ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ରାଜସ୍ଥାନର ଡାଉସାଠାରେ ‘ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା’କୁ ‘ଗୋଦ୍ ଭରାଇ’ ଉତ୍ସବ ଭାବେ ପାଳନ କରିବାକୁ ପ୍ରଧାନମନ୍ତ୍ରୀଙ୍କ ପ୍ରଶଂସା
ପୋଷ୍ଟ କରାଯିବା ଦିନାଙ୍କ:
12 JUN 2023 6:45PM by PIB Bhubaneswar
ରାଜସ୍ଥାନର ଡାଉସାଠାରେ ‘ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା’କୁ ‘ଗୋଦ୍ ଭରାଇ’ ଉତ୍ସବ ଭାବେ ପାଳନ କରିବା ପଦକ୍ଷେପକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଶଂସା କରିଛନ୍ତି ।
ରାଜସ୍ଥାନର ଡାଉସା ସାଂସଦ ଶ୍ରୀମତୀ ଯଶକୌର ମୀନା ଏକାଧିକ ଟୁଇଟ କରି ସୂଚନା ଦେଇଥିଲେ ଯେ, ରାଜସ୍ଥାନର ଡାଉସାଠାରେ ‘ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା’କୁ ‘ଗୋଦ୍ ଭରାଇ’ ଉତ୍ସବ ଭାବେ ପାଳନ କରନ୍ତି । ଏଥିରେ ସମସ୍ତ ଗର୍ଭବତୀ ମହିଳା ଏକାଠି ହୁଅନ୍ତି ଏବଂ ସେମାନଙ୍କ ପିଲା ପାଇଁ ‘ପୋଷଣ କିଟ୍’ ଦିଆଯାଇଥାଏ ।
ସେ ଆହୁରି ସୂଚନା ଦେଇଛନ୍ତି ଯେ, ଏହି ଯୋଜନାରେ କେବଳ ରାଜସ୍ଥାନରେ ୨୦୨୨-୨୩ରେ ପ୍ରାୟ ୩.୫ ଲକ୍ଷ ମହିଳା ଉପକୃତ ହୋଇଛନ୍ତି ।
ଡାଉସା ସାଂସଦଙ୍କ ଟୁଇଟର ଉତ୍ତରରେ ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି:
‘ଡାଉସାର ଏହି ଅଭିନବ ପଦକ୍ଷେପ ‘ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା’କୁ ନୂଆ ଶକ୍ତି ଯୋଗାଇବ । ଏଥିରେ ମା’ଙ୍କ ସହ ଶିଶୁଙ୍କ ସ୍ୱାସ୍ଥ୍ୟ ସୁରକ୍ଷା ମଧ୍ୟ ସୁନିଶ୍ଚିତ ହେଉଛି’ ।
SR
(ରିଲିଜ ଆଡି: 1932851)
ପରିଦର୍ଶକ କାଉଣ୍ଟର : 197
ଏହି ରିଲିଜ ପଢନ୍ତୁ :
Bengali
,
Kannada
,
Telugu
,
English
,
Urdu
,
हिन्दी
,
Marathi
,
Manipuri
,
Assamese
,
Punjabi
,
Gujarati
,
Tamil
,
Malayalam