প্রধান মন্ত্রী, শ্রী নরেন্দ্র মোদীগী “সাহকার সে সমৃধি”গী ভিজনবু ফংনবগী মাইকৈদা, ভারত সরকার অসিনা মরু ওইবা ৱারেপ মঙা লৌখ্রে। মসিগী ৱারেপ অসি কেন্দ্রগী হোম অমসুং কোওপরেশনগী মন্ত্রী, শ্রী অমিত শাহগা কেমিকেল অমসুং ফর্তিলাইজরগী মন্ত্রী, শ্রী মন্সুখ মান্দৱিয়াগা নই দিল্লীদা পাংথোকখিবা মীফম অদুদা লৌখিবনি। কোওপরেশন মন্ত্রালয় অমসুং দিপার্তমেন্ত ওফ ফর্তিলাইজরগী অৱাংবা থাক্কী ওফিসিয়েলশিংনশু মীফম অসিদা শরুক য়াখি।

মীফম অদুদা মখাগী মরু ওইবা ৱারেপ ৫ অসি লৌখি-

১. লৈবাক শিনবা থুংনা প্রিআমরী এগ্রিকলচরেল ক্রেদিৎ কোওপরেতিব সোসাইতী চাউরাক্না লাখ ১ রোম লৈ।

২. হৌজিক-হৌজিকমক প্রধান মন্ত্রী কিসান সমৃধি কেন্দ্রশিং (পি.এম.কে.এস.কে.) ওইনা মথৌ তৌদবা পি.এ.সি.এস. অদু পি.এম.কে.এস.কে.গী মিৎয়েং মখাদা থম্লগনি।

৩. পি.এ.সি.এস. অসি ওর্গানিক ফর্তিলাইজরশিং, মরু ওইনা ফর্মেন্তেদ ওর্গানিক মেন্যোর (এফ.ও.এম.)/ লিক্বিদ ফর্মেন্তেদ ওর্গানিক মেন্যোর (এল.এফ.ও.এম.)/ ফোস্ফেত এনরিচদ ওর্গানিক মেন্যোর (পি.আর.ও.এম.)গী মার্কেত্তিংগা কেনেক্ত তৌরগনি।

৪. দিপার্তমেন্ত ওফ ফর্তিলাইজরগী মার্কেত দেবেলপমেন্ত এসিস্তেন্স (এম.দি.এ.)স্কীম মখাদা, ফর্তিলাইজর কমপনীশিংনা অপিকপা বায়ো-ওর্গানিক প্রোদ্যুসরশিংশাবা লোইরবা প্রোদক্ত অদুবু য়োন্নবগীদমক্তা এগ্রিগেতর অমা ওইনা থবক তৌরগনি, মসিগী বায়ো-ওর্গানিক ফর্তিলাইজরশিংগী পি.এ.সি.এস.গী সপ্লাই অমসুং মার্কেতিং চেন অসিবুশু হোসেলরশিং/রিতেলরশিং ওইনা মসিদা য়াওরগনি।

৫. ফর্তিলাইজরশিং অমসুং পেস্তিসাইতশিং চাইনবগীদমক্তা পি.এ.সি.এস.বু দ্রোন এন্ত্রপ্রেনরশিং ওইনা থবক তৌহনবা য়াগনি। প্রোপর্তী সর্ভেগীদমক্তা দ্রোনশিংশিজিন্নবশু য়াগনি।

মসিগী ৱারেপশিং অসিগী কানবশিং: মসিগী মরুওইবা ৱারেপশীং অসিনা প্রিআমরী এগ্রিকলচরেল ক্রেদিৎ সোসাইতীশিংগী ইনকম হেনগৎহল্লগনি, লোইন-লোইননা খুঙ্গংগী লমশিংদা থবক্কী খুদোংচাবশিং হেনগৎহল্লগনি অমসুং লৌমীশিংনা লোকেলগী থাক্তা ফর্তিলাইজরশিং, পেস্তিসাইতশিং, মরু-মরাংশিং অমসুং এগ্রিকলচরেল মেছিনরী ফংবা ঙম্লগনি।

***