Ka Tnat Kam Pohiing jong ka Sorkar Pdeng

Thaw ka Sorkar India ia ka Komiti na ka bynta ka Jingiasuk ha Manipur hapoh ka jingialam jong u Lat ka Jylla, Manipur

Posted On: 10 JUN 2023 1:04PM by PIB Shillong

Ka Sorkar India ka la thaw ia ka Komiti na ka bynta ka Jingiasuk ha Manipur hapoh ka jingialam jong u Lat ka Jylla, Manipur. Ki dkhot jong ka komiti ki kynthup u Myntri Rangbah, katto katne ki Myntri ka Sorkar Manipur, ki MP, MLA bad ki nongialam na ki seng sain pyrthei. Ka komiti ka kynthup ruh ia ki nongtrei sorkar barim, ki nonghikai, ki nongthoh kot, ki barikor, kito kiba trei ha ki kam kiba iadei bad ka imlang sahlang bad ki nongmihkhmat na ki jaitbynriew bapher bapher.

Ka kam ba la buh hakhmat jong kane ka komiti ka dei ban plie lad ia ka jingiasuk hapdeng ki jaitbynriew bapher bapher jong ka jylla, kaba kynthup ruh ia ka jingiakren hapdeng ki kynhun kiba dan ia umsnam. Ka komiti ka dei ban pynkhlain ia ka jingiatylli ha ka imlang sahlang, ka jingiasngewthuh jingmut bad ka dei ruh ban plie lad ia ka jingiakren hapdeng ki jaitbynriew bapher bapher.

U Myntri Sorkar Pdeng ba dei khmih ia ki tnat Kam Pohiing bad Cooperation, u Amit Shah u la don ha Manipur naduh ka 29 tarik u Jymmang 2023 haduh ka 1 tarik u Jylliew 2023 bad u la pynbna ia ka jingseng ia ka Komiti na ka bynta ka Jingiasuk hadien ba u la leit peit ia ki jinglong jingman ha Manipur.

*****



(Release ID: 1931335) Visitor Counter : 108


Read this release in: Marathi , English , Urdu , Hindi , Assamese , Manipuri , Bengali , Odia , Tamil , Telugu , Kannada