কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা ঙসি হায়খি মদুদি, “নেস্নেল রোজগার মেলা” প্রধান মন্ত্রী নরেন্দ্র মোদীনা শাগৎলকপা তোপ-তোপ্পা কেন্সেপ্ত অসিনা সরকারগী রেক্রুইৎমেন্তকী থৌওংবু ইনস্তিত্যুস্নেলাইজ তৌখ্রে।

দা. জিতেন্দ্র সিংনা পর্সোনেল, পব্লিক গ্রীভান্সেস অমসুং পেন্সন্সকী মন্ত্রালয়না চহি ৯ অসিদা মাইপাক্লকখিবশিং অদুগী মতাংদা মীদিয়াদা খঙহল্লদুনা, দা. জিতেন্দ্র সিংনা হায়খি, এদমিনিস্ত্রেতিবঅমসুং গোবর্নেন্সতা পুরকখিবা অহোংবশিং অয়াম্বগী হোলমার্ক অসি নহাশিংদা য়ুমফম ওই অমসুং স্কীম কয়া অমগী খুত্থাংদা থবক্কী খুদোংচাবা মিলিয়ন কয়া অমা পীবা নত্তনা,  রোজগার মেলানা নহাশিংদা সরকারগী থবক ফংহন্নবগী য়াম্না মরু ওইবা অমসুং য়াম্না চাউবা অনৌবা থৌরাং অমা ওইরি।

মন্ত্রী অসিনা খঙহল্লকখি মদুদি রোজগার মেলা অসিগী খুত্থাংদা, কেন্দ্র সরকার অমসুং মসিদা খুৎশম্নদুনা থবক তৌমিন্নরিবা রাজ্য সরকারশিংনা মিসন মোদতা লাখ ১০গী এপোইন্তমেন্ত য়েন্থোক্লগনি।

দা. জিতেন্দ্র সিংনা প্রধান মন্ত্রী মোদীনা ২০২৩গী মেগী রোজগার মেলাদা হায়খিবা, “হৌখিবা চহি ৯ অসিদা সরকারনা রেক্রুইৎমেন্ত তৌবগী থৌওং অদুবু হেন্না য়াংশিনহন্দুনা, শেংনা তৌদুনা অমসুং অচান-মীরাই অমত্তা লৈহন্দদুনা মসিদা মরু ওইবা পীখি”। মহাক্না রেক্রুইৎমেন্ত তৌবগী থৌওংদা মায়োক্নখিবা অৱাবশিং অদুবুশু নিংশিংলদুনা মহাক্না হায়রকখি মদুদি প্রধান মন্ত্রীনা খঙহল্লকখি মদুদি স্তাফ সেলেক্সন বোর্দনা অনৌবা রেক্রুইৎশিং অদুবু থবক পীবদা চাউরাক্না থা ১৫-১৮ ফাওবা চংকি অদুবু ঙসিদি থা ৬-৮ খক্তমক চংলে।

অতোপ্পা য়ুথ–সেন্ত্রিক ওইবা রেক্রুইৎমেন্ত রিফোর্মশিং অদুবু পল্লদুনা, দা. জিতেন্দ্র সিংনা হায়খি, গ্রুপ বি. নন গেজেত্তেদ অমসুং অসিগী মখাগী পোস্তশিংগীদমক্তা ইন্তর্ভ্যুশিং লৌথোকখ্রে, মসিনা ত্রান্সপরেন্সী হেনগৎহনখ্রে, পেপর-বেজদ একজামশিংগী মহুত্তা কমপ্যুতর-বেজদ একজামিনেশনশিং হৌদোরকপা, এস.এস.সি. একজামশিং পোস্ত কয়া অমগীদমক্তা রিজেনেলগী ওইবা লোনদা থাবা য়াহনবনা সরকারগী থবকশিংদা নহাশিংনা শরুক য়াবা হেনগৎলকখ্রে। 

চহি মাপল অসিগী এদমিনিস্ত্রেতিব রিফোর্মশিং অদুবু পল্লদুনা, দা. জিতেন্দ্র সিংনা হায়খি, “মিসন কর্ময়োগি” অসি পেরদাইম সিফ অমা পুরক্কদবা – “রুলস-বেজদ” এপ্রোচতগী “রোলস-বেজদ” লর্নিংদা ওন্থোক্নবা কেপাসিতী বিল্দিংগীদমক্তা প্রধান মন্ত্রী, নরেন্দ্র মোদীনা পুথোরকখিবা অমসুং হৌদোরকখিবা অসিনা গেম-চেঞ্জিং রিফোর্ম অমা ওইরগনি। মহাক্না খঙহল্লকখি মদুদি অনৌবা রেক্রুইৎশিংদা অহৌবগী ত্রেনিং পীনবা কোর্সশিংগী ওনলাইন মোদ্যুল কর্ময়োগি প্রারম্ভহৌদোকখ্রে। মসিগী মথক্তা মফম অমহেক্তদা ফংহন্নবা, মতম অমা হেক্তদা তম্নবা আই.জি.ও.তি. কর্ময়োগি এপ লোঞ্চ তৌখি।

মন্ত্রী আসিনা খঙহল্লকখি মদুদি কেপাসিতী বিল্দিংদা থাজনিংঙাই ওইবা অমসুং চাং মান্নবা এপ্রোচ অমা শেমগৎনবগীদমক্তা কেপাসিতী বিল্দিং কমিসন (সি.বি.সি.) লিংখৎখি। সি.বি.সি.না নেস্নেল স্তেন্দার্দস ফোর সিভিল সর্বিস ত্রেনিং ইনস্তিত্যুশনশিং হৌদোকখ্রে। মআক্না হায়খি, সেন্ত্রেল ত্রেনিং ইনস্তিত্যুশন খুদিংমক্তা সেন্তর ফোর এক্সেলেন্স থমখ্রে। সি.বি.সি.না চহি অমগী ওইবা কেপাসিতী বিল্দিং প্লান অমা দেবেলপ তৌবদা মন্ত্রালয়শিং/দিপার্তমেন্তশিং/ওর্গনাইজেশনশিং (এম.দি.ও.শিং)বু মতেং পাংলি। ২০২৩গী জুন ১১দা নেস্নেল ত্রেনিং কনক্লেব হৌদোক্লগনি।

পর্সোনেল মেনেজমেন্তকী নোদল মন্ত্রালয় অমা ওইরিবা পর্সোনেল মন্ত্রালয়না লৌখৎখিবা পাম্বৈশিং অদুগী মতাংদা খঙহল্লদুনা, দা. জিতেন্দ্র সিংনা হায়খি, দি.ও.পি.তি.না কেন্দ্র সরকারগী থবকশিংদা নুপীশিংনা শরুক য়াবা হেনগৎনবা অমসুং মখোয়দা শিনফম অমসুং ইমুং-মনুংগী পুন্সি অনিসিগী মরক্তা অকাইবা লৈতনবা য়াম্না কন্না হোৎনরি।

মন্ত্রী অসিনা চাইল্দ কিয়র লীব (সি.সি.এল.)গী খুদম পীখি অমসুং হায়খি মদুদি সি.সি.এল. নুমিৎ ৭৩০নিগী গ্রান্ত অদুগী মখাতাবা ওইনা অনৌবা পাম্বৈশিংশু লৌখৎখ্রে অমসুং মসিশু চাইল্দ কিয়র লীবতা লৈবা এমপ্লোয়ীগুম্না মতিক চাবা ওথোরিতীদগী মাংজৌননা অয়াবা লৌরবা মতুংদা হেদক্বার্তরদগী লীব লৌবা য়াগনি, এমপ্লোয়ী অদুনা সি.সি.এল.দা লৈরিঙৈদা লীব ত্রাভেল কন্সেসন (এল.তি.সি.) লৌবা য়াগনি অমসুং মতিক চাবা ওথোরিতীশিংদগী মাংজৌননা ক্লিয়রেন্স লৌরবা মতুংদা মপান লমদা চৎপশু য়াগনি। মসিগী মথক্তা চাইল্দ কিয়র লীবকীদমক্তা খ্বাইদগী য়ামদবা মতম অদু নুমিৎ ১৫নি মেন্দেতরী ওইরম্বদগী নুমিৎ ৫নিদা হন্থখ্রে অমসুং সি.সি.এস. (লীব) রুলশিংগী রুল ৪৩-সি.গী প্রোভিজনশিং অদুগী মখাদা চাইল্দ কিয়র লীব লৌরিবা সরকারগী কর্মচারী অদুগীদমক্তা ময়ামগা মীমান্নদ্রবা অঙাং অমগী কেসতা চহি ২২গী অকক্নবা চহি থম্লবদু লৌথোকখ্রে

দা. জিতেন্দ্র সিংনা ময়ামগা মীমান্নদ্রবা নুপী এমপ্লোয়ীশিংগীদমক্তা চাইল্দ কিয়রগীদমক্তা ২০২২গী জুলাই ০১দগী চৎনবা হৌদুনা থা খুদিংগী লুপা ৩০০০/-গী অখন্নবা এলোৱেন্স পীখ্রে হায়নশু পনখি, হায়রিবা অসি দি.এ.দা ৫০% হেনগত্তুনা ২৫% হেনগৎলক্কনি।

অসিগুম্না, এন.পি.এস.কী মখাদা কোভর তৌবা মফম খংদনা মাংখিবা এমপ্লোয়ীশিংগী ইমুং-মনুংশিনা হৌজিক্তি এফ.আই.আর. অমা চনশিল্লবা মতুংদা থা ৬কী মনুংদা ফেমিলী পেন্সন ফংলগনি অমসুং এমপ্লোয়ী অদুনা লৈখিদ্রে হায়না লৌরবা মতুংদা চহি ৭ ঙাইনবগী মথৌ তাররোই। সরকার কর্মচারী অদুনা মহাক্কী চহি ৭কী সর্বিস মপুং ফাদ্রিঙৈগী মমাংদা লৈখিদবআ মতমদশু, ফেমিলী পেন্সন অদু ইমুং-মনুংশিং অদুদা মহাক্কী খ্বাইদগী অরোইবদা ফংখিবা তোলোপ অদুগী ৫০%গী চাংদা হেনগত্তুনা অহৌবগী চহি ১০ অদু পীরগনি অমসুং মসিগী মতুং তারকপা মহাক্কী অরোইবদা ফংখিবা তোলোপ অদুগী ৩০%দা পীগনি। 

গোবর্নেন্সতা ত্রান্সপরেন্সী অমসুং একাউন্তেবিলিতী লৈবগী মতাংদা ঙাংলদুনা, শ্রী সিংনা হায়খি মদুদি য়াম্না লিংবা গ্রীভান্স রিদ্রেসল মেকানিজম্না য়াম্না শেংবা অমসুং নিংথিনা মথৌ তৌবা সরকারগী বেঞ্চমার্কনি। দিসপোজল তৌবদা অহোংবা পুরক্নবা অমসুং তাইম লাইনশিং হন্থহন্নবগীদমক্তা খোংথাং ১০গী ওইবা সি.পি.জি.আর.এ.এম.এস. রিফোর্মস প্রোসেস এদোপ তৌখ্রে, মসিনা চয়োল খুদিংগী দিসপোজল তৌবগী চাং অদু ৯৫তগী ১০০% ফাউবা য়ৌহনখ্রে। কেন্দ্রগী মন্ত্রালয়শিং/ দিপার্তমেন্তশিংগী দিসপোজল তৌবগী তাইমলাইন অদু ফগৎলক্তুনা চাংচত্তা ২০২১দা নুমিৎ ৩২ ওইরম্বদগী ২০২২দা নুমিৎ ২৭নি অমসুং ২০২৩গী এপ্রিলদা নুমিৎ ১৭নি ওইখি।

দা. সিংনা হায়রখখি স্বচছতা ১.ও অমসুং ২.০ কেমপেনশিং মাইপাক্না শিনবগীদমক্তা মদুদি দি.এ.আর.পি.জি. তীম্বু মীয়াম্না থাগৎনরকখি। খ্বাইদগী অহানবা ওইনা খুনাই অসিদা স্বচছতানা শেল তানবা য়াই হায়বসি ফাওবদা হৌনরকখি। স্বচছতা কেমপেন ২.০ অসি ওফিস সাইত লাখ অমা হেন্নদা পাংথোকখি, স্ক্ব্যার ফীত লাখ ৮৯.৯৫ হেন্না হাংহনখি অমসুং ইলেক্ত্রোনিক স্ক্রেপ য়াওনা ওফিসকী স্ক্রেপ দিসপোজল তৌবদগী লুপা করোর ৩৭০.৮৩গী শেনফম ফংবআ ঙমখি। মসিগী মথক্তা, দা. জিতেন্দ্র সিংনা হায়খি মদুদি কোবিদ লাকপা মতমদা, মন্ত্রালয়দা নোংমতা ফাওবা থবক্তা অকাইবা লৈখিদে, মসিগী ওন্ন-তৈনবদা করিগুম্বা মতমদা আউৎপুত হেন্না লাকপদুম য়াওরি।

দিজিতেল ত্রান্সফোর্মেশনগী মতাংদা ঙাংলদুনা, মন্ত্রীনা হায়খি মদুদি ই-ওফিস ভর্জন ৭.০ অসি সেন্ত্রেল সেক্রেতরিয়েতকী মন্ত্রালয়/ দিপার্তমেন্ত ৭৫দা শিজিন্নখ্রে। ঙসিদি সেন্ত্রেল সেক্রেতরিয়েত্তা ফাইল পুম্নমক্কী চাদা ৮৯.৬তি ই-ফাইলশিং ওইনা ওন্থোকখ্রে, মসিমক য়াম্না থাগৎনিংঙাই ওইবা মাইপাকপা অমনি। ২০২২দা, দি.এ.আর.পি.জি.না সরকারগী থবক-থৌওংশিং অমসুং প্রোসিজরশিংদা লাইথোকহন্নবা, এন্না ফজনা তৌবা ঙম্নবা অমসুং য়াম্না শেংনা থবক তৌনবা সেন্ত্রেল সেক্রেতরিয়েত মেন্যুৱল ওফ ওফিস প্রোসিজর (সি.এস.এম.ও.পি.) শেমখি, মসিনা মরম ওইরগা রেসপোন্সিব অমসুং একাউন্তেবল ওইবা গোবর্নেন্স অমা পুরকখি।

দা. জিতেন্দ্র সিংনা নেস্নেল রোজগার মেলাদা ইন্নোভেতিব ওইবা অহোংবা অমা লাক্লে, সিভিল সর্ভেন্তশিংগীদমক্তা মচাদগী অচৌবা ফাওবা য়াম্না লিংবা কেপাসিতী বিল্দিং অমসুং ত্রেনিং ফ্রেমৱার্ক অমা, আর্তিফিসিয়েল ইন্তেলিজেন্সগুম্বা তেক্নোলোজী য়াম্না হেন্না শিজিন্নবা অমসুং ৱাখল্লোনশিংগী তাথোক-তাশিন তৌননবগীদমক্তা “চিন্তন শিৱিরশিং”বু য়াম্না তৌইনা পাংথোকপা অসিনা মন্ত্রালয় অসিনা থাংগদবা তুংগী লম্বিশিংনি হায়বা ৱাফমশিং অসি থম্লদুনা ৱারোইশিন তাখি।

<><><><><>