অকোইবগী ফিভম অমসুং ঊমংগী মন্ত্রালয়
মিসন লাইফতা অকনবা মীৎয়েং অমা থমদুনা ৱার্ল্দ ইনভাইরোনমেন্ত দে ২০২৩ পাংথোকখ্রে
শেন-থুম চাউখৎনবা অমসুং ইকোলোজি অমসুং মহৌশাগী অকোয়বগী ফিবম ঙাক-শেন্নবা অমসুং কন্নবা অনিমক্তা ভারতনা পায়খৎলিবা থবকশিংদা লাইফতা অখন্নবা মীৎয়েং থম্বগা লোয়ন্না ভিদিও মেসেজগী খুৎথাংদা প্রধান মন্ত্রীনা মীয়ামদা ৱা ঙাংখি
ৱার্ল্দ ইনভাইরোনমেন্ত দে থৌরমদা শ্রী ভুপেন্দ্র যাদবনা ৱা ঙাংখি
লাইফস্তাইল ফোর ইনভাইরোনমেন্ত (লাইফ)কী দিজিতেল একজিবিসন য়েংখি
রামসার সাইতশিংগী লল্লোংশিং থবক ওইনা পায়খৎনবা অমৃত ধারোহর অমসুং মেঙগ্রোব ইনিসিএতিপ ফোর সোরলাইন হেবিতেৎস এন্দ তেঞ্জিবল ইনকমস (মিস্তি) হৌদোকখ্রে
লাইফগী মতাংদা পাংথোকখিবা মালেম থাক্কী অনৌবা ৱাখল্লোনশিং অমসুং পেপরশিংগী চাংদম্নবদা মনা ফংলবশিং ইকায়খুম্নবা উৎখ্রে
Posted On:
05 JUN 2023 4:39PM by PIB Imphal
মিসন লাইফতা অকনবা মীৎয়েং অমা থমদুনা জুন ৫, ২০২৩দা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রি, ভারত সরকারনা শীন্দুনা ৱার্ল্দ ইনভাইরোনমেন্ত দে পাংথোকখ্রে। কোপ ২৬তা গ্লাস্কোদা পাংথোকপা মালেমগী লুচিংবশিংগী মীফমদা প্রধান মন্ত্রীনা লাইফ (লাইফস্তাইল ফোর ইনভাইরোনমেন্ত) হৌদোকখি, অকোয়বগী ফিবমগা চুনবা পুন্সি মহিং অমসুং থবকশিং পায়খৎনবা মালেমগী ওইবা খোঙজং অমা পায়খৎনবা মহাক্না তকশিনখি।
মিসন লাইফকী মথক্তা, থিম ৭তা লনাই মীওই অমনা পাংথোক্কদবা লাইফ থবক ৭৫ গী পরেং অমা ফোংলে, লোয়ন্না থিমশিং অদুদি-ঈশিং তুংশিনবা, ইনর্জি তুংশিনবা, অমোৎপা পুথোকপা হন্থহনবা, ই-ৱেস্ত হন্থহনবা, শিঙ্গল-য়ুজ প্লাস্তিক হন্থহনবা, তুংকোইগদবা চীঞ্জাক পুথোক্নবা থবকশিং অমসুং অফবা পুন্সি মহিং চৎনবা অসিনি। চহি অসিগী ৱার্ল্দ ইনভাইরোনমেন্ত দেগী থিমদি “ প্লাস্তিক পোল্লুসন থিংনবা পাম্বৈশিং” মিসন লাইফকী থিম ৭গী থিম অমগা মান্নরিবা: “শিঙ্গল-য়ুজ প্লাস্তিক শীজিন্নবা তোকসি” হায়বা অসিনি অমসুং মসিগা লাইফকী থবকশিং পায়খৎপগা মরী লৈনরে।
ঙসি ভিদিও মেসেজগী খুৎথাংদা প্রধান মন্ত্রী শ্রী নরেন্দ্র মোদীনা ৱার্ল্দ ইনভাইরোনমেন্ত দে থৌরমদা তিনখিবা মীয়ামদা ৱা ঙাংখি। মহাক্না হায়খি ২০১৮দগী শিঙ্গল-য়ুজ প্লাস্তিক শীজিন্নবা লেপ্নবা থাক অনিদা ভারতনা থবক তৌরি। অতোপ্পা অমদা, ঐখোয়না শিঙ্গল-য়ুজ প্লাস্তিক থিংলে অমসসুং অতোপ্পা অমদা, প্লাস্তিক ৱেস্ত লোইশিনবা তঙাইফদবা ওইহল্লে।
প্রধান মন্ত্রীনা হায়খি অইং-অশাগী ফিবম হোংলকপা অমসুং অকোয়বগী ফিবম ঙাক্নবা নাখৈ শেংবা পান্দম অমগা লোয়ন্না ২১শুবা চহিচাগী ভারত মাঙলোমদা চঙশিল্লি। হৌজিক্কী দরকার ওইবশিং অমসুং তুংগী পান্দম ভারতনা থোং মান্ননা থম্লি। লায়রবশিংগী মনুংদা খ্বাইদগী লায়রবশিংদা দরকার ওইবশিং ফংহল্লে অমসুং তুংগী দরকার ওইবা ইনর্জিগী য়েংদুনা অচৌবা খোঙথাংশিং থাংজিল্লে। হৌখিবা চহি ৯ অসিদা মমাঙদা অমুক্তা ওইখিদ্রবা মওংদা ভারতনা মৈখু চেন্দবা ইনর্জিদা মীৎয়েং চঙলে। সোলার পৱার অমসুং এল.ই.দি ব্লবশিংনা মীওই কয়াগী শেন কনবা অমসুং অকোয়বগী ফিবম ঙাক-শেনবদা মতেং পাংলে। ভারতনা মিসন গ্রিন হায়দ্রোজেন হৌরে অমসুং কেমিকেল হারশিংদগী লৈবাক লৈহাও অমসুং ঈশিং কন্নবা মহৌশাগী লৌউ পথাপকী মাইকৈদা অচৌবা খোঙথাংশিং থাঙজিল্লে। হৌখিবা চহি ৯দা, মমাঙগা চাংদম্নবদা ভারত্তা পাৎ অমসুং রামসার সাইত মশিং শরুক ৩ হেনগৎলে। গ্রিন ফিউজর, গ্রিন ইকোনোমি কেম্পেনশিংগী মখাদা তাবা ওইনা অহেনবা স্কিম অনি ঙসি হৌদোক্লে হায়বা ঐ খঙলে। মীয়াম শরুক য়াহন্দুনা রামসার সাইতশিং ঙাক-শেন্নবা ঙসিদগী ‘অমৃত ধারোহার য়োজনা’ হৌদোক্লে। তুংদা হায়রিবা রামসার সাইতশিং অসি ইকো-তুরিজমগী মফম অমা ওইরক্লগনি অমসুং মীওই লিশিং কয়া গ্রিন জোব ফংনবা মফম অমা ওইরগনি। অনিশুবা স্কিম ‘মিস্তি য়োজনা’ অসিনা লৈবাক অসিগী মেঙগ্রোব ইকোসিস্তেম ঙাকথোক্কনি। লৈবাক অসিগী রাজ্য ৯দা মেঙগ্রোবশিং হান্নগী ফিবমদা হঞ্জিনহলগনি অমসুং সমুদ্রগী ঈশিং ইমায় হেনগৎলকপা অমসুং নোংলৈ-নুংশিৎনা মরম ওইদুনা সমুদ্র মপানশিংগী শরুকশিংদা হিংবদা শিংনবা অমসুং হিংনবা লম্বীদা অকায়বা পীবদগী ঙাকথোকপা ঙমগনি। মতম কয়াগী মমাঙদগী মালেমগী অচৌবা লৈবাকশিংনা কনাগুম্বা অমগী লৈবাক অমা চাউখৎনবা নমুনাগী ৱাখল খনবা মতমদা মহৌশাগী অকোয়বগী ফিবমগী মখোয়না ৱারম্মী। হায়রিবা লৈবাকশিং অসিনা চাউখৎপগী পান্দমশিং ফংবা ঙম্লবসু, মালেম শীনবা থুংনা মহৌশাগী অকোয়গী ফিবম্না মদুগী ফত্তবা ফল ফংলে। ঙসিদি চাউখৎলবা অমসুং চাউখৎলক্লিবা লৈবাকশিংনা চাউখৎলবা লৈবাক খরগী অরানবা থৌশিলশিংনা মরম ওইদুনা অৱাবা মায়োক্নরি। চহিচা কয়া, চাউখৎলবা লৈবাক খরগী ৱাখল্লোন অসি লৈবাক অমতনা লেপহনবা ঙমদ্রি। অসিগী লৈবাকশিংগী মমাঙদা ক্লাইমেত জর্জতিসকী মতাংদা ভারতনা ৱাফম কয়া পুখৎলে।
থৌরম অদুদা ২০২৩দা ইনভাইরোনমেন্ত, ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর শ্রী ভুপেন্দ্র যাদব শরুক য়াখি অমসুং মিসন লাইফকী মতাংদা পাংথোকপা অয়েকপা লাইশিং অমসুং দিজিতেল একজিবিসন য়েংখি অমসুং মীয়ামদা ৱা ঙাংখি। মহাক্না হায়খি প্রধান মন্ত্রীনা ২০১৮দা পাংথোকখিবা ৱার্ল্দ ইনভাইরোনমেন্ত দেদা প্লাস্তিক্কী অৱাবশিং কোক্নবা পাম্বৈ পুথোক্নবা তকশিনখি। মহাক্কী ৱাফম অসিদগী ভারতনা ২০২২দগী শিঙ্গল-য়ুজ প্লাস্তিক্কী পোৎলমশিং শাবা, মপান্দগী পুশিল্লকপা, পৈশিন্দুনা থম্বা, য়েন্থোকপা অমসুং য়োনবা অমসুং শীজিন্নবা থিংলে। মসিগী থবক অসি লৈবাক মনুং খক নত্তনা মালেমগী লৈবাকশিংনা থাগৎনরে। ঙসি ভারতনা কোলিএসন ফোর দিজাস্তর রিসিলিয়েন্ত ইনফ্রাস্ত্রকচর(সি দি আর আই) অমসুং ইন্তরনেসনেল বিগ কেত এল্লাইন্সগুম্বা ওর্গনাইজেনশিংগী হৌরকফম ওইরে। মসি অচৌবা কৈ কয়া কন্নবা মাইকৈদা থাংজিনবা অচৌবা খোঙথাংনি।
মিনিস্ত্রিশিং অমসুং ইন্সিতিতুৎশিংনা থৌরমশিংগী পাউদমশিং অপলোদ তৌনবা মেরি লাইফ পোর্তেল (merilife.org) শেমগৎলে। মেরি লাইফ পোর্তেলদা ফংবা পাউগী মতুংইন্না, থা অসিগী মনুংদা লৈবাক শীনবা থুংনা মীওই করোর ২ রোম শরুক য়াদুনা থৌরম লাখ ১৩ হেন্না পাংথোকখি অমসুং মীওই করোর ১.৮ না ৱাশক লৌখি।
থৌরম অসিদা মিনিস্ত্রিনা অমৃত ধরোহর অমসুং মিস্তি কৌবা থৌরম অনি হৌদোক্লে। মীয়াম শরুক য়াহন্দুনা রামসার সাইতশিং ঙাক-শেন্নবা ঙসিদগী ‘অমৃত ধারোহার য়োজনা’ হৌদোক্লে। তুংদা হায়রিবা রামসার সাইতশিং অসি ইকো-তুরিজমগী মফম অমা ওইরক্লগনি অমসুং মীওই লিশিং কয়া গ্রিন জোব ফংনবা মফম অমা ওইরগনি। অনিশুবা স্কিম ‘মিস্তি য়োজনা’ অসিনা লৈবাক অসিগী মেঙগ্রোব ইকোসিস্তেম ঙাকথোক্কনি। লৈবাক অসিগী রাজ্য ৯দা মেঙগ্রোবশিং হান্নগী ফিবমদা হঞ্জিনহলগনি অমসুং সমুদ্রগী ঈশিং ইমায় হেনগৎলকপা অমসুং নোংলৈ-নুংশিৎনা মরম ওইদুনা সমুদ্র মপানশিংগী শরুকশিংদা হিংবদা শিংনবা অমসুং হিংনবা লম্বীদা অকায়বা পীবদগী ঙাকথোকপা ঙমগনি।
জুন ৫,২০২২দা নিতি অয়োগনা পাংথোকখিবা অনৌবা ৱাখল্লোনশিং অমসুং পেপরশিংগী চাংদম্নবদা মনা ফংলবশিংদা মনা য়েন্থোকপগী থৌরম অমা পাংথোকখি। য়ুনিয়ন মিনিস্তরনা নিতি অয়োগকী চাংদম্নবা অদুদা মনা ফংলবা মীওই ৫দা মনাশিং য়েন্থোকখি।
মসিগী মথক্তা নেসনেল মিউজম ওফ নেচরেল হিস্তরিনা য়ুনাইতেদ নেসন্স ইনভাইরোনমেন্ত প্রোগ্রাম, ইন্দিয়ানা শীন্দুনা ক্লাস ৮দগী ক্লাস ১২ ফাওবগী স্কুল মহৈরোয়শিংগী লাইয়েকপা চাংদম্নবা অমা পাংথোকখি। রাজ্য ২৫ অমসুং য়ু.তি ৪দগী অপুনবা লাই ৫,৯৮০ লাকখি। চাংদম্নবা অদুদা মাইপাক্লবা মহৈরোয় ৩দা য়ুনিয়ন মিনিস্তরনা মনা য়েন্থোকখি।
নিতি অয়োগনা পুথোকপা থিঙ্কিং ফোর অৱার প্লানেত, মাইন্দফুল লিভিং. অমসুং থোদ লিদরশিপ ফোর লাইফ কৌবা খোমজিনবা লাইরিক অমা শ্রী যাদবনা ফোঙখি।
***
(Release ID: 1930714)
Visitor Counter : 122