য়াম্না তমথিবা লাইবক থিবা থৌদোক অমা থোকখ্রে। য়াম্না খাংঙমদ্রবা অৱাবা অমা ফাওই অমসুং মসিদা রাজ্য কয়া অমগী নাগ্রিকশিংনা মসিগী খোংচৎ অসিদা করিগুম্বা অমা নত্রগা অমদি মাংজখ্রে। মসিদা লৈখিদবশিংগীদমক্তদি য়াম্না নুংঙাইতবা অমসুং থমোইনুংদা ফাওরিবা খাংঙমদ্রবা অৱাবগী মশক্নি।

অসোক-অপন নংলবা ইমুংগী মীওইশিংগীদমক্তা সরকারনা মখোয়গীদমক্তা হকচাং ফগৎলক্নবা তৌবা ঙম্বা খুদিংমক তৌগনি। লৈখিদ্রবা মরি-মতাশিং অদুবু অমুক হন্না পুরকপদি ঙম্লরোই  অদুবু সরকারনা মখোয়গী অৱাবদা শরুক য়ারি। সরকারগীদমক্তদি মসিগী লাইবক থিবা থৌদোক অসি য়াম্না হকচিন্না লৌই, মসিবু মখল খুদিমক্কী থিজিন-হুমজিনবগী থবক চত্থনবা য়াথং পীখ্রে অমসুং মসিদা মরাল লৈবা খুদিংমকপু অহকপা চৈরাক পীরগনি, মখোয়বু কৈদৌনুংদা লেম্না থারোই।

ঐহাক্না ওরিশাগী সরকারবুশু, মফম অসিগী এদমিনিস্ত্রেশনগী ওফিসিয়েল পুম্নমক্না থোক্লিবা ফিভম অসিদা মখোয়না ঙমজবা অঙম্বা শক্তি পুথোক্তুনা তৌবা য়াবা মতেং খুদিংমক পাংনবা হোৎনখি,  মফম অসিগী নগ্রিকশিংবুশু থমোই শেংনা থাগৎপা ফোংদোক্লি মরমদি মখোয়না অসিগুম্বা অৱাবগী মতম অসিদা ব্লদ দোনেশনবু ওইরো, রেক্যু ওপরেশনদআ মতেং পাংববু ওইরো, মখোয়না তৌবা ঙম্বা খুদিংমক তৌনবা হোৎনখি। মরু ওইনা মফম অসিগী নহারোলশিংনা অহিংচুপ্পা থবক তৌখি।

ঐহাক্না মফম অসিগী নগ্রিকশিংবুশু কোক নোন্দুনা ইকাইখুম্নবা উৎচরি, মরমদি মখোয়গী মতেংনা মরম ওইরগা ওপরেশন অসিবু খোংজেল য়াংনা চত্থবা ঙম্লিবনি। রেলৱেনা মখোয়গী অঙম্বা শক্তি, রেসক্যু ওপরেশনদা রিলীফকীদমক্তা এরেঞ্জমেন্ত খুদিংমক অমসুং ত্রাফিক অসিবু অথুবা মতমদা রেস্তোর তৌনবা য়ারিবমখৈ খোংজেল য়াংনা ত্রেক রেস্তোর তৌনবা, হায়রিবা পোইন্ত অহুম অসি য়েংলগা থবকশিং পাইখৎহনখ্রে।

অদুবু অসিগুম্বা অৱাবা পুংফম অসিদা ঐহাক্না ঙসি মফম অদুদা চত্তুনা পাইখৎলিবা থৌরাং পুম্নমক য়েংশিল্লগা লাক্লে। হোসপিতালশিংদশু লৈহোরিবা অশোক-অপনশিংদুগশু ঐহাক্না ৱারি শানরকই। মসিগী অৱাবা অসিবু ৱাহৈনা ফোংদোকপা ঙম্লরোই। অদুবু শেম্বীরিবা মপু মহাক্না ঐখোয় পুম্নমকপু মসিগী অৱাবা পুংফম অসিদগী য়ারিবমখৈ থুনা থোক্লকপা ঙম্নবা পাঙ্গল-থৌনা অদু পীনবীবা ওইরসনু। ঐহাক্না থাজৈ মদুদি ঐখোয়না অসিগুম্বা থৌদোক অসিদগীশু তমজনিংঙাই কয়া অমা লৈগনি অমসুং নাগ্রিকশিংদা অসোই-অঙাম য়াওহন্দবা হায়বসিনা খ্বাইদগী মরু ওইবা থমদুনা ঐখোয়গী এরেঞ্জমেন্তশিং অদু পাংথোক্কনি। অৱাবগী পুংফম অসিদা মরাইবক থিরবা ইমুং-মনুংশিংগীদমক্তা ঐখোয় ময়াম্না থৌনিরসি।

***