নেহরু মেমোরিয়ল ম্যুজিয়ম অমসুং লাইব্ররী সোসাইতীগী অখন্নবা মীফম অমদা, মসি মমিং অসিবু  প্রধান মন্ত্রীগী ম্যুজিয়ম অমসুং লাইব্ররী সোসাইতী হায়না মিং ওন্থোক্নবা ফিরেপ লৌখ্রে। অখন্নবা মীফম অদুদা সোসাইতী অদগী ভাইস-প্রেসিদেন্ত ওইরিবা ঙাকশেল মন্ত্রী, শ্রী রাজনাথ সিংনা ময়াই তাংবল লৌদুনা পাংথোকখি।

প্রধান মন্ত্রী, শ্রী নরেন্দ্র মোদীনা ২০১৬দা নই দিল্লীদা, তীন মুর্তি প্রেমাইসতা ভারতকী প্রধান মন্ত্রীশিংগীদমক্তা কত্থোক্লবা অখন্নবা ম্যুজিয়ম অমা লিংখৎনবগী ৱাফম অসি হৌদোরকখি। এন.এম.এম.এল.গী একজিক্যুতিব কাউন্সিলনা ২৫-১১-২০১৬তা পাংথোকখিবা মখোয়গী ১৬২শুবা মীফম অদুদা তীন মুর্তি এস্তেততা প্রধান মন্ত্রী পুম্নমক্কী ম্যুজিয়ম অমা সানবগী অয়াবা পীখি। প্রোজেক্ত অদু লোইশিনখি অমসুং প্রধানমন্ত্রী সংগ্রালয়া অদু ২০২২গী এপ্রিল ২১দা মীয়ামগীদমক্তা হাংদোকখি।

একজিক্যুতিব কাউন্সিল অসিনা ইনস্তিত্যুশন অসিগী মমিং অদুনা হৌজিক-হৌজিক তৌরিবা থবক-থৌরমশিং অদুবুশু মশক তাক্কদবনি হায়বসি ফাওবা হৌরকখি, মসিদা হৌজিক্তি নিংতম্বা ভারত্তা গনতন্ত্রগী ময়াম পুম্নমক্কী খোংচৎ অদুবু উত্থোকপা অমসুং লৈবাক অসি শেমগৎপদা প্রধান মন্ত্রী খুদিংমক্না লৌখিবা থৌদাং অদুবু উৎপা অসিশু য়াওরি। ম্যুজিয়ম অসি নৌনা শেমজিল্লবা অমসুং লৈতেংদুনা ফজহল্লবা নহরু ম্যুজিয়ম বিল্দিংদগী হৌই অমসুং শ্রী জৱাহরলাল নেহরুগী পুন্সি অমসুং মহাক্না লৌখিবা থৌদাংবু মতম অসিগী ওইবা অনৌবা মখলগী তেক্নোলোজীগী অনৌবা দিসপ্লেশিংনা মপুং ফানা অপদেৎ তৌরে। অনৌবা বিল্দিং অমদা থম্বা ম্যুজিয়ম অসিনা প্রধান মন্ত্রীশিংনা শিংনবা কয়া অমা মায়োক্নদুনা লৈবাক অসিবু করম্না লৈঙাক পাল্লমবগে অমসুং লৈবাক অসিবু মাইকৈ কুদিংমক্তা চাউখৎহল্লম্বগে হায়বগী মতাংদা ৱারি লিরি। অসুম্না প্রধান মন্ত্রি পুম্নমকপু মশক খঙবীদুনা, ইনস্তিত্যশনগী মেমোরীবু গনতন্ত্রগী ওইবা শক্তম অমা পীরি।

একজিক্যুতিব কাউন্সিলগী চেয়রমেন, শ্রী নৃপেন্দ্র মিস্রানা মআক্কি ৱেলকম এদ্রেসতা প্রধান মন্ত্রীগী ম্যুজিয়ম্না দেমোক্রেসীদা লৈবাক অসিগী অচেৎপা ফিরেপ অদুবু ফোংদোকই অমসুং মরম অদুনা ইনস্তিত্যশনগী মমিং অদুনা মখোয়গী অনৌবা শক্তম অদুবু মশক তাক্কদবনি হায়বা ৱাফম অসিবু মরু ওইনা পল্লদুনা মমিং হোংদোকপগী তঙাইফদবা লৈ হায়না হায়খি।

সোসাইতী অসিগী ভাইস প্রেসিদেন্ত ওইরিবা, ঙাকশেল মন্ত্রী, শ্রী রাজনাথ সিংনা মহাক্কী ৱেলকম এদ্রেসতা মমিং হোংবগী প্রোপোজল অসিবু তরাম্না লৌখি, মরমদি ইনস্তিত্যুশন অসিগী অনৌবা শক্তম অসিনা শ্রী জৱাহরলাল নেহরুদগী হৌরগা শ্রী নরেন্দ্র মোদী ফাওবা প্রধান মন্ত্রী খুদিংমক্না লৌখিবা থৌদাংশিং অমসুং মখোয়না শিংনবশিং অদুবু করম্না মায়োক্নরকখিবগে হায়বগী মতাংদা ময়েক শেংনা উৎলি। প্রধান মন্ত্রীশিংবু ইনস্তিত্যুশন অমা ওইনা উত্তুনা অমসুং প্রধান মন্ত্রী কয়া অমগী খোংচৎ অদুবু চুমথাংগী তোঙান-তোঙানবা মচুশিংগা চাংদম্নদুনা, শ্রী রাজনাথ সিংনা মরু ওইনা পনখি মদুদি ফজহনগে হায়রবদি চুমথাংগী মচু খুদিংমক চাং মান্ননা মশক তাকপগী তঙাইফদবা লৈ। অসুম্না ফিরেপ অসিনা হান্নগী প্রধান মন্ত্রী পুম্নমকপু ইকাইখুম্নবীনবা অনৌবা মমিং অমা থোনখি অমসুং কন্তেন্ত অসি দেমোক্রেতিকশু ওই।

*****