ইকায়খুম্নরবা প্রধান মন্ত্রী ‘প্রাচান্দা’ জি, লৈবাক অনিগী মীহুৎ কাংবুগী মেম্বরশিং, মেদিয়াগী মরুপ-মপাংশিং ,

খুরুমজরি!
অহানবদা, ঐনা প্রধান মন্ত্রী প্রাচান্দা জি অমসুং ভারতকী দেলিগেসন ভারত্তা তরাম্না ওকচরি। চহি ৯গী মমাঙদা, ২০১৪দা, ওফিস পায়বা থা অহুমগী মনুংদা, ঐনা অহানবা ওইনা নেপালদা চৎখিবা অদু ঐ নিংশিংলি।  মতম অদুদা ঐনা ভারত-নেপাল মরীগী “হিত” ফোর্মুলা অমা পুথোকখি, হিত-হায়ৱেজ, আই-ৱেজ অমসুং ত্রান্স-ৱেজ। ঐখোয়গী ঙমখৈ অসিনা ঐখোয়দা অপনবা ওইদনবা ভারত অমসুং নেপালগী মরক্তা অসিগী লিঙ্ক অমা লৈহন্নবা ঐনা ফোঙদোকখি। ত্রকশিংগী মহুত্তা পাইপলাইনগী খুৎথাংদা থাউ য়োনগদবনি। অপুনবা তুরেলশিংগী মথক্তা থোঙশিং শাগদবনি।  নেপালদগী ভারত্ত মৈ য়োন্নবা থৌরাং তৌগদবনি।

মরুপশিং,

ঙসিদি, চহি ৯গী মতুংদা, ঐখোয়গী মরী অসি “হিত” অমা ওইবদা ঐ হরাওই। হৌখিবা চহি ৯দা তোঙান-তোঙানবা হিরমশিংদা ঐখোয় মাইপাকপা ঙম্লে। নেপালগী অহানবা আই.সি.পি বিগঞ্জদা শেমগৎলে। ঐখোয়গী লমদম অসিগী অহানবা ঙমখৈ লান্না পুবা পেত্রোলিয়ম পাইপলাইন ভারত অমসুং নেপালগী মরক্তা শেমগৎলে। ঐখোয়গী লৈবাক্কী মরক্তা অহানবা ব্রোদ গেজ রেল লাইন শেমগৎলে। ঙমখৈ লান্না অনৌবা ত্রান্সমিসন লাইনশিং শেমগৎলে। হৌজিক ঐখোয়না নেপালদগী মৈ মেগাৱাত ৪৫০ হেন্না লৈরে। চহি ৯গী মাইপাকপশিং অসি করিগুম্বা ঐখোয়না ফোঙদোকপদা মসি নুমিৎ চুপ্পা অমা চঙগনি।

মরুপশিং,

তুংদা ঐখোয়গী মরী অসি হিত ওইনবা ঙসি প্রধান মন্ত্রী প্রাচান্দা জি অমসুং ঐ মরুওইবা ৱারেপ কয়া লৌরে। ঙসি ত্রান্সিত এ্রগ্রিমেন্ত লোইশিল্লে। নেপালগী মীয়ামগী অনৌবা রেল রুতশিং লৈরগনি, ভারতকী কংফাল মনুংগী ঈশিং লম্বীশিং শীজিন্নবগী খুদোংচাবা লৈরে।
 

মসিগা লোয়ন্না, ভারতকী রেলৱে ইন্সতিতুৎশিংদা নেপালগী রেলৱে পর্সোনেলশিং ত্রেনিং পীনবা ৱারেপ লৌরে। নোংচুপ থংবা নেপালগী লমদমগা চৎথোক-চৎশিন ফগৎহন্নবা সিরসা অমসুং ঝুলাঘাত্তা থোঙ অনি শারগনি।

ঙমখৈ লান্না দিজিতেল পেমেন্ত পাংথোক্নবা পায়খৎলিবা থবকশিং ঐখোয়না তরাম্না ওক্লে। মহৈরোয় লিশিং কয়া, লমকোয়বা অমসুং লাই খুরুম্বা মীওই লাখ কয়া অমসুং ভারত্তা অনাবা লায়য়েংবা লাকপা মীওইশিং মসিগী খুদোংচাবা ফংলগনি। আই.সি.পি অহুম শাগৎপা অসিনা শেন-থুমগী মরী হেন্না মপাঙ্গল কনখৎহল্লগনি।

পৱার সেক্তরদা মতেং পীন্নবা হৌখিবা চহিদা ঐখোয়না শিংথানিঙাই ওইবা ভিজন দোকুমেন্ত অমা চৎনরে। ঙসি লৈবাক অনিগী মরক্তা মতম কুইনা চৎনগদবা পৱার ত্রেদ এগ্রিমেন্ত অমা খুৎয়েক পীনরে। এগ্রিমেন্ত অসিগী মখাদা, লাক্লিবা চহি ১০দা নেপালদগী মৈ মেগাৱাত ১০,০০০ লৈনবা ঐখোয়না পান্দম থম্লে।
পৱার সেক্তরদা মতেং পীনবা অসিদগী ফুকোত-করনালি অমসুং লৱার অরুন হায়দ্রো ইলেক্ত্রিক প্রোজেকশিং এগ্রিমেন্তশিংনা মখা তানা মপাঙ্গল কনখৎহল্লে। মোতিহারি-অমলেখগঞ্জ পেত্রোলিয়ম পাইপলাইন অসি চিতৱান ফাওবা য়ৌহল্লগনি। নোংপোক থংবা নেপালদা সিলিগুরিদগী ঝাপা ফাওবা অনৌবা পাইপলাইন অমসু শেমগৎলগনি। চিতৱান অমসুং ঝাপাদা অনৌবা স্তোরেজ তর্মিনেলশিং শারগনি। নেপালদা হার শুংনবা প্লান্ত অমা লিংখৎনবা ঐখোয়না মতেং পীনবা হায়না য়ানরে।

মরুপশিং,

ভারত অমসুং নেপালগী মরক্তা লৈনরিবা লাইনিং অমসুং কলচরগী মরীশিং য়াম্না কুইরে অমসুং মপাঙ্গল য়াম্না কল্লি। মসিগী ফজরবা মরী অসি হেন্না মপাঙ্গল কনখৎহন্নবা রামায়ন সর্কুইতকা মরী লৈনবা প্রোজেকশিং য়াংনা লোইশিন্নবা প্রধান মন্ত্রী প্রাচান্দা অমসুং ঐনা ৱারেপ লৌরে। মসিগী ৱাখল্লোন অসিগা লোয়ন্না, ঙমখৈ নত্ত্রগা অতোপ্পা ৱাফমশিং ঐখোয়না ৱারোইশিন পুরক্কনি।

শক্নাইরবা,

প্রধান মন্ত্রী প্রাচান্দা জি, হয়েং অদোম্নবা ইন্দোর অমসুং উজ্জেনদা চৎকনি। অদোমগী উজ্জেনগী খোঙচৎ নুংঙাইগনি হায়না ঐনা থাজবা থম্লি অমসুং পসুপতিনাথদগী মহাকালেশ্বর ফাওবগী খোঙচৎ অসিদা অদোম্না স্পিরিচুএলগী নুংঙাইবা অমা ফংগনি।

অদোম ঙমখৈ লৈতনা থাগৎচরি !

*****