“ঐখোয়না পুন্সী কনবা, নুপীদা শক্তি শিন্নবা অমসুং পুন্সী মহিং লাইথোকহনবদা থৌদাং লৌবদা অফবা থক্নবা ইশিংগী থৌদাং উবা ফংলি”। ৱাফম অসি দা. ভি.কে. পৌল, মেম্বর (হেল্থ), নিতি আয়োগনা ঙসি মফম অসিদা ভারত্তা ‘হর ঘর জল’ প্রোগ্রামগী কানবশিংদা ফোংদোক্লিবা দবল্যু.ঐচ.ও.গী গ্রাউন্দব্রেকিং রিপোর্ত লান্থোকপগী থৌরমদা ফোংদোকখি। মহাক্না অকনবা ৱাফম থমদুনা হায়খি মদুদি “মীওই অমা অমসুং ইমুং-মনুংশিংগী পুন্সীদা ফিজিকেল্লি, মেন্তেল্লি অমসুং ফাইনান্সিএল্লি ইমপ্রুব ওইবদা দাইরেক্ত ইম্পেক্ত ওইবা অসিগুম্বা মখলগী প্রোগ্রাম অমত্তা লৈত্রি।” দা. পৌলনা প্রোগ্রামগী স্পীদ অমসুং স্কেলবু থাগৎখি অমসুং হায়খি, “সেকেন্দ খুদিংগী অনৌবা কনেক্সন পীরি অমসুং ঙসি ভারত্তা পব্লিক হেল্থ ত্রান্সফোর্ম তৌরি।”

রিপোর্ত অসিনা এস্তিমেত তৌরি মদুদি লৈবাক অসিদা য়ুমথোং খুদিংগীদমক অফবা থক্নবা ইশিং ফংহনবনা দাইরিনা লাইনানা থোকহনবা চাউরাক্না অশিবা ৪০০০০০ থিংবা ঙমগনি অমসুং ভারত্তা অফবা থক্নবা ইশিংগী য়ুনিবর্সেল কবরেজগা লোয়ননা দি.এ.এল.ৱাই. (দিসএবিলিতী এদজস্তেদ লাইফ ইয়ার) চাউরাক্না মিলিয়ন ১৪বু দাইরিয়া লাইনাদগী থিংবা ঙমগনি। এচিবমেন্ত অসি খক্তনা ওইনা $ বিলিয়ন ১০১ ফাওবা এস্তিমেতেদ কোস্ত সেবিং তৌগনি।

শ্রীমতি বিনিত মহাজন, সেক্রেতরী, দিপার্তমেন্ত ওফ দ্রিঙ্কিং ৱাতর এন্দ সেনিতেসন, মিনিস্ত্রি ওফ জল শক্তি, অমসুং দা. রজিব বাহল, সেক্রেতরী, দিপার্তমেন্ত ওফ হেল্থ রিসর্স, দাইরেক্তর জেনরেল, ইন্দিয়ন কাউন্সিল ওফ মেদিকেল রিসর্স, দা. রোদেরিকো ঐচ. ওফ্রিন, ভারত্তা দবল্যু.ঐচ.ও.গী মীহুৎসু শরুক য়াখি।

থৌরম অদুদা ৱা ঙাংলদুনা শ্রীমতী শ্রীমতি বিনিত মহাজন, সেক্রেতরী, দিপার্তমেন্ত ওফ দ্রিঙ্কিং ৱাতর এন্দ সেনিতেসন্না মিশনগী প্রোগ্রেস খংহনখি অমসুং হায়খি, “খুঙ্গংগী তোতি ইশিং কনেক্সন ২০১৯দা চাদা ১৬.৬৪দগী হেনগৎতুনা থা ৪১গী মতম মনুংদা চাদা ৬২.৮৪ ওইরে”। মিশনগী খোংজেলদা ফোংদোক্লদুনা শ্রীমতী মহাজন্না হায়খি মদুদি ২০২৩দা হৌজিক ফাওবদা চাংচৎতা সেকেন্দ খুদিংগী তোতি কনেক্সন অমা ফংহল্লি। মহাক্না মখা তাখি, “মসি খংবদা নুংঙাইবা ফাওই মদুদি মিশনগী এপ্রুব কোস্ত লুপা বিলিয়ন ৩,৬০০ (য়ু.এস. $ ৪৩,৬২)বু শরুক অনি হেন্না কনবা ঙমলে। মিশনদা য়ু.এস. $ বিলিয়ন ১০০.৮গী ভেল্যু ওইবা দি.এ.এল.ৱাই. মিলিয়ন ১৩.৮ থিংবা ঙম্বনা মরম ওইদুনা ওইথোক্লিবনি।”

মহাক্না মসিমসু হায়খি মদুদি “ইশিং অমসুং সেনিতেসনদা ইনবেস্ত তৌবনা ইকোনোমিক, এনভাইরনমেন্তেল, ক্বালিতী ওফ লাইফ অমসুং হেল্থ য়াওনা কানবা কয়া অমা ফংহল্লে। খুদোং থিনিংঙাই লৈতবা ইশিংনা লৌনগনবা অমসুং লৌনগনদবা লাইনা অনিমক্তগী কনলে। অর্সেনিক, ফ্লুরাইদ, হেভী মেতলনচিংবা জিওজেনিক কন্তামিনেন্তশিংনা মীওইশিংগী শোকহন্দুনা মখোয়গী প্রোদক্তিবিতী হন্থহল্লি। জল জীবন মিশনদা ভারত সরকারগী ইনবেস্তমেন্তনা হকশেলদা কানবা কয়া অমা পীরে হায়বা স্তদী অসিনা তাক্লে।”

দা. বাহল, দি.জি. আই.সি.এম.আর.না নাগরিকশিংদা অরুবা থক্নবা ইশিং ফংহনবদা হর ঘর জলগী এচিবমেন্তবু থাগৎপা ফোংদোকখি। মহাক্না হায়খি “জল জিবন মিশনদা ভারত সরকারগী ইবেস্তমেন্তনা হকশেলদা মরুওইবা ইফেক্ত পীরি হায়বা স্তদী অসিদগী খংলে।”

২০১৯গী মমাংদা খুঙ্গং লমদমশিংদা ৱাতর সপ্লাইগী ফিভম শিংনবা অমা ওইরম্মি। রিপোর্ত্তগী খংবা ঙম্মি মদুদি ২০১৮দা খুঙ্গংগী মীশিং চাদা ৪৪ য়াওনা ভারতকী অপুনবা মীশিংগী চাদা ৩৬গী নাক্তা মখোয়গী লৈফমশিংদা অফবা থক্নবা ইশিং ফংলমদে। এনালাইসিসনা উৎলি মদুদি ২০১৯দা সেফ ওইদবা থক্নবা ইশিং, মতিক চাদবা সেনিতেসন অমসুং হায়জিনগা লোয়ননা মালেমগী থাক্তা অশিবা মিলিয়ন ১.৪ অমসুং দি.এ.এল.ৱাই. মিলিয়ন ৭৪না কনত্রিব্যুত তৌখি।

ৱার্ল্দ হেল্থ ওর্গনাইজেসন (দবল্যু.ঐচ.ও.)না তোঙান তোঙানবা সস্তেনেবল দিবলপমেন্ত গোল (এস.দি.জি.) ইন্দিকেতরশিং মোনিতর তৌরি, মদুদা সেফ ওইনা মেনেজ তৌরবা থক্নবা ইশিং সর্বিস (ইন্দিকেতর ৬.১.১) অমসুং সেফ ওইদবা ইশিং, সেনিতেসন অমসুং হায়জিনগা মরী লৈননা শিবগী চাং (ইন্দিকেতর ৩.৯.২) শিজিন্নবা মীশিংগী প্রপোসন য়াওরি।

রিপোর্ত অসিনা তোতি ইশিং ফংহনবগী খুত্থাংদা নুপী অমসুং নুপীমচাশিংবু মতম অমসুং হোৎনমলসু পল্লি। ২০১৮দা ভারত্তা লৈরিবা নুপীশিংনা য়ুমগী মথৌ তাবা ইশিং শোকচিনবদা নুমিৎ খুদিংগী চাংচৎতা মিনিত ৪৫.৫ চংখি।

লাউথোকখিবা অদুদা শ্রীমতী বিনি মহাজন, সেক্রেতরী দি.দি.দবল্যু.এস.না জল জিবন মিশনগী শিংথানিংঙাই ওইরবা প্রোগ্রেস অদু ফংদোকখি। মহাক্না খংহনখি মদুদি খুঙ্গংগী তোতি ইশিং কনেক্সন ২০১৯দা চাদা ১৬.৬৪দগী হেনগৎতুনা থা ৪১গী মতম মনুংদা চাদা ৬২.৮৪ ওইদুনা মসিদা চহিগী ওইনা শুপ্নগী চাদা ০.২৩গা চাংদম্নবদা চাদা ১৩.৫গী ওইবা চাংচৎতা চহিগী হেনগৎপা অমা রিপ্রজেন্ত তৌরি।  

‘হর ঘর জল’ প্রোগ্রামগী মরমদা:

জল শক্তি মন্ত্রালয়গী মখাদা জল জিবন মিশন্না ইমপ্লিমেন্ত তৌবা হর ঘর জল প্রোগ্রাম অসি ২০১৯গী ওগস্ত ১৫দা প্রধান মন্ত্রী শ্রী নরেন্দ্র মোদীনা লাউথোকখি। প্রোগ্রাম অসিগী পান্দমদি খুঙ্গংগী য়ুমথোং খুদিংবু এদিক্বেত সপ্লাই অমগীদমক তোতিগী খুত্থাংদা অফবা থক্নবা ইশিং অহোংবা অমসুং রেগুলর এসেস ফংহনবনি। সেফ ওইনা মেনেজ তৌরবা থক্নবা ইশিং সর্বিসকীদমক এস.দি.জি. ৬.১দা প্রোগ্রেস মোনিতর তৌনবা ৱাতর সপ্লাই, সেনিতেসন অমসুং হায়জিন (জে.এম.পি.)গীদমক প্রোগ্রামগী কম্পোনেন্তশিং দবল্যু.ঐচ.ও./য়ুনিসেফ জোইন্ত মোনিতরিং প্রোগ্রামগা লোয়ননা চৎমিন্নরি।

******