಿಗಳು ಮತ್ತು ಜಿ -20 ದೇಶಗಳ ಉನ್ನತ ಮಟ್ಟದ ಅಧಿಕಾರಿಗಳು ಮತ್ತು ಆಹ್ವಾನಿತ ಸಂಸ್ಥೆಗಳ ಮುಖ್ಯಸ್ಥರು ಉಪಸ್ಥಿತರಿದ್ದರು.

2023 ರ ಜನವರಿ 12-13 ರ ಅವಧಿಯಲ್ಲಿ ಪ್ರಧಾನ ಮಂತ್ರಿ ಶ್ರೀ ನರೇಂದ್ ಮೋದಿ ಅವರ ನೇತೃತ್ವದಲ್ಲಿ ಭಾರತವು ವಾಯ್ಸ್ ಆಫ್ ಗ್ಲೋಬಲ್ ಸೌತ್ ಶೃಂಗಸಭೆ 2023 ಅನ್ನು ವರ್ಚುವಲ್ ಆಗಿ ಆಯೋಜಿಸಿದೆ ಎಂದು ಕೃಷಿ ಸಚಿವರು ತಮ್ಮ ಸಹೋದ್ಯೋಗಿಗಳೊಂದಿಗೆ ಹಂಚಿಕೊಂಡರು. ವಾಯ್ಸ್ ಆಫ್ ಗ್ಲೋಬಲ್ ಸೌತ್ ಶೃಂಗಸಭೆ 2023 ಅನ್ನು " ಧ್ವನಿಯ ಏಕತೆ, ಉದ್ದೇಶದ ಏಕತೆ " ಎಂಬ ವಿಷಯದ ಅಡಿಯಲ್ಲಿ ನಡೆಸಲಾಯಿತು. ಜಿ 20 ಯಲ್ಲಿ ಪ್ರಾತಿನಿಧ್ಯವಿಲ್ಲದ ಅಭಿವೃದ್ಧಿಶೀಲ ರಾಷ್ಟ್ರಗಳೊಂದಿಗೆ ಅವರ ಅಭಿವೃದ್ಧಿ ಆದ್ಯತೆಗಳು ಮತ್ತು ಅದರ ಅಧ್ಯಕ್ಷತೆಯ ಮೂಲಕ ಭಾರತ ಏನನ್ನು ಸಾಧಿಸುತ್ತದೆ ಎಂದು ಅವರು ನಿರೀಕ್ಷಿಸುತ್ತಾರೆ ಎಂಬುದರ ಕುರಿತು ಸಮಾಲೋಚಿಸುವುದು ಭಾರತದ ಗುರಿಯಾಗಿತ್ತು. ಅಭಿವೃದ್ಧಿಶೀಲ ರಾಷ್ಟ್ರಗಳು ಜಿ 20 ಪ್ರಕ್ರಿಯೆಯೊಂದಿಗೆ ಉತ್ತಮವಾಗಿ ತೊಡಗಿಸಿಕೊಂಡಿವೆ ಎಂದು ಖಚಿತಪಡಿಸಿಕೊಳ್ಳುವುದು ಮತ್ತು ಪ್ರತಿಯಾಗಿ, ಜಿ 20 " ಮಾನವ ಕೇಂದ್ರಿತ ಅಭಿವೃದ್ಧಿ " ಯನ್ನು ಉತ್ತೇಜಿಸಲು ಉತ್ತಮ ಫಲಿತಾಂಶಗಳನ್ನು ನೀಡುತ್ತದೆ ಎಂದು ಖಚಿತಪಡಿಸಿಕೊಳ್ಳುವುದು ಇದರ ಉದ್ದೇಶವಾಗಿತ್ತು.

ಕೃಷಿ ಕ್ಷೇತ್ರದಲ್ಲಿ ಭಾರತದ ಸಾಧನೆಗಳನ್ನು ಬಿಂಬಿಸಿದ ಕೃಷಿ ಸಚಿವರು, ಆಹಾರ ಭದ್ರತೆ ಮತ್ತು ಪೌಷ್ಠಿಕಾಂಶದ ಕಡೆಗೆ ಭಾರತದ ವಿಧಾನವು "ಒಂದು ಭೂಮಿ, ಒಂದು ಕುಟುಂಬ, ಒಂದು ಭವಿಷ್ಯ" ಎಂಬ ಜಿ -20 ಭಾರತೀಯ ಅಧ್ಯಕ್ಷಕತೆಯ ಮನೋಭಾವದಿಂದ ಮಾರ್ಗದರ್ಶಿಸಲ್ಪಟ್ಟಿದೆ ಎಂದು ಉಲ್ಲೇಖಿಸಿದರು. ಎಸ್ ಡಿ ಜಿ 2 ಅನ್ನು ಸಾಧಿಸುವ ಬದ್ಧತೆಯನ್ನು ಪುನರುಚ್ಚರಿಸಲಾಯಿತು - ಹಸಿವನ್ನು ಕೊನೆಗೊಳಿಸುವುದು ಮತ್ತು ಆಹಾರ ಮತ್ತು ಪೌಷ್ಠಿಕಾಂಶದ ಸುರಕ್ಷತೆಯನ್ನು ಸಾಧಿಸುವುದು. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಹವಾಮಾನ ಬದಲಾವಣೆ ಕುರಿತ ವಿಶ್ವಸಂಸ್ಥೆಯ ಚೌಕಟ್ಟಿನ ಸಮಾವೇಶ (ಯುಎನ್ಎಫ್ ಸಿಸಿಸಿ ಸಿಒಪಿ-26) ಸಂದರ್ಭದಲ್ಲಿ "ಜೀವನ (ಪರಿಸರಕ್ಕಾಗಿ ಜೀವನಶೈಲಿ" ಮಿಷನ್ ಅನ್ನು ಪ್ರಾರಂಭಿಸುವ ಮಹತ್ವವನ್ನು ಕೃಷಿ ಸಚಿವರು ಹಂಚಿಕೊಂಡರು, ಏಕೆಂದರೆ ಇದು ನೈಸರ್ಗಿಕ ಸಂಪನ್ಮೂಲಗಳ ಹೆಚ್ಚು ಪರಿಣಾಮಕಾರಿ ಬಳಕೆಗೆ ಕಾರಣವಾಗುತ್ತದೆ ಮತ್ತು ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ.

ಕೃಷಿ ಕಾರ್ಯ ಗುಂಪಿನ ಕಾರ್ಯಚಟುವಟಿಕೆಗಳನ್ನು ಯಶಸ್ವಿ ಮತ್ತು ಐತಿಹಾಸಿಕವಾಗಿಸಲು ಜಿ 20 ಸದಸ್ಯರು ನೀಡಿದ ಗಮನಾರ್ಹ ಕೊಡುಗೆಗಳಿಗಾಗಿ ಕೃಷಿ ಸಚಿವರು ಶ್ಲಾಘಿಸಿದರು, ಇದರ ಪರಿಣಾಮವಾಗಿ ಸಚಿವರ ಸಭೆಯಲ್ಲಿ " ಫಲಿತಾಂಶ ದಾಖಲೆ ಮತ್ತು ಅಧ್ಯಕ್ಷರ ಸಾರಾಂಶ " ದಲ್ಲಿ ಎರಡು ಪ್ರಮುಖ ಫಲಿತಾಂಶಗಳನ್ನು ಸ್ವಾಗತಿಸಲಾಯಿತು: (ಎ) ಡೆಕ್ಕನ್ ಉನ್ನತ ಮಟ್ಟದ ತತ್ವಗಳು ಮತ್ತು (ಬಿ) ಅಂತಾರಾಷ್ಟ್ರೀಯ ಸಿರಿಧಾನ್ಯಗಳು ಮತ್ತು ಇತರ ಪ್ರಾಚೀನ ಧಾನ್ಯಗಳ ಸಂಶೋಧನಾ ಉಪಕ್ರಮ.

ಕೃಷಿ ಕಾರ್ಯಸೂಚಿಯನ್ನು ಮುನ್ನಡೆಸಲು ಮತ್ತು ಹೆಚ್ಚಿಸಲು ಭಾರತದ ಪ್ರಯತ್ನಗಳನ್ನು ಎಲ್ಲಾ ಜಿ 20 ಸದಸ್ಯರು ಶ್ಲಾಘಿಸಿದರು ಮತ್ತು ಆಳವಾದ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು.

ದುರ್ಬಲ ಸಂದರ್ಭಗಳಲ್ಲಿ ದೇಶಗಳು ಮತ್ತು ಜನಸಂಖ್ಯೆಗೆ ಮಾನವೀಯ ಸಹಾಯವನ್ನು ಸುಗಮಗೊಳಿಸುವ ಮೂಲಕ ಜಾಗತಿಕ ಆಹಾರ ಭದ್ರತಾ ಬಿಕ್ಕಟ್ಟುಗಳಿಗೆ ಪ್ರತಿಕ್ರಿಯೆಯಾಗಿ ಭೌಗೋಳಿಕತೆಗಳಾದ್ಯಂತ ಪ್ರಯತ್ನಗಳನ್ನು ಬಲಪಡಿಸುವಲ್ಲಿ ಮತ್ತು ಪೂರಕಗೊಳಿಸುವಲ್ಲಿ ಜಿ 20 ಸಾಮೂಹಿಕ ಜವಾಬ್ದಾರಿಯನ್ನು ಡೆಕ್ಕನ್ ಉನ್ನತ ಮಟ್ಟದ ತತ್ವಗಳು ಪ್ರದರ್ಶಿಸಿದವು; ಪೌಷ್ಟಿಕ ಆಹಾರದ ಲಭ್ಯತೆ ಮತ್ತು ಪ್ರವೇಶವನ್ನು ಹೆಚ್ಚಿಸುವುದು ಮತ್ತು ಆಹಾರ ಸುರಕ್ಷತಾ ಜಾಲಗಳನ್ನು ಬಲಪಡಿಸುವುದು; ಹವಾಮಾನ ಸ್ಥಿತಿಸ್ಥಾಪಕ ಮತ್ತು ಸುಸ್ಥಿರ ಕೃಷಿ ಮತ್ತು ಆಹಾರ ವ್ಯವಸ್ಥೆಗಳಿಗಾಗಿ ನೀತಿಗಳು ಮತ್ತು ಸಹಯೋಗದ ಕ್ರಮಗಳನ್ನು ಬಲಪಡಿಸುವುದು; ಕೃಷಿ ಮತ್ತು ಆಹಾರ ಮೌಲ್ಯ ಸರಪಳಿಗಳಲ್ಲಿ ಸ್ಥಿತಿಸ್ಥಾಪಕತ್ವ ಮತ್ತು ಒಳಗೊಳ್ಳುವಿಕೆಯನ್ನು ಬಲಪಡಿಸುವುದು; ಒಂದು ಆರೋಗ್ಯ ವಿಧಾನವನ್ನು ಉತ್ತೇಜಿಸುವುದು; ಆವಿಷ್ಕಾರ ಮತ್ತು ಡಿಜಿಟಲ್ ತಂತ್ರಜ್ಞಾನದ ಬಳಕೆಯನ್ನು ವೇಗಗೊಳಿಸುವುದು ಮತ್ತು ಕೃಷಿಯಲ್ಲಿ ಜವಾಬ್ದಾರಿಯುತ ಸಾರ್ವಜನಿಕ ಮತ್ತು ಖಾಸಗಿ ಹೂಡಿಕೆಗಳನ್ನು ಹೆಚ್ಚಿಸುವುದು.

ಇದಕ್ಕೂ ಮುನ್ನ ಇಂದೋರ್, ಚಂಡೀಗಢ ಮತ್ತು ವಾರಣಾಸಿಯಲ್ಲಿ ಮೂರು ಪ್ರಮುಖ ಸಭೆಗಳು ನಡೆದವು. ವಾರಣಾಸಿಯಲ್ಲಿ ನಡೆದ ಜಿ 20 ಎಂಎಸಿಎಸ್ ಸಭೆಯಲ್ಲಿ, "ಅಂತಾರಾಷ್ಟ್ರೀಯ ಸಿರಿಧಾನ್ಯಗಳು ಮತ್ತು ಇತರ ಪ್ರಾಚೀನ ಧಾನ್ಯಗಳ ಸಂಶೋಧನಾ ಉಪಕ್ರಮ (ಮಹರ್ಷಿ)" ಗೆ ಚಾಲನೆ ನೀಡಲಾಯಿತು.

ಕೃಷಿಯಲ್ಲಿ ಭಾರತದ ಜಿ -20 ಆದ್ಯತೆಗಳು ನಮ್ಮ ' ಒಂದು ಭೂಮಿಯನ್ನು' ಗುಣಪಡಿಸುವುದು, ನಮ್ಮ 'ಒಂದು ಕುಟುಂಬ ' ದಲ್ಲಿ ಸಾಮರಸ್ಯವನ್ನು ಅಭಿವೃದ್ಧಿಪಡಿಸುವುದು ಮತ್ತು ಉಜ್ವಲ ' ಒಂದು ಭವಿಷ್ಯ ' ದ ಭರವಸೆಯನ್ನು ಒದಗಿಸುವತ್ತ ಗಮನ ಹರಿಸಿವೆ.

****